大冒險家餐廳

營業中

休息中

老實講，去迪士尼都去過幾十次，食佢哋嘅嘢都食過幾十次，講緊最平㗎都要百幾蚊一餐，再貴啲嗰啲就未食過，今次都係食返呢啲百零蚊一餐嘅就算！百零蚊一餐唔算平，不過已經係樂園裏面最平嘅食物😂，不過都好合理，樂園咁大，一張門票先係嗰幾百蚊，俾你玩左咁多咁多嘢，食物方面都要讚下你錢先合理，合理的！唔係幾鍾意呢間餐廳入面買飯同俾錢嗰個流程，好畸形，唔識形容，去到就會明白，是畸形的！而且餐牌唔完整，每行幾步又見到第二款餐，想睇完整餐牌？一定要去到點餐嗰度先睇到，真係唔方便。經過了20%辛苦，終於買到！整體來講都好一般，唔算難食，不過都唔係好好食。值得一題係一個印尼飯嘅餐， 好似係$159 左右，味道唔錯，又有串燒，又有雞髀，咩都有啲，價錢算係CP值最高啦，而且都食得的，算係中上口味！隔離嗰兩粒瓜冇乜味道，不過冇所謂因為佢啲飯同肉都好濃味！

𝑫𝒊𝒔𝒏𝒆𝒚 𝑨𝒔𝒊𝒂𝒏 𝑪𝒖𝒊𝒔𝒊𝒏𝒆🥘.成日有個印象就係迪士尼食野一定係又貴又唔抵食🤣但係迷離莊園隔離間餐廳 個人認為幾抵食 味道又唔差 係飽肚之選🍴.📌印尼炒飯套餐 $159炒飯份量都多 堆到成座山咁🗻炒飯炒得都幾香口 應該加咗啲蝦醬入去🤤唔會炒到好油膩👍🏻伴菜有蝦,雞髀,雞蛋,沙嗲雞肉串燒同蝦餅🤩平時喺出面食都要咁上下價錢🥰迪士尼嚟講算高質抵食 仲要好食嘅😋.📌印式牛油雞套餐 $139佢除咗有印度香飯仲有多一塊印式烤餅 完全滿足到澱粉控🤤不過個飯有啲偏鹹 炸餅就唔夠煙韌有啲淋🥺但係我幾鍾意食印度飯 口感好得意 好soft好似食緊風咁🇮🇳個牛油咖喱雞好好食‼️咖喱係偏甜唔辣嘅 有少少牛油味🧈雞肉唔算好滑 但勝在份量夠多😎.📌沙嗲雞肉串燒 $49串燒有三串😛個沙嗲牛都唔錯 雞肉都係唔算好滑 但係又未至於話好鞋🤡不過喺迪士尼絕對抵食🤑

過左5點後的大冒險家餐廳無咩人，不用排隊可以直入。坐位很多，任選五大異國特色主題用餐區，9成位置有冷氣。選擇兩款咖哩，日式唔辣，吉列雞扒大大塊啖啖肉，雞髀🍗都是多肉肉質嫩滑，配埋可愛米奇形狀甜蛋唔捨得食。印度咖哩香味撲鼻，多左香料味道顏色會鮮紅一點，但都是唔辣的，咖哩裡雞肉很多很滿足，飯量超多，天氣熱就食唔落了，只食香餅都足夠，注意香餅是量產的，也不是手工做也就不夠香口。以樂園food court 黎講可以接受，餐廳環境好多各國特色裝飾，等待展開一段美食大冒險。

入迪士尼要做足準備🐭！食物就唯有係園內消費啦，「大冒險家餐廳」主打印度、南亞、韓式同和風料理🍱，亞洲風情嘅裝修都分咗幾個區域，主要都係玩到好肚餓要食嘢，係體力補給站嘅概念🔋！媽咪仲食得勁快話要快啲去玩添~————————————————👅印尼炒飯套餐（$159）👍🏻應該係最豐富嘅套餐😋，有蝦、雞腿、雞蛋、沙嗲雞肉串同蝦片，所有配搭都好惹味👅人參燉雞湯套餐（$165）👍🏻 人蔘雞雖然細細隻，入邊都包有紅棗同埋糯米，湯底偏清淡有啲參味🥣，仲有一盒仔泡菜同一大碗白飯，相信男仔都夠飽👅韓式牛肉套餐（$155）👎🏻 韓式牛肉比較韌，份量都無另外兩份咁多🤭，相對上冇咁抵食囉，配有前菜、牛肉粉絲湯及白飯————————————————🚩總結：樂園一貫質素水準———————————————— 🌟注意：進入樂園嘅餐廳都要scan安心出行或者填e-form，你識揀邊樣啦🥸————————————————📍 大冒險家餐廳地址：大嶼山香港迪士尼樂園迷離莊園.🗺地區：#bem離島📥分類：#bem亞洲菜💰人均消費：#bem_101至200蚊

I worried about the lunch in Disneyland because some food we cannot eat due to the religion, I ask staffs for this problem and they recommended me to this restaurant. Staffs gave me a special menu that suitable for us and the food are mostly traditional to our country. Food are delicious and we finally need not worry about the meal we have in Disneyland.👍🏻

係樂園入面我覺得其中一間最好食既餐廳。不過當日實在太多人，我地下午兩點幾去到門口都要排大隊，大約等左半個鐘，安排到位置入坐，然後再排隊買餐.....最後3點幾先食到飯😅人參燉雞湯套餐👍🏻(另配泡菜)唔係每次入園都有，而且限應有限，如果見到有真係必點套餐❤️人參紅棗燉原隻雞，好足料同大份。雞肉燉得好滑，味道香但唔會過濃。白飯好大碗，驚食唔哂可以叫少飯~印尼炒飯套餐👍🏻(配蝦，雞腿，雞蛋，沙嗲雞肉串燒，蝦片)鐘意重口味就岩哂啦~ 個飯本身既香料配搭濃厚質感既沙嗲同椰奶，非常之惹味😋雞腿調味相對淡d，送炒飯同沙嗲汁就岩岩好。

Explorer's Club Restaurant@HK Disney試食指數⭐️⭐️⭐️⭐店舖衛生⭐️⭐️⭐️⭐侍應態度⭐️⭐️⭐⭐⭐((每項5⭐️為滿分)) ·3點多才入園行咗一陣就肚餓Late lunch / Early dinner園內有好多餐廳都冇開門令到外面的食物亭大排長龍我哋估係人手不足·Explorer's Club Restaurant屬自助形式餐廳但今日都安排左職員在場安排座位等候時間不長，大概10分鐘左右·我哋點了1️⃣人蔘雞湯配白飯⭐️⭐️⭐⭐/5嚟咗咁多次🤫次次都售罄今日終於試到啦🐥好味好味好好味😋完隻雞，兩條人蔘，紅棗沒有多餘嘅配料雞嫩、人蔘雞湯香濃夠熱唯一要挑剔嘅就係。。。太多飯🍚女孩子點時可以要少飯·2️⃣韓式牛肉飯⭐️⭐️⭐⭐/5牛肉汁好好味、肉嫩配上白飯加湯簡簡單單已經好好了唯一要挑剔嘅就係。。。牛肉太大塊你快少少會容易食好多·至於買一送一優惠唔係個個有今日係舊有的生日優惠有年票嘅朋友可以注意⼀下🥳

Our group had the Indian Veg Set , the Lamb Shank And the Japanese Grill Chicken.The Indian Veg set and Lamb Shank were very disappointing. The potatoes were mushy and the food generally lacked flavour and taste. The lamb shank while a large portion and cooked well however lacked seasoning and fell short of expectation.The Japanese grill chicken was actually nice and was delicious. The restaurant staff were meticulously in ensuring that seating complied with social distancing guidelines and ens

係迪士尼入面食嘢就一定貴架啦。但呢間餐廳都算多選擇，有韓國、日本、印尼菜等等。份量都可以，一定夠飽嘅。叫左印尼炒飯餐同埋韓式牛肉餐，印尼炒飯好重蝦醬味！份量都足

同朋友去迪士尼，血拼後肚餓就去左搵野食，朋友就話不如試下迷離莊園呢間大冒險家餐廳。入到入面係自助形式，攞餐盤，叫完野食，然後再去收銀機比錢，唔算多人，攞餐速度都快。我就叫左日式雜菜鍋套餐連蘋果汁（$129），完全係因為比個米奇圖案蘿蔔吸引左，都算好多餸菜，有海參、豆腐、菜、 芋絲等等，但一食落口個湯係超級鹹，搞到入面所有蔬菜都好鹹 所以真係唔係好推介大家食。而朋友叫左個兒童餐（$99）另外一支蘋果汁（$14）， 有粟米、米奇圖案嘅飯同雞髀，蘋果做飯後果，同埋朱古力泡芙，朋友最鍾意就係個泡芙，佢話個朱古力cream好濃郁，其他就不過不失啦。食飽就繼續去玩lu，我諗之後冇咩特別都唔會再食呢間餐廳。

今日一家四口入迪士尼盡情玩樂，做年票時員工提醒因孩子本月生日享有午餐買一送一優惠，此優惠需要到大冒險家餐廳兌換。＄159印尼炒飯套餐：儘量算很多，可以分兩份吃，炒飯沒有鑊氣，也不是太熱辣辣。味道有點特別具印尼風味，炒飯中有蝦和雞蛋，而且帶辣味，小孩未必吃得到。套餐還富有一隻大蝦、雞鎚、一串串燒和一塊小孩至愛的脆卜卜大蝦片。總括而言，這個套餐也算豐富。＄139 越式海鮮湯粉套餐：套餐包括魚蛋、大蝦一隻、魷魚片、青口肉、和少量豆腐卜，比較出色算是大蝦，有鮮味。湯粉是金邊粉，湯底算清淡而且不大辣味，小孩吃是合適的。另外還富有青檸和香葉，喜歡的可以加入湯麵中。買一送一算是抵吃！

入迪士尼玩，晚餐去咗大冒險家餐廳，呢個餐廳有多國菜選擇，套餐價位由$129-$169不等，$169既餐係人參燉雞湯套餐🐥黎，勁正🤩，不過因為係火箭餐廳lunch個餐真係太飽，飽到晚餐都仲飽緊，所以我同朋友都冇叫到😔我地係某app買咗個餐劵，$210就包咗午餐+晚餐+小食，午餐同晚餐係可以揀價值$130或以下既餐，貴啲既餐就補返差價，好抵！不過呢度夜晚人手有啲唔夠，得一個staff做收銀，比錢嗰時排隊排得比較耐，等極都仲未到可以放低個盆張枱，捧住個餐捧到我手都軟埋😭最後我地叫咗韓式牛肉套餐（原價$155，現補$25）同炸雞扒配雜菜炒飯套餐（原價$149，現補$19）前者有前菜有肉有湯有白飯，不過個湯就咸咗啲🤭後者都有前菜，而咖喱味比較淡，適合唔鐘意食辣既人

同朋友入park玩 呢排少人左好多 啱啱我呢d唔中意曬唔中意熱既人玩到餓想搵野食先發現因爲個park太少人 唔少餐廳都無開 所以唔想食炸雞漢堡 就要行遠少少搵食 我地去左位於迷離莊園既呢間大冒險家餐廳餐廳裝修幾特別 唔同用餐區用唔同地方命名 裡面都有唔同地方既裝飾品可能真係無乜人 我地望左一陣餐牌 經理就主動黎介紹餐牌 好好客 原來佢地十號先換左新餐牌 經過佢一輪介紹後我揀左呢個羊膝牛肉咖哩飯 呢個飯唔係餐牌上既 係佢既牛骨飯未有貨 用呢個代替住先但個羊膝好大好大舊 舊牛肉都好大粒 正常男仔都夠食羊膝好軟 好林 加埋個汁送飯真係唔錯最正係無人排隊 去邊食飯去邊玩都好方便👍🏻

每次去迪士尼玩，要食午餐都會行入d 揀迷離莊園嘅大冒險家餐廳。貪佢位多又多選擇，日，韓，所尼都有得揀。今次揀左日式的炸豬扒配雜菜炒飯套餐，有大大塊豬扒仲配了多肉的雞鎚，好多肉呀，夠我同仔仔食。咖喱汁唔辣，少少咸，大人岩食。所以我都無點俾仔仔食，另加18蚊要左碗白飯俾佢，可惜硬左少少。配菜有漬物同米奇形玉子，仔仔食得好開心呀，叉住影相。加配野飲，要左fuze tea，大大杯好夠飲，想再大杯d，可以加4蚊。

呢間餐廳雖然係self serve餐廳 但好食過大街間西餐廳好多呀 人參雞好得 就算唔中意韓國野都有其他東南亞食物 例如印尼炒飯都好唔錯 不過因為餐廳係迷離莊園個邊 所以要行入少少