大公雞 (已結業)

周日中午睡到自然醒午餐不講究隨便吃吃就好台灣之行之前來吃台灣料理希望在旅程後可以作出比較這裡中午有午市套餐供選擇點了廚師推介的香酥燒肉魯蛋飯豬排用鹽酥方式去處理豬排薄切入口酥脆有豬肉香配有高菜酸蘿蔔魯蛋等配菜加十二元可加配花枝丸一客一貫口味都是那種熟悉的味道最重要還是即點即炸特飲中點了奶蓋朱古力最近大熱的奶蓋配朱古力是第一次沒有擦出強大火花好喝就好在對香港的台灣料理沒什麼期望之下這是一頓不過不失的午餐

在台灣常常會吃到滷肉飯、鹽酥雞、炸花枝丸等小食菜式，回來香港後有時也會回憶那味道，於是就四周尋找食台灣菜的好去處。這次找到的是大公雞，可以滿足三個願望，食店位置也不算難找，裝修簡單，座位位置也相對寬敞。午市套餐配台式飲品也相當實惠，先點了杯百香果QQ，酸甜的百香果果汁，讓人胃口大開，配上富有口感的苟蒻，是解膩的首選。然後點了鹽酥雞鹵肉飯，香脆的鹽酥雞是另外捧上的，灑上調味粉後，也有幾分像台灣鹽酥雞，而一碟份量也不少。充滿五香粉味的滷肉飯，滷肉肥而不膩，每粒米飯都充斥著滷肉汁的香氣，令人難以抗拒。另外加了小食一份，花枝丸勝在即叫即炸，爽口彈牙的口感，也是不錯的選擇。

朋友早前吃晚飯時介紹我去吃大公雞，如果和弟婦來逛outlet的話，她說她和同事久不久下來大公雞買外賣回公司吃，價錢不貴，味道不賴，所以我和弟婦逛outlet前一試。弟婦最愛台南蚵仔麵線，回想之前其他店的蚵仔份量只有幾顆，大公雞卻給得大方，足足有十多顆，而且新鮮爽口。麵線幼細卻滿是濃稠的勾芡滋味，口感滑順，不用額外添加醬料。有台南蚵仔麵線，當然也有士林蚵仔煎相伴。士林蚵仔煎挺有厚度，可見它真的用料豐富，醬汁鹹甜度剛好。蚵仔煎四周煎得微微焦香，粉漿和雞蛋部份滑溜溜的，蚵仔肥美得很，吃一次足以上癮。台灣紅燒牛肉麵意外地豐盛，紅燒牛肉密佈湯麵之上，每年都煮得軟腍，不用擔心卡牙縫。麵條軟硬度恰到好處富彈性，湯頭令人驚艷，濃而不膩，十分清徹，喝起來零負擔。另外我加12元追加鹽酥雞一碟，鹽酥雞炸得金黃酥脆，內裡雞肉軟嫩，肉汁包裹其中，鹹香的椒鹽吃起別有一番風味，可口無比，果然是台灣的長青小食。仙草奶茶塊塊細滑的仙草口感細緻，滿足弟婦的咬欲，結合濃濃的奶茶，讓仙草香氣發揮淋漓盡致，又可降火，正好吃完鹽酥雞後喝一杯夏季風味新鮮水果茶都擠滿水果，蘋果，檸檬，奇異果及火龍果切得很大片，亦大大減低飽膩感，新鮮

今日出左葵興搵個friend食飯佢話而家開左Life@KCC多左好多餐廳行到1樓見到大公雞都幾吸引價錢又唔貴 就入左去試我要左鹽酥雞滷肉飯呢到全部都係用公雞碗碟夠哂特色雞同飯分開上鹽酥雞炸得香脆酥嫩滷肉飯份量十足粒粒滷肉肥瘦參半睇落顏色好吸引 食落都好香朋友既香酥燒肉飯都好吸引佢話燒肉炸得香口 唔錯加左$12要花枝丸外表鬆脆裡面彈牙台南拼盤有牛腩 牛肚 牛筋 大腸 豆腐 滷蛋樣樣都滷得好入味當中我最鐘意牛肚 夠爽口性價比極高最後飲埋奶蓋奶茶+珍珠奶蓋少少杰身 奶味香濃得黎又唔會蓋過奶茶既茶香珍珠大粒有嚼口Happy Saturday!

又到週未模型時間，所以一早同朋友出左去工作室開工砌模型及上油。去到LUNCH時間就近近地過隔離KCC開餐，早排都係食漢堡包多，今日轉口味食台灣野。呢度坐位都闊落，所以揀左窗口位曬下太陽補充維他命Ｄ。套餐都多選擇，加少少錢就有個小食及飲品，唔錯。台式半根半腩飯，牛腩唔係講笑咁大件仲要打孖上！入口好腍同入味，但唔似港式咁咁重八角味，淡口一啲配飯唔錯。牛筋就煮到膠質出晒黎極黏口，啱晒對得冷氣多嘅我。不得不讚下個腌蘿蔔，夠脆爽酸甜，可以降低返下牛腩嘅飽滯感。招牌牛肉麵。牛肉同樣好大件同入味，麵底用左較厚身嘅關廟麵所以浸耐啲都唔會發脹。湯底濃厚，但不油膩味道同台灣食過嘅有八成相似。跟餐點左鹽酥雞及皮蛋豆腐，鹽酥雞炸得乾身脆口，食落咸香惹味，幾唔錯。而皮蛋豆腐就無咩特別，算係清一清味覺都可以。奶蓋烏龍綠茶。奶蓋都做得幾杰身，唔會咁快融化入去烏龍入面。但覺得茶底本身偏甜左啲可以等啲冰再融下先飲會更好。以新開店鋪黎講算係咁，最懷舊係用上公雞碗幾有特色。

台式餐廳係香港都唔少, 呢個間名就好特別叫大公雞唔知仲以為係食雞既哈哈鹽酥雞滷肉飯鹽酥雞再加滷肉呢個極邪惡既組合, 首先要讚既係佢既鹽酥雞係同個滷肉飯係分開上既, 雞係即叫即炸, 熱辣辣好香口!! 味道都好夠, 而佢既炸粉唔算多, 所以食落去會感覺到入面既肉好嫩滑台南拼盤拼盤有牛展, 牛筋, 豬大腸, 牛肚, 滷豆腐同滷蛋, 我地只係叫左細既拼盤, 但係個份量都已經係夠到3, 4個人食架喇, 真係唔敢諗如果係叫大既話係有幾大份, 入面每一樣都已經好入味, 特別係個牛筋, 淋得黎又有咬口, 唔錯唔錯仙草奶茶去得台式餐廳點可以唔叫杯台式野飲, 呢度既野飲既選擇都幾多下, 我都係揀返我最鐘意既仙草奶茶, 跟餐都只係加12蚊, 大杯得黎又幾好味, 唔會超甜, 但係個仙草既口感一流!!

身處工業區內的商廈上班，lunch選擇確是令人頭痛。好吃的餐廳到午膳時間人人定必一窩蜂的湧至，遲一步也沒飯吃，其實都挺淒慘。隨著葵涌KCC另一邊 - Life的拓展，有不少食店進駐，選擇多了，lunch又重燃點希望。 搬家後離老公上班的KCC只是3個地鐵站之隔，於是趁午飯時間帶同小朋友找他用饍，來個午間小聚，這趟選擇吃台式小店 - 大公雞。 小店門口被隔離店鋪稍為遮蔽凹了進去，但也不算難找。裝修簡簡單單的，一邊的落地窗令店內光線充足，雖然是馬路境亦不失舒服。 午市套餐早由11:00已開始供應，有6款選擇，有飯也有麵，亦可追加小食，或升級為台式特飲；其他散叫的選擇亦不少，價錢也是由$38-68，切合台菜大眾化的便宜風格，而且不收加一費呢！ 鹽酥雞滷肉飯 $49 另上的鹽酥雞，一口的大小，炸得香脆，炸漿亦未算過厚。條粒狀的滷肉以瘦居多，滷香油潤惹味，若果份量再多點就更滿足了。 紅燒牛肉麵 $58 紅燒的湯底甘香鮮濃，牛味挺香，淡淡的不算搶喉。連脂肪的牛肉煮得腍軟，有嚼口之餘又不會過韌而且挺入味，份量亦多有4、5條。粗麵條具一定的口感，即使浸耐了亦不會糊口。 多

同朋友去KC100食午餐，發現原來開左好多新餐廳，見到呢間大公雞幾多人排，就決定試下。六人枱大概等左15分鐘，流程都算快。西門町鹽酥雞扒小腸飯: 份量都幾大，望落賣相非常吸引。雞扒好厚身，皮炸得幾好但覺得厚左少少，咬落去唔會乾但未去到好juicy既程度。如果雞扒再熱啲攞出黎就仲好味。小腸係非常好食，好濃蜜糖味，咬落去同平時既腸唔同，比較煙韌少少。值得一提係佢既飯似珍珠米咁粒粒分明，食落有咬口。午餐送杯熱柚子蜜，味道唔夠濃。食物質素幾好，價錢合理，佢既台灣腸真係一定要試！

今個星期六肥妹仔要返工，不過好彩可以放十一點半，所以就約咗同事去附近嘅一間台式餐廳食午餐。雜錦紅燒手工麵  $68呢一碗雜錦紅燒手工麵有超級多配料，有牛筋，牛肚，牛腩同大腸，配上酸菜，真係未食都已經覺得好豐富。佢嘅牛筋同牛肚煮到非常軟淋，幾乎係入口即溶，而牛腩口感結實， 比較有咬口。 佢嘅紅燒湯底做得非常出色，有一陣藥材嘅味道，麵條係屬於厚身同粗身嗰一種，非常有咬口。士林半筋半腩飯  $76呢一個半筋半腩飯係肥妹仔嘅同事叫嘅，佢嘅評語就係呢一個半筋半腩飯好好食，牛筋煮到非常軟淋，牛腩肉煮得好入味，飯粒口感分明，個醬汁亦唔錯。台灣小香腸  $32台灣嘅香腸不嬲肥妹仔我都好鍾意食。呢一個小香腸亦都冇令肥妹仔失望，外皮覺得脆口，入面就好香豬肉味，連埋蒜頭一齊食好惹味。凍奶蓋烏龍茶  $20肥妹仔我就叫咗一杯凍奶蓋烏龍茶，奶蓋有淡淡芝士味，烏龍茶就幾清甜。凍芝士奶蓋珍珠奶茶又係肥妹仔嘅至愛!佢嘅珍珠奶茶沖得不錯，珍珠煙煙靭靭。

近排屋企附近開咗一棟新嘅商場，為呢個社區嘅居民增加咗唔少嘅美食選擇，所以我都特登行咗一轉，睇下有咩好食，除咗一系列嘅連鎖餐廳之外，仲有呢間台式餐廳。因為都算係位於工廠區附近，所以星期六嘅晏晝少咗啲打工仔係到食飯，唔洗等就已經有位喇先黎係一啲小食，分別有台灣小香腸同花枝丸。台灣小香腸就緊係好食啦，仲配埋微微炒香嘅蒜片，味道特別惹味，有少少辣嘅蒜片刺激味蕾，會食到上癮~ 而花枝丸姐係墨魚丸再炸香咗，味道無咩大問題，不過由於炸過嘅關係，所以會感覺比較油膩，另外有配上泰式辣醬，都可以稍稍中和下膩感之後就有鹽酥雞魯肉飯，炸香幾脆嘅鹽酥雞粒，配上一碗魯肉飯，魯肉飯嘅味道唔會太鹹，但係肉碎同汁就得表面先有，下面嘅白飯就沾唔到肉汁，而雞粒都尚算嫩嘅，口感唔錯最後就緊係要黎番一碗台灣紅燒牛肉麵啦，其實紅燒應該會係辣嘅，不過佢就係唔辣嘅，個人幾鍾意微微粗身嘅台灣麵，少少彈牙，又可以吸收到啲湯汁，而牛肉就有淡淡牛肉香，仲唔會好韌、好難咬開咁，略厭湯底味道有少少偏鹹，但係還可以接受啦~

今晚約咗朋友去已經多年冇去嘅葵興地鐡站附近揾好嘢食，原本想去葵涌九龍貿易中心(簡稱KCC)度睇下有乜嘢食嘅。點知由葵興站E出口向KCC行過去冇幾遠就見到一個多年前還未有的一個叫live@KCC嘅小商場，向裡面一望被一些我小時候曾經擁有過嘅日本昭和時代製作的宇山娃娃吸引我走去行下，而該層竟是3/F，走到落1/F見到一間舖位門前寫住(台灣第一)4個大字的名叫［大公雞］的台式食店便進去一試如何敢稱(台灣第一)這麼利害呢！我們2人總共點了：(1) 台南滷豬手飯豬手非常入味又炆得够淋，滷汁又唔會太咸。😋(註:跟👆呢個飯有得配餐飲，而我就加$12轉了特飲：一杯凍紅豆布丁奶茶，都幾好飲，唔會太甜。👍)(2) 雜錦紅燒手工麵所謂雜錦就係牛肚、牛筋、牛腩同豬大腸4樣餸配以類似關廟麵的闊條扁平麵，一碗麵可以食到4樣餸都令人好滿足啊！整體嚟講配搭得幾好，但我覺得啲牛筋最好食。👍之後仲加咗啲小食：滷蛋、生煎包、花支丸同鹽酥雞粒😋😋以同等價錢嚟比較都算唔錯，水準OK。如果想用唔係太多錢去食一頓台式餐而食物質素及水平又可以接受嘅話，呢間都算唔錯，值得一試。😋👍

經過葵興這個半工廠區，在這裏找午飯吃看到一個KCC的新商場，內裏開了不少食肆，喜歡非連鎖店的我，看到一間台灣店，決定入去一試。午餐50多元面有一個肉燥飯跟一碟排骨再有一杯飲品，以現時物價來說不算太貴。肉燥飯味道不錯，不會太鹹，而且肉燥份量足夠不會覺得最尾吃到的只有白飯，排骨也覺得挺好，炸得鬆化，肉質也挺嫩香。另外在我的餐內加了一個鹽酥雞，十二元一個追加小食，分量相對的比較小，下次還是散叫好了，鹽酥雞肉軟又多汁，但較少，多是沒什麼肉的脆脆。另外加了一個花技餅，花技餅內裏有非常多的花技粒，味道不太夠濃。而我的跟餐飲品，我加十二元叫了奶蓋奶茶再自己加了仙草凍，味道不過不失，可能叫半糖關係感覺不夠味。台南蚵仔麵線，麵線比較散，湯底濃稠但不算過鹹，蚵仔則有點腥味。胡麻醬Ａ菜麻醬太多了吧，菜倒是很爽口。蠔油菜心將蠔油分開送上就比較好了，菜也嫩無渣。

KCC 係葵興工廠區少有嘅新商厦, 由工廈重建而成, 裏面有大量新食店、服裝店、懷舊文具店等, 今早11:00 特登嚟呢間大公鷄食臺灣牛肉拉麵, 實行早餐、午餐一齊食。店鋪裝修簡單雅潔, 對住個咁開揚既景嘆早餐, 正。好多選擇呢~~台灣红燒牛肉麵 ($62)红燒牛肉麵系大公鷄既招牌食品, 當然要試。先呷一口牛肉湯, 頭啖湯有點似牛肉肉骨茶, 除咗牛肉味, 湯底仲好似飲到藥材味, 總括而言, 湯底都係濃郁好味。大大條牛肉, 份量很多, 牛肉條滷得好腍好入味, 滷水味好香, 肉質鬆軟, 肉味濃郁, 帶少許肥的部份更顯甘香鬆化, 好味麵條微彈月亮花枝餅 ($48)呢個花枝餅以天婦羅烹調方法處理, 天婦羅漿很薄, 炸得乾身, 餡料係爽口彈牙的花枝粒及花枝滑, 除了爽彈, 還有爽鮮, 冇混入量麵粉, 真正的花枝餅夏季風味水果茶（加配+$12）無糖綠茶加上大量新鮮生果 eg 火龍果、檸檬、蘋果及提子等, 甜味主要來自生果, 啱曬夏天飲, 下火解毒之餘, 仲有豐富維他命c, 有益健康, 食完味濃牛肉麵有啲口乾, 凍飲較解渴。

今日和太太往葵興KCC 逛街, 中午我們往大公雞食台灣菜, 我們點了鹽酥雞鹵肉飯套餐配花枝丸和珍珠奶茶, 台南鹵肉飯、胡麻醬A菜、台北生煎包、士林蚵仔煎和桂圓紅棗茶。鹽酥雞鹵肉飯鹽酥雞食落熱辣辣, 食落香脆, 雞肉肉質鮮嫩, 十分惹味, 鹵肉飯食落有油花, 鹵肉肥而不膩, 飯食落軟綿, 足料美味的鹽酥雞鹵肉飯套餐；花枝丸食落味道彈牙乾身, 口感十足；珍珠奶茶茶味香濃, 珍珠甜度十足, 奶味香滑；台南鹵肉飯肉味香甜, 菜圃食落開胃, 飯味香滑；胡麻醬A菜菜食落新鮮爽口, 胡麻醬食落開胃；台北生煎包桌時熱辣辣, 台北生煎包餡食落香甜, 面包食落爽口；士林蚵仔煎醬汁辣度適中, 蛋煎得金香, 蚵仔食落新鮮彈牙, 口感醒胃；最後桂圓紅棗茶甜度適中, 桂圓紅棗食落開胃, 飲落清甜消暑。餐廳食物美味,座位舒適, 所有碗碟都有雞公碟, 好得意, 價錢合理, 食了一頓高質美味台灣菜。

假日想行葵涌廣場，之前在附近食lunch，新都會有好多選擇但多人同貴，選擇有巴士直到的life@kcc商場，當中大公雞是一個不錯的選擇。Menu 印得好色彩吸引，全部菜式價錢都經濟。點主食可另加錢的小食，份量小、多款式，好適合我們2口子食貨。$12 香口小香腸、 $12 熱騰騰脆花枝丸、$8 入味滷蛋台北麻醬雞絲撈麵 $42以後是冷麵，原來是熱食，因為太熱的關係，麵好容黏在一團，味道是不錯，好開胃，如果是微溫或者冷麵會更正。鹽酥雞滷肉飯 $49用上公雞餐具，好有懷舊特色。鹽酥雞炸的好香脆，不乾又不油膩，仍是幾juicy！滷肉飯也不錯，肉香多汁，好適合我口味。