影片
星期日, 入到大埔, 同齋妹行行街, 看看傢具. 有哂idea之後, 正直tea time, 大家唔想行, 佢就跟我去尋舊...尋少人地方, 就行到入大元邨, 訪一訪老字號.對大元的感覺, 是廣福邨那一間, 正宗大元邨大元, 倒是第一次來. 在門口, 看得出, 這裡應該比大埔中心的清靜, 起碼唔會人山人海. 但一入門口, 找了個位坐....原來是馬迷世界, 而且粗語橫飛. 莫說女仔聽不慣, 連我都聽唔慣....差點兒想走....不過, 侍應姐姐幫我們找來下午茶餐牌, 亦兩杯熱茶放下....既來之, 則安之吧!!!叫了下午茶名物, 西多士, 我再加叫一個炸脾薯條. 首先, 濃香滑俱全的奶茶, 非常正, 最好就是連凍奶茶, 齋妹一飲已經feel到, 好滑, 好重奶味. 之後, 是西多士, 金黃的西多, 是理想的佳作. 粗重的分餅功夫由我做啦.. 把西多切成9塊, 再由邊食起.....唔.......好香濃的花生醬味. 牛油亦是純牛油. 好食做得正宗的西多士, 其實不多.隨後, 便是我的炸脾.....一碟上來......是炸脾麼......是油脾再放入焗爐再焗嗎......是燒燶了......??? 是烏雞雞脾????? 為何是黑皮的.......食落....乾....係是炸什麼脾, 應該是微波爐"丁"出來的油脾, 鹵水汁"丁"到乾哂, 所以皮黑....肉汁蒸發了, 所以乾身......不多說了, 雞脾....失了分.......大家最後都係忍唔住馬迷的亂耳........反正天氣唔錯, 出公園坐, hea到5點才走......
繼續閱讀