大亨燒鵝皇

營業中

休息中

我11:27分打電話落去，本身亦唔係冇禮貌（有講唔該），但落單阿姐冇禮貌到爆，叫個早餐唔講以為得罪佢，話已經過咗鐘但早餐應該11:30完，佢就勁冇禮貌話睇吓落唔落到，就直接cut咗線。最後攞咗返嚟係計下午茶價錢，但張單明顯寫咗係11:27:55落單，如果照佢邏輯，機都顯示時間冇過就可以落到，冇可能退而求其次揀下午茶，同埋如果要跟機嘅話下午茶時間未到應該都點唔到下午茶啦？本身兩蚊我都由佢，但佢咁冇禮貌就越食越嬲所以再打落去，同一個落單阿姐聽返，知道我係要講呢件事就即刻走咗叫第二個人聽，仲要話係頭先落單嗰個xxx（聽唔到，但應該都唔係好嘢），估唔到嗌個外賣好似做錯嘢咁，之後聽嗰個阿姐都OK就問我想而家攞定下次攞，話已經記得我係邊個（心諗咩料？）但求其，叫工人落去攞返兩蚊，雖然瀨粉好食（燒鵝還好）但應該未必再食，無謂受氣

今日嚟到土瓜灣宋王臺呢一頭，我就比較少去呢一個地方嘅，雖然之前教畫都有去過附近嘅畫室附近，但嗰陣時食lunch得一個鐘都係食附近幾間泰國菜。今日我去宋王臺附近拍攝，順便睇睇仲起緊嘅啟德體育館，所以行行吓就由牛棚藝術村嗰邊過咗嚟呢一間大坑燒鵝，我叫咗一個燒鵝髀，朋友就叫咗個燻蹄雙拼飯。環境嚟講都算唔錯，而且佢都幾多人排隊喺度買緊嘢食，我覺得個燒鵝髀都份量幾足夠嘅，個奶粉湯底都有味，我哋叫咗一個凍奶茶同埋一個凍檸茶。

路過想食，望一望時間下午2點幾，未夠30分，正好大享燒鵝2點開始下午茶～ 剛巧見到36單併38雙拼，真係好抵食呀～門口見到燒鵝靚，不過我無留心睇個下午茶餐牌～ 原來另一處有燒鵝下午茶係38，但店員問食咩時，心急睇唔到，就叫左雙拼叉燒豉油雞瀨粉～ 跟一杯凍檸檬茶加3蚊，無加一，呢個價黎講都幾抵食架啦～ 雙拼叉燒豉油雞瀨粉～D燒味唔錯呀～ 湯底黎講，本人覺得比較清淡，我比較喜歡濃味一點的～ 凍檸茶檸檬都新鮮，唔係雪到無曬水那類，而個茶底如果濃小小會好D, 而我沒有叫小甜，感覺唔夠甜，如果叫小甜可能就會岩D~ 但41蚊埋單黎講都叫做合格的下午茶

我最近在這家外賣餐廳的經歷非常糟糕。店員的態度讓我感到非常失望。他們對顧客的服務實在太差了，完全沒有任何禮貌。當我走進餐廳點餐時，有一位店員根本沒有給我微笑，反而用冷漠的眼神盯著我，讓我感到非常不舒服。當我詢問菜單上的一些問題時，店員的反應非常不耐煩，語氣也很粗魯。他們似乎根本不想花時間解釋任何事情，讓我覺得自己像是一個麻煩的顧客。我原本希望能有一個愉快的用餐體驗，但卻被這樣的服務搞壞了心情。這樣的態度實在是不可接受，顧客來這裡是希望能享受到好的食物和服務，而不是受到忽視和不尊重。我不會再光顧這家餐廳，也不會推薦給我的朋友和家人。希望他們能改進服務，否則會失去很多顧客。

今晚有親戚來食飯，屋企人叫我諗定斬咩料返去加餸。本來想去甘Ⅹ訂燒鵝就算，點知排晒長龍，D呀姐又忙，冇人理之下走去第二間買。諗起好早前係士瓜灣食個一間燒味，味道還可以，所以早兩日走落就訂定燒鵝，見到油雞剛剛出爐，決定訂多兩隻油锥，今日先去攞。樓面門囗靚女姐姐應得我，仲好細心咁講，“如果冇咁早食返到去打開個蓋唔好局佢”。返到屋企好快打開晒D蓋，鵝同雞都仲熱辣辣，忍唔住偷食兩舊，鵝油好看，皮脆，油雞真係未試過咁滑，今次無買錯，下次會試下其他燒味。

最近在土瓜灣開了一間燒味店，午餐可以食完就快快休息，非常方便，當然要去試試啦。在門口看時以為這間店很細，穿過窄窄的走廊，裡面還有幾張桌子。以一間專門賣燒鵝的食店，一客燒鵝飯+凍飲$59在2023年都算是合理收費。餸和飯分開上都幾細心，剛好我就是不喜歡燒味汁送飯。我這份燒鵝賣相不錯，肉雖然不厚，但起碼不是皮包骨。燒鵝的油脂比例較多，咬一口，油香就充滿了整個口，很邪惡。燒鵝皮保持得很好，仍鬆脆，帶有煙燻的香味。這間大亨燒鵝皇雖然只是新開，但質素已經比同區的高。可值得再去。