大丼家燒烤牛丼專門店 (已結業)

門口嘅餐牌咁少選擇，通常都好食嘅 其實一樣嘅 原味燒雞肉飯 $45+$12燒帆立貝 唔係燒，應該同爭鮮一樣烚完再放燒汁元貝太細會有腥味，呢個已經好難救……+$8醬油野菜 其實係吉野家煎雞飯嘅白烚菜（連組合都一樣），無醬油味正常一碟茶記嘅碟頭飯（唔好話日式丼/大碗飯住）連飲品都差不多接近$50（部分區），都只會有白飯同你要嘅餸有啲有菜（都係快餐店貨色，雖然呢個都係），超林蛋絲應該唔會有，都有層次咁白飯嘅珍珠米真係有一粒粒米，唔會太諗但燒雞真係唔係燒雞，係煮嘅得豉油味，仲要唔滑（一般雞扒嘅滑度都無）得豉油味 +$8溫泉蛋，係幾滑 元祖燒牛肉飯$45飯、蛋同菜同上面一樣牛肉雖然分量少，但真係得有燒過，可能因為即叫即燒，所以遲過燒雞飯到牛肉微焦帶出香味，好似有少少碳味 加左杯凍檸茶$5埋單$123

Odonya Shokudo was a place boyfriend and i had not heard of. Upon looking at the menu, it seemed to be like Yoshioya, serving beef dons. We decided to give it a try.Small and cramped, you are given a menu listing the different rice bowls and all include a free dink or appropriate price add ons. Menu is in English and Chinese. You pay cash only (at the cashier when you leave) and there is no 10% service charge.Spicy Roast Chicken Rice Bowl ($48). Boyfriend chose this. It was too spicy for me but

如果喜歡食又肥又濃又份量少的牛肉飯可以一試，今日陪朋友來食下午茶，見佢新開店新打算試試，點知食左一間可能系全港最差的牛肉飯店荃灣附近好多餐廳食肆，不需要食呢度！

收工同女友食飯，發現係兆和街果邊(千色果頭)開咗間叫"大丼家"，幾多款選擇，燒豬、燒牛、燒雞、咖哩吉列，就連燒鰻魚都有！好大碗！抵食！肉質比地鐵站果間"黑野家"嘅肉碎好好多！夠厚又唔un，仲要係即叫即燒！(即係要等)開頭覺得等得太耐，食落發覺等下都值得嘅！依家有幾多餐廳仲會同你慢慢燒㗎？我叫咗咖哩吉列豬扒飯，唔算太辣(其實係我唔食得辣，但吉列豬扒又好吸引😫)，豬扒夠脆夠熱，唔厚粉，配珍珠米。女友叫咗燒雞飯，燒汁好味，雞肉幾嫩，佢都好神奇咁食咗3分2左右(雀仔肚......)，剩低嘅要我食埋(金魚肚.....)，感覺依兩款都好好食！另外，小食裡面嘅燒雞翼真係推薦！勁好食！原本想試埋燒帆立貝&燒魷魚，太飽！聽晚再試！

今日去左荃灣行街，試左呢間大丼家，係日式飯，今次試左咖哩吉列豬扒飯，好好味，豬扒係新鮮炸起，好鬆脆，而咖哩都好濃味，係我口味😋而我朋友試左燒牛肉飯，亦都好入味，好快就食完！亦追加燒魷魚，都好野味！但如果多d特色飲品，就梗好啦！例如抹茶牛奶！下次再去試下鰻魚飯，隔離枱都食到津津有味！😍

經過千色匯附近，正愁選餐廳之際（女友中日韓意泰，問極都唔諗食咩……）見到開左呢間大丼屋，Gd,試一試，無瀕撲😋仲怕會中伏，點知原來出乎意料好味😲飯燒汁同牛肉好夾，價錢又唔貴絕對值得一試再試

放工經過日日排曬隊，今日見到唔洗排隊，即管入去試一試，呢個燒牛肉飯，快餐嚟講，算喺有水準，價錢又可接受，不過等餐時間就耐少少，可能係即烤嘅関係，我等咗5-10分鈡，可能太多人関係！

我一星期食足五日大丼家，試咗五款唔同嘅丼，最正芝士牛肉飯，真係好香.咖哩炸雞飯都唔錯，佢地嘅咖哩拍得住日本嘅松屋，我見到佢地嘅歺牌，第一時間比我嘅感覺就係食緊車仔飯，係咁加小食，但係啲小食真係平，呢間嘢食Luch可以話係快靚正，但一到夜晚就太多人，五六日就要排隊.

今日收工行返屋企果陣行過千色店後面, 發現開左間新餐廳好多人排隊~ 入去試下點左個燒牛肉飯~ 諗住係吉野家果種牛肉飯...食落覺得完全唔一樣~~ 燒牛肉牛味更濃更香, 燒汁配合很不錯! 而且價錢唔算貴, 份量OK! 荃灣終於又多左一個食飯既好選擇喇~~!不過可能係新開冇耐, 飲品選擇不太多~~**可加配小食很吸引!