大丼家燒烤牛丼專門店 (已結業)

午餐時間在荃灣食，又怕多人又怕貴，又要近下個目的地，輾轉找到這間經過很多次都未食過的餐廳，見食評幾好，試下。聽日中午12點半到，直入，門口做加$1(可以有湯有前菜).店員都幾有心，有禮貌，點餐後也算很快送上$1前菜及湯，有效率。蕃茄湯是大家樂的味道，但菜真的很多，不椰菜蕃茄洋蔥，滿滿的，還可以。$49的原祖燒牛肉飯， 牛肉飯上的配菜有芝麻，菜及蛋，蔥， 已經知道是誠意之作， 吃落真係有驚喜， 薄薄的燒牛肉配上的醬汁很香，也不會靭,少少的牛肉脂肪香味，我吃到日本燒肉的味道啊！試了朋友的燒雞，細細粒，但唔乾身，都係燒得好香。單點料理都好適合下午茶來吃，是唔迫唔趕價錢合理的好選擇。

環境: 系荃灣千色店兆和街街尾, 店面唔算好大, 10至15張4人枱, 中午都多人食, 不過流動都算快, 星期六晏就都唔洗點等位.可能位置都少少隱蔽吧, 唔係太易看見.食物: 其實呢間牛肉飯店開左都有兩年了, 今次終於有機會試下. 望落去餐牌其實唔算太多選擇, 而且睇落唔算好特別, 冇乜心水之下叫左佢個招牌原祖燒牛肉飯. 一送上黎以為同吉野家差唔多, 不過食落竟然有驚喜. 牛肉加上佢個特製燒汁燒得好香, 牛肉唔會太硬, 整體黎講都算高質, 值得一試既牛肉飯.價錢: 價錢親民, 同吉野家差唔多, 上面個元祖燒牛肉飯$49, 以價錢同食物質素我覺得係超值, 絕對值得一試.

昨晚食完荃灣廣場間牛角次男坊有點未滿足，於是試試這間同樣食燒牛肉丼的小店。下午茶時段得兩枱客，店員也有點hea，感覺一般。迷你原祖燒牛肉飯+五選一小食$35，牛份量頗少，有焦香。旁邊的椰菜帶酸味，有點怪。反而雞翼即炸熱辣辣。

約會朋友晚餐，前來大丼家一試，試出美味來呢！我們兩個女孩子，點了一個芝士燒牛肉飯，一個醬油疏菜，一個蕃茄湯，一個串燒漿魚，一客支豆。個芝士燒牛肉飯一放到我們面前，已聞到陣陣的香味啦！食落去啲牛有香甜的芝士味，配牛肉吃好夾呢！配菜小食比預期細碟，味道都OK的。餐廳環境需細小，但食客都會好安靜， 感覺我們說話大聲一點也好覺的!環境咁清靜，的確好舒服! 一定會再嚟食， 試埋其他款式的食物。請耐心等候我再分享啊！

行完街唔知食乜好 就諗住睇個快飯嚟呢度食過幾次 因為位置都幾sharp係千色店後門一出既角落menu普遍都係以不同配料拼牛肉既飯例如原祖燒牛肉飯💲46香辣燒牛肉飯💲49 黑咖哩牛肉飯💲54甚至有其他食材 例如雞或海鮮等等而我嚟親都係食芝士燒牛肉飯💲53今次都唔例外😛懶得諗吖嘛而餐亦加可以+💲3配罐裝汽水/熱飲even凍飲都係+💲6絕對係抵抵抵！✔️賣相好吸引 係我最中意既芝士呀!😈一碗入面分成9塊牛肉 再係面頭舖上芝士陣陣牛肉香再配上濃濃燒過既芝士香不得之了！要大嗌：媽～好邪惡呀！！！佢啲牛好香好易入口 而且芝士仲帶有啲拉絲！不過個飯量有啲多 下次會叫佢少飯🤪呢個價錢真係冇得輸 滿分！💯好食度😋😋😋😋😋以剛才講過既價錢再配佢既質素，性價比高👍值得一嚟再嚟🤤

今日收早小小同老公來尼間大丼家食個快dinner，佢要趕住番屋企睇波尼度主打日式丼飯小食，我地都幫襯過幾次，簡簡單單都ok嘅店面細細，尚算整潔，感覺良好人流都算多，好旺場下點餐紙非常簡單易明，有飯有烏冬有拉麵，另外以優惠價追加小食，選擇繁多叉燒拉麵🍜，分量不少，有一隻糖心蛋，我最愛，拉麵爽口旦牙，湯底香濃㗎喱吉列豬扒飯，賣相吸引，㗎喱好香但唔辣的，小朋友都啱食，豬扒大大塊，好脆身，不錯章魚🐙燒，熱辣辣，新鮮燒出來的，味道亦算不錯，推介罐裝飲品只需加3蚊，唔係唔加丫嘛？！埋單$144，抵食而且快靚正，大家都來試試吧！

店舖雖然有點小，但是食物還不錯喔，約左朋友試下啲間新開既日本野，主餐大部分都唔錯，如果想要點小食，1個主餐可點3個小食，所以都幾低食，炸雞翼(小朋友好鍾意)，如果10分滿分，我比9.5分，多謝

又係星期六搵食時間，今日本來想周圍行下搵好野食，可惜天公不做美😞，係荃灣千色附近行咗一陣就十開始落大雨咁啱見到有間餐廳，係門口聞到佢啲烤牛肉味好香😋反正都唔想再係大雨下去搵其他舖頭，所以就決定試下呢間啦入到去，啲店員可能完全無笑容到有啲西面嘅感覺，坐邊到都好似玩咁點嚟點去，你唸定個客坐邊先出聲啦😠好啦，都坐低咗就試下啦叫咗個原祖燒牛肉飯，等咗一陣就有野食椰菜爽口，加咗麻油同芝麻調味，呢個拌菜幾好食到主角牛啦，有少少失望，本來唸住唔係即燒，都會係熱辣辣嘅，啲肉片係燒好咗好耐，又攤到凍嘅感覺，得返微溫，啲牛肉片都有9塊咁多嘅，師傅或者切肉機切得好薄，同打邊爐嗰啲肥牛片差無幾.....成餐飯唔係話好差嘅，不過咁嘅服務，唔會再嚟囉

今日趕時間所以打算食個快餐，見到在轉角既大丼家就應該都像快嘅就試一試生薑燒豚肉飯 $43 飯量真係多，真係大丼。豚肉薄肉，味道OK，有既有d會硬身d，但大部份都係唔會太硬。肉量都係多既，半個飯面咁多。仲配了輕微炒過椰菜同少少蛋絲。細食嘅朋友應該食唔完烤小甜薯 $9 （跟餐優惠） 有6粒 ，細細粒粒，連皮食。外皮烤得煙靳，薯肉好甜，非常好味。大阪燒 $29 見到就忍唔住叫來食。細件，大概口4吋，醬料味道正常，但餅身入面主要真係得粉，無咩配料，生菜絲都無..傷心章魚燒 $29 一船6粒，用即棄木片船裝住，幾靚。味道可以，有食到大大粒章魚。唯外皮好像魚蛋炸過咁樣，應該係燒果時落油重手（？），吃起來較脆但少少油。 加3蚊有野飲 幾大杯。 店員幾貼心，見到小朋友主動俾左碗仔。 店面比較細，所以位唔多。

上星期朋友說帶我去一間餐廳吃飯，就在荃灣，所以地方很近，這是吃一間牛丼的專門店。這裏的選擇也挺多的，除了飯之外，還有麵。而且只要叫一個飯，就可以加錢追加小食。我叫了一個黑咖喱豬扒飯，份量也不少的。豬扒也有一整天豬扒，炸得很香脆。黑咖喱味道辣的，但也不是太辣容易入口，很開胃呢，而且咖哩入面還有一些蘿蔔粒及番薯粒。這是漢堡扒黑咖喱飯，有一整塊完整的漢堡扒。漢堡扒肉很香，很像一塊肉餅似的。我們加了這個小食，這是忌廉薯餅，忌廉味很奶油很香，而且炸得很香脆。

今日係荃灣報完旅行團黎左千色corner位既呢間牛丼屋食飯🤗🤗成間餐廳唔算大 但都算整齊乾淨見到啲menu 好似啲快餐店格局 好熟悉喔🤭仲有好多日式小食大板燒呀 章魚小丸子 都是my favor經過一番掙扎 終於揀定要個黑咖啡芝士漢堡扒飯黎到見到個漢堡好似好dry咁 點知切開有驚喜😍芝士流心而且唔會太滯咬落係會有肉汁豐富左口感咖哩唔會太辛辣 口味岩岩好額外追加左燒帆立貝 yum yum 😍全場最驚喜既章魚丸子 上面的木魚碎好令人懷念 整體外脆內軟 唔會一pat面粉咁😽另外仲叫左個海鮮蕃茄湯底 勝在用料足同蕃茄味唔假🙈仲有鳥冬底係稻庭烏冬 非常彈牙🤟🏻🤟🏻下次要黎試大阪燒👍👍

今日同左班朋友黎到荃灣呢間名氣不錯嘅「大丼牛肉飯店」，裡面環境唔算寛鬆，但都坐得幾舒服呢間餐廳嘅枱面卓子都算清潔衞生！餐牌方面，可以算得上包羅萬有，各式各樣嘅牛肉飯應有盡有！仲有好多小食同飲品呀，呢度點餐「畫紙」，所以都十分方便呀！另外，都有好多特色飲料俾大家選擇！「牛肉飯」相比之下，好吃過吉x家果D！原焼貝子，香味濃郁，好新鮮！八爪魚！好美味，亦好受食喀歡迎👏🏻甜蕃暑！表面脆脆，入口亦帶著甜味！

忙到飛起諗住快快趣食個lunch, 咁就同個同事試下依間叫大丼家既日本野。我快食都有要求既，依間又煮成點呢？請睇睇…我要左個辣味燒牛肉飯，我要求好簡單：佢地講到啲牛肉咁元祖級，咁巴閉，啲牛肉唔好咁柴好唔好？但係，睇相都睇倒柴過柴皮。搽響牛肉上面嗰隻辣汁，有陣檸檬酸味，我估佢地係想做到有酸辣既感覺，但係酸辣唔係咁夾硬撈埋就係既。我對依個汁既評價係：怪味…啲飯遍少，佢重有個option俾人叫小飯，有如直接叫走飯。其實燒牛肉飯黎講，飯都係一個重點黎，佢啲飯有另外一個問題，就係啲飯太過多油喇，佢地諗住落重油會令到啲牛肉冇咁柴，但係幫唔倒不特止，反而攪到嗰舊飯仔吸左大量油。希望啲伙記認真啲，你唔認真做，啲客一樣認真唔再黎。

朋友介紹我荃灣開了一家日式快餐，話又抵又好食！終於跟成為咗佢一家快靚正嘅飯堂，講到咁，即管去試下先。六點鐘已經八成滿座。主食主要係大碗飯、烏冬、拉麵，其餘是勁多款日式小食！價錢真的好扺！樣樣只是十多元！最適合貪心多心的我，可一次過試好多不同的小食。主食叫了個叉燒拉麵、芝士燒牛肉飯。芝士牛肉飯最好食，啲芝士燒過之後有啲濃香，好和味！再加$13要了個海鮮番茄湯，幾多料，抵到爛！小食方面，叫了帆立貝及雞肉串燒，野味好食。其實我燒魷魚唔係咁少，係俾人偷食咗兩條！🤣

星期一行經千色店，發現左附近開咗一間新餐廳，就諗住夜晚同阿媽一齊去食。估唔到呢就會開間專賣日本飯嘅餐廳，而且仲有好多款式可以揀。我就諗住穩陣啲揀咗個經典牛肉飯，估唔到個份量都幾多，牛肉鋪滿晒飯面。佢係牛肉片嚟嘅，味道有啲似燒牛肉咁，好惹味！仲有埋雞蛋絲同生菜仲有洋蔥。而阿媽就叫咗咖喱炸蝦飯，同樣份量都真係幾多。咖哩有少少辣辣地，而且炸蝦炸得好脆我哋仲加左餃子，餃子係日式餃子嚟嘅，入面係豬肉同埋菜嘅餡，味道好香。我哋仲叫咗番薯仔食，味道好甜，而且質地好粉，好好食。