大丸ラーメン (已結業)

身為大角咀街坊點可以唔知道大角咀最好食嘅拉麵店😆。碗碗由日本人親自炮製，無味精兼飲得出湯頭啖啖鮮美嘅大丸拉麵店，大家行過大角咀必須試下👍🏻。特製鮮蛤海鮮豬骨拉麵($108)，雖然只有少少五粒鮮貝，但系有幾大粒大家可以睇相體會，粒粒鮮美嫩滑，加上濃郁嘅蝦湯底，系必須encore之選！黑丸醬油豚骨拉麵($88)，睇下隻蛋系新紀元"曉"系列，蛋味濃郁極致，豚肉肉質鮮嫩，配埋個無味精嘅醬油湯，真系可以飲到一滴都冇得剩😆。作為街坊雖然久仰大名但系一直都冇機會食，因為佢出面條隊長到長期令我睇唔到希望😂。今次因為疫情，有幸食到一次。店內區區幾個座位，充滿日本風味，廚師將碗麵serve上枱時仲充滿儀式感，真系好幸福💗。

大角咀地方細細但係其實有好多好野食！而且價錢又唔貴，真係可以多啲嚟捐窿捐罅搵嘢食雖然我本身唔係好鍾意食拉麵，但係見到呢間感覺上好有喺日本嗰陣落街就食到嘅拉麵嗰種感覺，所以就入咗去回味一下佢係真係日本人主理㗎！💂🏻‍♀️《蝦丸》$98本身想食辣味嘅豚骨拉麵，但係見到佢呢個蝦豚骨，感覺上會比較鮮味，所以就決定試吓。見到佢有啲櫻花蝦喺度，都幾香，以佢嘅豚肉薄切得嚟有種入口即溶嘅感覺，加上湯底非常濃郁，帶有淡淡的鮮味，而拉面都係食落比較有彈性，整體來講非常唔錯總結：呢間小店真係令我有身處日本嘅感覺，而且佢拉麵全部都係$100有找，仲可以自選面嘅粗幼度同埋油嘅多少，咁就可以根據自己嘅口味揀最適合自己嘅一碗拉麵喇頒發軍階：上將🎖🎖🎖🎖

去開大角咀做嘢，見今日比較多時間突然想去搵下有乜好嘢食，行到近奧運站附近博文街見到有一間大丸拉麵，佢門口同店內環境都好有日本feel ，冇得去旅行食嘢唯有頂住癮先，今次叫咗個蝦豚骨拉麵，食落佢地自家製豚肉唔同出面一般嘅叉燒，肉質鮮嫩唔鞋，一般食開叉燒都比較鞋，流心蛋夠入味同流心情度做得好好，湯底豚骨味濃加埋大量櫻花蝦真係一流，最緊要係湯底冇落味精，因個人對味精有少少過敏，呢次我連湯都飲晒😋，同主廚傾談時得知佢係日本人，唔怪得裝修同食物咁有日本feel ，下次要試埋其他口味先得。

依碗喺大辣、多油嘅辛丸豚肉拉麵，辣道適合一般人士，湯色非常深又有光澤的紅色，飲落較其他拉麵店嘅有多一層層次感，香料味道滲透在辣湯中，唔喺一味得嗰辣字。 麵量適中，黃色麵掛湯後賣相誘人，彈牙程度有出面食的一貫水準，配菜有海苔、蔥、木耳絲及半隻半熟蛋，半熟蛋蛋心流質感還好，口感仍是嫩滑，木耳絲咬有嗦、嗦聲非常滋味，海苔亦脆口 豚肉一端上嚟賣相粉嫩，有花紋，睇起來吸引。切片偏薄同細，口感還是可口。 整體嚟講還是滿足，因為整個味道都好好，而且依間設有嘅任裝茶水，是麥茶沖的，食完飲一杯亦是享受！

太耐無去日本，相信大家都好掛住日本🇯🇵既美食，我都唔例外，而其中一樣想即刻衝去食就係拉麵。聽聞哩一間拉麵🍜由日本人主理，好似好正宗咁，一於試試去。佢既選擇唔算多，只有四款，而當日係無期間限定既拉麵提供。點完單後好快就由日籍大廚遞上熱辣辣既拉麵。醬油豚骨拉麵(粗麵) $88佢既湯頭睇落就好濃郁，但飲落去係淡淡醬油味，醬油味入面有啲類似鰹魚乾🐟既海鮮味比較出眾，豚骨底🐷既味就完全被遮掩。睇返簡介，原來佢用左熊本產🐻熟成醬油同日本產乾貝再製成湯底，唔怪得乾貝味咁重。麵質方面，粗麵煙韌有咬口，我幾鐘意。叉燒🍖薄薄三片，都好軟熟，有少少豬騷味，而我比較鐘意厚身叉燒多啲。隻蛋用左新紀元曉🥚，流心效果做得一流，但醃得唔夠無咩醬油味，哩到扣返啲分。激辛豚骨拉麵(幼麵) $88湯底揀左中辛🌶，飲落都幾辣但隻辣味無咩層次，偏向死辣，同樣遮蓋左本身豚骨底🐷既味。幼麵都煮得岩岩好，仲好有彈性，相對地掛湯。而叉燒同蛋🥚就同醬油豚骨個碗大致上一樣。

大角咀其實都有好幾間可以食日本拉麵嘅餐廳🍴係啲冰凍嘅日子食碗熱辣辣嘅拉麵就最啱啦中午時間都等咗一陣店內嘅座位唔算多聽聞呢間係正宗日本人做嘅拉麵同埋唔添加味精👍揀咗佢最出名嘅其中兩款分別係黑丸HKD 88同蝦丸 HKD 98點餐紙可以揀面嘅粗幼度兩者口感都唔同，粗麵感覺彈牙啲我揀咗小油，湯頭飲落去都好舒服流心蛋做得好出色嗰兩片薄薄嘅肉口感幾嫩滑另外叫咗款關西口味嘅餃子HKD 35餃子冇乜特別只係上面放咗好多木魚碎水可以自助斟整體不錯👍

大丸ラーメン地址：大角咀博文街22號地下B舖作為日本控嘅我，發現到呢間@ramendaimaru 由日本人開嘅拉麵小店💕，今晚嚟到就決定試試佢😈 滿足下自己先。蝦豚骨拉麵 🦐 $98 拉麵上面鋪滿櫻花蝦已經好吸精，再加上以蝦和豬骨熬製嘅湯底，真係好濃稠同充滿蝦香味，而且同平時啲拉麵店一樣都係有得揀粗麵或者幼麵。拉麵麵質厚實好有麥香味好彈牙；薄切豚肉，肉質鮮嫩，入口幾淋，真係好好食，好食到我一口接一口，越食越肚餓，食到殊殊聲，完全停唔到口。#nicefoodie大角咀

又係因為在網上有網友推薦呢間拉麵店，咁就來左吃拉麵！入到去又係有返鄉下嘅感覺。店鋪坐位真係唔多，要等一等位咁。都唔緊要食好野係要等係基本原則。到我地入坐時都係坐吧枱咁形式，面向廚師煮麵既位置，呢種方式絕對係信心既表現，廚師點煮？比咩你食一目了然，我叫左碗蝦丸麵，好濃郁既蝦味配上日本拉麵，成個組合係絕配，之後可以加湯或加麵，可以話係一件開心事。呢碗麵麵質彈牙，最開心係個湯好有心機，加上糖心蛋、叉燒、香蔥咁，整個感覺真係享受來嫁！日本拉麵控啊！一定要來試試嫁！✅✅✅😍😍😍

自從我見到我朋友嗰張貝丸嘅相之後，我就一直同我男朋友都好想食😗😗。之前有諗過去食，打咗電話佢問仲有冇貝丸，但已經賣晒。我同男朋友就決定係佢一開舖嗰陣就去食，所以我終於食到！🥸🥸🥳------------------------------我哋都嗌咗貝丸，我湯底揀咗蝦湯，以我男朋友就揀咗醬油湯。我覺得蝦湯個湯底唔算太濃，食完唔會好滯。而啲蜆一啲沙都冇，同埋都幾大隻。而肉方面都幾好食，好嫩。而我覺得最出色嘅係糖心蛋😋😋超入味，超流心，依家諗返起都好想再食🤧🤧！而我自己覺得蝦湯比起醬油湯更加好食😋😋。------------------------------睇返啲相已經想再去食🥸🥸🤧。

有時路過都見到好多人排隊既拉麵店，難得閒日放假趁佢開門黎試試佢。 ----*🦐蝦丸(蝦豬骨湯底)$98 ⭐️(8/10)----*🥟關西風味餃子$35 ⭐️(9/10)----*🥟青蔥沙律醬風味餃子$35 ⭐️(8/10)拉麵蝦豬骨湯底濃郁 粗身拉麵好掛湯汁，味付玉子流心好吃☺️想不到餃子是驚喜之作，兩種風味的餃子都很滋味，一邊煎得香脆另一邊保留了軟滑的餃子皮和內餡，非常滿足的一餐୧⃛(๑⃙⃘◡̈︎๑⃙⃘)୨⃛食緊既時候 門外已經有人開始排隊 真係超好生意 🙈 餐廳仲有集點卡 可以儲埋儲埋換拉麵 😝

由開張開始幫襯，以前好好食，最鍾意食佢個蝦丸，真係好香好濃，比其他既拉麵店做得更好。其他既拉麵都好好味，真係有日本既風味。隔左一排無去，今日去食，本身想試下個新既貝丸，但賣哂，咁食哂最鍾意既蝦丸，點知比以前差左好多，個蝦丸都係好味既，但越食越口渴，食完碗麵飲左3杯水。仲有，以前啲餃子好脆好香，今次又油又軟，唔好食，仲要漏左單，我今日去唔算多人。希望佢地會改善，曾經好味既鋪頭，比以前差左我都覺得好可惜，我會再去既。

📍大丸拉麵 - 大角咀-呢個舖頭係由一對日港夫妻開設 係大角咀頗有名氣 次次經過門面都見到有人龍 係區內幾受歡迎下！題外話：男店主幾靚仔😙座位仲可以對住廚房見到佢下廚！女店主都好nice好有禮貌 🥰-🔸蝦丸 - 蝦豚骨拉麵 ($98)湯底係好重蝦味既豚骨湯～聽講係由店主用大量豬骨熬製十個鐘而成架！湯底落左蝦油同蝦膏調味 上面灑滿大量櫻花蝦 蝦香十足🤩但呢碗湯對比起出面既拉麵 就相對上冇咁重口味 比較清淡 冇咁油膩 食多左都唔會令人覺得好口渴☺️配料仲有叉燒 木耳 筍絲 溏心蛋 蔥花最有驚喜既係塊薄切叉燒 肉質好軟腍 超級嫩滑 一啲都唔嚡口👍🏻 令人一啖又一啖都食到停唔到口！另外想讚一讚餐廳一個細心舉動 就係會預熱左隻拉麵碗先上碟 所以碗麵食到最後都唔會凍晒 好貼心！

好味嘅拉麵，要排隊等食，係值得既！香港有好多拉麵店，但好味就唔多。今次俾我搵到呢間拉麵店，由日本人煮拉麵，我覺得真係好味。拉麵店細細間，充滿日本色彩。坐位得幾個，圍住廚房坐。其實我好鍾意邊食拉麵，邊睇煮拉麵，感覺會特別好食。拉麵款式都係得幾款，貴精不貴多。今次選左蝦丸同黑丸，兩個我都覺得好好味。不論係個麵，豚肉，半熟蛋，定係其他配菜，都好好味呀！仲有仲有一定要飲埋佢個湯底，食完好滿足。下次再黎食埋其他丸

經朋友介紹星期六去左食晚餐，為左唔好排禁長隊6點幾就到左。雖然都係要排左廿幾分鐘隊，不過好彩依D時間係花得非常之值得！入再去地方冇想像中細，座位雖窄但凳底有收納籃放野都叫唔錯。我叫左期間限定嘅「貝丸」海鮮拉麵蝦湯底，好快就上左桌。D蜆唔少仲要好大隻好新鮮鮮甜，叉燒比得一D都唔孤寒，配埋原隻糖心蛋真係見倒都高興。蝦味湯底係食過禁多拉麵湯底黎講最好味。令人一試難忘，希望海鮮版可以長做長有。雖然坐得唔耐因為實在太多人排隊，不過都係非常值得去試！

A small ramen place run by a Japanese/hkger couple, they serve a few different soup bases and all were delicious!!Ramen with shrimp/pork brothThis ramen has a rich shrimp broth and a generous amount of sakura ebi on it, matches perfectly with the thick noodles! Flavored egg has an intense smoky scent plus a runny yolkDefinitely one of my faves in hk! 🍜ramen with clamsThis one is a special edition which is served with clams! Can choose salt/soy sauce/shrimp soup base, the clams definitely added s