大中華素食

營業中

休息中

Yesterday was quite a handful, so we were in a “quickie” mood. We grabbed some takeaway. We selected the lunch sets, first one was fried rice with ginger, millet and celery. It’s a very pleasant surprise, the rice mingled very well with veggies. Deliciously chewy, its aroma and moisture made us drool. This is the best dish among three. One fun way to eat it is adding nuts to the rice. A handful of nuts (30 grams) is very good for your health.The next is a set which you can choose two out of thre

平時都冇咩食素菜所以對佢都冇咩好感今晚d野仲有少少伏講左d okay先啦個海鮮烏冬同鹹魚炒飯其實唔差雖然都係假海鮮同假鹹魚但係唔係真係好假個味道都扮得好似個燒腩仔就真係大伏,竟然想扮到連肥高都有唔知做咩唔整知甜既肥高比我個假腩肉又奇奇怪怪成味餸又甜又咸, 唔係太好整體成晚都係一般般始終唔係太喜歡素食

大中華D食物普遍都幾貴,一碟少少地都要40蚊以上,不過星期一至五都有個set lunch A,B,C,通常A,B會系飯類,C就系炒粉面,30蚊又有飯/面,又有令湯,真系五錯架!圖中系當日既set lunch C 車仔炒面,D料好足,五會好油膩,正,好岩上班一族食,不過男仔可能會五夠食......而果湯都幾清甜,五會太過多糖,試到甜系來自蔬菜既,好正斗~

剛在伊利沙伯醫院做完產檢，本打算吃得清一點，試試附近在內街的素食餐館。入到餐廳，只有一名員工招呼，可能因為約中午11點多的關係，其他員工都已外出用膳。那位員工的態度真的比較差，不太願意招呼客人。午餐點了老公至愛的琵琶豆腐及勝瓜雲耳磨菇炒百合，一碗白飯及一碗糙米飯。琵琶豆腐味道有點像臭豆腐的味道，伴碟的西蘭花偏硬；而勝瓜雲耳磨菇炒百合的磨菇已變味；糙米飯則偏硬。我真的不會推介比年紀稍長的親戚朋友，偏硬的食物他們肯定吃不下。

放工之後來吃少少東西 。過了半價的下午茶時段，只好看看有些什麼平平地的吃吃，過下口癮便算。樣樣都是幾十元的大菜，找遍餐牌終於給我找到一道名字頗為富玩味的三娘餃子（$48）。呀差點忘了原來這裏是有收茶芥加一的，那茶是玄米茶還不錯，還「附送」一兜沙律醬小蕃茄，好使餃子未上來之前先吃一點開開胃。那個餃子呢分量也不少，一盤有十隻，伴以醋汁食用。裡面的餡料有各式的蔬菜和豆腐，味道都不算差，但與市面一般中式齋鋪的食物一樣，吃完感覺還是滿口味精的。埋單60多元，真是無下次了。

其實一直以來我都是一個肉食愛好者, 喜歡大大件的燒牛肉吃個肚臍凸出; 又是遠吃化口油甘的燒燉豬腩; 甚至炭燒蜜香的風鱔叉燒, 我都無一抗拒, 通通去無全清。可是可能人都開始大了 (不單年紀, 還有肚腩), 所以偶爾也想選擇食素。一來間中素一下, 有助腸胃; 二來我覺素的氣氛令人心境平和, 無容乃大, 多了一份包容氣度, 減低不必要的戾氣。這天與親愛的友人在街上走走吃, 走到街上找食, 我永遠都顯得優柔寡斷。因為我喜歡試不同的餐廳, 但又總拿不定主意, 而又總覺得很多餐廳不合心水, 所以通常也會在街上消耗很久。這次忽然想起吃素, 可以說是心血來潮。就在這一剎, 忽然想起了這家之前幫襯過的素菜店。之前因有朋友喜歡吃素, 介紹一起來這裡食飯, 當晚感覺十分良好, 所以這次到來心中已略略有數。餐廳精於製作不同款式的素菜, 而且造功精美仔細, 賣相仿照真的肉類菜式而做, 感覺也十分相像。剎眼看餐廳餐牌, 還以為去錯了平常小菜館, 煎炒煮炸, 素菜燉肉的名字都有。最後選擇與親愛的友人一飯, 兩菜, 一湯, 吃畢全餐。小菜上桌之前, 前菜來了一碟東西, 口感似蓮子但外形比之細粒一點, 中間無芯。實肉

星期日媽咪生日, 在11月頭已經預早訂位, 我訂了9位並通知了有小朋友，侍應說沒有問題, 隔一星期我再致電查詢可否留旦糕，當時侍應說當晚要2個鐘頭後交枱, 我回答她我有小朋友, 未必可以咁快交枱,她說有需要就要交。當日7:00晚上去到, 鋪頭上仍然好多吉位, 直到我埋單9:30仍然未FULL，我覺得可能是例行公事,必定要講交枱時間。講回食物, 我覺得只有餃子, 面包焗飯好食, 其餘的都很普通，比較差的是脆鱔，是淋的, 不是脆，南瓜煲太稀。服務方面, 我們9個人, 早時來了4位, 打算叫侍應開多壺茶, 她回答要等齊人先開給我，真的俾佢吹脹。

每到初一, 十五都會抽時間陪女朋友食素, 而食過九龍咁多間齋舖, 最喜歡就係大中華, 年紀大了, 不再像以前餐餐肉, 間中吃素, 感覺好像健康點, 講老實, 真正的齋菜我又不太喜歡, 反而現時這些FUSION 素菜式就合我口味, 滿足到我質感, 味道上要求, 同時亦不乏健康.有朋友說你食這些什麼仿豬扒, 仿大腸, 倒不如吃真的! "老友, 有額至得GA! 仲後生咩? 鬼唔知真GE好食咩!"呢日剛好舊曆十五, 我, 女朋友同友人一行8人訂了枱, 因為女友經常到此店, 而其它朋友亦未試過.所以全程由她來發板:餐前必點之選, 陳醋木耳真的非常醒胃, 完全為之後的一輪菜式打開序幕!  跟外面茶餐廳吃的沒倆樣, 有些不同的是較少油乾身!外表好清新好吸引, 一道頗考手工菜或. 味道亦不錯, 簿簿粉皮包著很多不同的南瓜, 翠玉瓜, 木耳及一些素件, 再以青瓜片做底及加上芡汁. 非常清新!極力握介, 蕃茄鮮甜, 內有雞脾菇粟米再以沙律鋪面焗, 再灑上紫菜碎, PERFECT!很好吃的芥末骨, 大豆纖維弄得像咕嚕豬肉般, 究竟為什麼大豆纖維可以化成這麼多不同的肉食味道, 有趣神奇!食咁多不同的素食, 這

路過佐敦，見這間吃新式素食的，於是入去一試。正值下午六時，甫入門口見很多枱都留了位，我們數人沒有訂位，侍應告訴我們限吃個半小時，心想個半小時已足夠，我們當然沒有問題。看餐牌亦算清楚，推介食物有圖片，於是點了數味菜式。茶介沒有選擇，茶看上去似綠茶，喝下去有點米味，打開茶壺看看，內有乾坤，有個金屬隔篩的物體，又幾特別。  不消十分鐘，「日式雜錦炒烏冬」及「雙色魚刺身」一齊上枱。前者與一般的炒烏冬頗相似，此類菜式是較難有驚喜的，特別的是那隻碟成窩型，一邊高一邊低的，很似一張吧椅，味道可以。 至於「雙色魚刺身」賣相是相當吸引，有檸檬及醬汁相伴，我最愛是那種青菜，有種青新的感覺。刺身是涼吃，質感較爽，味道不濃；但我落得太多檸汁，反而破壞了刺身的味道，清吃應會更好。  再等了十五至二十分鐘，「百福海參煲」及「東坡肉」終於上枱。「海參煲」似一般的雜錦煲，卻沒真正海參煲的「重口味」，雖沒太大特色，但卻合清淡的原則。那個「東坡肉」賣相一流，廚師將之切成三乘三共九格之東坡肉，配上用叉去拮，又幾周到。東坡肉有三件西蘭花伴碟，肉身分上下兩層，口感質料都不同，上層似燒肉，下層似麫根，味道配合得很好，我給這味菜很

最曉食通常在吃素日子都會躲在家自行煮菜便了事。但今天適逢初一，男友又想相約。難得他又不介意陪我吃素菜，便到此一試。叫了兩道菜。第一碟沒有拍照。是一碗麵食，粗麵上鋪有粟米，芽菜，炸魚塊的。味道不會差，尤喜歡其魚的質感與味道。有海苔圍邊，所以有那種魚的味覺。另一道菜，是白汁雞皇麵包飯(?)，不太記得名字了…最曉食之所以對這麵包飯十分有興趣，其實是因為想試試鹹味，而又高高厚厚的麵包堡。幸好當初叫麵食時有想過這碟菜份量應該非小。故只點多一碗麵食。果然，菜上桌的一刻，真令我倆有點嘩然。外表十分吸引。菜放在四角，有點綴的作用。令雪白色的堡壘有青草相伴。麵包堡的表面鋪滿哄得金黃的芝士。我倆的口水已不自覺流。麵包厚厚的。用刀一切，內裡的煙接著湧出來。內裡的飯，像是用星洲炒飯的味道。而鋪面的又像是蟹柳味的海鮮齊。表面的芝士份量也算多，而且烘得剛剛好。整個麵包飯外表高高的，份量也很大。兩個人吃實是有點吃力，要出盡九牛二虎之力才完成。但味道真的不錯，最曉食建議多人點會較好。

其中一位朋友要食素, 諗起哩間有新式素食, 就決定訂位試下打電話BOOK枱時梗係問定有咩要留定先有得食, 店員介紹椰青盅湯(個名唔太記得),$38一個, 我諗住可能好細個, 洗唔洗一人一個, 但又怕唔好飲, 最後留左2個(我地4個人) 好采只係留2個, 4個人每人都可以飲2細碗, 不出黎已經好香椰子味, 味道好清香, 因為冇肉始終唔會話好甜, 但我地都好鍾意係門口見到張相好似好吸引, 係用菇整既, 但唔係太覺得有陳皮味哩個三色椒裡面有苦瓜, 我本身唔係太鍾意食, 但都食到, 佢冇出面XO醬炒果D咁野味, 可能始終食慣有D肉味個樣我以為係茄子, 一入口勁似食緊魚, 個汁酸甜適中可以叫碗白飯送都得味道似玉子豆腐, 加蔥煎香外層, 又香又滑最後講下哩杯茶, 應該係玄米茶, 襯熱飲好香架, 不過個茶壺設計真係差D, 好易倒到成枱都係, 就算好小心都會倒瀉每款食物都感覺好用心, 唔係食素既人都可以一試

一個月總有2-3次到來午餐, 因為是一個價值 $34套餐, 有茶、湯及一個飯/粉/麵, 食完一定滿意及飽肚, 最緊要是健康。茶: 總之是好味及有茶味的綠茶。冬瓜紅蘿白湯: 好清不太咸, 每次都有料, 但還是喜歡飲他的猴頭菇湯, 可惜這天遇不到。海鮮炒烏冬: 有仿蝦, 蟹柳, 仿真度極似, 烏冬入味, 色香味俱全。近來連午餐都好多人, $34 真的抵食, 份量不少, 又不會趕客。

平時午餐的$34特價套餐連湯連茶已經覺得好抵食, 今次帶班對食有所要求的朋友試試, 起初聽話食齋加地點已經唔吸引, 最後都係來試試, 結果是:選口不絶 !! 當中有孕婦、小朋友, 個個都接受:淮山粟米粥:平時粟米粥就食得多, 加淮山真係秘一次食, 一大窩來到陣陣飄香, 准山可見一塊塊, 但放入口有即溶感覺, 真係好奇妙, 第一道菜已經吸引住各朋友。棒棒芝麻雞: 一條條滿是芝麻, 小朋友已急不及待,熱哄哄, 食落去有少許雞味, 口感好似, 但不及芝麻香蓋過, 雖然是炸的, 但不油膩, 朋友開始研究。中華豆腐: 不是普通豆腐, 而是用雞蛋整的豆腐, 外觀是一個方塊, 面是豆腐層, 內是雞蛋香味, 第一個感覺反是有益健康, 附以一條條青菜, 食完炸嘢再食返蒸餸, 又是另一風味,這個餸不是易做的。酸甜魚塊: 朋友問:係唔係真係魚呀 ?有魚的鯹味, 仲有魚的口感, 酸酸甜甜好合大家胃口, 去到這裡, 朋友話: 這裡的餸真係魚有魚味, 雞有雞味 "炸春卷: 一般齋舖最普通, 但這裡應是即叫即炸, 論顏食不是千年油, 內裡材料豐富包括木耳絲, 配合簡單的生菜, 脆口。馬來金不換炒飯: 少少酸甜, 菜

同事順利申請做公務員，自然要食餐飯去慶祝，也是為他送行，在選定了日子後發現正好是農曆十五，有同事需要吃齋，因此很難得地食齋菜，嚐一嚐新事物。不過口裡說吃齋，身體很誠實，在選這間店時已經知道不是那種青菜白飯的齋菜，是新派可以"大魚大肉"那種，畢竟我們都是齋口不齋心的食肉獸。在門外等安排入座時看一下菜單，媽呀我是去了大排檔嗎?都是葷菜來的。結果我們點的幾乎都是"肉類"，但仍然自我感覺良好。點潮式鵝片時店員說我們人多需要點兩份，所以是雙倍的。鵝片帶粉紅色，外皮是潮州滷水顏色，咬下去帶點煙韌倒是有點像鴨胸，不特別好吃但算是穩陣派。生炒芥末骨用了黃芥末來烹調，佛堂齋菜的話大概不會有這調味，芥辣也要歸納為辛類吧。雖說是生炒骨，但沒有把骨頭也像真出來，所以應該像咕嚕肉多一點。用了黃芥末味道自然帶點辛，不過是香多於辣的，齋肉的咬口跟豬肉真的一樣，有點像豬展肉，配以黃芥辣實在不錯。薑蓉翡翠苗是全晚最像齋菜的齋菜了，就算知道一路吃的都是齋，心理上不吃正式的蔬菜還是有種罪惡感。豆苗很多時在沙律吧吃到，所以對我來說炒不炒其實沒所謂，是晚幾道菜都有菜苗伴碟也都夾來吃，當然炒過的會更香更有鑊氣，未炒的始終帶一點草

好耐好耐以前呢間大中華素食係叫大自然素食，自從改左名之後都冇幫襯過啦！見諗唔到食咩，就入去試下啦。本來想叫猴頭菇，但比佢個咖哩南瓜牛肉煲吸引左，咁就叫佢一個Set Lunch A 同咖哩南瓜牛肉煲。冬瓜紅蘿蔔湯，好淡冇咩味，個茄子鮮竹粒飯有小小油，但味道都唔錯。入面有茄子豆腐同麵筋，之後就係咖哩南瓜牛肉煲，牛肉？牛肉？牛肉？唔係素食咩？點解會有牛肉？！食落去真係好似牛肉啊！我係咁問媽仔，真係唔係牛肉咩？真係咩？但真係好似啊！我真係以為自己食緊牛肉！媽仔話可能係係菇類。個咖哩汁都幾好味，D南瓜都OK！呢個用黎送飯幾一流。其實佢個MEUN都仲有好多野幾吸引，但係2個人得2個肚，哈哈哈。就留返下一次啦！