大中華素食

營業中

休息中

鴨胸焗四蔬是個我們家常常點的菜式：面頭的芝士很香，有五片“鴨胸”，下面還有西蘭花、薯仔、椰菜等蔬菜，很豐富。腰果爽肉煲是我的至愛 腰果醬汁非常香口，“爽肉”很有嚼勁，而且像真度十分高，很惹味。配料還有茄子和蘑菇，都煮得腍。這個“牛肉”配蔬菜顏色漂亮，上面也有芝士，下面的西蘭花加了紅燈籠椒粒。“牛肉”應該是用麵筋造的，有點韌，挺像牛肉。石鍋豆腐裡面有很多材料，除了豆腐，還有“魚柳”（我很喜歡吃這“魚柳”，有紫菜扮魚皮）、紅椒、青椒、番茄、雲耳等，色彩很吸引，味道也因為番茄等蔬菜而更鮮味。這裡是吃仿肉齋菜好地方 而且送糖水，令一餐更完滿。

有時食得太多肉食，都想食下素食平衡一下，因為對健康好呀嗎，所以上星期我同幾個朋就去左白加士街嘅“大中華素食”。琵琶豆腐，炸得外脆內軟，非常香口，而西蘭花亦好爽甜，唔錯水晶石榴球，外型有D似粉果，晶瑩通透，裡面有蘿蔔粒，青豆，口感非常葡汁焗四蔬，葡汁味覺，配以時令蔬菜，好爽口，又唔會太單調，都幾有創意。原來宜家素菜已經好多原化，款式新顈且有創意，一改傳統素食感覺，所以值得推介

好既野食緊係要同大家分享，今次黎到佐敦一定要搵到好野食，一講到佐敦應該好多人諗起澳牛，食得多都厭啦，今次搵到間素菜餐廳試下新野，間野叫做大中華素食，首先講下環境，坐得好舒服，唔會好迫，間野都好乾淨。介紹下我果日食咩野先，首先整碗竹笙翅，然後叫個葡汁素鴨，再黎水晶球。呢個就係竹笙翅，都好足料，有竹笙、菌類、木耳等等。好似食緊冇肉既碗仔翅。葡汁素鴨，朋友太餓關係，畢起時候比我影埋佢隻手，炸得好脆，唔會滿口油。葡汁好香呢個係水晶球，入面都係爽脆料，口感唔錯，食落似酒樓叫菜苗餃之類餐廳入面仲有呢d野叫，全部都係素我果日入黎好彩係下午茶時間所以有半價優惠，至於幾時完，我就唔清楚。想試就最好下午茶黎啦

我從來唔食齋，覺得齋好難食，又冇味又唔知自己食緊咩，所以好抗拒。今次比個朋友縱容之下就破例食一次就下佢，睇下有咩咁好食。今次叫左兩個餸加兩個白飯。叫左個葡汁五寶鴨，另一個係水晶石榴球。食完之後對素食睇法有改變。呢到環境好闊落，坐得好舒服

第一次黎食完先發現下午茶半價，今次第二次黎咁岩2點幾睇下呢間野下午茶優惠，結果仲未完，緊係入去幫襯一下，試下其他茶式。今次叫左三樣野第一樣：竹笙四喜翅、第二樣：琵琶豆腐、第三樣：葡汁五寶鴨。之前試過佢地羹都唔錯，試下其他，好彩都唔錯

今日在佐敦附近做野，之前聽朋友介紹過話呢間大中華素女幾好味，於是一個人走入去試味睇下有咩料到我就叫左兩個菜一個叫葡汁焗四蔬，另一個叫做琵琶豆腐。呢個叫做葡汁焗四蔬，幾惹味，有蕃茄、洋蔥、西蘭花等...個汁做得幾好呢個係琵琶豆腐，師傅做得好，汁另上，上果時唔會咁快林哂，幾好味，外脆內軟

哩度有味餸最吸引我~猴頭菇 - 原本係有黑椒，同枱有人怕辣 所以走黑椒，但仍然炒得惹味玉子豆腐素魚崧 - 啲玉子豆腐應該炸過，有一面好似chi住啲九菜之類，好滑；素魚崧就係啲預製組件，濃味；整體幾得意紫菜鵝肝卷 - 哩個就係我至愛，外面粉漿炸得鬆化，裏面糊糊的夾雜住啲菇嘅絲，夠晒香口後記：多數餸菜都頗濃味

近期素食都幾流行，早排新聞講有個男仔食素為主，配合訓練，變成一個大隻仔。所以我同朋友試下三個月食素睇下身體有咩變化。咁岩在附近做完健身，肚餓即刻開openrice，睇下邊到有齋食，然後搵到呢間大中華素食，呢到好多選擇，唔係得傳統素菜。餐廳座位好舒適，環境乾淨，服務員態度很好。羊肉串燒，串燒應該用豆類製，點個汁好惹味，完全唔覺食羊肉芥末生炒骨，食落好脆，有酸酸甜甜，不過唔會攻鼻藜麥麵線炸蝦，第一口咬落去好似食春卷，外面用麵線包住素蝦

山長水遠入黎佐敦探朋友，拎旅行手信比佢，順便同佢食個飯，我朋友係素食者，所以佢就帶我黎呢間大中華素食，佢話呢間野好好食同埋有d素食幾特別。我一坐底就即刻望下餐牌睇下有幾特別。例如串燒，焗飯。餐廳入面環境唔錯，坐得好舒服。待應幾有禮貌。食完先知原來下午茶有半價優惠，想試既話下午菜會抵食

我成日以為食素得果D 咩甜酸齋同炸芋頭魚，所以好少去素菜館。當我同我媽經過呢間餐廳係門口睇下入面食客食緊咩野，發現好多新派素食，即管入去試下，發現又幾好食，改變左我對食素睇法。下次會再黎。

我好少食素，因為我好鐘意食肉，無肉不歡😂，今日心血來潮想試下食素，一支公又諗唔到食咩好，咁岩又係佐敦買完野，咁岩經過大中華素食，望下佢d餐牌，餐廳好多新派素食。於是入去即管試下好唔好食，又唔差。我仲覺得特別

這家素食店, 是之前在佐敦覆診時發現, 看到午市套餐的價格在$40左右, 味道又不錯. 今天經過便想再進去吃個素食午餐. 在門外看到價格與去年相比沒有加價. 餐牌則略有變化, 之前是3個套餐3選1, 現在是3餸選2, 相對更吸引了. 坐下後, 一如既往, 逢上香茶一壺自行添飲, 雖是茶包但感覺貼心. 兩餸外, 尚有一些青菜及一碗素湯, 相當豐盛. 素湯的味道清甜無味精. 豆腐調味不錯, 份量又多. 涼瓜爽脆, 最好吃是素排骨, 口感及味道比真排骨更好. 翻食指數: 90分.  價格便宜味道好, 位址交通方便, 素食健康, 分數應該給最好. (此指數平衡店舖交通, 味道, 環境, 價格... 等等, 個人作出的評價.)

近年香港人崇尚健康，流行多菜少肉，所以齋菜亦大行其道，上星期我就同左幾個朋友去左白加士街嘅“大中華素食”，品嚐左佢地多款特式齋菜。當日我地點左:1)生炒芥末骨，外觀與生炒骨十分相似，味道酸酸甜甜，炸得非常脆口。2)藜麥沙律麵線蝦，藜麥釀係青瓜裡面，又可當裝飾，又健康，幾有新意；麵線蝦炸得十分爽脆，脆卜卜，好有口感。3)陳皮菊花蛇羹，有少少陳皮味，加上菊花香味，與真蛇羹不惶多讓。另外，餐廳最近做緊多項優惠，下午茶時段半價；用Wwhatsapp訂位，食滿$300,可減$100,確實相當超值，大家不妨一試。

平時都唔會主動搵素食館，朋友帶我去試吓先有機會來呢間食午飯。素食比我的感覺就係好清淡，嘢食的味道好淡，一係就在塊整得好假的肉上面加啲好重口味嘅醬汁，怪怪地咁。但係呢次改變左我呢個觀念，佢個番茄炆枝竹，甜甜地好似平時食到出面的番茄蛋個汁咁，個汁夠濃厚，送飯好滋味。白飯旁邊的白菜都炒得幾爽口的，唔係想像中白烚咁淡口。個肉丸做得好似真肉，食落真係覺得幾香。鍾意食肉的，又想食得清減少少可以來呢類型的素食館。我叫嗰份係每日午餐兩餸飯，餸都會比較簡單為主，但呢度都有小炒菜式，朋友就叫咗個炒牛肉，都幾有鑊氣。

同事主動要求辦素食晚飯聚會。這次到其中一位同事提議的大中華素食。在白加士街盡頭的大中華素食，也是位於油麻地永安百貨公司的後面。很久以前我曾光顧一次。沒有深刻印象，所以，即使到油麻地附近覓食，也忘記了這一間素食餐廳。餐廳內的空間不小也不大。有二人白色小方桌子，多人聚餐可合併一起來使用。也有三張大圓桌子。我們坐在其中一張，夾食物和談話也會較方便。昨晚一共有八人出席。總共點了十三道菜！芝士魚米包（六件），$72。麵包與山崎的芝士球相似。有淡淡的芝士味。質感比山崎的芝士球鬆軟。還是熱的時候味道和質感都很好。餡料是豆製的素料。乾煎香菇四季豆，$68。四季豆很惹味。油份不多。菜式還包含西芹、冬菇等材料。涼瓜煎蛋角，$68。涼瓜有適當的甘苦味，但不會苦澀。椒鹽淮山崧，$88。淮山被切成小丁。酥炸後外脆內粉軟。味道保存淮山的鮮味，只有少少的鹽味。很容易會不知不覺一口接一口地吃。配料有西芹、紫菜絲和松子等。連西芹也炸過的。有香脆的口感。盛著主菜的米片要快點吃完，否則很快會變軟。可以嚐到米的味道。質感像威化般脆。葡汁五寶鴨，$72。素鴨其實是炸腐皮。沒有其他餡料在內。外脆內軟。還有生鮮的蔬菜如紫椰菜、椰菜