大中華甜品 (已結業)

每次係附近食完飯都會去大中華到買佢個榴槤班戟😋榴連班戟 $48佢個皮都好薄下 但入面啲料係好多一啖咬落去 一半cream一半馬來西亞D24榴連！滿足感爆棚🫶🏻之前都試過大中華其他小食都好味燒賣 豬骨粥 糯米飯都好足料 全部都好味道係會一再幫襯嘅小店

同男朋友食完下午茶經過呢間鋪頭，見到玻璃櫃有好多款糖水和甜品 好吸引😍 排得整整齊齊，睇落全部似自家製，有中西式糖水、班戟、奶凍、西米露等等⋯⋯亦有椰青、鮮榨果汁! 下午時段所有甜品有八五折，好抵買啊！最後忍不住買左大菜糕同芝麻糊俾屋企人，佢地比較鍾意懷舊傳統，而男朋友當然不放過馬來西亞D24榴槤班戟！夜晚食左盒芒果班戟，忌廉滑溜，不會太漏，芒果甜且厚身，大概有半塊，好適合當飯後甜品😙

喺大中華飯店食完晚飯後，店員俾咗隔離大中華甜品嘅點餐紙我哋，咁就試下佢啲甜品啦！點左個鮮雜果涼粉、榴槤pancake、益力多味沙冰(餐牌上個名唔記左)甜品送咗過嚟隔離大中華飯店俾我哋，甜品要先俾錢。雜果涼粉裏面有西瓜、火龍果、菠蘿，涼粉好夠凍加埋花奶，超好食！榴槤pancake好足料，我cream同榴槤嘅比例啱啱好！益力多沙冰味道好濃，加埋椰果同包住，口感好特別，酸酸甜甜、凍冰冰好適合咁熱嘅天氣食，超級透心涼

我同家人每次係格黎大中華度食完晚餐，都例牌一定會黎呢邊叫埋個甜品而且一定要係榴槤千層蛋糕！第一次食既時候，老闆已經話試過就知道，會係你食過最好食既我地個陣都以為佢講第，不過因為大家都好中意食榴槤，所以都叫左黎try try。食左第一啖！真係返唔到轉頭！會勁想繼續食！因為真係太正！見到入面勁多榴槤，而且個蛋糕真係好多層，睇得出好用心整架所以以後每次黎都會食。有時會加多個榴槤pancake，都好大舊榴槤係入面，食到我地成家上哂癮！

夜麻麻做完運動就出去食糖水呢間糖水店位於長沙灣，旁邊有屬於佢嘅飯店。同朋友兩個叫咗熱既木瓜雪耳糖水，當然味道就普普通通，但係當中嘅材料都叫做唔少。嚟到呢度最好建議熱食，會比較新鮮！

係大中華食完晚飯，就緊係要食埋個甜品啦！因為係晚飯嗰邊有限時，所以我地就直接去咗鋪頭食啦。我一向都鍾意食中式甜品，因西式甜品又凍又甜。我依啲老人家實在係吃不消。所以依間甜品鋪就真係啱晒我。天氣有點冷，最近又有幾聲咳。所以我叫咗個黑糖桃膠雪梨水，個名無寫但有桂花。唔會太甜，好潤，仲有三片雪梨。食完成個感覺都健康咗！十分推介係冬天食依個👍🏼👍🏼👍🏼

同朋友附近食晚飯，傾計意猶未盡，找甜品吃，又行到這裡，附近又沒有特別甜品店吃，所以又來多一次光顧係店舖前放張枱給我們「街邊食」，廿令三十蚊一碗~抵食紅豆涼粉、綠豆沙、熱芝麻糊、芝麻糊燉奶、合桃糊燉奶合桃糊燉奶凍嘅燉奶+熱合桃糊=好夾，好滑熱芝麻糊

**正野大分享**位於 九龍城 城南道3A地舖🎉🎊🤩新開既甜品店🤩大中華甜品去試一試貓山王榴連先🤤🤤我同老婆兩個人食叫左個 極上級榴槤盛宴 $168/份夠兩個人食賣相同味道都一流👍🏻👍🏻最正係 貓山王榴槤拿破崙👍🏻👍🏻老婆至愛火焰榴槤焦糖燉蛋🎊🎉我既至愛個燉蛋真係一流 👍🏻👍🏻 一定會再食下次要試埋個榴槤千層蛋糕 🤤🤤🤤如榴槤玉露同榴槤雪糕味道可以更顯露整體必定更出眾👍🏻👍🏻🤩

與友人打完邊爐，見時間尚早，友人話要介紹我地食甜品。行到大中華門口，好似唔多覺係食甜品地方🤔坐低揀野食，老闆好熱情招呼，仲好風趣😂三個榴槤控緊係食榴槤啦！佢介紹食新上市既D24榴槤雪山加紫米豆豆底，另外我地再叫咗D24榴槤千層蛋糕同埋D24榴槤班戟。首先黎咗D24榴槤雪山加紫米豆豆底，熱辣辣食雪山好正，外貌吸引，佢真似好似雪山咁樣👍🏻而且有好香既奶味，側邊既榴槤都好好味之後黎咗個D24榴槤班戟，呢個的確榴槤係同普通既香好多然後黎咗個D24榴槤千層蛋糕，老闆放低既時候講咗句：榴槤撞朱古力係好正！我食第一啖，嘩！真係好好味呀！真係好好好好好好味！原來榴槤同朱古力係好夾！三個甜品入面，榴槤千層蛋糕雖然係遲黎但最快清晒，因為真係好好味👍🏻外貌吸引，又好食！我地揀既係呢間舖比較貴既甜品，但比起出面出名既都唔算貴！其餘既見價錢好實惠👍🏻 有時又真係唔係要過百或者星級酒店先好食

由于同朋友係隔日本菜傾得唔夠喉朋友建議不如食個甜品！其實路經咁多次都無食過 今次終于有機會一試首先我地係坐係大街食的 三十幾度既夏天黎講都幾有風味！朋友唸都唔洗唸一定要食焦糖布甸話好好食 份量的的骰骰 所以小小唔抵 由于份量唔多佢仲叫多個楊枝甘露！mr. monster就腐竹糖水+蛋 隻蛋滑黎滑去 睇住佢食認真搞笑！而我就因爲選擇唔多而揀唔落手 最後叫左什果涼粉 俾自己抖1抖 涼1涼～份量Ok 味道正常 涼粉都夠凍 而且椰汁份量都足夠 所以整體Ok啦！

因為在大中華飯店吃飯, 所以想繼續在飯店吃甜品, 就只好幫趁大中華甜品. 而且他們一早把甜品menu放在房肉, 令大家悶悶地等吃飯時一早已看定有乜甜品. 成功搵生意.但其實甜品quality就一般. 生果加雪糕, 都係咁味無走雞. D24榴槤pancake都好強勁既榴槤香味的. 這個外表是最吸引的. 但拿破倫的皮是很難弄得好脆的. 它也不是立即做的. 中間吉士OK.Overall 價錢有點貴. 要不是大家柴娃娃都說吃我也未必會吃. 

晚飯過後，由朋友帶路來到這小型甜品店。當中有很多不同類型的甜品，而雖然現在是炎寒的天氣，仍點選了一個凍的甜品來品嚐一下。這個奶凍的外表實而不華，沒有很多的花巧，但味道就真一絶了。朱古力味真的很濃，但一點苦澀都沒有，然而也不會過甜。味道掌控得真的非常好，絶對值得推介。

路過食個甜品, 質素同個幾間都係差唔多我估佢地來貨都係同一堆公司有D綠茶味, 有D紅豆同一般綿綿冰無咩分別, 又無咩突破但環境比其他甜品店來講就無咁舒服價錢方面,都係公價咁啦, $4X一個