大丈夫食堂

營業中

休息中

前幾天因為要去長沙灣，朋友推薦我去大丈夫食堂。進入餐廳後，感覺設計簡約，像是一個現代化的飯堂，但令我驚喜的是這裡竟然提供兒童餐，還有玩具送，讓我女兒瞬間開心起來！更重要的是，這裡的價格非常親民，很實惠。我們當天點了一個兒童餐，選擇有飯或烏冬，女兒選擇了烏冬，配上炸雞、朱古力蛋糕和果汁，她還興奮地出去選擇了自己喜歡的兒童餐禮物，這樣的安排讓她覺得特別滿足。至於我們大人的選擇，我們點了魚生飯、煎魚飯、牛肉烏冬、紫菜魷魚及薯條，每道菜都非常美味，尤其是所有定食都配上一杯超美味的蒸蛋，細膩滑嫩，很美味！

平時都聽到好多人推介呢間位於長沙灣嘅「大丈夫食堂」，主打各款日式定食，未到6點已經有人排隊，人氣相當旺。我自己都唔止一次嚟食，每次都覺得出品有水準，今次再訪又有新驚喜。🥩 A4日本和牛定食（三角小排） $150牛肉質感嫩滑，油脂豐富，而且都有啲牛味。自己燒可以控制生熟程度，我就鍾意兩邊燒到微焦、香氣四溢嘅狀態。配菜都唔失禮，日式蒸蛋夠滑溜，入口即溶，麵豉湯調味恰到好處，唔會太鹹；沙律椰菜爽脆，而且仲可以免費refill，抵食之餘仲加分。🥑 燒珍寶明太子醬牛油果（1.5倍大） $22牛油果選得好靚，熟度剛剛好，味道濃郁而無渣。上面鋪上燒香咗嘅明太子醬，鹹香惹味又唔會過漏，食完即刻想encore。🍣 海鮮丼 $142刺身表現合格以上，每款都冇腥味或雪味。三文魚夠肥美，拖羅魚味濃郁又冇筋；油甘魚口感嫩滑，魚香突出；帶子甜度一般，但勝在新鮮；蝦刺身蝦味鮮甜濃郁，魷魚亦算爽口。配上黏度剛好、酸度適中的醋飯，成碗飯食落非常滿足。整體嚟講，佢地嘅選擇多元，無論係主菜定配菜都有水準，價錢合理兼食材有質素。雖然餐廳裝修比較簡樸，但環境夠寬敞，坐得舒服。以依個價位嚟講，呢度真係CP值極高，難怪成日爆場，真

擒日陪家中長者覆診，剛好差不多到十二點lunch time. 為免長者要排隊，嗱嗱聲搵咗間出名專食海南雞嘅小店，打算快快食完就送佢返屋企。入到去，明明十幾張檯但全店得三個客。阿姐初初叫我哋坐入面四人檯，然後又話坐門口傍我哋都算啦，打算行返出門口坐低之時，大聲吆喝叫我哋搭張同個食緊嘅阿伯嘅四人檯。個下就撻着咗我家長者，即刻話唔食，擰轉身就走。感覺就好似上咗架的士咁，一路比錢一路受氣。終於寧願行多幾個街口，行返去大丈夫食。佢哋招呼好，地方好坐，食物高質性價比又高。好啦入正題，講咩無謂，睇實物最實際。家人叫咗牛油果三文魚丼、牛油果同三文魚都切到大大粒，跟埋湯、蒸蛋同沙律🥗，飲品都唔駛$100、超抵我就叫咗軟殼蟹丼，好似都係一百蚊多少少。上檯係成隻軟殼蟹，炸粉薄身，蟹身乾身唔怕出晒水。墊底嘅金菇同隻蟹一樣脆口，絕對係即叫即整，呢啲咪誠意同對食物嘅執着囉加錢upgrade咗個跟餐沙律🥗做蟹子豆腐沙律，真係唔駛用文字嚟形容，A picture can tell everythingConclusion, 招呼好，地方好坐，食物高質性價比又高。 與其比六七十蚊仲要附加受氣食過速食海南雞飯，呢度絕對值

問長沙灣地膽，佢哋一定推介呢間食堂，因為我已經聽過幾次😂。⭕️壽喜燒正常發揮，而且只係$70 ，有福袋又有唔同種類嘅菜，幾抵食。🍲⭕️炸豬扒係呢度名物，幾香脆嘅，當然唔可以同二、三百幾蚊一set嗰啲比，但$115呢個價錢，收貨有餘。而且飯可以全部轉沙律菜，仲任點唔嬲，生銅飲食友好啊！😆⭕️牛舌都唔錯，如果再厚切啲會更吸引。有時寧願收貴啲啲，切厚少少，因為牛舌個口感真係好重要。🐂⭕️炸生蠔出色！🦪平日只會食生蠔，只係怕熟蠔嘅腥味，但呢個炸蠔飽滿脆口，咬落去時啲汁係咁咇，正！難怪舖頭甘大都坐無虛設，地方闊落，環境乾淨，又任坐唔嬲，價錢唔算貴，同朋友傾偈食飯係真係唔錯嘅。

大丈夫食堂主打各款日式定食，之前試過佢$100嘅牛舌定食，性價比好高，今次就嚟試佢哋嘅A4日本和牛定食！🥩 A4日本和牛定食（三角小排）（$150）呢個定食以A4級嚟講真係幾抵！A4級嘅日本和牛三角小排，油花分佈均勻，肉質嫩滑，入口即溶（不過偶爾一兩件會有少少筋）。配上簡單嘅鹽汁調味，就已經好夠味。300克嘅飯兩個人share超飽（細食女生揀100克就好），加上麵豉湯、茶碗蒸、大碗嘅椰菜（聽講可以refill），真係食到好滿足！🌯 牛油果三文魚手卷（$18）呢款手卷真係好正、好抵食！牛油果醬同三文魚嘅組合，口感綿密。（btw睇佢Menu張相係牛油果粒，但上到嚟變咗係牛油果醬😂）🍣 火炙三文魚（2件）（$17）火炙三文魚壽司係純粹本身鍾意食，味道正常，雖然佢面頭附上薄薄嘅檸檬片，但個人覺得好似會有啲怪，所以冇落到。🍜 腐皮烏冬（$38）呢個腐皮烏冬有啲似兵衛嗰款，湯底清淡，腐皮好甜，而且吸滿湯汁，烏冬就略嫌煮得冧咗少少。不過呢個價錢，都算幾大碗，再配兩碟壽司，計埋+1都唔過$100，真係好抵食😋整體評價大丈夫食堂嘅性價比都算幾高，特別推介牛舌（今次無嗌，下次再嗌再影返畀大家睇🙏🏻）同A4

✨️今日我地想介紹這間日式料理餐廳就是「大丈夫食堂」，在網上看見大多數網友的食評也是好評，就決定一試。✨餐廳很大，有好多位置提供，也有多人在這裡用餐中。餐廳有定食，火鍋，炸物，燒肉，刺身，壽司，小食，啤酒等套餐美食等提供。更加有兒童餐供應😍真是算好多款不同美食呀，我坐在四圍望，好多人食炸物，也有好多人食燒肉。✨最後我地都係食左燒肉一人一個套餐再加手卷和刺身。🫶💕✨️今天我們分享以下美食，下次大家可以一試吧:1️⃣燒肉定食再配300g 白飯，套餐已包日式蒸水蛋，味憎湯，沙律，以及有八塊新鮮的牛肉，賣相都算是幾吸引👍 如果大家中意食烏冬加$15蚊就好呀。🥩我地食燒肉餐，餐廳比左一個一人份量既鐵板燒爐，啲火夠大夠哂熱，建議一次燒兩至三塊，慢慢燒，費事控制唔切啲火喉燒焦哂🥹👍啲牛肉真係有啲驚喜，都真係算淋冇根，送飯好好味，愈食愈開胃。2️⃣三文魚刺身 (5件) 🥰件件都很大塊和厚身，仲要好新鮮。雖然價錢有少少偏高，但CP值都係高。3️⃣牛油果三文魚手卷和親子三文魚手卷🍣👍這種包法的手卷真是少見，佢地好多餡落得很多，咬落去時都令三文魚粒粒跌下來，啲餡多到瀉😍係好食嘅。🫰我們個人的評分如下:🥰味道 (4/5)🥰環

有一排無食過大丈夫，原來而家有埋鰻魚餐，當然要試試佢。叫左一個鰻魚丼，男朋友一如既往點左牛油果醬油三文魚，二個餐都包沙律菜，麵豉湯，同埋茶碗蒸，欣賞個茶碗蒸，好滑。如果係叫餐嘅話，啲沙律菜係可以免費refill，自己係app度加就ok。百元內，有齊咁多野食，絕對抵食呀！🔥鰻魚都算厚身，無腥味，無骨，大家可以放心食，整體都不錯，但唔算好驚艷。不過見到現場都幾多人叫鰻魚丼。而油果醬油三文魚都好新鮮，味道唔會太濃，牛油果都好軟滑，值得一試。呢度晚市長期都爆滿，不過地方都寬敞，坐得都舒服。推介大家可以用guru app拎定飛先，就唔駛等咁耐！

如果好味程度有10，我會比100（利申非打手，只係覺得太太太surprise) 炸粉唔係平時食硬崩崩實的的炸粉，佢係由賣相色水已經好靚仔，炸粉食落好似消失左咁，好神奇😝豬扒juicy 軟熟，食完一舊會想再食第二舊， 啡色的豬扒汁好夾仲有仲有，係佢成個餐份量太唔合理啦，我諗一個男仔都未必食得哂上枱仲好熱，好似即點即整，非常好🤩另外一提，茶碗蒸都好好味🤤蛋好滑， 入面有豆有菇有蟹柳餐廳環境闊落，冷氣舒服，可以慢慢坐低食飯傾計，我一定會再幫襯！！

隱世炸豬扒飯-大丈夫食堂突然間想食炸豬扒飯，諗起一間想試左好耐嘅餐廳”大丈夫食堂“，佢個位置喺長沙灣元洲商討附近，門口唔顯眼可能平時經過都無為意，要上一樓，隔離就係”姐姐“最愛嘅Jollibee😄叫咗炸豬扒定食同天婦羅蕎麥麵。真係名不虛傳，炸豬扒好食啊😋😋可以比美日本級數，一半價錢可以食到，食價比極高👍🏻夏天食蕎麥麵都係超配，天婦羅都唔錯，另外個茶碗蒸都好滑啊😌其實都試咗炸蠔，脹卜卜嘅，不過個味麻麻喇，都係建議食返豬扒🤭

這間長沙灣的平民日式食堂一直深得民心❤️近年更被不少foodie拍片推薦，可見食物質素有一定水準😎本人亦曾光顧數次，認為它的CP值的確頗高👍🏻但最近一次光顧卻令我有點失望😮‍💨———————————————————————吉列海鮮定食有兩件炸蝦，一件炸蠔和一件炸魚。每件炸物size都很巨大，炸粉漿比例算是合理，未有過厚👍🏻炸蠔味道鮮甜，肉質結實新鮮☺️炸魚亦有魚味，肉質實淨不會鬆散😁但炸蝦鮮味欠奉，亦未夠爽彈，本人認為不合格😓至於炸物旁的椰菜絲質感爽脆，有水分💦但蔬菜本身清甜味不足，與高級日式餐廳的椰菜絲仍有一定距離🧐定食還配有白飯，味增湯，茶碗蒸和醃菜，全都味道正常，不過不失🙂———————————————————————另外還點了吉列豬扒定食。豬扒份量正常，炸粉亦十分鬆脆👍🏻豬扒肥瘦得宜，有肉汁，但今次這塊豬扒比較多筋，即使肉質鬆軟亦令人難以咬開🫠另外當我一夾起豬扒，豬肉便與炸粉分離，令我吃得有點狼狽😥———————————————————————這次的食物水準明顯比之前差，要過一段時間再光顧，才能知道這是碰巧的失準，還是真的退步🫣

7/9/2024📍大丈夫食堂呢度有好多日式野食 魚生、天婦羅、烏冬、燒牛舌之類嘅都有 一大班人嚟食都唔驚揀唔啱野食😊而且呢度勁多位 可能都有三十張枱 我哋lunchtime嚟都唔洗等位嗌左餐之後可以任添飯同菜 想bulk/食得健康啲嘅人啱曬啦⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯✨吉列豬扒定食（$115）定食包咗漬物、茶碗蒸、麵豉湯、沙律吉列豬扒好大份 外皮好酥脆❗️肉嘅部份係正常厚度 有少少筋位咬唔開 唔會好乾 都有少少肉汁 配酸酸甜甜嘅醬汁幾好食😋可以任添椰菜絲 配麻醬食 咁就冇咁油膩啦✨鰻魚定食（$108）有半條鰻魚 分量都算足夠 但燒得有啲過燶 又唔夠鰻魚汁 冚唔到啲苦味😕都唔夠汁撈飯好在冇乜骨 亦都唔腥 魚肉軟綿但偏薄身 都係合格嘅鰻魚嘅⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯最後埋單～$240 （連加一）啲熟食唔差但冇驚喜 價錢合理 可以一試☺️唔知啲魚生質素點呢 下次有機會試下先😄 推薦指數🌟：3.5/5📍 長沙灣元州街350號家壹1樓11號舖

朋友約了一起逛香工，前提要吃飽飽才有力氣逛街呀，朋友選這家，對於長期糧尾的我最適合不過🥰，這家算是味道可又好平價之選了。我們3個人點了3款定食。每款定食都配了野菜沙律／麵豉湯／茶碗蒸／漬物。✴️三文魚丼 $79 飯不多，鋪上滿滿的一層三文魚刺身，還有幾片酸子薑，份量蠻多的。三文魚蠻新鮮的，不過不算肥美，脂肪不多，還算合格，最後還真吃不完😅，還剩兩三片。✴️燒鯖魚定食 $93 （+$18轉牛油果薯仔沙律）鯖魚好大一條，配蘿蔔蓉，魚身烤得外皮酥脆，肉質仍然保留着肉汁及魚油，非常美味，只有一條正骨，吃的時候完全無難度，啖啖肉。滿意之選。✴️天婦羅丼 $153（+$18轉牛油果薯仔沙律）份量有夠浮誇的，裏面有炸鰻魚／2隻大蝦／冬菇／南瓜／茄子／炸蛋，然後點這個定食的朋友出名的小鳥胃，所以還沒開吃，她已經分了好多給我們🤭。天婦羅炸得挺亁爽的，不油膩，海鮮類炸得剛剛好，蔬菜類軟糯可口。大家都吃得飽飽的，可謂為我們補充體力，開開心心逛街去囉。

每年都會去長沙灣走一轉,往年都是去酒樓食lunch！今年想轉下搵間餐廳食下！就在openrice搵到呢間大丈夫食堂！睇到食評推介的食物都幾吸引所以便去試下,入到去餐廳整潔樓底高,員工服務很好！柯打幾個定食和壽司,食物亦不錯,價錢合理值得推介！

返工食lunch最鍾意就係去大丈夫，嗌牛舌定食，自己燒，正正子，再加三文魚，好好味，大滿足！雖然喺一樓，但係都好多人嚟食係有時候貴嗰set牛舌嘅份量有少少唔穩定要讚一下免費加單沙律前菜，食完精神返晒嚟服務方面都大致冇問題，保持水準，機械送餐都好幫得手，哈哈會一如既往支持

長沙灣探朋友後，上了一間並非連鎖店的日式食店開餐。名字好有氣勢，大丈夫。朋友說不要當中文的意思理解，日文大丈夫其中一個意思是解作安心，即是說這間是安心食堂。這樣我們選了來這吃也吃得放心，那就看看質量如何。餐廳位於樓上，坐電梯或行樓梯也可到達。我們來到是晚餐時間剛開始，不用等位可入座，餐廳環境開揚，面積大，座位闊落舒適。每檯都放置了一個保溫壺，食具，豉油。掃碼看餐單，這裡出名是吉列豬扒，但我們怕熱氣，沒選這個。看完餐單，最後決定要雙色丼定食和A4日本和牛(300G)定食。套餐有沙律菜、麵豉湯、茶碗蒸。要定食的客人更可以無限追加沙律菜和飯，真是包保吃得飽。雙色丼定食，說是雙色其實有三款食材，油甘魚、三文魚和三文魚子，雙色魚生各四片，一碗內共八片，小量魚子。飯是正常份量，珍珠醋米飯，粒粒圓潤飽滿，口感佳。飯面上鋪滿了顏色艷麗的魚生和魚子，中央放了一小撮的綠色芥末，四周灑上蔥花和芝麻，賣相不錯。魚生件件厚切，入口即化，鮮甜美味。A4日本和牛定食，給你一個小型的燒鍋自行把和牛燒熟，生熟自己掌握。一份定食有八片和牛，雪花紋理清晰可見，顏色鮮明。我喜歡吃帶點焦香的肉質，把和牛放在鍋上慢慢燒，看到焦香