大丈夫食堂

營業中

休息中

上次晚餐來過之後已經覺得回頭率高今次再來食Lunch水準依然咁好星期六妟晝都唔多人 唔使拎飛直接入呢個吉豬定食想叫好耐 岩岩上枱見到係出煙熱辣辣架～建議等一陣先再食一咬落去炸漿唔厚唔硬 仲非常鬆化 豬扒肉仲好厚好juicy點埋個炸汁酸酸甜甜咁好夾仲可以落檸檬汁無咁熱氣來食既人吉豬必點！今次食牛油果三文魚飯本身自己好怕食生既牛油果但發現佢既成熟度適中唔硬又唔會淋到一patpat仲帶點鮮甜同三文魚非常之配合而且三文魚每舊都好厚 唔好睇落好少 其實食落好滿足今次二次幫襯 二次滿足燉蛋同麵豉湯都好好味平時少食沙律既我都會食埋價錢物超所值

好耐冇去大丈夫了，細鋪搬新鋪後第一次食返，都係長沙灣，行一層樓梯，新鋪大左好多，轉左電子落單，應該老闆發左了店大左，食物質素會否下降，我有啲擔心，今日黎到都係叫吉列豬排定食$105，飯可揀正常、大盛同特大，菜都可揀多菜，好正架野食黎到，賣相依舊，回憶返黎，食左蒸蛋先，蛋味喺度，唔會過淡，味道唔啱好嗰塊大豬排，無醃過有質地嘅豬排，一睇就口水直吞豬排咬一口，鬆化無比，肉味滲出，點埋個醬簡直出神入化一啖豬排一啖飯，再夾注菜，再飲口湯，好快食完架喳食完晒，杯茶一飲而盡，今餐正式完結，$105喳咁嘅質素嘅豬排，抵食到暈啦

自己住係附近一諗唔到想出街食咩就會想去大丈夫食堂以前間鋪靠近明愛醫院， 間鋪好細得十張枱都唔夠， 要等好耐加坐得好唔舒服而家搬左大鋪， 闊落左非常多， 位與位間都有好多空間。 兩個人叫左份燒牛舌定食， 三文魚定食， 同明太子牛油果呢度d 菜同飯都可以任加， 唔想食咁多飯都可以食多d 菜， 兩款定食價錢都好抵， 牛舌要自己放上燒板度燒， 食落好香油脂味， 三文魚定食都新鮮， 仲要係醋飯， 定食既湯同沙律都補水準， 最得意係明太子燒牛油果， 呢個組合未想像過。

長沙灣日式食堂餐廳佔地廣餐枱數量算多去到當日要等位但唔需要太耐一坐低先掃QR code落單午市日式定食 $70零蚊起跳至百幾蚊有魚生、炸物、丼飯等選擇套餐配有茶碗蒸、沙律、漬物、麵豉湯仲可免費追加沙律菜/椰菜/白飯‼️佢嘅吉列同天婦羅炸物都好吸引😍味道仲唔錯添 真係大件夾抵食👍🏻天婦羅炸粉唔太厚海虎蝦有3大隻啖啖肉原隻軟殼蟹丼仲附有大片天婦羅金菇內藏炸蛋 係流心㗎😋原本一心去食燒牛舌定食👅仲要係附火爐自己燒真係好想試可惜去到搶唔到最後一份已經售罄😭😭又要等下次encore了🙈

講到吉列嘢，大丈夫食堂係性價比幾高之選。成年前同學整麵包嘅朋友食過之後冇嚟喇，當時佢哋都好鐘意。原來已經搬遷咗，新店大好多，座位闊落，攞位落單好有系統。多飯、少飯、多菜、少菜，自己選擇。餐牌同之前差唔多，刺身、壽司、定食、小食齊全，價錢比以前加咗啲啲。吉列豬扒定食 $115吉列海鮮定食 $90 (蝦、蠔、沙追魚)點咗兩份吉列定食，炸漿外層鬆脆，肉質略乾，冇咁好彈性，皮肉分離邊緣。海鮮𠴱份表現較好，蝦鮮，蠔都大隻，魚就不過不失啦。火炙魚背壽司 $29巨峰乳酸梳打 $22

星期日晚8點去到呢間餐廳門口已經好多人等緊位，兩個人大概要等十張飛～去到先知原來有得用the gulu拎飛，咁下次就唔洗等咁耐了🤣🤣入到去就可以用QRcode落單，見好多人都係食佢啲炸物定食，今次同朋友兩個人就叫咗一個招牌吉列豬扒定食同吉列海鮮定食👍🏻👍🏻 落單無耐就先送上吉列豬扒定食，定食仲配埋麵豉湯、漬物、沙律同茶碗蒸～ 茶碗蒸愛好者表示非常滿足🥰 雖然入面無海鮮，但都可以過吓口癮！😍 沙律係一般嘅椰菜絲沙律配芝麻醬，正正常常。去到主菜，吉列豬扒真係不錯😍 外面嗰層炸物唔會好厚好un口，豬扒亦一啲都唔韌🥰🥰 我女仔食一個定食食到一半其實就開始飽，豬扒同飯都食唔晒唯有比埋友人食😂😂 朋友嘅海鮮定食今次就無試到，不過見到炸魚都好大塊😍😍 留返有機會再試。另外見到隔離枱啲人食完碗飯仲可以叫佢加飯，好適合啲大食怪，唔洗驚唔夠飽😆😆 仲想講下佢上餐時間都有待改善～ 我叫咗吉列豬扒定食好快到，但食到一半友人嘅吉列海鮮定食先上🥹 而其他較遲嚟嘅客人都已經上咗吉列豬扒，我哋懷疑主要係出咗豬扒先，其他就要等耐少少😂 如果等埋一齊食嘅話好容易會凍咗就無咁好食。

想食日本野，朋友即刻介紹大丈夫食堂新店係快樂蜂隔離店面寬敞 等侯區有得坐 亦都唔使話等好耐入到去環境乾淨清潔每枱都有熱水壺添茶南蠻炸雞定食炸雞外脆內嫩，炸漿唔厚上面有沙律醬 同炸雞好夾 沙律菜配麻醬食都係個唔錯選擇！天婦羅蝦炸到好脆 食落有咯咯聲脆到連蝦尾都食得三文魚丼三文魚鮮甜 飯有紫菜芝麻同丼飯好夾沙律酸甜 好似加左柚子咁 非常開胃以上餐都有配茶碗蒸同麵豉湯前者蛋味濃郁 有蛋香之餘仲好幼滑後者唔怕好咸 料有海帶 好飲總結係可以Encore有緣再來食吉列豬

➖ 吉列豬扒定食大大塊吉列豬扒差唔多成隻手掌咁長，不過好似搬左舖之後越黎越薄咁。豬扒外層炸得鬆脆香口內層肉質偏淋偏嫩，當食左幾件覺得有啲膩既時候可以加啲檸檬汁食落即刻清新好多。飯係用珍珠米理應幾好食但煲得唔係好夠靚，落小啲水應該會好啲。豬扒下面既椰菜絲可以揀多菜小菜(不過我呢個正常份量已經好多)，同埋個佢會跟埋芝麻醬比你。呢個定食仲有個茶碗蒸後上唔記得影就食左，呢到個茶碗蒸真係整得幾好，蛋夠滑調味好配料有蟹柳青豆同埋冬菇係入面🪧 細舖搬大舖之後位置已經多左幾倍但lunch依然爆場，所以我平時都係2點先黎

上個星期日朋友話帶我去長沙灣食炸豬排，話係超好味，我就姑且跟佢去試吓。坦白講，吉列炸嘢我唔係特別鍾意，況且而家我仲係減肥期間，不過諗住呢度仲有其他日本嘢食，刺身壽司都唔怕肥所以都唔怕！我哋中午大概一點鐘左右到，好在網上拎咗飛，去到等咗十分鐘左右就入到去！目測地方都幾大吓，點單掃QR code 攪掂好方便！朋友話佢以前係地舖好細間，每次都排長龍最出名就係炸豬扒，所以我就一於點佢個招牌，吉列炸豬扒定食，睇吓佢有幾好味先。 果然名不虛傳，首先塊豬扒大過我塊面，顏色金黃望落就好有食欲😋 一咬落去外面酥脆但里面仲好嫩好juicy，而且唔油膩，我呢個不嬲唔太食吉列嘢都覺得好食，最後竟然唔理熱量超標，成碟KO咗，你話佢幾好味呢😜值得一提係佢哋定食嘅沙律同飯都可以無限添加，一百元上下嘅價錢真係好抵食👍 我已經睇定下次嚟試佢個吉列海鮮拼定食了，見朋友食到讚不絕口，都好想試吓😜

吃過香港幾家吉列豬排店。這家的性價比最高。可以無限添加的沙拉、椰菜絲都新鮮。味噌湯味道對又熱。豬排炸得剛剛好。皮脆肉嫩多汁。就是後來有點放涼了，還是脆脆的，而且沒有滲出油來。茶碗蒸很濃郁綿滑。飯乾濕適度。飯友點了海鮮天婦羅定食。滿滿蓋着都是料。她好心分我一點天婦羅蛋，真的配飯一流。蝦很有鮮味，炸魚很嫩滑。另外點了吉列生蠔。生蠔脹卜卜，酥脆酥脆。沒雪藏味，炸得剛好。就吉列豬排而言，可以挑剔的就是他們不是專門店，豬肉的部位沒選擇。自助點餐也加分。雖然要坐11個地鐵站食一餐，但必定再來。下次點海鮮天婦羅定食，還有燒牛舌。

📍大丈夫食堂地址：長沙灣元州街350號家壹1樓11號舖人均消費：$80-150pp （lunch)適合：日式，輕食推薦指數：8.8/10🥰 呢間野周末lunch幾多人，仲會捷人龍，兩點半last order,，有兩次去到已經派哂籌。好彩佢可以gulu拎飛，今次終於食到。佢主要做定食set，每個定食都配麫豉湯，沙律菜定茶碗蒸。今次試左其中兩款定食：🔶️三文魚丼定食 ($75，9 /10)有八塊三文魚，都幾厚切，三文魚食落肉質彈牙新鮮。丼飯既珍珠米都幾好味。性價比幾高。沙律菜新鮮又幾大碗。茶碗蒸都滑，中上水平。麫豉湯正常🔶️南蠻炸雞定食 ($75，9/10)有5 舊炸雞，份量幾多。雞炸得好好，外層脆身，入面都可保持到肉汁。配埋沙律醬，啖啖肉，好滿足！地方環境都舒服衛生，行平民化日式食堂路線！價格比都幾高既一間餐廳！😁

今日比較夜去， 等左一陣就入得。店舖比較大同寬闊， 食物選擇都比較多。多數100$以下，就有一個set今次點左燒牛舌及三文魚井，牛舌數量都算多，但唔知係咪自己燒得太耐，所以比較韌。

很久很久以前，還沒需要出街戴口罩的年代，曾任侍應的友人曾向我多次提及此店如何如何好吃，說是還兩眼發光，一直無緣……今晚緣份到了，就自然去吃。首次去，乘𨋢上一樓，舖面很新，牆壁沒多餘污漬，梳化椅還光亮鮮活，原來時移勢易，剛經歷搬新舖。走明顯輕奢日系風路線，自助落單必然，附帶一個專送外賣自取機器人左騰右騰。舖面接近一小酒樓般偌大，雖不是每枱卡座，但枱椅尚算舒適。只是不知是否新大廈網絡問題，自助落單畫面load得有點龜速，鄰枱甚至等了15分鐘以為已送出單原來沒動過分毫。套餐全揀了丼飯，不贅述，見圖。外加的「燒明太醬牛油果」大有作為。本身鹹香的明太子醬炙燒在剛好熟牛油果面，將之勺到魚生丼飯內撈住吃，沒違和感之餘夠嫩滑牛油果有助帶出魚生鮮味。「雙色丼」的三文魚油甘魚似乎預先已浸了醬汁，再蘸豉油已過了火位的鹹，變相吃不到魚生鮮不鮮。兩個丼飯的漬物分別是魚鬆海帶及醃椰菜，比較喜歡前者，不一股勁兒酸。「炸軟殼蟹」少見的坦蕩蕩原隻上，只中間劏半，蟹鉗清晰可見，配上明太子沙律醬，外脆內軟再夾雜香郁蟹膏，很圓滿的感覺。

已經黎過好幾次，食物質素真係好好👍🏼，熱的熱、是凍的又夠凍，蒸蛋都是有心機的、而且又好足料。坐得好舒服，地方寬敞，員工又細心，而且定食若有飯和沙律🥗都係無限refill (添加)。如果吾好食真係有得refill 都無用，這間真係可以食到大滿足。

隨住好多新樓落成，長沙灣最近開咗好多餐廳今日就去咗元州商場對面既呢間大丈夫食堂試下餐廳係「家壹」商場一樓，有Lift，當然行樓梯會快捷啲。上到一樓，發現間餐廳原來係超大，果然係「大」丈夫，目測六人枱可以坐到八個人，一家大細嚟食飯都唔會覺得逼。餐廳係用QR Code落單，嚟既朋友記得要帶定手機我就叫咗一客南蠻炸雞（$75），套餐都好豐富，有湯、前菜，仲有熱辣辣既茶碗蒸，而沙律同飯等等係可以無限免費添加，包大家可以食得飽。特別欣賞主角炸雞炸皮十分香脆，大大嚿絕不失禮，作為一個午餐真係食到捧住個肚出門口。唯一斟酌既位係，呢度午市都要收加一，但其實又真係無乜服務（落單、斟水全部自己嚟），連埋加一就顯得無咁抵食。不過，呢度空間大、食物款式多，我諗我都會再幫襯的！