夢見屋

咖啡非常一般可以不試，Latte同樣味道過淡，相信所選用的咖啡豆本身問題。栗子蛋糕入口香滑，栗子味重但較甜，而海鹽蛋糕則有驚喜，甜度適中可以再試！下次只吃蛋糕夠了。…查看更多

因為兩個人，又唔算話好肚餓，所以就去左試下呢間日式餐廳，入面既裝修都幾有日本風格，會令你好似置身係日本咁，同埋地點實在太方便啦，所以經過既朋友仔，都可以入黎試下，我地叫左個章魚燒咁既野，配埋一壺茶咁既物體，初初以為係茶，點知原來係醬汁，因為初頭唔知，所以無加到，淨食個章魚燒都ok既，仲有叫左個清酒煮蜆，味道一般，無咩酒味，同埋d蜆唔夠鮮甜所以可以不必一試，最後叫左個滑蛋豬扒丼，味道幾好食，如果有多d汁配埋就perfect池…查看更多

同爸爸食飯選一間未食過既餐廳，結果因呢間唔洗等位，人唔多就進去。由於三人都唔餓就叫左兩個1。 煙三文魚pizza 2。鯖魚定食Pizza 大小 同pizza hut 差唔多，賣相唔係好靚，但係中間既雞蛋係流心，有啲驚喜，味道都唔錯，98元算可以！定食，除左鯖魚，有兩隻八爪魚，少少沙律，魚都算大條，不過有啲熟過頭，黃瓜配菜唔好食！之後加左28元變套餐，其實有啲貴，餐湯係黑松露忌廉，不過黑松露唔多，湯唔夠熱；飲品方面如果要飲特飲要28元再加錢，最後加左叫左個忌廉牛奶抹茶，抹茶冇抹茶味，好似飲水咁🥺…查看更多

屯門食嘢周圍都咁多人，想唔等位就去Aeon隔離呢間試試，下午茶時間不過無下午茶餐，照跟餐牌叫再加錢轉套餐。叫咗個海鮮意粉，意粉少少硬，有西式意粉感覺，醬汁夠濃味，不過海鮮就得個幾粒，自己睇相。另外一個吉列豬扒烏冬，個烏冬湯底係無味嘅，好彩個吉列係脆口，如果唔係連一般呢個分都唔比你！要飲嘢一係散叫，一係加錢轉套餐，咁焗住加$29加湯同嘢飲，個雜菜湯都好彩有味，杯咖啡就係一般即磨咖啡，不過老麥好味過佢。 另一個加$29加湯同加橙汁，加橙汁另再加$10，好，就加比你，不過親眼睇住佢攞果汁先生加冰比你，你就會覺得另加呢十蚊好似好唔抵，下次都係叫凍檸茶算吧啦！…查看更多

今日去左一間日式西餐廳 從門口西餅供應 相信是《Italian Tomato》集團的其中一個品牌 對，呢間日本風格的西餐 見大部分都係意粉 所以我點左 豚肉雜菌茄意粉 同鰻魚飯試下 另外加幾十蚊 配兩件西餅 鰻魚飯 沒有什麼問題，鰻魚幾香 煲飯配上青豆 菰夠 不過不失 另外意粉好細碟 本來以為有特別增強味道的意粉，其實冇乜味的，我只可以說叫做有個豚肉雜菌撈下意粉咁西餅 叫左苿茶紅豆 同芝士撻 芝士撻 芝士幾香配牛油皮餅底 幾好 但苿茶紅豆蛋糕 但蛋糕好「鞋」 好似唔太新鮮 無苿茶味 配紅豆 味道唔突出…查看更多

自從無再做會員，好一段時間無去夢見屋食，今次因為佢有位,唔駛等。S君叫咗個咖哩飯，雞蛋奄列咖哩飯擺盤顏色夾埋隻碟都幾好睇，啲蛋望落好滑溜吓，好唔好食呢?見S君食到乾乾淨淨應該唔錯嘞。豚肉茄子雜菌茄意粉意粉軟硬適中，唔會腍啫啫，豚肉肉味香濃，份量都唔少，食極都未食完，茄子和雜菌相對少，茄汁香提升了食慾，好味食完主食意猶未盡，跟餐可以加$29食件餅，去餅櫃自己揀款，Italian Tomato嘅餅出名好食。焦糖香蕉撻兩碌香蕉响中間，望落好似無咁肥餅底比較實淨，我哋最後先食，食落又唔算甜，忌廉香味誘人，要控制下，食埋今次先啦…查看更多

假日食個lunch間間餐廳好多人，見唔洗等就試下，叫左個明太子意粉同飯，都算一般般好麻麻 ，但杯抺茶野飲無味既，隻色好似溝出黎咁🤮見隔離枱叫左個咖哩飯食一半都無食 應該都好難食🤮太難食廢事up相，總結係一定唔會再幫襯🤮…查看更多

食物麻麻地！態度麻麻地！價錢唔係抵食囉！都算貴！一個滑蛋雞肉飯（雞肉好鞋！）配個羅宋湯都九唔搭八！另一個叫左個意粉（意粉硬硬地）拿拿聲食完比錢走人！應該冇下次了…查看更多

今日同朋友去左屯門行街,晚餐去左呢間野都食,叫左一個滑蛋饅魚飯同和風咖哩牛肉飯同兩杯檸檬茶，好抵食，本身唔食饅魚既我都覺得好食，和風咖哩牛肉飯係甜甜地，檸茶雖然唔跟餐，但好好飲！…查看更多

呢間等左都幾耐, lunchtime好多人排! 我地淨係嗌左甜品, 我嗌左白玉寒天甜點, 都幾好食，主要係類似大菜糕好爽既透明粒粒，綠白兩款但味道冇分別既軟熟小丸子，面頭既栗子好甜好粉，底既汁係好甜既紅豆湯，唔夠甜既話仲可以淋附送既黑糖。呢個甜品唔會太甜, 口感十足, 有咬感同時又爽爽地,另外有熱既綠茶，好苦澀同濃既，waitress話係日本人食完甜品會想飲綠茶沖淡下甜味，可飲可唔飲。有咁既服務已經好收貨啦~…查看更多

店內整體環境整潔，服務員態度亦不錯，但食物味道欠佳，我不會再次光顧此店了，食物整體味道偏淡，蛋糕不好食，雖上菜速度快，不用十分鐘已把我落單的食物上完，但好像是把食物回熱，所以食物是不夠熱的，不建議試，並且以同類形食用價格上，是比較偏貴的。…查看更多

上次同家人食完 一直未有時間寫由於好耐之前就已經係佢會員手機app手上有20蚊 50蚊現金卷今次試下佢個茶漬飯 離到好細碗味道幾好 啲珍珠飯合口感同茶幾夾佢再有小小啲醃漬物 混飯食 好開胃結果我地兩個人食唔飽 叫多個吉烈豬扒飯 一人一半 炸得幾好食個吉烈豬扒 份糧幾夠個味噌湯 唔係死咸 入味 好飲叫個特飲跟餐 其實冇分別只係綿花糖個賣相靚 其實唔值呢個價杯野飲都飲到綠茶香味 好飲啲服務質素唔錯 人流比較多 但服務員分流得唔錯坐位幾好坐 食一次就夠 唔推介埋單 有會員九折加五十蚊優惠券有優惠券個九折比唔足有會員就抵 正價食唔多抵…查看更多

有半年無黎夢見屋食野，不過今日呢度靜英英咁~~~唔通中左伏定系我早左黎咋。一睇menu 發覺裡面不少款式都轉左，咁就要度一度叫邊款新野試食先~~炭燒安格斯西冷牛扒7成熟西冷用鐵板上，送到黎一望已經切開晒一條條，入面仲生生地架~ 我(辣) 2野就食得 so good法式日醬雞肉丼碗丼d 醬汁適中唔太多，味道唔太濃，仲配幾棵大大粒西蘭花。雖然平平無奇，但勝在唔會輸今日想食cake， 所以將個丼加$48轉set藍莓芝士cake超多藍莓唷~~ 唔甜Italian Tomato既cake 都唔會差得去邊埋單價錢唔太貴又坐得舒服，下次可試埋呢度既自家製烏冬…查看更多

今日同最愛去左食下午茶，呢間野比我的感覺係貴，今次我忘記了印menu，但我記得tea set menu上，得一個精選甜品30幾接近40(未計加一)，其餘都50幾，60幾(未計加一)，其實係好貴，menu上好多都係烏冬為主，得一個飯，所以我的最愛就叫左呢個飯咖喱吉列豬排飯，味道 9/10嘩，呢個飯好高質，好想比滿分，但因為佢貴貴地所以又扣番一分，好似$68(未加一)，加埋成70幾，有一個餐飲，面屎湯，日式豆腐，個飯我食左一啖先記得影相，日式咖哩好食，好香好甜，not spicy，岩我口味，我一向鐘意日式咖哩多過印度式個D，吉列豬排皮脆外軟，唔厚粉，亦唔好炸到好乾好油，亦沒有出現皮同肉分離的情況，好食。另外，面屎湯唔夠濃，不過我一向一般面屎湯所以冇咩所謂，最後個豆腐好鬼鞋，唔滑，我食左一啖就唔食。雜莓tart，好似$36，味道:7/10個tart唔脆口，佢擺左入雪櫃咁耐所以唔脆口了，面頭有好多士多單梨、藍莓、紅莓組成，我覺得D水果都算新鮮，之後有一層似係藍莓整成的mousse，最底係tart，成個dessert冇cream，所以我男朋友唔鏗意，因為佢鐘意食cream，哈哈，其實整體唔係話非常差，但個餅底唔脆，好淋，呢度扣晒分。整體黎講，一個字貴，因為這是下午茶的menu。最後，溫馨提示，每張桌面都有個牌，有一個QR code，你掃描左成為會員後，會有D傻惠平番，所以今日呢餐我地係用左優惠券平左$10，佢另外仲有其他優惠，例如惠顧第2客下午茶餐有半價等。…查看更多

食set dinner，叫左西班牙海鮮飯，好難食！汁味無乜咩，但果兩隻蝦over cook，好橡皮！果一隻青口係用水烚熟再放上去，無味無道！果啲蛽，隻隻都有腥味，WTF！！我吾會再入去令舌尖受苦！…查看更多