夜。鐵板燒

呢間鐵板燒既裝修好有氣氛，昏暗既燈光令到成個環境都好有情調，師傅仲係我地面前即場煮俾我地，有埋視覺享受！我地叫佐晚餐$2388既omakase，有16道菜，每樣都好精彩，食到飽飽滿足！因為我地多人食，其中一款鐵板酸菜東星斑係一鍋上，四人份量，原鍋咁上完全保持到熱度，湯底奶白色，滿滿膠質，東星班好大塊，肉質好厚，但又唔會太硬，仲食到好滑，湯底就酸酸辣辣，調味得好好，好惹味😋而野菜炒同野菜盛合都好新鮮，啲菇又炒得夠香，白粟米都好清甜，平時好少食到，係好清新既感覺😄海鮮亦真係主角，避風塘阿拉斯加鱈場蟹係俾蟹腳，勁粗勁大舊，啲肉好實，食得出蟹既鮮味甜味，亦因為係避風塘而好惹味；另外既雙龍出海就係龍蝦同瀨尿蝦，本身好新鮮，炒完就味道更突出，蝦肉爽口彈牙，正😚仲有刺身又係不得不提，日本象拔蚌鮮味到爆，口感又爽脆；刺身盛既刺身都係日本新鮮運到，真係好鮮味，鮮甜😍仲有其他好似鴨肝，季節料理，龍蝦湯，和牛燒，就連生果同甜品都令人好滿意，超多道菜，勁抵食！

放咗工同朋友係尖沙嘴食Omakase，呢間餐廳有唔同價位的Omakase套餐。我哋叫咗最平嘅$1288套餐，包括左10道前菜和2道主菜，份量非常豐富。我哋食到肚滿腸肥咁離開餐廳🤣✨鹽焗海花螺，花螺非常大隻，用鹽焗嘅方式去煮，食到發內容的原汁原味，肉質彈牙又鮮甜，好好味！✨美國頂級牛肉肉眼，睇住大廚即燒然後上碟的肉眼，未食已經流口水🤤。我叫大廚幫我把肉眼煎到八成熟，見到中間有少少嫩粉紅色，係我食開最鍾意嘅熟到，陣陣香味傳入鼻腔內，入口成口牛肉味，非常幸福！✨炒菜到時用上新鮮的蔬菜，食落非常鮮甜爽口。✨刺身，刺身有赤蝦🦐，北寄貝🐚和帶子，🦐 赤蝦真是非常好味，超級鮮甜嘅味道！✨螢光魷魚🦑，依家係螢光魷魚嘅當造時期，所以魷魚非常好食，而且入邊嘅魷魚只非常多，魷魚的是味非常濃郁，大廚仲加上秘製醬汁，令味道更豐富。✨大大隻生蠔🦪，正呀，肥美又濃郁

朋友帶我食鐵板燒，可以一次過食哂和牛、龍蝦、鴨肝、蠔等貴價美食，實在太過奢侈了😆未正式開始食鐵板燒前，師傳先俾咗碗蠔湯同生蠔我哋開開胃👅新鮮嘅蠔無論係煮熟定生食都一樣得😙🦞西澳洲龍蝦～師傅輕易地就將龍蝦拆肉，真心勁🫢煎香後龍蝦肉味道更突出，更有彈性呢✨🦆匈牙利鴨肝～表面煎到焦糖化，賣相好掂喎👀鴨肝入口融化，好甘香，食完陣鴨肝味仲會停留喺口入面揮之不去🤭🥩宮崎 A4 和牛厚燒～厚燒果然係最出色，見住師傅切開時啲肉汁爆哂出嚟，就知塊牛嘅質素超班👅🥩美國頂級牛肉肉眼～食完日本牛再食美國牛，煎嘅熟度perfect，入面仲維持粉紅僅僅熟嘅狀態，師傅好厲害👨🏻‍🍳

今次食Lunch $880一位，優質之餘，性價比十分高！主食會有3份👍🏽好似有西澳洲龍蝦、南非鮑魚同匈牙利鴨肝呢D高檔食材。㕑師很有禮貌及很健談, 一坐低師傅就很細心問清楚在坐各人有冇嘢唔食或食物敏感。員工好快照顧每一位食客的需要，款都非常美味, 菜式很持别😛鮑魚係大家都知嘅貴價食材，今晚呢隻南非鮑魚好新鮮，質感好彈牙，加上鐵板燒獨有嘅火候，入口好香好鮮味💗匈牙利鴨肝🌟都無令我失望，睇住一邊煎一邊出油 ，最後成品外脆內嫩、唔太油膩質感軟滑，味道香濃。三款刺身相當新鮮。入口爽嫩，帆立貝絕對係驚為天人嘅清甜，好滑身。每樣都魚味重，色澤靚！呢個年代太多餐廳都係食「超市級」刺身😕，好難得食到咁鮮的質素，讚👍！食鐵板燒通常都會配燒野菜，我自己都幾鐘意，因為食咗咁多肉類，食吓菜都幾好！炒菜吃起來竟毫無違和感耶，味道掌握的很平衡～師傅細心，服務又好，未試過的朋友必須試一次！🈵💗

呢間夜。鐵板燒做omakase鐵板燒，我地就簡佐最貴果個佐2088套餐，主食都有5個，包括南非鮑魚+阿拉斯加鱈場蟹+蘇格蘭蟶子王+匈牙利鴨肝+宮崎和牛厚/薄燒。我地先試呢個龍蝦刺身，龍蝦肉切開晒一嚿嚿，鮮味十足，口感有彈性，點小小豉油同wasabi食就啱啱好，寶係特別體驗，新鮮難忘！另外既呢個南非鮑魚就原隻上，絕不吝嗇，鮑魚香氣清淡，鮮味十足，肉厚帶嚼勁，好軟韌，食得出好細嫩，仲可以加啲檸檬汁去食，鮮味更加提升！另一主菜宮崎 A4 和牛我地就簡佐厚燒，每塊出黎真係幾厚，好似切開既牛扒件咁，牛肉夠晒粉嫩，好軟腍，牛味又香濃，口感味道都爆晒分呀！仲有新鮮即燒既西澳洲龍蝦都不得不提，食完龍蝦刺身再食呢個簡直係另一體驗，龍蝦肉燒完都唔會縮晒水，仲好大舊好彈牙，就咁食食到龍蝦肉既鮮味，點啲新醬味道就更有層次，好食到爆！而櫻花蝦和牛炒飯都係好好食，試完和牛厚燒再食呢個粒粒和牛炒飯又係另一口感，和牛粒都好嫩，油脂分布晒落炒飯度，同埋啲櫻花蝦一齊食，好咸香好正！

老公話間唔中都好食好啲🎆於是就帶我黎尖沙嘴既呢間夜。鐵板燒❣️入到去真係嘩左聲 裝潢極靚，以黑色為主，帶有日式裝飾，非常高級，而且店員服務周到，未食已經好滿意💜價錢上有好多唔同選擇，我同老公就揀左有三個main既套餐，每一樣都非常高質💞最先上既係刺身，刺身總類都多，而且每一樣都好新鮮，非常開胃🤍之後上既龍蝦味增湯同櫻花蝦和牛炒飯都各有特色💘味增湯既料非常多，龍蝦夠嗮彈牙 炒飯就索滿肉汁，櫻花蝦同和牛相輔相成💜輪到重頭戲既三個主菜🤍日本甘鯛魚醬汁濃厚，鯛魚肉質紮實，而且調味清爽唔膩💜南非鮑魚就非常大隻，燒到表面少少焦脆🤍蘇格蘭蟶子皇完全唔腥，有新鮮蟶子先食到既鮮甜💜評分：4.5/5🤍👍🏻

尖沙咀呢間夜。鐵板燒係做廚師發板既，我地試呢個$1588晚市套餐，好多野食，主菜都有3個。🤙🏻螢光魷魚呢度嘅螢光魷魚都比較大隻，口感爽脆，味道鮮味，仲有啲膏，所以好鮮甜，好煙韌，食落好有驚喜！👏🏻刺身刺身有赤蝦，拖羅，帶子，赤蝦都好大隻，連埋蝦頭，蝦頭仲有啲蝦膏，好鮮味，蝦肉都好爽口彈牙，拖羅就入口即溶，好軟綿，帶子都好爽甜！🙌🏻龍蝦味噌湯依個味噌湯用咗龍蝦去煮出嚟，所以成個湯都飲到好香龍蝦味，湯入邊有一隻日本蠔，都好鮮味好肥美，成個湯唔會太鹹，係飲到龍蝦嘅鹹香同鮮甜，好好飲！🫶🏻蘇格蘭蟶子王蟶子王真係好大隻，啲蟶子大隻得黎都係好鮮嫩嘅，好彈牙，同雜菌一齊炒，炒得好香好入味！🤞🏻日本甘鯛魚日本甘鯛嘅魚肉好鮮味好結實，唔會一夾就散，食得出好鮮甜，魚皮就燒到好脆，配埋啲清甜嘅高湯，配搭得好好，係鮮味既小品！✌🏻西澳洲龍蝦龍蝦肉用鐵板燒嘅方法燒完出嚟都係好嫩，啲肉都好彈牙，仲有少少嘅油香，好鮮味，加啲檸檬汁去食就更加味道突出！🫰🏻櫻花蝦和牛炒飯呢個係一個高級嘅炒飯，用和牛嚟炒飯啲飯充滿和牛既油脂，加埋鹹香嘅櫻花蝦，味道都好好，和牛亦好腍身，好好食！

假期約咗朋友出尖沙咀食omakase鐵板燒日本料理，揀左每位$1288套餐🤩可以一邊傾下計, 一邊睇住廚師為我地精心製作。地方好夠大唔會好焗促, 又唔會食完成身油煙味。食鐵板燒最怕既係食材唔新鮮😶‍🌫️火喉控制不佳，令食物過熟，以至食物失去原有鮮味，口感不佳。這一餐，完全沒有出現以上問題，每道菜都處理得很好。⭕美國頂級牛肉肉眼⭕油花分佈平均細致，肉質非常柔軟。肉眼以厚切方式，保留其濃郁肉味及豐厚的口感。⭕鹽焗海花螺⭕鹽焗過的海花螺香氣更突出，焗出嚟原汁原味超爽口, 爽脆, 味道新鮮，真的一試難忘。⭕炒菜⭕非常新鮮， 師傅簡單調味左 唔需要點任何野就食到菜嘅鮮味。⭕味噌湯⭕湯內有大大舊蠔，勁厚肉肥美 好creamy好鮮甜， 不愧係日本料理，煮出來的麵豉湯，味道格外鮮甜。⭕帶子刺身⭕味道清新，還帶出帶子的獨有鮮味、雪白透光，食落更肉質香嫩，味道清新甘甜！⭕螢光魷魚⭕春季又係螢光魷魚當造嘅時間，口感爽彈，新鮮的螢光魷魚梗係鮮甜爽口啦，驚歎不已！食材時令當造，款式相當豐富！成餐都食得好滿意 、食物質素高。師傅每道都會介紹下 又會同客人互動傾下計，服務殷勤，一開始就問有冇咩唔食 又會問下鍾意咩口味

今日係同男朋友既拍拖週年紀念💞咁特別既日子，我地lunch就book左呢間係尖沙嘴既鐵板燒omakase😋lunch set包含既嘢食非常豐富😆有沙律、刺身、茶碗蒸、炒菜、味增湯等等🤪廚師有一路介紹美食👍🏻佢講到全部美食都係用時令食材製成😱唔怪得全部刺身野菜都非常新鮮，食到食材既原汁原味🤤特別要介紹既係櫻花蝦和牛炒飯❗️呢個日式炒飯落左勁多和牛🤤和牛既油脂包裹住粒粒分明既飯粒，櫻花蝦既味令炒飯味道更加有層次 😚另外美國頂級牛肉肉眼都煎得非常好😍外皮稍微焦脆，肉質嫩滑入口即溶😚搭配wasabi 粗鹽同蒜片，一次可以試到唔同組合既味道🤩整體而言，呢間omakase性價比相當高🥸另外店家一次亦只會接待一至兩組客人，專心為我地煮好每一道菜，非常專業👍🏻

週年紀念日男友帶咗我嚟試鐵板燒😍餐廳環境係暗黑風格，氣氛安靜，裝修高雅🤩食材方面高級新鮮，配搭相當有心思，值得一讚😆首先係刺身，全部刺新都極度鮮甜，完全一啲腥臭味都無，最值得都讚嘅就係魚刺身，入口即溶，魚味香濃，讚👍🏻👍🏻👍🏻其次係西澳洲龍蝦，龍蝦好多蝦膏，師傅會取出蝦膏係鐵板上炒香 做成醬汁，好香好濃郁😍😍😍龍蝦肉質細嫩爽口彈牙，加上醬汁超好食 ！！❤️跟住到宮崎 A4 和牛厚燒，和牛食落味道甘香豐厚，質地好嫩滑，油花好夠，入口即溶，加上經過備長炭煙燻，超香，未食都令人垂涎三尺🤤🤤🤤然後係北寄貝，北寄貝超爽口彈牙，啖啖肉都肥美鮮甜，最後連殼嘅清湯都可以一併飲埋，鮮甜，正😄😄😄最後，阿拉斯加鱈場蟹。鱈場蟹肉質鮮甜富有彈性，碩大而肥美，肉多鮮嫩，而且佢擺盤好靚，打卡一流😎😎😎

一入到去環境氣氛唔錯，店員好有禮貌上每道菜速度同都啱啱好食物味道都好有水準好鍾意個女廚師好有禮貌又温柔😇D野食整得好精緻，味道都好好呢個有d蟹肉同花香嘅半啫喱狀物體😂😂好好味，唔記得叫乜，但個味我好喜歡刺身新鮮❤️鮑魚個味好香口，個醬配埋好啱key鴨肝都燻好香，加埋個汁好juicy ❤️❤️❤️好有心思，幾道菜都有個汁，龍蝦加埋個醬又係勁香最鍾意食個魚d皮脆卜卜，好香口🤤個湯都好飲，平時麻麻地龍蝦味嘅湯，但呢個我覺得幾好味值得再去❤️好少寫食評，但呢間店值得我寫下😂😂😂

同姊妹慶祝生日，嚟到尖沙咀山林道一間叫做《夜》的鐵板燒餐廳食廚師發辦。餐廳而黑白色為主調，非常有特色。我哋可以一路食一路睇住廚師處理食材，完全係味覺同視覺嘅享受😎。食物味道😋😋😋😋😋餐廳環境😎😎😎😎😎服務態度😍😍😍😍😍蘇格蘭蟶子王，超鮮甜蟶子，新鮮甜美！Yummy!螢光魷魚🦑唔好睇佢細細隻，但魷魚嘅味道，非常濃郁，咬落去煙煙韌韌，而且入邊仲有好多魷魚籽，配上廚師秘製醬汁一齊食，滋味十足。阿拉斯加雪場蟹原隻開咗殼的阿拉斯加雪場蟹蟹腳，成件都是蟹腳肉，蟹肉柔軟鮮甜，入口成口蟹味。配上半碟的沙律菜一起食，又是另一種非常享受的滋味！龍蝦刺身呢個擺盤非常豪華，大廚將切件嘅龍蝦刺身，放喺龍蝦殼入邊，視覺非常豪華。刺身啖啖肉，鮮甜彈牙！宮崎和牛簿燒呢個薄燒和牛，牛味濃郁，油脂豐富。黃牛一邊夾咗好多新鮮嘅炒蔬菜，食落去非常爽口，同和牛一齊食，雙重味覺嘅享受！

食好嘢唔需要理由😚今晚就嚟到尖沙咀｛夜。鐵板燒｝餐廳走黑白風設計，好有質感，環境💯分食物方面，依個Dinner set有3個main同埋前菜、刺身、一品料理、龍蝦、日本野菜、炒飯、潰物、味噌湯、水果&甜品，款式夠多💯刺身有🐙螢光魷魚，好好咬好脆口，而跟餐嘅🦪蠔湯有大大隻脹卜卜嘅鮮蠔，啖湯清得嚟好鮮介紹下main🍴蘇格蘭蟶子王，好有驚喜，肉質爽彈肥美，師傅落咗少少醬汁同菇去炒，更加惹味🤤依個main🐟日本甘鯛魚同樣高質，甘鯛魚口感結實，食落有淡淡嘅魚鮮味，擺盤仲好靚添🌸食鐵板燒點少得炒飯，🍚櫻花蝦和牛炒飯炒得粒粒分明，櫻花蝦同和牛完美結合，成碗清哂無難度🤣

今日中午過黎試下$598套餐，有沙律，刺身，茶碗蒸，炒飯，炒菜，味噌湯，潰物，甜品，咖啡！沙律🥗沙律菜好多好新鮮，好清新，唔駛調味就已經好夠，清清地食完反而幾開胃！刺身🦐刺身有赤蝦同帶子，帶子好大粒好鮮甜，係爽嫩既，赤蝦既蝦肉都好爽好彈牙，日本直送真係新鮮啲唔同啲架！北海道帆立貝🐚呢個有兩粒大大既帆立貝，燒完都仲好大粒，唔會燒到過老，仲好鮮好嫩，真係表面脆入面嫩，食得出果種鮮味，唔會太腥，有啲甜甜地既燒汁香，仲有啲海帶係燒汁入面，一齊食就岩晒，味道十足！越南特大虎蝦🍤呢個虎蝦都係用鐵板燒方法整，燒到好脆，但蝦肉仲好爽，彈牙鮮味，蝦殼果啲又炸脆佐，可以食埋添！成碟都擺得好靚，好有心思！日本甘鯛🐟甘鯛既魚肉好實好清甜，魚皮燒到脆晒，咬落索索聲，又有清甜既高湯，同魚一齊食就無咁單調，成碟都好好食，食完魚飲埋啲湯係絕配呀！

好耐無食鐵板燒啦🥹，見咁多人推介呢間，就同男友仔嚟試下，點知一食就愛上咗，唔怪之得咁多好評啦😌🌟一品料理呢間嘅一品料理用咗蠔去做，呢度嘅蠔好重蠔味，口感creamy，味道偏甜，大隻厚肉，唔錯😎🌟櫻花蝦和牛炒飯和牛睇起來脂肪比較多，味道較濃，入口即溶，而且牛嘅油脂係炒嘅時候應該完全滲入咗飯入面，再加埋櫻花蝦，味道豐富，飯又粒粒分明，好食🤤🌟日本甘鯛魚肉稠密，肉質細膩鮮甜及有彈性，魚味極濃但完全無腥味，可見甘鯛超級新鮮，配合醬汁一齊嚟食，好正😆🌟蘇格蘭蟶子王蟶子好少見到有鐵板燒，食落意外地好夾👏🏻蟶子又爽又甜！而師傅用啲菇同蘆筍炒埋一齊，好清新特別😋最後，想特別一提就係佢哋嘅主廚專業嚟又可以帶動氣氛，為餐廳帶來唔小歡笑聲，用餐愉快😄