多魚麵 (已結業)

操練完畢，人是由頭到腳都像散開了似的，肚子也空空的，似乎要找點吃的為上算。想喝點湯，又不想吃太濃膩的食物，想起這裡有間賣魚麵的，就拖著身軀來幫襯。十時有多，人客是不多，在非吸煙區隨便找個位子坐下。瞄了瞄餐牌，就叫了碗四寶多魚麵。麵用大碗盛著，熱氣騰騰。喝一口魚湯底，不算很鮮甜，但勝在也沒有味精。四寶是魚蛋、墨丸、牛太及魚腐，吃落是墨丸最好，夠結實又啖啖是墨魚味道，亦彈牙。掛頭牌的魚多鬆泡泡的，牛丸是粉蛋，在今時今日周街賣手打牛丸時，這些粉蛋也應收山。魚腐是中規中距，夠味道但又是鬆鬆的，及格。魚麵幾彈牙，魚味卻一般，比起坊間舖頭的手打魚麵有所不如，更遑論正宗潮州菜館的「鞋帶」魚麵。任店只得兩位侍應，但服務也算不錯。另叫一杯青檸疏打，埋單盛惠38蚊，不貴，但應該沒有再來的動力。題外話一：這裡除了多魚麵，也有多魚焗飯，更有多魚粥。而粥底，更可以選喇沙底~喇沙粥底？真的是吃了幾十年都未聽過；題外話二：這裡的女侍應穿的制服，是以前Max Inn的，只在上面蓋了個招牌就算，相當吊詭。

記得我第一次食多魚麵0既時侯, 已經十幾年前我十幾歲0既時候.上個月係銅鑼灣等過海巴, 見到多魚麵重開, 所以今日去開專登走去食番餐.我0地兩人叫0左以下食物.魚湯牛腩多魚麵, 包油菜同飲品菜肉餃多魚麵+ $8 青檸梳打魚肉春卷幾樣都幾好味, 0的魚湯夠清, 魚麵彈牙.當然,食開一0的濃味菜式0既就未必0岩食.以0甘0既價錢,係銅鑼灣坐得舒舒服服, 仲有邊到呀?

呢間餐廳o既前身係“美膳”，又係四海魚旦集團o既，所以我對佢都有o的期望。同男朋友兩個去食，最簡單梗係叫二人餐。佢個二人餐只係＄88，但係己經有湯，三個小食（皮蛋豆腐，串燒，咖哩魷魚），一碟特式炒飯，一碟海觧炒魚麵，甜品同飲品（冷飲加＄3），睇落好似好多野食好抵，但係食落o麻，質素好一般，唔係難食但係亦遠稱不上好食。冇一樣係我有衝動encore o既～環境一般，冇乜人，唔迫。服務就唔係咁足，唔知點解係食甜品之前冇人o黎收碟ga bor！o的waiters 態度唔係差，只係唔會主動做野lor~

打正招牌賣魚麵, 當然要叫魚麵la. order 左墨魚丸魚麵, 賣相差不特止, 魚麵又冇魚味, 好似d大陸烏冬麵咁....湯又超多味精!!唯一好處係環境非常清靜lor(因為根本冇客).

D魚麵唔好食, 好腥! 25蚊碗, 太貴!!

星期天, 天氣炎熱.中午時份, 例行公事完畢, 人在銅鑼灣, 也要找點吃的.沒有美膳, 同是四海魚蛋集團, 改了叫多魚麵.此店明顯的打正旗號賣魚麵, 但不知是否位置太偏僻, 得小貓三四隻.午市的兩餸飯都不合胃口, 要碗菜肉餃多魚麵.賣相普普通通, 吃下去, 魚麵質感幾好, 但似乎唔覺好有魚味.菜肉餃是雪藏貨, size 似雲吞, 皮薄薄但已裂開, 幸好味道還可以.廿二蚊, 經濟抵食, 一試無妨.