多寶美食

【油尖旺區】【多寶美食】有一晚我為咗方便第二日做嘢，就喺旺角嘅酒店住一住，相信心水清嘅讀者喺之前我介紹酒店嘅時候都已經知道。咁喺得嗰度住，就梗係喺嗰頭食啲嘢。例如呢啲我比較少講嘅外賣店，就可以襯呢啲機會順便講埋。一般大家都係喺掃街嗰陣，先會食到佢哋。首先，為求飽肚，就叫咗個 $20 嘅「燒賣魚蛋雙拼」，有魚蛋有燒賣，好似各自都有六粒。味道上就比較一般，冇乜特別。反而之後食 $25 嘅「魚肉碗仔翅」就好少少，可能之前食過啲比佢更難食嘅碗仔翅，所以覺得佢都可以，而啲魚肉都唔難食，正常。咁一場嚟到買得嘢食，就咁係唔會就咁算數啦。買埋 $15 嘅「墨魚」同 $10 嘅「山根」，前者係熱嘅，普普通通，後者其實係麵筋之類嘅東西，索咗汁之後都可以。之後買埋 $8 包嘅「菊花茶」，係維他 375ml 嗰隻，不過啲價錢我都唔 sure，是但啦。。。（地址：太子水渠道30-32A號美星樓地下10號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #1am油尖旺區 #太子 #旺角 #旺角東 #多寶美食 #燒賣魚蛋雙拼 #燒賣 #魚蛋 #魚肉碗仔翅 #墨魚 #山根 #菊花茶 #1am1496 #1ambackup…查看更多

今晚分別係三間唔同嘅舖頭食咗串炸大腸第一間係旺角嘅津X …雖然佢已經係返炸不過完全唔脆$13第二間係花園街街頭 $12 淋到一個點仲衰過第一間本身冇諗住食第三間嘅但係經過呢度買臭豆腐見到佢係原條新鮮炸食緊臭豆腐期間見到有好多人買炸大腸跟住就決定買第三串食啦$18 雖然係三間入邊最貴但係佢亦都係最脆最新鮮唔會有豬臭臊味層層分明反而個臭豆腐就普通咗啲size細咗之餘仲要過香味冇以前咁多亦冇以前咁臭炸大腸必食💯…查看更多

真的算香港經典的街邊美食了，每一份小吃都是現叫現做，不需要等候特別久的時間，也不需要花費太多金錢，就可以享受地道的香港街邊美食。和男友街邊散步，突然聞到一陣濃郁的臭豆腐「香氣」，臭豆腐腦袋的天堂，聞得出來是乾淨衛生的臭豆腐，走到店門口已經派了一條小隊。路過的不少居民都提及這家店的招牌臭豆腐和炸豬大腸特別美味，於是便一樣買了一份。果然，沒有辜負我們的等待，剛炸好的臭豆腐真的外脆內軟，保留了豆腐原有的水分，紮實且溫潤的口感讓人流連。炸豬大腸更是驚人，大腸是整條下去鍋裡炸的，老闆炸好夾起一層層切下穿起。每一口都能感受到酥脆的腸衣裹挾著的大腸油潤的腸體，咀嚼散發出的熱氣一半隨口腔張和四散，一半衝上鼻腔使大腸風味在吞嚥後依舊留存許久。…查看更多

幫襯這一檔小食，相信都有差不多10年以上。今天過來太子，當然也一定要舊地重遊。大約中午的時間過來。人流不算多。但都有一半係遊客。叫了燒賣，魚蛋，臭豆腐，豬大腸。燒賣魚蛋很標準。魚蛋，也算彈牙。臭豆腐比以前好像越來越細。幸好味道不變。臭味好像減輕了！沒有那種 街頭已聞到 的勁道。但是還是很好吃。豬大腸，有點失望。雖然係即叫即切即串外皮也算脆但是腥味很嚴重差點吃不下。綜合以上，average， 都算OK啦。…查看更多

近排係IG 睇到唔少既foodie 介紹呢間位於太子的小食店， 推介佢既炸臭豆腐（$10）同炸大腸（$16）今日專程去到睇下係味真係咁好食！ 去到間小食店， 排隊人數有5人左右， 2話不說，立即去排隊食串豬大腸。今次應該係我人生中第3次食炸大腸。 由於炸大腸都係邪惡既食物，食多無益， 所以見到咁多人讚好， 我豁出去叫左串炸大腸食。 點知….有少許失望。 炸大腸外皮的確炸得酥脆，可是炸完未‘’晾一晾‘‘油， 油份太多咬下大腸時只覺滿口油，唔太食到本身大腸本有的味道。 整體來說，此店的炸豬大腸酥脆度10分，味道則是7分。難道炸豆腐才是此店的主打？ 下次有機會嚐嚐再介紹一下！ 味道：/5…查看更多

相信去開旺角嘅都識呢一間小店 因為行過路過已經好大浸臭豆腐味！都幾多人排隊買臭豆腐 滷水小食都唔錯好入味 臭豆腐外皮好脆 一件都幾大件幾難放入口 迫左我一般般臭豆腐嘅朋友食都話唔錯😂…查看更多

📍 多寶美食 (太子)太子水渠道30-32A號美星樓地下10號舖又有外國朋友嚟咗香港，佢哋話嚟香港一定要食街邊美食，因為之前有帶過其他朋友嚟佢哋都話呢間好好食，所以我今次有帶朋友嚟，一樣都係一致獲得好評🤭🤭👉臭豆腐💰$10😋😋😋😋.5/5未行到間鋪已經聞到好勁嘅臭味，朋友話點解呢度會有咁大浸臭味，但係我買咗俾佢哋之後佢哋即刻叫我買多舊俾佢哋食🤣🤣🤣👉炸大腸💰$16😋😋😋😋.5/5呢度炸大腸同埋佢嘅臭豆腐一樣咁出名，炸大腸炸到酥脆外脆內軟，唔會太乾身，同埋完全冇臭味🤤🤤🤤👍🏻👍🏻👍🏻👉碗仔翅💰$22😋😋😋😋.5/5足料嘅碗仔翅入面有木耳冬菇之類嘅素材，食之前加埋浙醋胡椒粉同埋麻油咁就係最正宗嘅碗仔翅，呢度嘅碗仔翅夠晒濃郁，最緊要要加佢地個有冇辣菜脯！真係好夠辣，正🔥🔥🔥👉 生菜🥬魚肉💰$22😋😋😋😋.5/5生菜🥬魚肉，魚肉夠彈牙鮮甜，重點要加上辣菜脯更惹味😆😆👉 牛柏葉 💰＄13水魷魚 💰＄13墨魚💰 ＄13😋😋😋😋.3/5墨魚同水魷魚牛柏葉爽脆加埋秘製咖喱汁又係食唔停口🤤🤤🤤佢哋話我冇介紹錯！！！回頭：YESYES，見到長期有人龍就知佢掂，食靚正掃街美食✨✨✨#kermit食在太子…查看更多

上一間結業後，新呢間未幫襯過。今次喺大南街寄完順豐就行去熟悉嘅位置，過吓口癮。嗌咗件臭豆腐，交出十蚊，臭豆腐迅速喺後面廚房傳遞出嚟。醬料唔係一兜兜加支木片棍嗰種，風味驟減。唧入必加嘅甜醬同豆瓣醬，再喺邊緣慢慢咬開.. 脆卜卜熱焫焫！但並不能大口進食因為實在太熱！一邊吹走冒出嘅煙，一邊嘗試唔焫親個嘴咁緊接住咬第二啖、第三啖，都因為有豆瓣醬同甜醬嘅加持，鹹辣甜滿足味蕾.. 件豆腐本身就冇乜味。豆腐大小合理，唯只有竹籤一支，難以拮起，索性撕開紙袋食用。仲記得第一次食臭豆腐，係細個去長沙灣探嫲嫲。過咗某條馬路，有個伯伯推住架木頭車喺度賣臭豆腐，爸爸買俾我哋試，真係好好味！當時賣五蚊一件，而d未炸嘅豆腐就擺喺架木頭車下隔嘅一個膠桶入面.. 流動小販真係好有香港特色！至於味道，我都講唔出個原因，但就係同大個咗之後食嘅唔同，嗰種美味至今都未能被超越。…查看更多

位於美食林立的太子主打的就是街頭美食令我的童年回憶回來了，想起小時候和家人的味道。新鮮熱辣的小食檔，而我最喜愛的食物當然就是臭豆腐，炸大腸，燒賣，魚蛋和魚肉碗仔翅。真是一個都不能少。燒賣新鮮熱辣配搭小店醬油和辣油更加出眾，魚蛋辣汁美味又香濃。魚肉碗仔翅，更是傳統食品的代表，魚肉爽口彈牙，碗仔翅味道適中，最重要分量十足。臭豆腐，外皮香脆可口，內裏帶點豆香，配搭甜醬，豆瓣醬更具層次。炸大腸方面，香脆可口，已是最基本，最重要入口不油膩，加上清洗乾淨，配搭甜酸醬，更加可口。…查看更多

多寶美食 (太子)📍地址：太子水渠道30-32A號美星樓地下10號舖======================今日喺花園街行街，行到去太子，見到呢間專賣街頭小食嘅多寶美食好多人排隊，我都忍唔住排埋一份🤩買外賣番屋企食！牛栢葉 好香口，襯住啲辣汁再食，真係無得輸水魷好彈牙，鮮味十足牛丸肉汁多多，肉味夠香，幾好食燒賣好有咬口，加埋豉油就啱晒魚蛋彈牙嘅魚蛋，配上d 汁都係絕配碗仔翅唔少香港人嘅至愛，翅都好滑，味道好足夠墨魚丸有一番風味，墨魚丸嘅好香又好食炸大腸第一次食，好脆嘅口感，加埋茄汁同芥末醬，會再好食啲🤩整體嚟講，多寶美食d 嘢真係幾好食，得閒會再去食多幾次…查看更多

太子開左間香港人鍾意嘅街頭小食店，抵食又好味，排左一陣隊先買到，買左幾款唔同嘅小食返屋企人見人愛嘅 [ 馳名炸大腸 $16 ] 食一串真係唔夠喉，最後叫咗兩串，食炸大腸，最好嘅配搭係落埋芥末及甜醬一齊食，炸得超香脆，仲唔會有異味，真係超正 掃街小食必叫 [ 燒賣魚蛋雙拼 $20 ] 超彈牙嘅燒賣同陳皮魚蛋配埋秘製辣汁，食落夠哂惹味。入口彈牙嘅 [ 墨魚 $13 ]、新鮮好味嘅 [ 水魷魚 $13 ] 腍身又有咬口、食咗爽脆嘅 [ 牛栢葉 $13 ] 配辣汁更好味。[ 山根 $10 ] 同 [ 雞肉腸 $5 ] 平時都好少見有得買，啖啖新鮮彈牙魚肉 配上生菜嘅 [ 生菜魚肉 $22 ] 份量真係好多下，仲可以落埋辣菜脯一齊食，刺激味蕾，惹味到不得了。另外有翅嘅 [ 碗仔翅 $22 ] 真係好少有，夠足料，食落口感豐富，落埋麻油、胡椒粉及醋調味，一齊食先夠正多寶美食太子水渠道30-32A號美星樓地下10號舖…查看更多

今日喺旺角附近口痕想去食小食，去咗呢間多寶美食，一去到已經好多人排緊隊！！新鮮滾熱辣嘅炸大腸，即叫即切！！😍鮮炸出嚟嘅臭豆腐，香脆又嘢味😋另外仲叫咗墨魚，水魷魚，牛柏葉，樣樣都好新鮮！超級推介炸大腸！配上香辣汁，外脆內軟，停唔到口，簡直一試難忘你好🤩🤤滿足晒口痕嘅慾望😆…查看更多

今日Lunch冇乜胃口，就係公司附近搵下睇下有啲咩小食可以買黎食下啦😬行下行下比我發現到呢間「多寶美食」！香港人就係最鍾意唔食正餐，食立雜嘢😂掃下街咁🤤包括我都係🤪魚蛋燒賣 $20/碗水魷魚🦑 $13/串墨魚 $13/串牛柏葉 $13/串炸大腸 $16/串臭豆腐 $10/件生菜🥬魚肉 $22/碗呢啲都係香港🇭🇰獨有嘅特色美食😋百吃不厭！小編就最鍾意食炸大腸！如果有埋腸粉的話，咁就非常好啦！😂…查看更多

從未食過炸大腸嘅我，放工時分經過呢間小食店，都算多人，要排隊。而且圖片都好吸引，令我決定將我第一次嘅炸大腸獻俾佢～馳名炸大腸 $16聽友人講呢間嘅炸大腸算略貴，食落非常新鮮熱辣，外脆內軟，醬汁要自己加。可以一試👍🏻…查看更多

因為屋企隻寶貝狗糧尾啦...所以今日要去金魚街買狗糧。呢幾日天氣開始熱返，人流又開多返...下午時間真係熱辣辣~熱辣辣~好熱~好熱~ 所以要拿拿聲買完返屋企休息，泊好架車之後就買狗糧先。既然經過太子，為食既我一定會飲杯椰汁同埋食件臭豆腐先至安心。咁好啦，都係一如以往買完狗糧之後就行個圈睇下有冇嘢食，掃街就必然首選，最緊要快、靚、正。行行下見到有檔嘢入面有個人熟口熟面，吹左兩句原來就係以前幫襯過，以前喺廟街開檔嘅依家搬咗過嚟太子  ，吹左幾句算啦，因為堅講趕時間，下次先再慢慢傾。既然呢一間係以前幫襯過嘅就知道質素高  。因為以前係廟街好多人排隊，等食都等好耐。咁照舊第一時間就叫左兩件臭豆腐先，但可惜既係佢呢間招牌炸大腸因為中午剛開舖，所以未有住就有少許可惜，不過唔緊要，最後我都執左幾樣野。首先講下我嗌咗啲咩嘢食先啦：有臭豆腐、雞肉腸、魚蛋、牛丸、墨魚、水魷、仲有兩溝（即係魚肉碗仔翅），呢啲美食基本上所有香港人都知道，係香港嘅特色，而且仲係超好食。等咗大約十分鐘所有嘢都搞掂晒，咁同老闆拜拜之後就飛返屋企開餐啦。返到屋企隻衰狗已經等緊我，梗係啦，因為有糧草啦... 好啦~ 好啦~ 上枱啦!!! 首先安頓好佢之後就拿拿聲到我哋，由於開緊冷氣，所以當另一半打開盒食物，成間屋都香噴噴，隻衰野食緊狗糧都即刻望過嚟，冇計既因為真係好香。唔講咁多，因為臭豆腐係即叫即炸所以都要即時食咗先，果然真係無令人失望，食臭豆腐一定要喺中間界開，之後係咁倒啲甜醬食先至係最好嘅食法，一啖咬落去臭豆腐嗰陣香味真係冇得頂，再加埋甜醬超級惹味，而另一半就覺得好臭，所以叫我食埋佢，正~~~ 佢就食嗰堆大雜燴，我見到盒野都嚇一跳，雖然大部份都係打孖上，但係估唔到真係咁豐富。咁講下呢幾樣嘢啲味道啦：魚蛋佢係用陳皮魚蛋，所以入口煙煙韌韌，再加埋佢獨特有嘅辣汁，食起嚟勁開胃；雞肉腸同埋牛丸 ，兩者都係平時打邊爐嘅食物，但始終係街邊檔買既，篤篤下係有另一種風味，呢啲係香港獨有；牛柏葉佢本身係無味嘅，所以係食佢嘅爽口度，烹煮時間剛剛好加埋啲辣汁食超好味同埋超爽口；到水魷同埋墨魚  ，食呢兩樣嘢係食佢本身嘅新鮮同爽脆，所以一啖食入口就知道老闆有料到，因為呢兩樣嘢如果時間一長就變得韌就好難食，所以老闆兩樣嘢都煮到剛剛好，入口時水魷同墨魚仲係好彈牙，而且水魷都仲好新鮮，兩個人食下傾下已經清晒啦，所以街邊檔篤篤真係香港特色~~~ 當然唔好漏咗碗兩溝（即魚肉碗仔翅），碗仔翅唔會有魚翅啦，佢係粉絲、肉絲等嘅配料加埋而成嘅，另一款就係魚肉，兩樣加埋就變做兩溝，呢款又係香港人出名嘅食品，咁我都唔客氣啦。食第一啖魚肉好新鮮咬落好彈牙，再加上碗仔翅嘅酸酸酸甜甜，肉絲嘅口感，成件事拼湊得好完美，食埋之後已經超飽。之後同另一半傾返，原來佢之前都喺廟街幫襯過，果然做到出晒名，成餐飯大約$140蚊左右，論份量又真係唔算貴，總之就食佢嘅特色、食佢嘅回憶、當然仲有食佢嘅味道啦，正!!!…查看更多