多味吉 (已結業)

平時都比較少食串燒，而家一食愛上😍 住喺附近既朋友介紹我黎食，位置唔近地鐵站，所以我係搭巴士過黎嘅👻 去到門口，已經聞到好香燒烤味啦😛🍢Menu 上有好多選擇😋 有啲串燒仲可以揀辣度或者味道！ 例如麻辣，沙嗲等等👍🏼燒韮菜🥦 2串☀️我地叫左原味，上面仲落左啲調味粉😙 好好味！燒金菇肥牛卷🐮🐮我地揀左沙嗲醬👳🏾‍♀️ 同樣地調味真係好正，肥牛好juicy😝 入面金菇多到爆🍄煙煙unun 口感十足個碟好靚，好日系xd燒雞泡魚乾🐡🐡 第一次食雞泡魚乾，好驚喜，超香。 咬落少脆，有啲煙un，好有趕，味道好重魚乾味，👍🏼👍🏼呢盤係我地其中至愛！！！必點！！左手邊: 吉列廣島蠔佢比平時放題食既好食！ 炸皮薄，無粉感😙 呢樣好緊要！ 一咬，啲汁咇出黎，加埋即炸熱辣辣，好滿足🤪💗中間炸燒賣，有童年回憶既感覺😝❤️ 右邊: 炸嫩雞佢真係超級嫩😼😼😝 我全部食物最忘不了係佢！真係唔會後悔！入面又滑，仲keep到好多肉汁！掛住食，唔記得影😂😂芝士蒜蓉燒蠔🧀🧀， 普通大小，加上芝士蒜蓉，好食係基本haha蒜蓉燒扇貝，好鮮味😋😋 飲埋啲湯汁，正！明太子釀雞翼呢個配搭幾特別，個皮脆脆的，入面啲明太子就迫爆隻雞翼haha如果再大隻啲就好🙈串燒就普普通通😋 香脆可口，略嫌牛柳串有是啲un><蜜汁燒金沙骨，好大舊😝😝😝啖啖肉，啲蜜汁好香🤣，配合金沙骨，好好味呀…查看更多

食串燒最緊要係佢啲調味, 只要調味正常, 其實串燒係一定好食! 哈哈 入正題, 好日都唔會入一次呢頭, 今日有啲野做嚟開附近, 喺轉角位有間好唔起眼嘅鋪頭, 叫多味吉😂😂😂 見倒個名咁得意, 又係食唔會伏嘅串燒, 咁我地就自然入去試下啦!佢大大張貼住唔加味精, 希望真係冇加味精啦, 健康啲😂叫左串牛舌, 羊架, 豬大腸同啲肉😂佢呢到嘅調味都唔錯。明顯有啲係加左串燒恩物孜然粉😂不過講到我最中意都係呢個戲院魷魚, 好香, 一聞已經覺得不得了。well, 串燒店果然係冇伏😂…查看更多

住左喺呢頭好耐, 呢個區好多茶餐廳呀, 啲麻甩佬飯, 但好少其他野食。呢個位一兩年前仲係第2間串燒店, 但嗰時嗰間服務同食物都好差。大約半年前有多呢到開左一間新嘅串燒店去多味吉, 自此之後成日想為佢地打篇食評, 但一直唔記得。呢間鋪頭嘅老闆娘好熱情, 而且可能我每個星期都會嚟食, 老闆娘都認得我, 有時仲會吹下水。同埋始終串燒需時, 我有時仲會打個電話落去落定order先, 唔咪唔使等咁耐囉! 呢到嘅野食我比較欣賞係羊架, 牛舌同雞翼, 不過街坊食冇咩影好多相, 請見諒。…查看更多

家住葵芳, 好少可會過到黎呢個位食野, 上兩個星期探朋友, 佢話呢間串燒店好抵食, 咁我就跟佢試下。一入到去員工都好熱情招待, 仲表示絕對唔用味精。見倒MENU有好多CHOICE, 咁我地就叫左燒茄子、燒豬頸肉串、燒煙肉露荀卷、燒雞全翼等等。不過掛住食冇咩點影好多相。個人最LIKE個茄子, 好入味! 好快就食哂, 而且好大條。朋友點的日本魚, 佢話都唔錯。可值得一試。哈哈, 佢地個牆有D好搞怪既畫。擺埋一齊影相又幾好笑。其他食物都唔錯。再一次發現呢頭都幾多美食。食完呢餐真係和味個和味龍。下次會想黎試埋佢地其他串燒!…查看更多

阿媽喺附近返工 , 上個星期放工得閒就去接阿媽放工。 我有少少肚餓, 阿媽就帶咗我去呢間串燒店到一齊食個tea。佢話同同事成日食。入到去發現環境唔算好大, 喺門口已經聞到陣陣串燒香氣。睇menu有好多選擇。 因為返屋企仲要食飯, 我哋就點咗以下呢幾款醫下肚。燒原隻茄子呢個茄子調味一流, 陣陣蒜香, 用筷子啲茄子肉出嚟食。 熱辣辣好好味。椒鹽魷魚鬚, 脆脆地好香口, 好好味。燒煙肉車厘茄, 一咬啲茄汁就標哂出嚟。好正好好味。總括而言呢間應該會再幫襯! 支持小店。價錢親民, 味道都唔錯。…查看更多