多味吉

阿媽喺附近返工 , 上個星期放工得閒就去接阿媽放工。 我有少少肚餓, 阿媽就帶咗我去呢間串燒店到一齊食個tea。佢話同同事成日食。

入到去發現環境唔算好大, 喺門口已經聞到陣陣串燒香氣。睇menu有好多選擇。 因為返屋企仲要食飯, 我哋就點咗以下呢幾款醫下肚。

燒原隻茄子
呢個茄子調味一流, 陣陣蒜香, 用筷子啲茄子肉出嚟食。 熱辣辣好好味。

椒鹽魷魚鬚, 脆脆地好香口, 好好味。

燒煙肉車厘茄, 一咬啲茄汁就標哂出嚟。好正好好味。

總括而言呢間應該會再幫襯! 支持小店。價錢親民, 味道都唔錯。