外婆酸辣粉-辣酒米線專門店 (已結業)

我突然好想食辣便揾下番工附近有無酸辣米缐這類型食物，最後在光輝圍咐近搵到我心水。外婆酸辣粉不知係咩味道。期待中⋯⋯其實間小店一d不起眼，仲有些殘舊feel 。其實我望一望個套餐價格，佢一d 都不超值，41元得一餸酸辣粉。食個lunch 再加無野飲及裝修簡陋，我不能夠話抵食。最後我叫肚絲酸辣粉，的確佢碗粉做到麻、酸、辣恰到好處，三種美道可同時感受到。有好多店仔，只偏重做到某一種味道，令另外二種失色。仲有佢d 粉軟硬適中，真係正。可是佢個肚絲有顏色但無味而且不是特別爽，我下次只會要碗25元酸辣粉算la。

本人好喜歡食麻辣米線，哩間係我喜歡的其中一間！間麻辣米線就係公司附近，lunch堂食打卡仲會送野飲，宜家同事朋友見到我地成日打卡，都走去一試，結果好多朋友都愛上食哩間米線！本人最愛距既麻辣米線，哩間既麻辣米線好特別，麻辣味好香，一聞就令人流晒口水，仲有好多款小食比我地揀，真係好滿足！放假都想食啊！

看到大家對外婆酸辣粉的評價就想來試下，但係對於喜歡吃辣的我覺得店裡的口水雞冇辣味同埋酸辣粉一樣唔酸唔辣我已經叫左加辣，都係一樣冇感覺。甚至有D失望！麻辣肚絲一D徵！辣味都冇同埋肚絲唔爽口！

每次經過都被外牆紅紅辣辣吸引住,好似好掂,終於鼓起勇氣去試一次,唔覺有咩咁吸引會再想再嚟食,味道好本地,店內環境光猛,整潔。買了一份口水雞及一碗麻辣米線,再加兩個餸合供$57元。餸款式唔太多選擇。口水雞-剛好比咗雞翼位我,合晒我心意,雞未做到好滑,口水汁似担担麵嗰種好濃稠,好香花生醬味,味道好簡單,唔似其他店舖食口水雞,有濃烈香味,複雜,很多層次,惹味,滋味,也沒有花椒香味,但不會很多辣油,食完絕對唔會一口油,嘴邊只感到有輕微麻痺。麻辣米線-真係好普通,味道好單薄,值得一讚,店家將湯另外裝起,當打開碗湯後,濃濃豬骨湯味立即湧上,嗰一刻真係好正,但當湯再倒進米線與麻辣醬一起伴勻後,味道唔覺突出,好普通一碗米線,而蘿蔔也很大件,但唔夠焾,就咁烚熟便算,豬紅很失望,沒有預先炆煮,湯嘅熱力及味道也不能浸入豬紅入面,豬紅中心位置仲係凍,成件豬紅係無味。兩樣餸都沒有預先用醬汁烹調過,蘿蔔就咁用水煮熟,沒有煮透,所以未焾,豬紅買現成回來一啲加工都沒有。落單時自己忘記講所有嘢要求要咩辣度,職員也沒有問,回家吃時才醒起,所以全部味道都很輕微,完全沒有四川,外省嗰種豪邁風味,味道。

口水雞中辣，買左兩碟都係中辣，其中一碟走蔥及花生。唔知點解有蔥及花生既辣幾倍，搞到出晒汗，撞上嫩滑雞肉好味又刺激。淨食雞無飯送，大啖大啖地啜辣汁，好 high 呢，堅辣！色香味均滿意。雪琪楊大力推介非常好味，每次都由大埔遠赴葵涌品嚐，仲會買外賣大宴親朋益街坊，有美食大家一齊分享。今次我都有食神保佑，終於有機會試試喇。

是日因在葵涌工作，突然心郁郁想吃點辣，就來到這間酸辣粉止下癮。由於Lunch Time人流多，而這裡屬小店，故坐得偏逼，與一般粉麵店差不多，方便上班的人吃完即走。麻辣米線可自選不同配料，一般是配一款餸，可額外另加$4~$6不等選擇多幾款。湯底除了提供酸辣外，亦有濃湯及麻辣選擇，而不太喜歡酸的小妹就正好可點麻辣了。是次小妹就選了墨魚丸及豬頸肉麻辣米線。屬小辣的麻辣，香口惹味，並帶點小量麻痺感覺，而墨魚丸及豬頸肉正好吸收了麻辣湯底，尤其是豬頸肉更吸味。墨魚丸則非常彈牙，配合滑一滑的米線，真的不俗。另加$6配了豆漿，豆味重，且勝在夠凍，最適合在吃辣時「滅火」。Lunch Time吃過麻辣米線後，瞬間帶走疲倦，開一開胃，醒一醒神，再回去工作。

一直都未有時間打.. 但係呢間酸辣粉真係唔錯.. 所以點都要post出黎.. 本來係團購見到都心大心細.. 好彩有買.. 因為好味又好飽..首先就有7碟小食.. 我覺得雞翼最好食.. 炸得好脆入面又熟.. 另外平時我唔食青瓜.. 但係呢度個青瓜D味幾好.. 酸酸地少少甜咁..  跟住就有雲耳、 海帶(幾好食.. 又唔腥..)   蒜泥白肉(厚切.. 口感同個味好似麻麻地, 可能食慣某間酸辣粉..)  口水雞(好滑..)   有得揀夫妻肺片或者豬肚.. 我地揀左豬肚.. 豬肚(唔un.. 都好入味..)   個粉好好食.. 因為第一次食呢間.. 所以唔咁叫太辣.. 叫左小辣.. 點知唔係好辣..  如果唔食得辣ge朋友仔就可以叫小辣..  酸、麻、辣ge味剛剛好.. 麻比較多少少.. 但係都正~~~~~~~~~~  個粉又唔會太硬或太淋.. 最後，我叫左杯奶茶.. 但係真係好麻麻.............  下次我會選擇汽水..........  

本人都幾鍾意食酸辣粉,見有團購就買咗2人餐啦由於BOOK咗星期六18:00,去到門口見到冇寫星期六晚上營業,但我當日有收到店鋪電話我照樣入去,原來係有營業,只係出面張營業時間冇寫明.入到去,侍應姐姐就問:係咪X小姐?我估唔到佢會記得,可以當日得我一個BOOK位我答 : 係啊跟住就交咗張團購COUPON俾佢青口都幾好,如果多D醋,酸小小更好海帶,肚絲都OK酸辣粉都幾麻辣(本身係小辣,如果唔食得咁辣,記得同侍應姐姐講)辣到係咁流鼻水,哈哈~~~呢個口水雞其實唔係好辣,放落酸辣粉度,可以變麻辣雞蒜泥白肉反而麻麻,因為比較乾同韌仲有木耳幾爽口,但冇影到另外叫多兩杯豆漿,真係幾辣下,要去食嘅人要有心理準備但真係幾好食,下次會再去侍應姐姐非常之有禮貌,簡直似去左食自助餐嘅態度(但間鋪好似星期日唔開)

大角咀外婆酸辣粉因舖租挨不住結束了。對於幾個「愛」婆如命的大角咀住朋友來說，簡直是晴天霹靂！事隔數月，找個機會再黎葵興食個飽！😎招牌酸辣雞好鬼正！個汁係難以形容的酸辣可口！手拍青瓜： 簡單味清爽泡椒鳳爪： 自浸泡椒很有誠意，鳳爪好入味！夫妻肺片： 很一般酸辣粉：     個人比較鍾意硬身少少，太腍了！本身想食鹽水通菜但是日無供應，失望極了，總括說依然不錯！😁😁😁

原本能好地地的與親愛的友人行街睇戲食飯, 但就是一個不負責任的人來一個不該的訊息, 令我在這黃金三十分鐘之中忙得疲於奔命, 結果攪到夜晚只有一個人過冬至。在葵涌遊蕩, 不知吃什麼好。有些鋪頭早收, 有些不值一顧。結果來到這家外婆酸辣粉。酸辣粉中用的紅薯粉也許不是我的喜愛, 看看米線, 但原來餐廳有套餐。一個辣酒肥牛烏冬加個小食麻辣肚絲, 收費HK$44。想要改米線, 但原來要加兩蚊, 不值。不過辣酒惹味之餘, 輕輕酒香, 烏冬口感也叫不俗。肥牛還好吧！麻辣肚絲, 花椒油麻而嗆, 肚絲彈牙, 效果可以。整體餐應味道算是不錯, 但就是份量細了一點。

其實我一次也沒去過這間外婆酸辣粉。吃過許多次外婆口水雞和麻辣豬肚，都是妺妺幹的好事，雞總是半隻，件件切得細細，浸在充滿麻辣生蒜的醬汁，夾着花生香菜青葱吃，在咀裡爆發無窮滋味，以這價錢雞沒可能不是冰鮮，卻十分十分嫩滑鮮味，絕對是越吃越想吃，豬肚也切得細細爽爽，令人想喝碗酒。每次這兩份美食本都是突然出現，結局他倆總是反客為主，次次都吃得清光，反而本來的弄好的菜被冷落了，我們連那美味的麻辣汁也沒放過，留起下餐拌個白麵，延續滋味。

每次經過都被其招牌吸引，大大隻字寫住外婆酸辣粉。一直喜歡麻辣野既我終於可以一試。當日下午四時，店裡只有我一個人，叫了招牌酸辣粉小小辣加牛展再要了豆漿。雖然小小辣都已經令我汗水鼻水直流。外婆既酸辣湯底毫不手軟，麻既味道非常強勁，食完一陣舌頭都是麻麻的，牛展稔身，面條要咬好耐。下次會試米線。誠意推介喜愛麻辣既你，好過那間令人傷心既酸辣粉，無論價錢和味道。

以前係附近返工時，其中一間最愛既餐廳無辦法~公司附近硬係無一間似樣既米線偏偏小弟又係最鐘意食米線還記得剛開無耐~成班同事走落去試菜時叫既口水雞~我亦都係果時開始鐘情呢間既口水雞雞肉極嫩滑，麻辣汁配搭得剛剛好食完嘴唇又麻~頭頂又出曬汗~好過癮不過之後出左名，人手問題做唔到外賣搞到次次都要落去食但為左美食都值得既推介口水雞同紅油抄手

因為工作關係，要四圍去，無意間比我見到，因為鍾意食辣，即刻衝入去，裏面細細間，只得一兩個人，但好整潔!叫左碗中辣酸辣粉，加左個豬頸肉，嘩! 好好食，佢個湯好有四川味道，辣度又很好岩味(因為我叫開中辣)，豬頸肉爽口，好新鮮，細細碗，盛惠$26，下次一定再黎試其他餸!

上星期下午沒帶飯和同事去了光輝圍的<<外婆酸辣粉>>午餐我點了外婆酸辣粉 $20+ 肥牛 (包一餸)+ 豬頸肉 $6肥牛真的頗肥, 那麼多的肥膏當然不鞋豬頸肉則相反, 乾乾瘦瘦, $6 來說份量真的不多而外婆酸辣粉不是米線, 是透明的薯粉雖然我只叫了小小辣, 但薯粉吸湯力超強一邊吃, 其實一併也喝了很多辣湯加上酸辣粉真的很熱, 吃罷一碗, 混身是汗也一邊步行回公司, 會發覺很口渴的嘴部也能保持到半小時至一小時麻麻的 ...