夏麵館 (新都城中心二期)

營業中

休息中

今日嚟到寶琳，同朋友去左新都城中心嘅夏麵館。我最愛呢度嘅擔擔麵，而朋友就想食獅子頭，正好揀到呢個砂鍋獅子頭麵 $72 可以+$10轉擔擔麵底。麵條有彈性，擔擔麵醬香濃掛麵，少少辣好惹味，成個砂鍋份量之大，係一個女仔一定食唔曬。炸銀絲卷(跟煉奶)$28 外皮薄脆，加上香甜煉奶，係簡樸嘅美食。賽螃蟹$80 雪白嘅蛋白滑一滑，加點醋食鮮味提升。紅油炒手(6粒)$40 炒手好大粒，紅油唔會太辣仲帶點甜味。豆沙鍋餅(全份) $38 豆沙餡細滑唔太甜，早起 夠熱度。加埋每位茶位$10，埋單都係$300左右，相當抵食！

返工咁辛苦，放工架要約下朋友食下飯傾吓計飲吓嘢解下壓啦，所以就約左同事一齊去左將軍澳新都城「夏麵館」食下小籠包，講下公司是非🤣🤣。鮮肉小籠包皮薄餡靚又多汁，即叫即蒸夠新鮮，一咬落去啲汁係爆出來。烏金蟹粉拌麵🍜麵呢就係用上墨魚汁嘅麵，而最正係個蟹粉真係好鮮甜美味。生煎包熱辣辣外皮煎得好香脆，而食落啲餡料係好充滿肉汁豐富。四喜烤麩烤麩如果處理得唔好的話會有浸酸味，但呢度的烤麩完全冇呢個問題👍🏻。砂鍋獅子🦁️頭麵湯底清甜，獅子頭嘅份量都幾大，肉質鮮嫩唔錯唔錯。

今日去咗探住喺將軍澳新都城嘅表姐，因疫情關係好耐都冇見，表姐喜歡食上海菜，約咗去商場內的夏麵館食晚餐。餐廳地方雅潔，座位亦坐得舒服。蟹粉小籠包，皮薄多汁的小籠包向來滋味，今次小籠包加入了蟹粉作餡更把味道昇華，一口咬開伴隨蟹香，令人齒頰留香！熱爆燻魚，燻魚味道甜中帶咸，咸中帶鮮，滋味醇厚，入口軟綿緊密，香脆鮮甜。砂鍋獅子頭麵，擔擔湯底上海擔擔麵，獅子頭的特色就是大，團成棒球般的肉球，入口才有十足的肉香味，挾開才有肉香和肉汁，揀咗擔擔湯底，味道充滿麻醬香郁，香濃不膩。彈牙的麵條掛上燶郁的湯底，十分惹味！上海擔擔麵，擔擔麵 湯底濃度適中，唔會太杰又唔會太水，剛好掛汁。有濃濃的花生香味，和小小辣味，撈埋肉碎食好惹味！炸銀絲卷即叫即炸，外酥內軟，配上香甜的煉乳，十分美味！

今晚同屋企人係新都城行完街，一齊食上海菜。京蔥牛肉上台時香噴噴，京蔥牛肉爆炒，食得出夠火候，牛肉好嫩，好惹味搞到食左好多飯😂韭黃炒鱔糊呢味屬於經典上海菜式，自己係屋企好難煮到，所以次次去食上海嘢都會叫黎食。冬天食鱔仲可以滋補下～鱔切成條狀同韭黃一樣，味道係惹味，但唔會太鹹，送飯一流。本身以為鱔份量會好少，點知都好多下，抵食👍排骨菜飯排骨好厚肉，炸得夠酥脆👍菜飯唔會好油上海醬鴨平時我好怕d鴨有肥膏，呢個醬鴨係冇肥膏，食落甜甜地，醬香肉嫩。

返工同同事心血來潮想簡簡單單又坐得舒服咁食上海菜，Openrice 見到夏麵館，兩個人傾吓計食吓嘢，呢度個環境都好似好適合，其實入到去都唔敢相信原來夏麵館近年個形象唔同咗咁多😯食上海菜必點四喜烤麩，如果係有拖油就更好食，口感會更好葱揚拌麵係同事之前試過話好食，所以encore，我第一次試都幾喜歡佢嘅葱幾香，不過蝦米就略為唔夠爆，但絕對對得住呢個價錢🤭食上海菜必點上海年糕🤭🤭🤭🤭🤭簡單清淡雪菜肉絲就夠，年糕都好煙韌，帶有少少糯米香百頁我都係第一次食🫣🫣同事話做得幾好索到少少湯汁又唔會太淋小籠包就正常發揮上海春卷都真係做得幾好，餡料正宗，外層鬆脆，咬落去「索索」聲！😛😛人少少又想簡單食上海菜，唔需要fancy or 好高要求，夏麵館真係幾好嘅選擇，呢度嘅staff 都好nice!

同媽媽係新都城行街，見開咗夏麵館，又好耐冇食過上海菜，於是入去試吓。餐廳裝修充滿中式古典風味，而且座位都寬敞食物款式方面有多款選擇，而且都有一啲優惠套餐。蟹粉豆腐煲($108)份量都幾多，豆腐滑溜，蟹粉味道幾鮮味👅濃稠度適中，好岩送白飯🍚排骨擔擔麵（ $68 ）一上枱就聞到花生醬香味，味道濃郁，辣度岩岩好，幾惹味。麵既口感偏淋，幾索湯👅排骨外皮金黃幾脆口👄厚薄適中，浸湯食幾正同埋會再淋身d。鮮肉鍋貼（ $36 ）鍋貼一共有三隻，大大隻，肉餡飽滿有肉汁，如果再煎脆d就正啦😆豆沙高力（$38)熱辣辣，咬落出哂煙💨外皮鬆軟有空氣感，食到蛋白香，豆沙餡料唔係好甜，唔錯👍🏻

今日嚟到間性價比好高嘅上海菜餐廳～餐廳都幾大，有好多卡位，坐得舒服。價錢唔貴，全部都大大份，一定要試下佢哋嘅蟹粉。夏味燻蛋（$26）- 帶有煙燻味嘅溏心蛋好好味，必試。燻魚（$65）- 燻魚係炸過的，魚肉份量多同厚身，配埋甜醬好開胃。花雕醉雞（$68）- 雞肉嫩滑，每啖都帶有花雕酒味，但酒味又唔會過濃郁。蟹粉小籠包（$38）- 小籠包熱辣辣，入面好多湯汁，仲食到蟹肉嘅鮮甜味。蒜蓉菜心（$55）熱豆漿（$15）

性價比上海菜 ｜ 夏麵館之前聽人介紹話夏麵館性價比甚高，所以今日就特登嚟試吓佢嘅午市套餐啦：以下係我點嘅菜式雞絲粉皮：雞肉鮮嫩，粉皮幼滑，調味適中韭黄炒饍絲：很香口，但不油膩午市自選套餐配有上海擔擔麵+鎮江水晶肉：擔擔麵係麵控首選，麵質新鮮彈牙，水晶肉鹹香鮮嫩，脂肪入口溶化！餐飲叫咗杯酸梅湯配以甜品豆沙鍋餅，為完美嘅午餐畫上句號！午市套餐又抵食，又多選擇，餐廳裝修乾淨企理，服務員有禮貌，值得過嚟試吓！

夏麵館 (新都城中心) (將軍澳).將軍澳夜晚想食上海野，夏麵館係唔錯嘅選擇！.▪️烏金蟹粉拌麵 ▪️.呢個幾特別，蟹粉係面配上烏黑色嘅麵，仲有醋比你配，食落少酸好開胃.▪️雞絲粉皮/蒜香四季豆▪️.雞絲粉皮花生醬多左啲所以有啲鹹。另外四季豆係涼拌好好食！.▪️鮮肉小籠包▪️.肉汁都多係個皮比較厚，但一籠有四隻價錢都好親民.▪️炸饅頭▪️.以為係一口小饅頭，點知勁大個🤣仲要有文個，一人食左三個非常飽🤣🤣..📌 夏麵館 (新都城中心) (將軍澳)將軍澳貿業路8號新都城中心2期2樓2013號舖.

今晚去咗 將軍澳嘅夏麵館晚餐，見到佢哋有個蟹粉套餐， 兩位四百幾蚊，見到 菜單都幾好，所以就嗌咗一個套餐。成個套餐大部分都以蟹粉為主。整體幾豐富蟹粉扒菜心- 菜心煮得好「林」，冇牙都食到。蟹粉黃魚片面-- 麵條幾煙韌魚片大小適中頗嫩滑。蟹粉小籠包-- 呢個小籠包比較普通，食 唔到蟹味。呢一個叫做「哆唻咪」， 唔係太知係乜嘢， 不過睇咗張菜單， 原來係由張曼玉 題名而成的， 所謂 「哆唻咪」，就係由 蟹黃、 蟹粉、 蝦仁 煮成， 有濃郁香，可以 配埋銀絲卷來食， 都幾特別。鮮魚羹-- 夠晒熱辣辣， 飲落就食到有魚肉係入邊， 口感鹹鹹地，不錯。涼菜五小碟-- 作為一道前菜， 每一款 都唔錯， 個人就鍾意糖醋骨， 夠曬 酸甜。飲埋個薑茶湯圓真係超飽了， 整體上個餐 都食到蟹粉， 對於蟹粉迷嚟講就會幾滿足。

今晚近近地去咗新都城2期搵食，見到#夏麵館，家人話呢間都唔錯, 又想食下上海野，於是就進入開餐囉☺️。自選凉菜五小碟：四喜烤夫、鎮江水晶肉、虎皮素鵝、蒜香四季豆跟糖醋小排，可以自選先己喜歡的食物，很貼心啊！款款都各有特色，唔錯啊👍。 小食就點左鍋貼，餃的底部煎得金黃色，脆口又不覺油膩，餡料有滿滿的豬肉， 而且肉汁豐富。黃魚煨麵，湯底是奶白色的，飲落味道鮮甜可口，黃魚冇骨啖啖肉，肉質嫩滑，麵條軟滑又爽口。

夏麵館係食上海菜，好多地道嘅上海菜都可以係menu到搵到蔥油開洋(蝦米)拌麵曾經係上海生活過一排，好掛住食蔥油拌麵。今次呢個同我上海食既好似，先將蔥用油炸香，迫到蔥香出哂黎再撈麵，再配上蝦米添香味。麵質偏柔韌，蔥油撈勻後味道好濃厚哆唻咪聽聞夏麵館蟹好出名，於是叫左呢份由張曼玉小姐提名既名菜。用上蟹黃蟹粉再配上河蝦，蟹黃味道濃郁，大閘蟹獨有嘅油香令口腔回味無窮。河蝦鮮甜，令到個菜多左清新嘅感覺。我配上左炸饅頭一齊食肥而不膩，愈食愈多榴連高力估唔到呢到有榴連甜品，用上高力豆沙做法但換左榴連餡。高力係用上蛋白炸起加糖霜，味道本身較淡，但配埋榴連餡十分香，2樣配搭好好成餐飯都好開心，食到心心念念既上海菜，服務都好好，讚

要我諗起性價比唔低嘅上海菜店，我會即時諗起呢間多數食開太子店，估唔到呢區都有一間。面積幾大，樓底又夠高，坐得幾舒服。食物價錢大多數唔過百，由前菜/飯麵/小菜/飽點/甜品都有。食上海菜要叫酸辣湯，就好似食泰菜要叫冬蔭公一樣。不過今晚就叫咗酸辣湯麵 ($55)做麵食。個碗真係幾大個，好彩份量都有半碗; 材料有肉絲，木耳絲，荀絲，豆腐絲，冬菇絲及蛋絲。酸辣度對於我黎講係可以接受，麵條偏軟身，食晒成碗都幾飽。友人無飯不歡，簡而清有呢個老上海炒飯 ($65)材料除咗有蝦仁，加入蛋及蔥粒一齊快炒，加多點香味; 飯粒乾身分明，但又唔會食到一口油，咸淡適中。幾喜歡食佢嘅糖醋魚塊 ($72)，配以青紅椒，菠蘿及洋蔥，顏色吸引。酸甜度岩岩好，略嫌外皮脆多一D會好味D，入口夠熱，啖啖魚肉食得開心。想食炒菜呢度都有，又係簡單咁叫碟蒜蓉炒白菜 ($52)，份量足夠2-3人食。熱辣又有蒜香味，無沙，空口食都唔錯。侍應主動加茶收碟，上菜速度都快，QR Code / 點餐紙落單都可以，照顧客人不同需要。

連鎖既夏麵館以前係德福都有食過不過個舖位就成日變而家就變左做另一間今次就去左將軍澳新都城食位置就係2樓最角落個位另外佢地而家都有7間分店商場店環境光鮮平日夜晚八點過到黎可以坐到四人卡位幾舒服夏麵館而家手機落單不過一樣都可以寫紙仔散叫同套餐都有最後揀左呢個望落去幾吸引既極品蟹粉宴雖然貴左少少但叫做有七道菜選擇好似幾多野野飲要左凍同熱豆漿各一杯size正常以為七道菜份份都會變成迷你版但事實並唔係咁只有鎮江水晶肉同虎皮素鵝係得兩件其他雞絲粉皮同四季豆都比想像中多中間糖醋小排仲係正常前菜size添湯有兩款揀咁就當然係我全部都要酸辣湯開胃鮮魚羹入面都幾多料佢地有個招牌叫做哆唻咪讀音doremi以前食過我都唔知有呢樣野由名人提名用左一兩蟹黃同二兩蟹粉配上三兩河蝦組合而成賣相好吸引仲好邪惡霸道餐牌話配埋饅頭抽撈汁食就最好跟餐就會有埋銀絲卷我覺得如果用黎撈麵或飯應該會更加正但佢跟既係湯麵鮮蟹粉黃魚片麵呢個本身又已經有配蟹粉味道唔差官網寫話係自家製麵條但始終蟹粉一落湯就好似會散晒比魚湯蓋過如果配另一道烏金蟹粉拌麵應該會更加正佢地連菜都要淋上蟹粉真係名乎其實蟹粉宴上海菜點少得小籠包套餐有每人一件蟹粉小籠包

和朋友一起在寶琳交收，之後去新都城二期睇下有什麼吸引的下午茶餐。見到這間上海菜館的下午菜竟然有蟹粉，即時拉朋友入去話「三位！」已經一月了，若不捉緊冬天的尾巴吃蟹粉，好快就無得食了。下午茶套餐相當抵食，雖另要加一，但免收茶位，而且份量和正價一樣大大碗，包埋飲品，加配埋小食，非常滿足。🔶鮮蟹粉黃魚片麵（$74）黃魚超級優質，又滑又鮮，差點搶走蟹粉的風頭。蟹粉份量足又甘香，才與黃魚平分秋色。陽春麵條口感幼滑彈牙，配上鮮甜湯底，每一口都能帶出啖啖鮮味！🔶烏金蟹粉拌麵（$70）香濃鮮蟹粉配墨魚汁手工切麵，既獨特又鮮味十足，拌勻才吃，色香味俱全。🔶酸辣湯餛飩麵（$54）酸辣湯料多味美，不會太辣或過酸，陽春麵掛滿湯汁，非常好吃。三粒大餛飩，肉餡夠大，外皮滑溜。🔶鮮肉小籠包（+$22/4件）~ 外皮雖不通透但輕薄，一口咬下，肉汁溢出。🔶鮮肉鍋貼（+$14/2件）~ 外形美觀，外皮軟中帶勁。🔶豆沙鍋餅（+$14/半份）~ 外脆內軟，香甜燙嘴。🔶夏伯伯酸梅湯（$0）~ 餐廳獨家古法炮製，第一啖好酸，之後回甘清爽。🔶豆漿（$0）