夏麵館 (新都城中心二期)

營業中

休息中

📌夏麵館 夏麵館主打傳統上海菜，一直鍾情佢地嘅黃魚煨麵🍜另外有砂鍋獅子頭麵、 排骨擔擔麵都係熱門菜式✴️自選涼菜五小碟可以在9款小食裡面自選5款 ，揀咗💁🏾‍♀️雞絲粉皮｜四喜烤夫｜糖醋小排｜虎皮素鵝｜涼拌小木耳雞絲粉皮醬汁落得充足，醬香味濃，配上煙韌粉皮好滋味✨四喜烤夫味道鹹中帶甜，烤夫特色係好索汁，食落好入味🥢虎皮素鵝炸得香脆，外皮脆卜卜內有冬菇、木耳絲等材料🫔糖醋小排帶黑醋香，同酸酸辣辣的木耳都係非常好嘅開胃菜✴️擔擔麵擔擔麵都係必食菜式，可以選配豬扒/雞扒或者單點✨上菜時見湯底灑滿芝麻賣相吸引，湯底同麻醬撈勻後更見濃郁，有花生香同淡淡花椒嘅麻香，亦有花生粒粒增加口感🍜麵條幼滑、掛湯，冷冷的冬天食一碗係滿足嘅✴️ 高力豆沙高力豆沙係經典嘅上海甜品，愛甜嘅我又點會錯過，剛剛炸起好軟熟，豆沙餡唔會太甜，食多件都唔會膩🤭服務方面，店員服務親切有禮貌，值得一讚🤍

抵食要叫午市自選套餐B瑤柱蛋白炒飯炒飯好正，飯粒乾爽粒粒分明，澆上瑤柱碎增添香味。上海春卷(2件）係啱啱炸出嚟嘅春卷，好多人驚熱氣，但我唔驚，咁先好食，太好味😋。熱豆漿，真係好熱，要慢慢飲，佢豆漿味好濃，健康嘅飲品。午市加配高力豆沙（2件)即叫即做，食入口好鬆軟入面嘅係紅豆餡，好好食。午市自選套餐B鮮蟹粉黃魚片麵，勁多蟹粉，黃魚片肉質係彈牙，要飲埋d湯，呢個真心好食🤤花雕醉雞（午餐）醉雞夠滑，花雕酒味濃，所以我飲埋佢，好正。酸梅湯（凍）💗而家推出左極品蟹粉宴$428兩位💓💓同老公黎撐枱腳先

小編係夏麵館嘅常客, 對上一次喺度食完大閘蟹之後意猶未盡, 所以今次專程過嚟食鮮蟹粉黃魚片麵😜 蟹返份量超多都滿曬成個麵碗嘅表面, 蟹肉挑得好 仔細唔會留下軟殼, 蟹膏多到呢🤤 金黃色香濃又鮮甜， 一邊寫一邊都流口水。涼菜方面小編次次都點佢嘅糖醋排骨， 同埋醉香豬手， 糖醋排骨嘅糖醋香味滲透入骨， 甜甜酸酸好開胃, 好食到要"選"骨頭🤪醉香豬手要煮得好食真考功夫， 呢款做到皮爽彈牙， 滿口花雕酒香， 補充充一下滿滿骨膠原❤️~~~~~~~~😋味道: 8.5/10📸賣相: 8/10🛋️環境：8.5/10💁‍♂️服務: 8/10💎性價比: 8/10💲人均：$150⏪回頭率：80%~~~~~📍夏麵館 (新都城中心)將軍澳貿業路8號新都城中心2期2樓2013號舖~~~~~

叫左外賣上海粗炒，，水煮魚， 擔擔麵，瑤柱蛋白炒飯， 先講上海粗炒，，冇乜味，好淡， 麵質好林，，唔彈牙，，水煮魚味道一般，，都有辣味，，不過桂花魚肉質麻麻地，唔夠滑，擔擔麵正常，冇乜驚喜，瑤柱蛋白炒飯最好食，不過下次唔會再叫呢間食，因為要200字先可以評價，所以我要繼續講，呢間野新開，裝修環境幾好，，，服務態度唔清楚，，因為我叫外賣！！！！！！！！！！！！！！！！！！！！！！！！！！！！！！

上菜慢，冷氣凍，令到餸菜好快就凍晒，員工唔多理人，但勝在抵食。五小碟在9種涼菜中揀5種我哋揀咗四喜烤夫，雞絲粉皮，虎皮素鵝，鎮江水晶肉，糖醋小排而糖醋小排可能因為冷氣勁，令到糖醋芡汁杰撻撻，凍冰冰，唔好食其他涼菜都不錯排骨擔擔麵排骨酥軟，肉質嫩滑蟹粉小籠包皮薄多汁，都多蟹粉，啖啖肉，但就要快食，驚凍咗就唔好食。豆沙鍋餅有好多豆沙餡，外皮炸到硬咗少少，唔算太甜，都OK嘅

同屋企人食飯, 發現夏麵館嘅四人餐幾抵食，$588，有湯羹、兩款前菜、兩款小菜、一款蔬菜, 一款飯/麵/年糕, 小籠包/生煎包&甜品-湯羹- 宋嫂魚羹幾好食湯帶微酸, 幾足料, 筍絲同魚塊都不少, 每人有一碗😋-前菜-美味海蜇海蜤嘅麻油味唔夠， 只有顏色上色😂雖然海蜤口感爽脆，但份量唔多，因為有一半係底層嘅青瓜, 我就覺得佢唔係好美味啦😂鎮江水晶肉通常我都會叫呢個菜，因為好開胃，食完一舊又一舊😆呢個都做得幾好, 口感滑嫩! 小籠包(四隻)熱辣辣，皮厚咗少少但多汁👍🏻湯汁都有鮮甜肉味!-小菜-菜心獅子頭口感軟綿, 入口即化, 味道有啲似午餐肉, 吸收咗汁料的精華, 好味😋黃金蝦球鹹蛋黃蓉黏著每一粒蝦球，入口有濃郁的鹹蛋香味，雖然外皮炸得唔算好脆, 但蝦肉肉質爽口彈牙!-蔬菜-乾扁四季豆都唔錯👍🏻豆炒得翠綠, 成個餸好惹味!-飯-老上海炒飯飯炒得幾香，粒粒分明, 其實係欖菜、蝦仁、蛋炒飯，但又唔會鹹喎👍🏻-甜品-豆沙鍋餅皮炸得幾脆，紅豆沙薄薄一層, 唔算好甜!食完飽到不得了🙈四個人都算好多份量😋

本來一心諗住一家人，一齊食個下午茶，點知原來夏麵館1:45先可以入座食，我同老公諗住入去坐一陣間就可以叫下午茶啦，點知我哋入座只係1:42，本來下午茶係唔使茶錢既，都要收茶錢，都不特只，有位高級啲嘅員工就同我地講話佢地公司要1:45入座先唔使茶錢同叫下午茶，仲好似，好皇恩浩蕩咁比我地食佢公司嘅下午茶咁，話今次就比你叫啦，下次就唔得，如果係咁我地入去果陣你地就應該同我哋講叫我哋等一陣，我哋根本就唔知道，如果知道就唔爭在等果3分鐘啦，仲要佢比說話我聽，真係食到一肚氣，茶錢照比冇問題，但態度真係好差囉，如果一早講我可以去第二間食

夏麵館又到午餐時間，被門口張榴槤鍋餅圖吸引住，就好想試吓。今次叫咗2個午市套餐，每個套餐包一份主食，一份涼菜/點心，一杯飲品。另外加咗$28蚊要埋半份榴槤鍋餅。-------------------------烏金蟹粉拌麵 $82麵條係黑色嘅，唔怪得叫烏金。但食落又冇特別嘅味道，同普通麵條差唔多。蟹粉鋪滿喺麵條上面，每啖麵都食到香濃嘅蟹粉 涼拌茄子茄子醃得好入味，唔會過淋面頭嘅燒汁醬都好惹味鮮蟹粉黃魚片麵 $88哩隻蟹粉同烏金蟹粉拌麵嘅係一樣，但哩款以湯麵形式上菜，蟹粉溶曬落清湯，令味道淡咗同少咗咁，蟹粉味唔夠突出。但魚片非常鮮甜滑溜，又冇骨，哩個有驚喜，好好食 👍👍👍鮮肉小籠包 肉餡鮮甜美味，湯汁香甜但小籠包皮略嫌厚咗少少貓山王榴槤鍋餅 +$28榴槤肉用咗貓山王整成，餡料係滿滿嘅香甜軟滑嘅榴槤肉，齒頰留香但可惜，鍋餅皮煎得唔夠脆，鍋餅皮厚咗啲，有啲失望-------------------------夏麵館地址🎈將軍澳貿業路8號新都城中心2期2樓2013號舖

終於有時間剪頭髮，興奮🥰！之後就在附近食下午茶，今次食夏麵館！好耐之前食過，印象中是好味的😋。老公叫了豬扒擔擔麵+小籠包。豬扒好juicy，唔乾👍🏼湯底幾濃郁，好味，當然可以更濃稠就更好！！小籠包皮薄多汁，趁熱食要小心燙口！！我點了酸辣餛飩麵(加少少錢轉了淮山麵💕)+春卷。酸辣湯好夠味，辣但不會過分辣，酸味和辣味夾得好好👍🏼餛飩比較厚皮，不過我主要想要酸辣湯麵，所以都可以。春卷上枱仍然熱同脆，讚👍🏼

秋季有大閘蟹，視為年度盛事，特登訂購到家中，開心地大吃一頓。夏季有黄油蟹，更是產量少的極品。今天的生產科技十分高明，而冷凍技術也很完美，其實全年都可以食到甘香可口的 ‘’蟹黃/蟹膏/蟹粉‘’ 了《 夏麵館 》推出的”夏日蟹粉宴‘’就在一次用餐，食到幾款特色蟹粉出品了。涼菜五小碟：淺嚐五種小食，當中的素鵝仍有少少熱，幾脆口。糖醋小排涼得嚟不會冷冰冰和雪柜味酸辣湯和三鮮豆腐羹哆唻咪：有故事的菜式，光顧時才細閱吧。食落似蟹粉蝦仁。烏金蟹粉拌麵：蟹粉好味份量足，更可混入哆唻咪，加强蟹的口感火腿津白：鹹味强配合清淡的天作之合。高力豆沙：小心，豆沙的熱力熱豆漿和凍酸梅湯溫馨提示：仍有蟹粉小籠包的，但心急食咗，忘記影相做記錄呀！

2022年5月18日晚用膳 點了幾道菜 還點了 金牌菜肉炒飯 外賣 其實晚膳途中員工已錯誤傳上我們沒有點的高力豆沙 起初還以為送的甜品 一問之下原來這應是隔離枱的 員工才返轉頭拎返過隔離枱 至及後我們叫起那金牌菜肉炒飯的外賣 但等了很久 廚房亦已收爐 去追問員工時 才發現原來炒飯一早已出來 不過係送錯隔離枱 而隔離枱都走了 員工唯有叫已收爐的廚房再炒一碟 當然 這樣的環境下 大家可想像碟炒飯有幾求其 所謂金牌菜肉炒飯 只有幾粒肉和幾粒菜 極之搵笨 員工連101號枱同102號枱都唔識分 明明已經有號碼貼在枱上

剛剛買完餸，路經夏麵館係上海菜。menu有榴槤鍋餅，未試過，其他上海菜多數都係豆沙鍋餅，便入去試下一個set lunch。環境乾淨企理，疫情下冇乜食客，只有四、五台食客。鍋貼兩隻： 大隻多肉，皮脆內熱，肉質 juicy 。上海粗炒：餸有、白菜、冬菇切片，少許嘅肉絲和竹筍𢇁，大碟，味道唔鹹，味道都OK嘅。榴槤鍋餅（半分）：一上枱，儂烈嘅榴槤味已經撲鼻，一口咬落去榴槤餡流心出嚟，個皮金黃色好鬆脆，甜度恰到好處，夠熱，榴槤餡都好多。喜愛食榴槤甜品嘅朋友，就一定要試下。還有一杯熱豆漿，甜度適中。啱我哋呢啲，唔like超甜嘅人。兩個人食一個set lunch已經好滿足。

有啲想食上海菜，反正好耐未食過夏麵館。所以就走過嚟食個tea……茶餐唔算貴，仲要份量都好多喎！排骨擔擔麵排骨炸到脆身又好食，唔會好un乾柴。擔擔麵個碗真係好大。原來啲麵都好多！真係好大好大碗，完全唔似茶餐份量。個麵身好q彈，無剪麵，麵條好長，好正好食。湯底唔會太過濃同油，我覺得唔夠麻香味。酸辣湯麵一樣好大碗😂酸辣湯好足料。平時淨點一份酸辣湯都幾十蚊啦，而家仲有麵，抵食！又係食到好飽。。小籠包茶餐加20蚊有4件，抵！熱辣辣又有湯汁，只係嫌個小籠包個摺位太厚同硬。但肉質鮮嫩有肉汁，好食的！生煎包又係即點即煎，煎到金黃色食，唔會太油。不過個包皮太厚，肉餡相對就偏小。食完真係好飽好飽。因為全部都係飽肚嘅食物呢度坐卡位的話就好舒服。但其他二人枱加左隔板就顯得好迫啦。。

夏麵館最近推出左全新蟹黃系列，其中幾道菜式非常吸引我，所以今日去咗寶琳分店。餐廳面積頗大，裝潢比一般中菜餐廳時尚簡約。- 蟹粉生煎小籠包估唔到生煎包同小籠包可以合二為一👍🏻，底部煎得香脆金黃，餡料混入蟹肉蟹膏，肉汁豐富兼更加鮮甜😍- 蟹粉豆腐煲🍲砂煲入面有大量既蟹肉蟹粉同蟹黃，味道鮮甜無比🥰，另外豆腐非常滑溜，而且有薑絲辟走腥味。呢個蟹粉豆腐煲送菜飯一流，食完一碗又一碗🤩- 桂花紅燒肉紅燒肉非常香甜，肥瘦比較均勻，餐廳加左少少桂花作點綴，但桂花味道已經好突出，可謂色香味俱全😋- 黃金蝦球🍤蝦球非常大隻，肉質彈牙，外層完全被鹹蛋黃蓉包住，入口充滿鹹香味道，而且唔算太膩👍🏻兩款蟹黃系列嘅菜式包括蟹粉生煎小籠包同蟹粉豆腐煲都好正😝，期待下次嚟再試其他蟹黃菜式。

各位觀眾，又到咗肚餓既時候了！係新都城去咗間叫夏麵館既坐底。點解會揀佢？因為聽說佢啲蟹粉好正。(你睇吓下邊就知有幾正😋)蟹粉小籠包: 食小籠包我最怕個皮好厚，皮薄多汁，入面咬落啖啖肉，蟹粉都有係肉入面，所以好有蟹粉嘅味道。yummy yummy. 蟹粉炒飯:炒飯炒飯粒粒好乾身，蟹粉同炒飯係分開上嘅，自己鍾意幾多落幾多蟹粉就落幾多。唔係好似出邊得嗰幾粒蟹粉就叫蟹粉炒飯。其實個蟹粉自己都可以成為一個湯。應該都幾好味。蟹粉豆腐煲:豆腐煲一咬落去好有豆香味，咬去好像jelly咁，好smooth，第二啖就食到一條條嘅蟹肉。again 人哋真係有蟹粉㗎。百頁小棠菜苗:百頁其實係豆腐乾，配上正菜(同我 😉)，嫩口。Just want to say Thankyou to my friend 奶皇包 who took these pictures! You are amazing! 有人想去享受美食既，自己去預訂啦，呀姐我吳係係個到做嫁😂所以唔好叫我幫你訂位。 BTW 將軍澳啲Staff幾nice. Good job everyone!