夏銘記 (已結業)

睇報道知道呢間出名嘅麵家黎左西區重開，聽媽咪講過話好好食，今日特登去試一試！係正街過少少，金記冰室隔離，西區朋友應該知道位置啦！第一次幫襯，梗係要試下最出名嘅魚蛋河啦！河粉夠滑，手打魚蛋有鮮味，果然名不虛傳呀！魚皮略為咸少少，不過一般都會係咁，有一舊魚皮頭好爽口呀😋😋😋價錢$33，份量唔算大碗，男仕可能會唔夠食呢！另外，好想試下炸魚皮，不過只能夠叫一碟，我一個人又食唔晒！如果可以加錢叫魚皮就好喇！好多熟客仔黎買魚蛋，老闆話數量有限，好多都留晒比熟客。想買返d返去打邊爐都唔得添。。。

在西環上完workshop, 找到附近的夏銘記, 旁邊是金記冰室;下午茶時間, 唔洗等位。點了個紫菜四寶麵, 有魚皮餃,魚蛋, 墨魚丸,貢丸。湯底清香, 魚蛋味鮮, 個人喜歡這裡的貢丸, 肉味濃而多汁, 裡面有冬菇碎。見堵其他人買店鋪出產的魚片和魚皮, 非常吸引! **魚蛋出名,我個人更推介貢丸！

從何文田勝利道的夏銘記第一次吃到白淨爽口的魚旦，之後搬往油蔴地第二間鋪，水準一直保持，直到油蔴地鋪結業之後，再不曾吃到這樣好味的魚旦，是日偶然經過西營盤電車路，看到夏銘記的招牌，入內一看果然老闆本人在此坐陣，再次吃到從前的味道十分開心！

開張個日大排長龍，昨晚先得閒去買來食。外賣：墨魚丸米粉。點解米粉：因為無太多選擇，河粉賣曬，唔賣伊麵，只好食米粉。都有看到老闆娘坐係邊邊包水餃。一分鐘後打開來食：震驚！米粉好似塑膠絲咁有塑膠感，口感差到爆。本以為叮下會軟啲，結果一分鐘從微波爐出來再食都係咁難頂。失望！墨魚丸倒幾新鮮，爽口，4粒好快食完！再講一句：以後只會買淨食。

約咗老朋友食lunch，佢話要去西營盤食“夏銘記”喔！我問好出名架?個朋友反問我，唔係唔識呀嘛。我地係出面門口排咗15分鐘左右，終於到啦！好期待吖。我叫左個紫菜四寶河，因為病緊，唔可以try下佢地好出名架辣椒醬。一碗河大概要等8分鐘左右，似乎當時多唔多人。哇T^T到啦碗河，濃郁的紫菜味陣陣漂入個鼻，湯底很清但好有味，唔會話淡冒冒，魚蛋係新鮮手打，彈牙爽口，墨魚丸又白又滑，魚皮餃皮薄餡多，肉丸軟滑香口，最後講下河粉，條條分明，唔會話黏埋一齊，好爽滑。

今個星期天氣急速轉冷，毛毛雨加上冷風令人禁不住打顫發抖，覺得一定要吃點熱騰騰的澱粉質暖暖肚。據聞粉麵老店 夏銘記重開，恰巧人在西營盤德輔道西，當然要支持支持店舖面積不大，所有客人都要"搭檯"。食物種類是傳統的魚蛋片頭雲吞水餃麵食，沒有花巧。點了碗雲吞魚餃幼麵 $33湯底顏色清澈偏淡，口味清淡，像欠缺了雲吞麵的靈魂，幸好麵條沒有鹼水味。雲吞魚皮餃各兩粒，雲吞較優勝，鮮蝦爽口彈牙，唯肉餡不夠多。最有驚喜的反而是店家自製的辣椒油，一小匙已有足夠辣勁，比一般麵店的更合我口味。可能是剛重新開業，店舖運作尚未完善，個人認為湯底味道能稍作調整的話會更好。

昔日的香港味道容易失傳，失踪。驚喜的是夏記在本月復業，落地在西營盤正街，德輔道西十字街口。由油麻地到西營盤，均是最老的老區，代表此夏記魚蛋，是香港史的一部份。其實，夏記先在1968年，源自由夏藩銘先生和太太接手經營黃大仙警署附近嘅榕江號麵檔。他們並把家裏當成工場，自己打墨魚丸、豬肉丸，也做齋菜如素雞素鴨，然後把貨交到食肆。翌年，他們搬到九龍城寨，繼續在家做墨魚丸，賣予酒樓食肆。1983年，夏藩銘在何文田勝利道建立「夏銘記麵家」，所有魚類產品是每天新鮮運作，所有魚類產品至少三種魚起肉打漿（軟漿、中漿、硬漿）製作，不少街坊、名人、食客、外國人等也來品嚐。2015年9月15日，78歲的夏老先生宣佈店舖和位於新填地街用作煲湯及製牛腩的工場一併結業。現在夏藩銘的兒子接手經營。傳承潮式傳統手打魚蛋等美食。為試香港最經典的潮式傳統手打魚蛋，在11：00開店到達，避開人龍。夏家兩代都在工作，兒子做侍應。夏老先生在厨房。夏老太在櫃檯旁。可見人手缺乏，運作未順暢。炸魚皮無暇製作。魚蛋等生料外賣停止。如欲購買，必須先致電詢問。店子小小，不足10檯。其魚蛋河粉十分清淡，魚蛋質素高，有魚味，可與「三才」並駕齊驅

這小店開業兩星期，不是大排長龍，就是一早賣完！好奇心驅使下，今日決定早過下午六點再試，答案竟然是今天湯底用完！老闆說他們堅持真材實料不加水！我努力游說老闆可少湯，我最想試魚蛋，想食碗麵原來是可以去到咁盡，最後比我成功爭取到今天最後一碗魚蛋麵！最後一碗魚蛋麵，配上靈魂人物自家製辣椒油當然要好好品嚐！魚蛋、魚片應該是自家製，彈牙有濃郁的魚味；辣椒油也應該是自家製，香而不太辣！兩様加起來，真心好味！所以，臨走前再買了一條魚片回家，慢慢嘆，!