夏銘記 (已結業)

有幫襯, 是因為它近戲院。1.牛腩飯 – 都幾出奇主打魚旦的地方, 居然有牛腩飯賣。吃得出的花椒八角味, 又居然有幾條菜, 比連鎖快餐店的牛腩飯好吃。2.魚旦米 - $17本身是雙拼, 有魚旦和魚片。我的一碗, 有兩塊魚片頭添! 主打的魚旦, 沒有驚喜, 是比其他的爽, 但不算很彈。可能近年自己飲食偏淡, 覺得這裡的魚旦和魚片都幾醎。湯底嘛, 第一啖嫌淡, 有好淡的魚味, 難怪有食友覺得像鹽水湯, 再喝一口覺得不是味精湯, 就放心的喝下去。

咁岩去左百老匯電影中心睇戲，黎左呢度醫肚。見有蔡生介紹的，姑且一試。見魚片咁出名，要了魚旦米，娘親就要了 自選三丸。魚片都有 d 彈牙但無想像中的脆皮與彈牙果種口感。魚旦好 d 。墨丸仲彈牙！店主有加蔥花係入面差。豬肉丸可能佢買現成的。辣椒油見佢介紹真係幾辣，加了 2-3 滴已經好香同好辣。location 唔就腳，唔會刻意黎了。

魚疍粉上次嚟睇戲經過，見到蔡san常去之一，已經都想試，見仲未入得場，晏晝食嗰碗牛腩粉縮水，食唔飽，入去食碗粉都好喎佢啲魚疍同魚片，都係淋淋軟軟，魚味唔濃，河粉算滑，都幾大碗，嚟開睇戲食吓都好

今日(6-6-2009 Sat)同一班人食完早餐行埋街分手後,同男友o黎o左油麻地,3:30pm,佢話要食o野,啊.o黎到,佢推介我食$24.00o既紫菜四寶(魚蛋,墨魚丸,魚皮餃,豬肉丸),佢自己就食$17.00o既魚蛋河,另叫兩支忌廉.好快,所有o野都o黎齊,我o個碗有魚蛋三粒,墨魚丸,魚皮餃同豬肉丸各兩粒,有一粒貢丸,我估應該係三粒豬肉丸,但畀錯o左貢丸,唔理lu,照食.先飲啖湯,味道幾濃,但唔係太重味精味.先食魚蛋,魚蛋彈牙,味道幾濃.而墨魚丸,魚皮餃同豬肉丸都對版,貢丸味道突出.紫菜量適中,而原來底有白菜仔墊住,呢啲味道都冇乜問題.男友o既魚蛋河,都係魚蛋同魚片比較出色,幼身o既河粉較腍.環境係會比較跣o既地下舖上防滑墊,保障員工同客人,唔錯.服務同衛生都冇問題.

翻翻食評才發現自己幾乎忘了為上週五光臨的愛店寫一篇食評，嘿。老實說，要數夏銘記的整體質素，不算很出色；但勝在部份食品味道做得好而且散發出獨特的個性，令人深深的著迷。加上座落於電影中心旁，太公也因此不乏機會光顧。太公每次來都獨沽一味：魚片魚餃米；魚片的魚肉鮮甜，魚片皮沒有炸得過香而將魚肉的風頭搶去；魚餃皮沒有做得太好，但勝在餡料中放了些葱未，平添了幾分香味，令人一試即愛上。不要對這裏的麵和河粉抱太大期望；根據過往無數的失敗經驗所得，麵不是竹昇，有鹼水味；河粉爽是爽口了，卻總不難找到兩三條「痴埋一舊」的，還是米粉最保險。這裏的湯也偏淡；不過也好，可以不用顧慮會破壞湯底的清鮮，盡情地加辣椒醬；夏銘記的辣椒醬做得很出色，很香口；不要只放辣椒油，要連裏面的渣也舀一點，混在湯米裏，豐富味道也豐富口感。這兒最令人感到親切的是，雙拼的麵食收費與單拼一樣 - 係囉，計份量咪一樣，點解出面間間雙拼都要無啦啦收多兩蚊？！不過，一碗麵量較少，太公不算細食，一碗麵下肚也只有七成飽；猶幸該晚遇上同是一個人看電影的靚仔朋友，可以一起去牛雜檔整返份柚皮，咁就可以飽多兩成啦！

由未搬舖前已幫襯，但幾乎每次都叫魚蛋麵。還未找到哪兒比她做得更好，清爽有啖啖魚香而且很"新鮮"(做好了不超過半天吧！？)比起筲箕灣的一間"名店"好吃很多 -- 幾條街噤多。

唔睇唔記得，原來對上一次o黎，已經係兩年幾前o既事。今次為o左個魚皮，決定再訪。星期日(7/12)中午時段，預o左多人，不過比想像仲要多。好難先迫到個位，馬上叫o野食：太太繼續魚旦河，我就要牛腩河，當然加上魚皮啦。太太嘆魚旦冇以前咁彈牙，魚片仍舊唔出色...點知牛腩仲差勁，又靭又唔入味又少...河粉都係麻麻地，又係淥唔開晒咁...魚皮相對地保持水準，都仲係好好味，不過冇o左入口鬆化o既感覺...上次冇咩服務，今次有...不過係"差"！

08月08日，21:00吃過麻辣王的魚蛋，便轉戰這老店。店差不多全滿，被安排面壁而座。要了魚蛋河。魚蛋：集爽、彈、軟於一身，魚味極濃，帶細骨。魚片：集香、軟、滑於一身，外皮香脆，內裡軟滑。河粉：細滑這店我去年才開始接觸，曾試過魚餃，亦是水準之作。亦試過她的鹼水麵底，我雖極抗拒鹼水味；但奈何麵太爽彈，口感蓋過了一齊個人覺得這店的魚蛋和魚片，比安利和王林記，還勝一籌。

每次到油麻地bc電影中心, 總喜愛到此店吃一碗魚蛋河, 然後心滿意足地看一場電影.其實自己住在愉景灣, 很多時會選擇到IFC睇戲, 往往為了掛念夏銘記的魚蛋粉, 就老遠跑到油麻地...雖然說不上是人間極品, 但此店的魚蛋, 一吃就知道是自家獨有的味道. 很有魚的鮮味, 卻不會過於追求彈牙而失去應有的自然與平衡的味道, 感覺就不是一般工廠大量生產的食物.如果你偏愛"爽口彈牙"的魚蛋, 這裡或不是你那杯茶啊!

此店, 聽聞曾經猛料.在油麻地開張時, 我小菠蘿已走去單拖試菜, 講真, 真是名過其實.魚蛋, 可能是不同風格, 可能是小菠蘿食慣爽口彈牙, 此店的魚蛋林jiji, 粉味大過魚味.湯底, 根本不可以稱之為湯底, 只是超咸的胡椒粉水, 非常差劣.魚皮餃, 個皮唔錯, 值得一試. 肚餓一條友真係唔知去邊, 偶爾會來.家人話有日, 此店門口排滿人, 估計是有人讀了蔡生的食評慕名而來. well, 食家講野不一定對, 大家睇睇黃埔美食坊的質素, 就知道我想暗示什麼了

開完會 就等睇batman這個26號似乎很忙呢 但卻是快樂的。食呢度都係因為近電影中心同見阿蔡生都介紹過叫左炸魚皮 腐乳通菜 紫菜三寶 雙丸撈特別就無咩 但價錢真係平比較欣賞既係魚皮 很脆服務就唔多要求 但有個男人就又踢chair又周圍掉野 又寸下客其實會唔會嚇親人呢。

趕睇戲, 不想吃麥記, 來了夏銘記!沒有試這裏聞名的魚旦, 反而點了: 墨丸魚餃米: 魚餃皮較厚和硬, 但可接受. 餡料加入香芹, 不錯. 墨丸幾爽口彈牙, 勝魚餃. 湯底清, 但不至於淡而無味. 雲吞牛肚河: 牛肚幾腍幾入味, 平時不太好牛肚的我都覺唔錯. 雲吞我覺得有點實和咸了一點. 河粉幾滑. 加了腩汁的湯底亦較惹味.埋單四十大洋, 比去麥記好.p.s. 見到陳輝虹同咩"王單2"(唔記得名...), 一個老一個肥.

昨晚, 一時興起去了夏銘記, 叫了個紫菜四寶河, 油生菜, 魚蛋河, 魚皮. 因為本人愛河, 所以無試個出名既面, 哈哈, 紫菜四寶河既紫菜好好味, 墨魚丸都係好食, 魚蛋OK啦, 反而油生菜水準最穩定, 個菜用湯煮過, 好入味, 本人好喜歡, 魚皮好脆, 但太大油味, 影響左個淡湯. 不過, 以前十幾蚊碗時真係最抵吃, 加上同區沒這個水準呢.

下午剛好於港島這一邊食過新景記嘅魚蛋，晚上剛巧又到九龍這邊去吃夏銘記。同一日連吃兩次魚蛋，對一向不太熱衷吃魚蛋嘅我，的確很少見...這裏的魚蛋，在新景記的食評提過，是比較腍身的。魚味亦再一次證實，是沒有新景記嘅濃...相比起從前勝利道嘅出品，實在是有點退步了。魚皮餃只是用交來嘅貨，皮部份一夾即散，毫無煙韌嘅感覺，不吃也罷...最好的反而是墨魚丸。彈牙足料，真正吃到粒粒墨魚。印象上可以跟龍城的黃明記匹敵...食食吓先發覺忘記了叫最出色的魚片。要吃過魚片，水準才可定奪...

睇戲之前諗住簡簡單單食碗麵啦一心試多幾樣, 點咗紫菜四寶麵加魚皮, honey就要牛肚水餃河點知落錯單, 麵變咗河算....照食可也四寶有魚蛋x2, 墨丸x2,魚餃,豬肉丸同貢丸(唔知專登定俾錯)魚蛋淋pat pat, 唔係彈牙嗰種, 無乜魚味, 絕對講唔上出色反而墨丸唔錯, 豬肉丸同貢丸都ok, 魚餃又係普通炸魚皮另上, 唔算鬆化, 仲覺得有少少油"益"味添試埋honey啲牛肚同水餃先牛肚幾入味唔un, 水餃都ok加多兩枝汽水埋單$66蔡生推介都真係