夏茶 (鴻達樓)

營業中

休息中

好多人都話元朗廢水之選，其中一間一定係夏茶，因為開心果飲品做得出色，幸好新店開係旺角，可以唔洗山長水遠入大西北試，方便好多。⠀店家推薦Top 1飲品都係開心果，所以我揀咗“芝士開心果鮮奶”🍼💚，開心果醬掛滿杯邊杯底、十分香濃，再加鮮奶同on top加上芝蓋，芝士鹹香配開心果醬嘅甜再加鮮奶，係幾好嘅配搭，芝蓋上仲有開心果碎，令飲品整體層次豐富咗。雖然奶類飲品會有一定程度嘅飽肚，但唔會有好heavy嘅感覺，以味道嚟講係幾值得推薦👍🏻。唯一覺得價錢稍為有少少進取，不過偶爾一杯cheat drink都唔錯嘅。

夏茶終於開到嚟旺角了！同事成日都提起，所以今日晏晝臨返工前特登去朝聖-旺角店開13:00，我13:30要返工，所以特登喺12:50就到店門口排定隊，好好彩我係第一個😆我嗌左杯芝士開心果鮮奶、芝士開心果雪沙、芝士oreo鮮奶。-當我諗住第一個落單應該好快有得拎，結果好失望嘅係我足足等左25分鐘先拎到飲品😅仲要後面落單嘅人有啲拎先😅見到真係有啲嬲店員仲要喺我等左15分鐘先問我：「冇哂珍珠，你ok嗎？」搞到杯野飲要等多10分鐘先出到嚟🫨店面得2個人做哂沖飲品同落單，搞到啲秩序好混亂，希望店家可以改善下🙏🏻不過公道講句，飲品係好飲嘅。中意開咗果嘅人值得一試，因為開心果味好濃，唔係香精味係真嘅開心果nuts香味，配上鮮奶入口好順滑，加埋面頭芝士奶蓋嘅鹹香，係幾match嘅👍🏻-總結：服務態度一般，店面秩序混亂，但飲品係好飲嘅，不過真係等好耐😅3杯飲品夾埋$129連埋個袋（加咗錢，但有一杯都係冇底座俾我，搞到有少少漏左）😅性價比不高⋯除非有得嗌外賣，否則應該冇下次🫢