夏日夠冰

營業中

休息中

成日覺得炸雪糕好得意， 於是今次黎長洲就決定試下。 呢間店舖話係全長洲首創炸雪糕， 店舖外仲擺咗好多明星相。我叫咗雲呢拿炸雪糕。炸雪糕外層微脆， 外層暖暖地，內層雪糕仲係凍嘅，未到熔。 口感好特別。不過，同行朋友有d 失望，因為佢覺得只不過係炸雪糕糯米糍。

一年一度太平清醮,入左長洲睇下野,發覺真係有好多唔同既食物,不過好多都同往年既一樣,拎住本飲食女男跟住行,點知俾我見到一樣好多年前既小食,係一間小販檔見到有幾樣食品,冰鎮波蘿,咖喱螺肉,大菜旦同脆炸雪糕球,其實最開頭都冇乜特別既,只係因為佢門面非常搶眼,就行埋去睇囉....跟住我就見到有好多年前既小食...大菜旦,睇落佢冇乜特別,不過佢既包裝真係好ok,將d大菜旦制成粒雞蛋咁,咬落好有口感好足料....食左三粒之後,見到第二樣我覺得估你唔到既小食,就係脆炸雪糕球,佢個樣金黃色,出邊係好脆同埋熱既,因為岩岩炸既,但係入邊仲係一個連竹櫼都篤唔入既雲尼拿雪糕...極凍..非常好食,最後我都買左三件黎食既....超好味!下次再入去,一定要試一試,因為係hk都仲未有差唔多既食品...脆炸雪糕球 $10大菜旦 $4

上個星期日入到長洲,天氣勁熱,見到一大班一大班人都拎住杯刨冰,好似好正咁!!咪試下去買黎睇下囉!!個地點原來係去沙灘既路上,一間酒吧既對面,行到埋去見到原來有幾樣野揀既,雜果,涼粉同西瓜,配紅色或者綠色汁,成杯制成品第一個感覺係同係海洋公園食既一樣,但係比較靚好多同大杯好多,我果杯成杯都係綠色既薄荷,超靚....食呢d刨冰最緊要係衛生,呢間鋪頭都真係好衛生,所有工具一用完就即刻有蓋蓋好...較為失色係...佢可以加雪糕既...但係我去到就得返一隻朱古力味,冇得揀!!不過,係咁炎熱既天氣可以食到一杯有雜果有拳頭咁大既雪糕,都係$16就真係好抵....成杯我食左半個鐘頭呀!!