夏娃 (已結業)

今日重陽有假期，就梗係瞓晏啲㗎啦，差唔多起身已經係食lunch嘅時間😝跟住就收到個friend打嚟話要去食一間德國餐廳，咁就當陪下佢啦，但係估唔到有幾好味喎🤗而且環境都唔錯，叫左個燒玉子鰻魚飯，佢嘅價錢係$110，對於原條鰻魚嚟講，性價比真係好高，估唔到配埋玉子又幾夾個喎，另外叫左德國鹹豬手，適逢德國啤酒節，午市仲有優惠添，承惠$168👍🏻肉質嫩滑，肥瘦適中，下次都係夜晚黎飲埋啤酒好啲，唔係好似爭D野咁🤤

今日Lunch時間，又得自己一條友，突然醒起同事講附近有間西餐有德國啤飲，又幾好食，心血來潮偷下雞飲下都唔係好過分啫😏間餐廳叫夏娃，去到嘅時候都幾多人，不過我自己一條友就唔使等位，跟住就叫咗個德國香腸拼盤配薯蓉，份量好足夠，啲薯蓉好滑，當然唔少得德國麥啤啦，佢仲要做緊半價，好抵囉😎飲啤酒梗係要成支隊㗎啦，咁先有氣氛㗎嘛👍🏻唔講唔覺，原來咁快就到德國啤酒節啦，又有藉口飲酒🍻下次夜晚搵埋D同事一齊嚟先

原本今日約左女朋友係中環食飯☺️，但好衰唔衰佢要加班，所以今晚都係自己一個人食飯🤦‍♂️。諗住都係番屋企求其食d野，飲杯野就算數，我每一次番屋企都會經過夏娃，但今日係佢門口個水牌見到，德國🇩🇪啤酒🍻做緊半價優惠🤔，我唔係發緊夢呀？原來先知道10月份係德國啤酒節，橫點女友唔係身邊就獨去偷歡啦🤪，入去飲番幾杯。入到門口夏娃班伙記都已經認得我，和富酒鬼泥啦，雪定多d啤酒🍺🤣，睇睇佢餐牌原來加左好多新野落去，加左好多款西班牙🇪🇸既餐前及送酒小食，價錢又平，啤酒又半價，所以我一個人可以慢慢係到嘆下世界先啦😌。但其實一邊飲一邊食小食始終都係治標唔治本，叫多左佢一個西班牙海鮮炒飯呢個炒飯真係一個人都食唔哂，最後重要打包🤦‍♂️比女朋友，當係佢既宵夜✌️😋海鮮多到成個鐵pan都係個飯底好香龍蝦汁既味，我問老闆：佢話用龍蝦湯去煮呢個海鮮飯，性價比好高，真係唔知佢有冇錢賺🙇😪最衰我女友又唔早講要加班，早知就約埋班兄弟過來劈德國啤酒🍻啦😎，不過好在佢做呢個優惠重有一個月時間，真係要爭取時間呀✌️

之前同屋企人去咗德國旅行就試過呢隻叫Bitburger嘅生啤，好鐘意佢個啤酒帶有陣陣清香。可惜翻到黎香港之後就再無見過啦😗今次好好彩咁系Facebook見到朋友分享咗夏娃系德國啤酒節期間做緊啤酒半價優惠🤩咁啱又有呢隻Bitburger，所以就即刻黎夏娃回味下😋咁夏娃嘅服務員就好好人，好nice咁推薦咗個牛護心同德國豬手。牛護心d燒汁好好味，同埋d肉好嫩滑，性價比都好高。因為屋企人都唔食牛😝所以成碟牛護心得我一個人食，好滿足！！黎多盤都唔夠！同埋個德國豬手，外脆內嫩，配埋個Bitburger，簡直一流，一d都唔油膩，仲有開胃嘅德國酸菜同配菜番薯條都好好食。好多謝我嘅朋友系Facebook分享咗夏娃👍🏻等我系香港都可以飲翻呢隻令我牽腸掛肚嘅啤酒🍻🍻

同一個朋友兩家人去佢屋企和富對面的新店試試看。本身都唔知係食咩菜，只係大約知道係食西餐。不過門面見到咁多德國籏先知係食德國菜。店內環境都唔算太黑，因為我個人好怕去一D餐廳好黑好暗。先嚟呢碟63度溫泉蛋伴黑松露卡邦尼伴青口 $138，青口我就麻麻地，個卡邦尼意粉都不錯，不過太creamy，打散埋個溫香蛋撈埋落去，就更加「傑」好正常的煙三文魚沙律大蝦意粉爽番少少，我覺得好食D香煎牛油扇貝配海鮮龍蝦汁意大利飯 $152 好食係好食，但一上枱見到就知唔夠食，對我嚟講真係兩啖可以食哂貝殻上的飯，哈哈～ 扇貝7成熟係幾好食最後上枱當然係德國豬手老實講，唔夠新界嗰間德國餐廳好食，因為最講究真係個皮，食落唔脆就真係可以打交叉，其實我唔知佢係咪因為見我有小朋友所以碎上，因為我期望係原隻上，如果真係咁細心，下次最好問一問先！整體嚟講每樣嘢都有少少失望，當然佢如果價錢平拉番勻就OK，但係4大4小都食咗$820，我就覺得質素唔達標lu...

琴晚本身係親戚度食完飯，諗住行返屋企㗎啦，但經過夏娃個招牌又好光喎，見九點鐘左右，又唔係夜，就入去飲下野，叫左支意大利白酒，個服務員同我講含有礦物質㗎，帶少少甜，都幾容易入口🍾飲飲下酒，梗係要叫下酒菜啦😂叫左份德國香腸拼盤，性價比高，份量足夠，裏邊有雞有牛有豬腸🐔🐮🐷真係乜腸都有🙈點知越食越肚餓，真係食埋個宵夜，要多左個63度溫泉蛋配卡邦尼意粉，其實好多間西餐都會有，但係呢度會特別啲，因為佢係有溫泉蛋🥚唔似其他餐廳剩係加蛋漿，令到個意粉好「潔」身👀所以我喺夏娃食嘅邦尼意粉由頭到尾都好滑身㗎～呢個宵夜太邪惡，下次都係晚餐時間嚟食先😝

係香港要食德国菜，好多人都會去某幾間連鎖德國🇩🇪餐廳，真係食幾次都悶呀！係朋友介紹下，來到鄰近和富中心既「夏娃」。看過menu, 取價適中。叫main course 可upgrade 加$20 變套餐，有南瓜湯同蒜蓉包。餐廳環境尚算寬敞，眼見很多附近工作的人放工後成班人來這裡chill 一下。朋友點了 beer, 好大杯，星期一至四happy hour 仲要送小食，抵呢！雜錦拼盤，有蝦有蟹～ 唔太油！足料！Beer 送小食有十多款揀，我地揀左德國腸，超多肉汁，味道特別～ Highly recommended butter scallop 龍蝦汁意大利飯，個presentation really think outside the box! 估佢唔到！讚呀！豬仔脾配蕃薯🍠薯條又係signature dish! 不過豬仔脾有少少 un 呢餐算滿意！起碼唔駛食德國連鎖餐廳咁悶丫！

前排喺Facebook見到朋友介紹夏娃，發現呢間餐廳嘅菜式好像好多樣性咁😍所以就決定一定要嚟試下！我同朋友2個人去到夏娃，中意邊飲酒邊食嘢嘅我哋就叫咗個德國黑啤🍻 飲落有小小似朱古力同咖啡咁既味道，喜歡重口味既人就一定要試呢隻黑啤🤤而喺食物上，我哋叫咗個香煎比目魚，魚皮煎得好脆，魚肉好滑！😍 睇得出廚師嘅功夫，再配上忌廉薯蓉，薯仔味好特出，配埋甜甜地嘅白松露汁，成件事都好夾！！！另外，我哋仲叫咗個２人份嘅德國咸豬手，份量好足夠，肉質有口感，皮亦焗得好脆，價錢$198，我哋都覺得幾合理😊總括而言，覺得餐廳質素真係唔差❤ 而亦都因為夏娃嘅菜式多樣，所以下次一定會再約朋友去試多啲飲多啲！😋

呢日過海搵朋友食飯, 近近地揀咗佢屋企附近呢間德國菜餐廳, 加上好耐無食過咸豬手, 就決定試吓呢間啦~~ 身為食肉獸嘅我哋, 4個人叫咗3個肉嘅main course德國咸豬手配酸椰菜：皮香口爽脆, 肉咸度啱啱好, 加埋少少酸椰菜食平衡返味道, 好容易食唔停口 跟餐有得揀配蕃薯條或薯條, 蕃薯條份量比想像中多, 雖然炸過但咬落都唔油, 好濃蕃薯味~~慢煮德國燒豬仔脾：肉質軟林入味, 跟餐嘅薯條都粗身啖啖肉, 不過因為另外兩道肉太過出色, 相對就無咁有印象, 但都係有相當水准嘅一個main course慢煮美國頂級牛護心扒：第一次食護心肉~~ 聽過呢個部位幾次但一直都未有機會試, 所以落單後最期待呢道菜 果然不負所望, 慢煮過後肉質超林, 入口軟綿, 每咬一口啲汁都湧出嚟咁下次再嚟必定encore！Remarks：是日為禮拜日, 本身7點到諗住walk-in, 但去到已經滿座要等位可能因為近住宅所以好多一家人幫襯, 最後等咗四個字先有位入座~~ 所以建議想食都係book定位好啲

山竹呢個風真係好勁，影響好大，打風過後，所以今日既晚餐真係勁難搞，出面交通唔方便，所以直接係屋企樓下食就算，見到夏娃未夠6點就開門，所以早食早走算。今日為左早d走，就求其叫左幾個菜，首先係香煎牛油帶子飯，估唔到求其點菜都有驚喜，帶子煎得算香，但有小小過火，我最欣賞都係個龍蝦汁意大利飯，飯粒好好味，口感好正，飯入中重有d海鮮。重有用個殼咁樣上菜，好搞笑，都睇得到廚師係好有創意同埋好用心！另一客點既菜就係慢煮美國牛護心扒，因為睇落份量好足夠，夠曬我地食，性價比好高，肉質好嫩滑，牛味好重，黑松露薯蓉打得好滑身，但個人覺得薯蓉份量可以多小小，但其實計埋牛護心，成個菜式都好夠份量，好夠飽肚，鐘意食牛既你，一定要試呢個！食完我地就拿拿聲返左屋企了，雖然食得好急但都食得出係間唔錯既餐廳，都會返黎再食，今日試水溫食左d平價菜黎食，下次再返黎叫d貴價菜試埋佢！

今日返工個陣既午餐時間就去左夏娃食飯，聽到格離Team既同事介紹，四人同行，一人免費，所以組隊去試下！其實都好多食物，好難選擇下，我地就求其點左幾個餸菜，我地點左既其中一道菜餚就係黑椒煙鴨胸，煎得好香，但黑椒落得比較重，意粉唔會太淋，有咬口，配個日式燒汁食，好開胃，份量足，都係62蚊，都算好抵食，因為都好滿意呢個菜，所以重點推薦下！我同事話食完幾道餸菜都未夠喉，所以就點多左個酥餅，呢個埃文達火腿芝士酥餅，52元都我個人覺得ok，份量唔多夠食，但個酥餅真係好好食，切開左有芝士流出來，重有小小煙火腿粒，配埋個清新既蕃茄沙律，黑醋汁好開胃，但本人覺得唔多夠食。希望下次可以份量多dd，但午餐來講，咁既價錢，咁既食物質素，其實已經好好啦，聽侍應講每兩星期就會轉餐牌，所以都好期待下星期嘅餐牌，應該都會下次再返黎食多次！

同男朋友喺附近酒店慶祝生日，所以揀左依間餐廳試下。餐廳最出名係德國豬手，但我地都唔係特別鍾意食，所以決定叫其他主菜。男朋友揀牛排，我就點左煎鵝肝意粉。大家都加$20轉套餐，有餐湯同餐飲。另外再叫左虎蝦多士。餐湯係南瓜濃湯，好香滑，配湯嘅多士好香脆。虎蝦多士係原隻虎蝦煎好放多士面，蝦肉爽口彈牙，多士夠脆。牛排五成熟，男朋友話一般，唔算嫩滑。煎鵝肝意粉件鵝肝都算大塊，外脆內嫩，賣相都好吸引。意粉彈牙，有好多雜菌，忌廉creamy，好好食。😋

今日同一大班係一齊，我地全部都係北角既附近行街街啦，到肚仔餓個陣就上openrice度睇下有咩好睇，咁岩見到夏娃餐廳有個咁正既discount，所以就拿拿臨上左夏娃去食晚餐了!介紹下呢一道咁正咁GOOD既脆炸水牛芝士沙律，原來水牛芝士都可以炸🤤，可以拉絲嫁，真係好邪惡。但配上左有黑醋汁既沙律，就中和番，酸酸甜甜咁，又係一道開胃菜!牛護心扒，肉好滑配日式燒汁，未試過呢種既味道，好香麻油既味。我點左5成熟，但感覺過熟左小小，但都冇乜點影響到牛肉既味道同埋口感，下次再試下點4成熟!西班牙燒乳豬先，呢客乳豬真係真係好入味，而且乳豬既皮燒得真係真係好脆，仲好香口，絕對唔會太油膩呢!配埋德國酸椰菜黎食，酸酸地咁，真係真好開胃呀!

今日同一大班係一齊，我地全部都係北角既附近行街街啦，到肚仔餓個陣就上openrice度睇下有咩好睇，咁岩見到夏娃餐廳有個咁正既discount，所以就拿拿臨上左夏娃去食晚餐了!!!!!!!!!!介紹下呢一道咁正咁GOOD既西班牙燒乳豬先，呢客乳豬真係真係好入味，而且乳豬既皮燒得真係真係好脆，仲好香口，絕對唔會太油膩呢!!!!!!!!!配埋德國酸椰菜黎食，酸酸地咁，真係真好開胃呀!!!!!!!!!＞＜

之前同同事經過呢間餐廳，已經心郁郁想試吓，琴晚見到係OpenRice有優惠，就順理成章請朋友慶祝佢升職啦～因為我同朋友食量比較少，所以淨係點左兩個主菜兩份食，我鍾意食牛，將美國慢煮牛護心配黑松露薯蓉，朋友就點左香煎牛油帶子配香辣番茄汁意粉，我估唔到以優惠價都可以食到品質好好嘅牛護心，肉質嫩滑，醬汁甜甜地，應該是自家製的，個黑松露薯蓉好香又夠滑，食得出廚師嘅用心❤同朋友一齊食嘅好處，就係可以食佢點既嘢食，佢點嘅意粉又幾彈牙喎，唔會太熟硬左，但個香辣茄汁真係好辣，唔食得辣嘅人唔好試，帶子煎得都幾好，整體上都唔錯！所以整體來講，呢間價錢親民嘅多國菜餐廳真係幾吸引，就算我請埋朋友食都好抵😝😝下次可以叫多啲朋友嚟，仲可以一齊啤啤佢🍻🍻