壽喜燒·肉屋

營業中

休息中

🧭壽喜燒·肉屋⭐️午市高質壽喜燒⭐️🇯🇵 薩摩牛💸 特上薩摩牛壽喜燒 $249 💸 特選薩摩牛壽喜燒 $199圖一為特上 圖二為特選套餐包括咗前菜 野菜 米飯同蘭王蛋一隻呢度會有專人教你你煮第一次 簡單易學 之後可以自己按喜好整埋啲牛肉同蔬菜如果覺得食到後面太鹹 可以加水唔加醬油特上牛脂肪分布比較平均 入口即溶特選都好食 但一分錢一分貨 有比較之下同特上有啲差距但總括嚟講都係高質好食嘅壽喜燒🥩💰人均 ~$250🍗食物：8/10👨‍✈️服務：8/10🪑環境：8/10💯總分：8/10總結: 午市二百幾蚊可以食到壽喜燒，性價比算係咁，畢竟壽喜燒晚市過千蚊比比皆是。牛肉質素有保證，同日本普遍食到嘅有得比較下，呢排去唔到日本嚟食吓都係一個好辦法。🫕#hongkong #hkfood #hkfoodie #foodie #holunhungry

📍 壽喜燒·肉屋尖沙咀海防道38-40號中達大廈3樓 💎 晚市套餐精選🍱 套餐包含：前菜三品、漬物、野菜盛合、蘭王蛋、珍珠飯、甜品 🥩 肉食獸必試▪️ 4%奇跡A5薩摩牛（西冷/肉眼） - 70g矜貴部位｜大理石紋油花勁靚- 店員桌邊服務｜牛油香煎+壽喜燒汁完美融合 - 入口即化｜建議配珍珠飯中和油香 🍲 特色食法1️⃣ 第一輪：品嚐原塊煎香奇跡牛 2️⃣ 第二輪：霜降牛+野菜共煮 ✨ 推薦蘸蘭王蛋液，嫩滑度+100% 🥗 野菜盛合驚喜- 皇帝菜+娃娃菜吸飽壽喜燒精華 🍹 特調飲品▪️ 星紫流砂石榴+乳酸+蝶豆花｜酸甜清爽 🍨 完美句點柚子雪葩｜微酸清新味蕾 🇯🇵 關東風壽喜燒正宗演繹，由專業店員幫你煮出最完美熟度！

透過Openrice訂枱,睇完餐牌之後,決定叫個中價餐特上A5薩摩牛壽喜燒 （$349）餐牌上有110g同220g比食客選擇,當然價錢有分別,前者係$249,後者係$349,而我選擇後者嘅原因係我想食多啲,又唔想揀個太平怕肉質鞋口。前菜（薯仔沙律、木魚豆腐、芥末八爪魚）我鐘意食八爪魚,貪佢夠彈牙,所以前菜認為最好食係呢個,薯仔沙律令人醒胃,木魚豆腐就正常味道。壽喜燒嗰個鍋盤體積算細,食材擺得太滿啲壽喜燒汁會彈出嚟,因為啲汁係熱辣,所以有時比啲汁彈到整痛自己。呢個餐個蔬菜、豆腐、蒟蒻同冬菇份量算足,不過今次主角嗰兩碟特上A5薩摩牛,雪花紋理分佈綿密,正當我打算動手嘅時候,職員已經幫我將啲壽喜燒汁倒落個細鍋盤裡面,侍應主動服務我地,呢點值得加分。和牛呈剛熟程度就即刻挾起,每片都脂香肉嫩,沾上上等蘭王蛋汁,即時提升和牛嘅味道。我食咗一碟開始感覺半飽,但我無後悔叫多一倍份量,叫多一倍只為滿足我食和牛嘅慾望。其他配菜亦好吃。總括嚟講,喺肉屋能夠食到咁多份量嘅A5薩摩牛,實在心滿意足,其待下一餐再度光臨。

星期日下午4點幾食壽喜燒晚餐當天下午3點幾用openrice順利訂位。但無幾耐就收到inline短訊要求落訂金，唔落訂可能會取消預訂。因為我怕騙徒多於無位食飯，所以無理會短訊就照去了餐廳。到達時，店員解說要落訂才能以openrice預訂入坐，因此直接取消openrice訂位，改以walkin客身份入坐。店員安排了窗口卡位，好寬敞舒適，外望九龍公園海防道，對住滿街樟樹綠意盎然，心情胃口都好好👍晚市3款套餐，我地揀咗頂級京都牛鍋壽喜燒套餐。前菜燒牛肉卷很有驚喜。吞拿魚甜筒配答新穎。厚燒牛舌彈力十足，配答了柚子醬減去油膩感。關西風味牛鍋，厚切肉眼心，先以牛脂和白糖煎香表層，再配燒汁煎煮，上碟肉質柔軟，油花比例均勻👍👍。甜甜的配上蘭王和無菌蛋漿，順滑惹味。另一道菜，再以西冷薄牛肉片煮成牛丼，再加蘭王蛋黃伴飯👍。後再把牛肉舖在不同的蔬菜上，以水槍火灸再以壽喜燒汁略煮入味，一樣好好味👍甜品柚子雪芭，清新爽口解膩，可惜份量比較細😆最後，最值得欣賞，主菜由店員全程細心烹製👍，服務貼心友善，細心講解每道菜色，亦會不時問問我們口味，即時調較鹹甜濃淡口味。食完牛鍋，店員會問問我們要唔要稍為停一下，才再繼續上

最近同朋友去咗位於尖沙咀嘅壽喜燒肉屋，位置方便容易去，環境係木質裝修風格，燈光柔和，適合同朋友慶祝節日，可以慢慢食，但係就比較難book，要提前預約！我哋叫咗兩個餐，全程有職員幫我哋燒，燒得啱啱好，口感一流！值得一試！

✨今次是第二次到店，始終怕假期多人所以都特意上網預訂。是次到店後發現沒有昔日爆場嘅場面，但食物水準依然保持到既！香港食到性價比高既壽喜燒唔容易，但呢間中午嚟食感覺價錢合宜，服務同味道都幾好～同屋企人一齊揀咗四個套餐，再額外加咗一份豆腐同芝士獅子狗卷🔥2x 💰特選套餐 $1992x 💰特上套餐 $249收取加一服務費🥙 三小碟前菜 (真係好鍾意細細碟嘅前菜🫶🏻🥩 赤身/霜降A5薩摩牛🍳 關王蛋🥗 野菜盛合 (兩塊冬菇、兩塊豆腐、芋絲、少量蔬菜&京蔥）🍚 精選日本米飯 & 漬物用餐體驗：✔️ 店員會幫手烹調第一片牛，然後排靚俾你影相✨✔️ 特選赤身A5牛 - 肉味濃郁，油花適中✔️ 特上霜降A5牛 - 油花完美，入口即化✔️ 壽喜燒湯底甜鹹平衡，烹煮太鹹可加水中和✔️ 蘭王蛋香醇無腥味，提升牛肉風味❌ 野菜份量稍少個人推薦：同朋友一齊食可選特選套餐$199及追求口感的特上套餐$249各一，然後一齊分享！😈-🔥CP值：★★★☆☆🧚🏻‍♀️回頭率：★★★★☆

最近去咗尖沙咀「肉屋」食壽喜燒，真係超級滿足。首先要講嗰塊和牛，油花靚到好似藝術品，落鍋輕輕一煎就熟，入口即溶，肉汁香濃，完全冇腥味。配埋生蛋一齊食，滑到不得了，濃郁又唔膩。鍋入面嘅配料都好出色，有白菜、香菇、燒豆腐、蒟蒻絲等等，全部吸晒壽喜燒醬汁，鹹甜平衡得好好，尤其豆腐，外皮微微焦香，內裡滑嫩，超正。成個用餐過程感覺到店家對食材同火候嘅用心，簡簡單單但食得出質素。環境乾淨舒服，服務又好，係一間想再encore嘅店。鍾意食壽喜燒嘅朋友，呢間「肉屋」真係值得一試，記得早啲訂位，唔係好易full！

肉屋價錢: $299 (220g)/ $349 (220g)/ $349 (110g)好味程度: 3.7/5服務🍴: 3.7/5環境🗾: 3.7/5性價比🥢: 4.3/5回頭率😚: 3.3/5-講到壽喜燒呢間應該都好多人bookmark左，因為佢算平的sukiyaki，lunch最平二百幾都食到！包前菜、蔬菜拼盤、飯、漬物同🥚。第一轉店員會來幫你放曬上去先，之後就自己來。開頭係關西風，食到之後就變關東風。可能今次有店員睇住，所以整體都唔會太鹹。不過記得都要加d水。-✅前菜。薯仔沙律正常發揮🤣木魚豆腐、芥末八爪魚。-✅✅特上A5薩摩牛壽喜燒片(中間價位)。沾滿蘭王蛋食口感滑溜，而本身塊牛都ok，肥瘦得宜，冇筋，有牛脂香同時都有牛味。佢哋作為賣左咁多年呢d肉的人，都唔會差🤓但最平個隻就大細塊不一，同埋啲肥邊位多啲😌-蔬菜拼盤都係大路野，冬菇、娃娃菜、大蔥、皇帝菜、燒豆腐、葛絲。-個人覺得叫中間價位的已經足夠！中間同最貴分別唔大🙈最平個款就明顯肉質無咁好，d油脂分佈冇咁平均！-性價比💯 不過呢個價錢始終成個體驗無得比mori個啲啦。同埋抽油煙系統唔係幾好，所以食完都會有d味吸收到🥹食午餐可以

牛肉超好味，環境好乾淨服務超周到仲會幫手燒埋，唔使自己燒最後仲有個甜品最愛最愛的柚子雪糕，真係非一般的雪糕口感有少少似沙冰入口又會即刻溶好啱一家大細嚟食下次帶埋女女嚟🩷

有晚收工男朋友提議嚟呢間食壽喜燒呢間放假嚟lunch平好多但放假lunch一向難book見呢晚收工7pm有位，我地就嚟試下💰💰我地揀左個中價位$498一人一份🥢🥣前菜有3款個肉卷幾得意，入面有件細蘋果仔仲加左隻白色似cream cheese既醬，味道好夾另外果2款似木魚碎豆腐皮，雜菜，冇咩特別戲肉嚟啦，我地2個人🥢🥩🍲嚟左3碟肉，1盤野菜，有白飯，生雞蛋跟1壼壽喜燒醬汁，1壺清水，一陣煮要用首先職員幫我地開爐煮，1人1塊肉先之後就幫我地鋪🥦🥬蔬菜鍋🍲大概放左7成菜落去煮冬菇煮10mins，其他配料就煮5mins之後職員閃人，我地自己負責睇火啦想講佢地餐廳冇吸油煙果d喉煮壽喜燒時都幾大蒸氣下吹晒落我塊面到😅佢地d爐又比較大火，d汁好易蒸發晒女仔有時食得慢，我未得閒再煮新食材已經加左好多次清水落去keep住滾講返個壽喜燒醬汁係超甜d🥩牛大概每人食左4大塊左右我食到有塊邊邊位有d筋難咬晒開塊牛又勁大塊，咬落有少少狼狽最後有點忙碌地，我地先煮晒成鍋野食😂嚟埋個柚子雪糕就真係食完了而家香港開多左壽喜燒店$500位呢個定價其實選擇都多但$500位如果食到d牛有筋又要自己燒咁麻煩，我會選擇其他了

第一次食呢一間壽喜燒同朋友特登book咗位，去到四人枱已經滿晒啦，咁就有二人枱嘅位，嗰陣時我同朋友都好震驚就係張枱真係細，咁咁啱就見到有卡位枱係有位，嘗試去問吓職員可唔可以掉位，點知員回覆我哋「卡位只可以三個人以上坐」 我哋好無奈嘅係成間餐廳全部卡位都係兩個人兩個人咁坐，咁我哋就唔明白再問多次啦，咁之後有個職員就話「唔好意思啊，因為真係要三個人以上呢有人book咗枱啦」咁我哋就諗吓可能上一批嘅客人係二人二人咁坐下一批黃金時間就要三人三人咁坐，因為始終嗰陣時都七點幾星期日，咁我哋就冇為意啦，開始食啦評論佢嘅餐，嗌咗個中間位$498嘅餐，前菜嚟到職員好似好趕時間咁樣，直接放咗兩塊肉個爐到，之後放落我哋個碗之後即刻放啲菜，之後就話而家嘅壽喜燒就係你哋自己負責返㗎啦，我覺得自己燒都冇乜問題嘅，但係成件事係好趕時間，重點係我哋食完前菜坐低都唔夠15分鐘，餐廳其實又唔係話好多人，可以話係毫無服務可言，啲肉係唔差嘅，但係成個體驗比我感覺就算好食都冇用，第一次就算美食喺面前，真係個感官差當堂覺得唔好食呀點知食到中段，我哋後面張好迫嘅二人枱已經有客人啦，職員叫我哋褪前少少讓俾客人坐入嚟，我哋已經冇位啦，

午餐去食最抵⬆️午餐最平HKD199就可以食到壽喜燒🤤CP值很高⬆️店員一開始會幫手擺靚前菜、野菜盛合、第一二塊牛肉，俾客人打卡影相我各叫咗每樣一份特選•薩摩牛壽喜燒 HKD199特上•薩摩牛壽喜燒 HKD249個人鍾意特上Set，牛肉均勻雪花及油脂，牛肉入口香濃🥩

記得之前行過個lunch set好似幾抵食咁，適逢同friend食生日飯就book咗呢間餐廳。仲要12月26號都有正常lunch set食，唔使捱貴餐。叫咗兩個極尚薩摩牛壽喜燒， $349一位。啲牛都OK嘅，全程都有Staff幫手燒，不過睇得出佢哋超忙，如果你可以自己搞掂佢都唔係好想理你。依間啲壽喜燒唔係行超重口味，尤其是啲蔬菜唔會搞到超鹹，所以都OK。有機會都可以試埋佢嘅dinner set，不過食壽喜燒如果有限時其實都幾chur，始終壽喜燒食食吓會好滯。😂

所有相都冇調色🥹🥹正 我最怕去到一啲餐廳係食物質素同價錢唔成正比但係依間肯定係成正比唯一美中不足嘅地方就係我喺屋企食壽喜燒嘅時候會自己加辣椒粉，佢哋剩係得七味粉冇辣椒粉😆我下次再去食嘅時候會自備🤭🤭或者希望店主可以睇到咁就成為香港第一間壽喜燒有辣椒粉嘅舖頭😂😂😂壽喜燒汁加落啲蛋度再加啲辣椒粉真係好好食㗎 講返依間餐廳～服務好有教埋我哋食嘅先後次序真正每一口都可以感受到啲油脂嘅分佈😍味道調得啱啱好，仲要入口即溶嗰種感覺 🥹好感動 好欣賞佢最尾個柚子雪葩🤤佢嘅三款前菜都勁好食同埋我哋食完之後我同男朋友都覺得下一次應該要再嗌多份粉絲，因為粉絲都真係好正🤭最後我真係解釋到累了🥲每次一鋪高評價就會被以為喺Foodie～ 我都想 呢啲咁出名嘅餐廳使乜我做Foodie🥲🥲

快餐廳服務水平，管理不善1. 服務態度懶散 紀念日千萬不要選擇這餐廳！只會破壞你的期望！-員工不耐煩替食客合照（只拍2-3張）-3位員工站在收銀處閒談 忽略食客要求-12點午餐時段 員工12點才到步著圍裙 食客早到站在門口 睇佢地扎頭髮換衫2. 管理不善-用餐48分鐘便催埋單（午市用餐時限70分鐘）-未食完就幫會執碗 -星期六午市有一半吉位 唔知趕d咩 係咁催-員工服務欠缺專業和標準訓練最後二人埋單 $890 而服務質素仲低過快餐店 大開眼界未試過遇到咁惡劣的服務同體驗！重申：牛肉質素合格 套餐份量足夠但惡劣的服務是令貴公司污名的主因 。