壽喜燒·肉屋

營業中

休息中

台灣有朋友黎左香港，諗住帶佢食好西，平時食開鞍下熟成肉覺得好吾錯，佢另一分店食sukiyaki應該吾會差掛。一早book定位，不過上去都要等一陣，冇咩所謂，但服務態度令我吾想再上去，價錢平民係咪等如服務態度都咁差，我寧願出反去食2千蚊一個set！當晚準時到達前台，見其實有卡位，我就問可吾可以要卡位嫁，咁女職員就非常勁燥咁話<<邊有咁多卡位，個個要都係要等嫁啦，你想要咪等人哋食晒先>>，然後我話都係問一句，吾得冇所謂嘅吾洗咁嘅態度然後到座位，職員指示我哋可以用QR code落單，去到飲品位冇介紹特飲成份，我就問下職員係有咩係入面啦，然後個職員就衝埋黎話<<其實頭先有同你哋介紹過餐牌，吾緊要，我再講多次> > 我話你冇介紹，而且台邊有餐牌都吾知囉，咁難為可以吾講，我吾飲都得！野食新鮮好食嘅，不過諗吾到服務態度可以咁，都吾會再去第二次！

尖沙咀嘅鬧市竟然有呢間咁好食嘅壽喜燒，仲要係超抵嘅價錢食到超高質嘅食材🙀🙀完全知道點解長時間都咁多人！A5薩摩牛雪花超靚，餐廳擺盤亦十分出色，牛肉砌成圓圓的上桌十分有特色！兩款牛肉各有千秋，極上的一款油滋味更加濃郁～如果鍾意入口即溶嘅口感嘅可以食貴啲嘅一個套餐。前菜三款都好有特色，各款嘅野菜吸收咗壽喜燒醬汁之後都非常好食。而且呢度服務都好好，侍應會主動加茶而且非常有禮貌，佢哋燒牛肉嘅手勢亦都非常好！

食物質數幾好肉嘅級數係好 只是服務態度要改善 我坐低段時間冇人主動上茶或水 最過分我前菜及主菜上咗半個鐘都冇 成枱都係食物 你地竟敢直接上甜品 有啲似趕客走甘……………..

媽媽生日，帶佢食好嘢！新開壽喜燒裝修得好靚，入到去有日式和風感覺，座位都幾闊落，之後就知道點解要咁大張枱，因為要放好多碟食物。幾百蚊就有前菜、主菜、飯、仲有甜品，食完真係飽到傻。首先上咗前菜，前菜有牛丸、豆腐、慢煮和牛，前菜覺得煮得好好食，想食多set食完前菜，就比碟雞蛋，一隻蘭王蛋，一隻係無菌蛋！好多，下次比一隻都夠。另外仲上咗和牛、野菜盛、飯和漬物。戲肉係果碟和牛，油脂分布比例好均勻，煮完之後入口即溶，食到好香牛味。連埋飯食，最後飽到食唔哂啲配菜！下次嚟食果日要留肚先得！

尖沙咀近排新開既壽喜燒·肉屋叫左兩個餐分別係特選・蕯縻牛壽燒和特上·薩摩牛籌喜燒兩個餐都有前菜，薯仔沙律🥔，麻醬豆腐，自家製肉丸，入面仲加左雞軟骨，主菜有肉，一碗🍚，一杯飲品一碗野菜盛合，有豆腐，冬菇，菜，芋絲，大蔥，仲有隻蘭王蛋打發後用嚟點肉食特上A5薩摩牛油脂雪花較多，特選A 5薩摩牛較瘦，牛味重，呢個牛一轉色就要夾起，吾好燒得耐，肉質容易變靭，我自己比較鍾意食特選A 5薩摩牛🥰飲品叫左星紫流砂係石榴、益力多、蝶豆花茶和夕燒け係芒果、蜜桃、西柚、四季春。飲品糖漿都係佢地自己溝好自己煮😍吾會死甜

每日ig都被壽喜燒洗版 我又加入啦( ¯ᵕ¯ )♡專營壽喜燒網店既肉屋 @nikuya_hkofficial 實體店最近落戶尖沙咀一開業旋即變成預約困難店 試左午市先～去前期待值極高 見老闆做足準備係日本學師瘋狂食壽喜燒（一來自肥吧嘻）肉屋以一牛頭方式購入薩摩奇跡之牛價格會較相宜 午市套餐定價只需199-349蚊.ᐟ‪‪‪.ᐟ‪‪‪絕對係全港最抵食既高級壽喜燒( ͡° ͜ʖ ͡°)我地試左中間價位249蚊既特上·薩摩牛壽喜燒除左110g牛肉 仲包左蘭王蛋 前菜 野菜盛合 米飯 漬物食完頭盤後 店員會幫忙係爐擺放好食材我地頭一輪等食就得 之後就要自己動手啦特上套餐可以試到赤身同霜降兩個部位(˶ˊᵕˋ˵)明顯赤身肉感更重 咬落會彈一啲而霜降就主打油香同非常滑嫩用上質地較濃既蘭王蛋更掛到汁 蛋香又更出另外都想一讚壽喜燒汁調較得幾出色 甜度平衡得好好

由ig shop做起既壽喜燒品牌👉🏻nikuya 肉屋，係用日本薩摩牛🐮，最平午市套餐都係$200左右cp值高🤓 上年嗌過外賣set，今次睇下水準有無唔同😎依個價錢頭一round都有職員幫我地燒同簡單介紹一下頭盤，不過最初係門口等左5分鐘都無人係counter serve客🥵 個金毛waitress仲要唔理排第一既我，同經理講直接比位後面既客，服務只可以比3分😐裝潢企理整齊，有日系吊燈💡環境舒適🐮特選A5薩摩牛 $199 (110g)特選A5薩摩牛顏色較紅，油花相對少，偏赤身feel🫢當然肉質都嫩👍🏻而味道則重牛味，大概有3塊(大)，厚度適中，對比價錢就十分合理😌🐮特上A5薩摩牛 $249 (110g)特上A5薩摩牛望落成塊都係油花，超級邪惡🤣 故之然有哂心理準備口腔受到油脂既沖擊，但又無諗過唔太膩，配埋蘭王蛋汁真係一絕😎好快就溶左🤤大約有3塊(大)🥬前菜三隻字，喜出望外🤩薯仔沙律，有雞蛋火腿南瓜做餡，豐富口感，勁好食😁胡麻豆腐，好滑嫰，胡麻醬一流自家製雞軟骨和牛丸子最出色，雖然食唔到雞軟骨感覺😂但醬汁好濃，少少似平時去居酒屋食免治雞軟骨串🥬野菜盛盒芋絲，娃娃菜，東菇，京蔥，豆腐，皇帝

最鍾意食壽喜燒😍 知道開新餐廳即刻黎試！ 餐廳非常之滿，記得一定要book位！ lunch限時70分鐘好彩我同老公都係食得快，時間嚟講都比較夠餐廳用QR code 落單因為極上 sold out，我地叫特上 set前菜 個牛好正！上菜！ 肉好靚好大塊！ 餐廳職員會幫你燒好第一塊，跟住幫你落埋少少菜，跟住就要靠自己貼心位會有圍裙俾你，等你唔好整污糟件衫食物質素普遍高！好好食！因為我哋有追加牛肉，所以飯唔夠，要俾$20 加多個飯 係有啲貴 餐廳環境非常唔錯！可能因為個廁所喺出邊，比較唔掂。另外有個小插曲係，記得獅子狗係芝士獅子狗，唔小心會彈到周圍都係整體嚟講非常滿意下次會黎試晚餐

期待已久超抵食嘅壽喜燒午餐($199起）😳甜甜地嘅壽喜燒湯底一直都係我嘅最愛，配上無敵嘅A5薩摩牛牛肉🤩入口即溶嘅口感真係不得了🥹呢個價錢食到簡直係要係咁encore!!!兩款牛肉都各有千秋，特選嗰款係有咬口啲，而且肉味都好濃郁，極上非常有油脂感，咬落入口即溶！😉套餐有三款前菜、牛肉本人、野菜盛盒、仲有日本米嘅飯同漬物，當然唔少得壽喜燒靈魂之一嘅蛋黃，用上蘭王蛋色澤同味道都非常棒🫶🫶🫶

壽喜燒套餐包括有 前菜 蔬菜 飯 蘭王蛋甜品前菜慢煮48小時和牛芝麻醬凍豆腐雞軟骨和牛丸子肉類有3個價位可以選擇我地揀左特選同特上薩摩牛壽喜燒赤身同霜降 兩款肉都好好食 好濃牛味 我地就比較鍾意食霜降 入口唔洗咬 勁軟滑油脂係口裡面爆發首先店員有幫我地煮左2件牛西冷壽喜燒汁味道啱啱好 西冷厚身得黎一啲都唔韌店員仲有教我地點煮原來牛肉唔可以放埋同芋絲一齊煮 啲鈣質會今牛肉好易韌 所以要搵啲菜隔一隔佢😌另外仲叫左2杯特飲緋紅琥珀 紫蘇葉+檸檬梳打 好特別既組合 微酸 好啱同壽喜燒一齊享用星紫流砂 石榴 益力多 蝶豆花 好似星空咁 打卡一流

本身係openrice訂座食老公果餐生日飯，亦備註留左言話老公生日，跟住準時去到入座，想點餐果陣話價值698最貴果個set 賣哂，但只係6點半，咁早就話賣哂，明顯量少，供不應求，因為午市套餐係無最貴果款牛，即係晚市先提供，但晚市6點半就話賣哂？！跟住想叫生啤，點知又話賣哂…最後叫藍妹，咁唔緊要，咪叫另一個餐，跟住留意倒身邊食客都有戴圍裙，但職員無提供或問我地要唔要，在場都見倒侍應好忙，咁唔緊要啦，新開張，可能未上手。跟住上菜啦，有個女侍應妹妹幫我地燒，同埋簡單介紹下，但我完全聽唔倒佢講野，除左因為戴口罩因素，仲有現場音樂太嘈，樓底又較低，所以我基本上聽唔倒佢既介紹，佢都無同我講太咸可以加水，枱上有兩個好靚既瓶，一個係壽喜燒汁，我地係知道的，因為我侍應有用，但另一個瓶子是盛水的，但我地唔知，半路食食下覺得勁咸，頂唔順，我引唔住問個侍應係咪有水，佢先同我講係枱上面，呢個係服務不周到既地方，但都唔緊要，小事一樁。食到中途至尾聲，個侍應就上甜品，係柚子雪芭，本身佢放錯左俾我個位，但我話係我老公生日，但就另外送左一件好細既芝士蛋糕，有candle, 旁邊有個cream, 應該係寫左慶生，故意準備

新店速遞‼️要試記得要預約呀鍾意食肉嘅你要留意喇🤭提供貼地價錢👍🏼優質嘅薩摩牛肉壽喜燒午餐$199起🤩新開業仲有88折優惠🤭唔試點得呀⁉️✨午市套餐有一份110g薩摩牛、蘭王蛋、前菜、野菜盛合、米飯同漬物前菜有薯仔沙律、胡麻醬豆腐同自家製牛肉丸。特選.薩摩牛壽喜燒 $199屬赤身肉😋脂肪比例較少牛肉味香濃，咬落較有嚼口。特上•薩摩牛壽喜燒 $249屬霜降肉🤤佈滿細緻嘅雪花紋油脂香氣四溢誘人肉質柔軟嫩滑❤️入口即化✨橙紅色嘅蘭王蛋，蛋香味濃郁將肉蘸上蛋汁，令肉質口感更香滑👍🏼壽喜燒醬汁濃郁香甜😍野菜吸收晒醬汁精華‼️非常惹味✨星紫流沙好夢幻嘅特飲💕有石榴、益力多、蝶豆花茶好香嘅多多味😋✨夕燒可以去油膩感嘅飲品有芒果、蜜桃、西柚、四季春👍🏼清香水果味，解渴解膩

疫情期間，一直有食開 @nikuya_hkofficial 嘅薩摩牛壽喜燒外賣套餐，最近佢哋終於開咗自家嘅壽喜燒實體店。之前見到佢哋選址策劃裝修等等都籌備咗好耐，剛開業就約埋朋友一齊去支持！和系既裝潢，新開張仲有88折（去到先知）兩個人坐既卡位十分闊落鬆動，一坐低員會便會貼心遞上圍巾，即使食完也不怕整污衣服特上薩摩牛壽喜燒套餐 $498〔 前菜 〕包括慢煮和牛配黑松露醬，豆腐，和牛雞軟骨丸子配甜酸醬，和牛丸子多汁，不肥膩霜降A5薩摩牛切片 180g 重頭戲 - 第一塊會由店員代為操刀，較厚的和牛西冷，油脂恰到好處，肉質柔嫩，配上特製的壽喜燒汁，加入日本獨有「上白糖」不是死甜和涸喉感。煮好後沾上無菌蛋及蘭王蛋液，避免燙口且中和油膩感。蛋黃挺身，掛汁力強。野菜盛合包括芝士燒魚卷、菇類、特選芋絲麵、新鮮日本蔬菜、燒豆腐。特別一讚菇味勁濃（我平時都不吃的😂）最後還有清新解膩的柚子雪葩🤭—————————————————壽喜燒·肉屋 地址: 尖沙咀海防道38-40號中達大廈3樓—————————————————#hkfood #hkfoods #hkfoodstagram #hkfoodshar

尖沙咀新開嘅壽喜燒餐廳，價錢非常之吸引，新開張仲有八八折優惠！有三款套餐選擇，嗌咗一款特選，一款特上。三款前菜啲牛全部都係A5和牛，無論係色澤定係雪花嘅紋路都超級靚，同埋全部都好大塊！蔬菜盛合，本身以為係獅子狗，原來係芝士竹崙！蔬菜盛盒入面嘅芋絲索晒啲壽喜燒嘅汁非常之好味😋 同埋壽喜燒一定要有茼蒿菜同旺菜，吸晒啲汁又係一流。壽喜燒牛肉點生蛋真係絕配，蘭王蛋蛋香味十足，加上啲牛好林，肥瘦均勻，真係好好味呀。最後仲有個甜品，柚子雪杷。

壽喜燒·肉屋尖沙咀海防道38-40號中達大廈3樓味道評分:☄️(highest_surprise)/☀️/🌤(pass)/⛅️/💨(lowest)☄️特選•薩摩牛壽喜燒套餐 $398☄️特上•薩摩牛壽喜燒套餐 $498今次幫大家將兩個性價比高既餐都是試一試佢🤩整體表現好好！係我會想再去既餐廳！店員都非常有善，會幫忙燒第一塊牛🤤▶️特選vs 特上A5 薩摩牛特選較重牛味，肉質新鮮易咬；特上油脂感更重，食落肉質更滑&更有油香，入口即溶☺️兩者都要配蘭王蛋&無菌蛋一齊食！我個人就中意特上多dd😎不過特選都已經好好味‼️除左A5和牛好出色之外，前菜、配菜都食到好滿足，吸左壽喜燒汁的菜&芋絲100分🥹最後仲有非常清新的柚子雪葩作結，滿足！☀️夕焼け $38茶味重，散發啖啖的果香~☄️星紫流砂 $38好靚的配色😍依杯會比較甜口，茶味較輕🙈❤️‍🔥想去既記得預先book定位噢~❤️‍🔥最後既最後，口味尼家野因人而異啦~