壽司郎 (黃埔天地)

營業中

休息中

自從日本平價迴轉壽司店壽司郎進軍香港後，人氣一直居高不下，以應用程式網上訂座至少亦要預約至一個月後，據稱直接到訪取籌起碼等候三個小時更是見慣不怪，所以一直沒有決心前往一試。碰巧之前聽朋友說現時排隊時間不長，立即趁平日下午大約二時許到達黃埔分店，等候時間的確不足一個小時，而且取籌後可以於YouTube查看最新輪候狀況，可以先在附近吃點東西或閒逛一會。壽司大致分為紅、銀、金、黑四種，價錢分別為$12、$17、$22及$27，雖然我倆主要選擇紅或銀碟為主，但最後平均每人約二十多碟，人均四百餘元絕對稱不上物有所值。雖然本身壽司郎是以抵食而非以高質素見稱，但以此價錢換來此等質素同樣談不上「值」。首先，壽司方面有一大問題——飯既散又黏，有部分壽司甚至一夾即散或黏附於碟上。好評如潮的特選大吞拿魚腩切得較薄，油香以$27一件的價錢而言屬正常水平，相比之下DONKI出品便宜一截之餘卻更勝一籌。特選中吞拿魚腩質素比較參差，第一件肉質死實之餘油香欠奉，但之後於迴轉帶再取一件則相對軟嫩，反而醬烤特選中吞拿魚腩更加豐潤出色。三文魚腩有鹽燒或田樂醬等多款配搭，每款都滿意之上勝在肉質肥美；鹽味牛排與壽喜燒牛排價格相

短時間內食左3次壽司郎想試既野都試得7788茶碗蒸好有日本風味真係勁多餸好鮮甜果啲黎當然唔少得必食既吞拿魚腩壽司係我最鐘意食既入口即溶呢啲就唔使多講仲要完全唔腥至於味噌茄子壽司都幾特別冇伏，可以一試

我覺得壽司郎係一間要好有耐性先會食到嘅餐廳。喺香港開咗幾個月，晚市時間仲係要等幾個鐘，真心好誇張。個人覺得呢度嘅食物質素未至於要等三四個鐘咁誇張，但係冇得食元氣嘅時候，又想平平哋食迴轉壽司，呢度都係一個唔錯嘅選擇。呢度嘅壽司種類太多，我都懶得一一介紹俾大家🤣係咁意分享下我覺得幾好食，同埋我覺得伏嘅俾大家啦😛.sushiro after opening for a few months is still as busy as ever 😮 even with everything going on! personally i wouldnt wait 3 to 4 hours for their sushi 🍣 but if you are craving for sushi & you dont want to break the bank, this is a really good option 😊 there is a huge selection of sushi 🤣 & the quality is pretty good considering how much it is

是咁的~壽司郎進軍左香港都幾個月但實在係太受歡迎根本就訂唔到枱一直都想試好耐今次終於的起心肝同女朋友仔包黎到黃埔分店walk-in搏一搏啦十二點前黎到但一等就等左個半鐘頭喇入到去就即刻瘋狂係咁禁野食，其實就唔止叫左下面咁少嘅不過篇幅會太長所以下面係重點d嘅野食油甘魚壽司在場燈光影響左手機嘅效果，實物份油甘魚充滿光澤食落亦好香魚油味，唔少人驚食油甘魚因為會有陣腥味，而腥味一般係因為處理得唔好或者唔新鮮先會咁，但呢到就完全冇呢個問題唔記得真名叫咩嘅燒牛肉壽司，係燒得非常之香，燒左嘅牛肉d油逼曬出黎食落係好甘香不過如果塊牛肉熱辣辣咁嘅話就會更香更好食喇鰻魚壽司食鰻魚好基本就係要冇骨，呢樣根本野呢到都做到証明處理鰻魚嘅功夫都做得唔錯而且鰻魚厚薄適中，魚肉細緻嫩滑，連埋彈牙嘅鰻魚皮~呢到嘅鰻魚壽司好出色蟹腳壽司（真名又唔記得）呢個幾驚喜，因為一般呢種壽司應該係會灼熟條蟹柳位，或者至少都半生熟不過呢件壽司就完全係生蟹腳，所以食落嘅口感就並唔係一絲絲蟹肉嘅質地而係類似布甸狀嘅口感，配合埋淡淡嘅蟹肉清香，食材非常新鮮呢個係一件頭嘅國產牛壽司牛肉好嫩滑但肉味唔濃反而上面個燒牛肉更加出色，不過呢個一件頭配

壽司郎黎左香港開左3 間分店一直都無機會食因為知道要2 個月前拎籌朋友有一日就話試過可以walk-in 但要早今次我地1800 到場1815 已經cut左walk-in 拎籌我地等到2030 終於有得食佢係用pad 落單難得地有拖羅叫就叫左中拖羅$17另外有隻高級d 就$27 一件我覺得$17 好食d 因為$27 果件有筋另外佢赤海蝦既壽司都比較大隻同新鮮呢個價錢黎講算物超所值上餐速度好快唔洗60 分鐘都食飽見有d 人半個鐘就食完最後一定要食個甜品芝士蛋糕好好食但我朋友話比較甜我覺得啱啱好整體cp值係非常高

依家冇咩迴轉壽司店可以選擇，好彩最近屋企附近開咗呢間Sushiro。六點落去已經好多人排緊隊，好彩預先攞咗飛慳番啲時間。每個卡位本身已經設置左一部平板電腦俾我哋揀壽司，唔使特登download app都可以order （不過呢度信號比較差😂😂）。我同朋友兩個人嗌嗌下都叫咗好多碟，果然嚟到迴轉壽司就停唔到口停唔到手😋。客觀啲來講價錢合理，略嫌感覺上唔夠新鮮，同埋小食份量好少，性價比唔算特別高。

依一間係壽司朗既第二間分店，位於黃埔。開左咁耐終於book到位去試啦!😆順帶一提，食滿$200就有一個鐘商場免費泊車優惠，$400就有兩個鐘👍🏻👍🏻一去到就要去部機報到左先，好準時就入去，左去，位置一d都唔迫！蝦三味（$17）性價比高，甜蝦好味😋熟蝦冇咩特別；大蝦有小小唔新鮮，但可以接受！油甘魚好肥味😋😋😋蛋黃醬甜蝦壽司鐘意蛋黃醬既我覺得好好味😋😋😋魚子壽司🍣唔太好味🥺🥺🥺其餘既壽司中規中矩，整體黎講都可以一試，得100分鐘進食時間，送餐速度都幾快，亦有普通醬油，甜醬油同柚子醋提供！

因為住喺紅磡，所以經常在紅磡區來用餐，我未試過佐敦第一間分店，一式就是在黃埔這間吃，以這個質素來說，壽司是不錯的。我比較覺得好吃的壽司有：帆立貝、油金魚及蟹子軍艦

食咗兩次，兩次都係用apps book 位，早到都唔會有枱安排到早啲入座，因為現場walk-in 人數太多！ 準時到太約等10-15 分鐘到就ok ，如果walk-in 太約平均等90-120分鐘。如果你唔食得好多，你可以先試吓我嘅推介：麻辣赤蝦（其實唔辣）、特大草蝦天婦羅、吞拿魚（赤身）、壽喜燒牛排😋、吞拿魚蓉而好出名嘅中拖、大拖我自己覺得係平，但唔可以話抵食，一分錢一分貨，質素比較低。除此之外，其他試過嘅壽司🍣都真係幾高性價比。如果排半個鐘左右仲可以接受，我自己覺壽司郎又未至於抵到/ 好食到值得排個幾兩個鐘🤪

還記得小時候父母帶我到回轉壽司店，一路聽著節拍強勁的日語金曲， 一路驚嘆目不暇給的壽司種類， 簡直就是見證著時代的光輝歲月。可是，我現在不再是那小孩了。經過多年在飲食界徵戰沙場和腥風血雨， 如今老夫已練成了戰狼300的舌頭。面對著近期大熱的迴轉壽司店，壽司郎又會否在味覺上帶來新的衝擊？當我一進入店舖， 就有一大班年輕活力的年青人向我打招呼。 感覺就像春回大地，令我我這內斂消極的性格也頓然消失。我坐進了最入的位置，坐在壽司傳送帶的出口， 打開了先進的電子屏幕來點餐。 壽司的種類也很多，基本的東西也包括了， 亦沒有什麼騎呢口味。但當我看著回轉壽司， 不斷傳送矜貴的款式， 就想起活在香港常見居高臨下的豪宅和中環街上美女如雲。 我不禁問這一切到底與我何干？ 我有資格捉碰她，擁有她嗎？再者，為什麼一些人一出生就如海膽壽司般吸引，呼風喚雨顛倒眾生。 而我卻要像一碟蟹柳壽司， 似是而非地活著又要跟松葉蟹軍艦較量! 這樣的人生公平嗎？ 公平嗎!!!?到了午飯的尾聲，就只有那碟青瓜壽司和綠茶， 默默地伴著我的孤影。 當我要離開，結帳的時候。 侍應用電子儀器向壽司碟進行素描就能確認結帳數目，非常先進。在我

終於食到啦⋯經歷過排左兩粒鐘最後無食⋯之後發現上網有得訂⋯咁就早左個零月訂台⋯今日終於到我啦！雖然訂到既時間係3點⋯不過好過無得食⋯係疫情情況下⋯佢個餐廳間隔其實好好⋯因為兩個/4個咁隔住⋯仲送個袋俾你裝住個口罩⋯呢個幾細心⋯ 不過因為都多人等⋯所以得一個鐘食飯時間⋯呢個就食得無咁過癮囉（不過都明白嘅）。佢有一條迴轉壽司既軌道⋯跟住另外有部ipad俾你落單既都⋯有另一條軌道會送你落單既壽司俾你⋯我覺得好新奇呀⋯落左單既野食都好快到⋯有壽司有熟食有小食甜品野飲同酒⋯初初以為唔會有太多選擇⋯但其實都ok..可以加埋海膽😛⋯⋯其喺我見佢個梅酒我都好想叫⋯不過呢個時間飲唔係咁岩mood.. 樣樣野都幾好食⋯價錢又唔貴⋯而且唔係得啲cheap野食⋯都有我地食開個啲（係無海膽囉😛）⋯有肥吞拿魚腩⋯有赤貝⋯有蟹膏😋😋⋯最驚喜我既係佢地都有鰈魚（左口魚）⋯係我all time flavourite! 另外都叫左天婦羅⋯係油左啲但都可以！即刻想再訂下次台！

壽司郎是最近香港數一數二的熱店，豈料質素卻令人大失所望。 除了可在迴轉帶上拿壽司，亦可在平板電腦上點餐，不消一回，壽司便會由列車送上。我們一共叫了13碟。壽司飯十分硬和鬆散，像是用機械造出來一樣，而魚生質素亦十分差，淡而無味，沒有鮮味和不彈牙。1) 芝麻醬油漬炙燒吞拿魚： 魚味不夠濃2) 油甘魚： 不夠油香味3)炙燒三文魚腩： 魚腩不夠肥美4)日本產帆立凡： 不夠彈口，沒有鮮味5)蝦三味： 蝦肉爽，但沒有鮮味6)日本真鯛： 沒有魚味7）三文魚子軍艦： 三文魚子比較少，鮮味不夠8)炸蝦天婦羅拼盤： 夠熱，炸粉不厚9 炙燒芝士三文魚： 有芝士味，但三文魚不夠肥味10)炙燒芝士鮮蝦，有芝士味，但蝦沒有味道11) 壽喜燒牛排： 不過不失，壽喜燒汁不錯12)天然藍鰭吞拿魚： 無什特別13)日式焦糖蕃薯： 全日最好吃的一道菜。想不到此菜是凍食，外面的焦糖十分香脆，內面的蕃薯軟熟，蕃薯味濃。總括而言，壽司郎的壽司質素比超市$3-$4 一舊的壽司還要差，價錢卻要賣12（紅碟）／ $17 ( 銀碟）/ $22 （金碟）一碟，而且等候時間超過1小時，完全不抵食。己入黑名單。

同朋友去完紅磡學畫畫，完左係5點，唔知有咩做，醒起黃埔開左壽司郎，即刻去拎定位，拎完行下街，一個半中後就食得！去到多人到不得了，仲停止拎籌，lucky !!由於無食晏，我同朋友餓到爆，2個女仔叫左25碟😂😂😂平價壽司嚟講，三文魚同拖羅真心好味，同朋友都有encore, 另外帶子都好新鮮肥美，鰻魚大大件，推薦！至於其他就質素參差，已經忘記左咩味😂😂😂由於限時，瘋狂堆入口整飽自己就埋單終於食左呢間岀名壽司，埋單18x 一個人，ok la, 但要排咁耐隊就未必再食了

位於黃埔既壽司郎，未開業已經勁出名，開左業更加每日都大排長龍。就算係閒日，要入到去冇等返幾個字都唔得。今次終於到我去啦，店員服務態度很好，做野好有效率。環境衛生，食得好放心。最好食既吞拿魚都有好多款，又有唔同部位選擇，真係好吸引呀。我最鐘意就係吞拿魚腩果種入口即溶既感覺，黎到呢度終於食到，仲要完全唔腥㗎，真係好想再食多次。仲有值得推介既和牛壽司，2件和牛，大大件，一啖食唔曬㗎。茄子壽司都好香好特別，完全唔伏。

朋友介紹今日第一次食壽司郎， 見到佢個menu同價錢真係相當抵食。 首先我就叫咗個豬骨拉麵 ，雖然拉麵湯底不及日式拉麵 ，但都不過不失。壽司叫了鰻魚壽司 :鰻魚大大條 ， 抵吃不過比較瘦三文魚子青瓜壽司： 三文魚籽新鲜火焰三文魚壽司： 味道正正常常三文魚牛油果卷: 呢個配搭冇得輸， 牛油果配三文魚口感好滑。赤貝壽司： 赤貝新鮮爽口 牛肉壽司： 味道不錯， 牛肉燒得恰到好處靖魚壽司： 鲭魚燒得好香可樂餅: 炸得鬆脆， 跟埋裏面忌廉， 也不會太油膩 炸雞: 味道香口，不算太juicy 薯條: 呢個係有驚喜, 薯條好有薯仔香味, 非常好食千層蛋糕： 呢個亦都係我哋嘅至愛， 滿滿的cream 跟千層皮，味道稍甜，做飯後甜品就好滿足喜歡吃壽司嘅朋友真係要試下，畀元氣好食，價錢更平， 性價比高質素也不錯，一定會再食不過就坐得比較迫，五個人坐一張四人卡座，會好論盡。 午市時間一小時，所以都要把握時間食。