壽司藝 (已結業)

難得喺大坑有位泊車，快快趣走嚟呢度食個lunch先。原來已經開咗2個月，但門口仲貼住張紙寫試業中嘅？lunch由$168至$800不等，有omakase、壽司、刺身丼飯、和牛壽喜燒、煮魚等海鮮丼 ($198)個碗看似好細，但份量十足而且每塊魚都好厚身，估唔到$198有兩塊肥美拖羅、海膽、三文魚子、吞拿魚腩、油甘魚、金目鯛及另一種唔記得名嘅魚。全部都非常新鮮，最難忘嘅當然係嗰兩塊拖羅超級超級肥美，中間有好幾條非常清晰嘅橫間紋，一用筷子夾就會甩開幾件，油脂量極高，真正入口即溶，一啲渣都冇，魚肉細嫩，太滿足喇！舊蛋好似徘徊在似布甸又蛋糕之間，口感非常有趣；海膽每片都係金黃色，味道濃郁冇腥味，撈飯正！$198嘅海鮮丼諗住都係得啲普通又細件嘅刺身，但點知咁有驚喜，淨係食海膽及2片拖羅都已經抵晒！銀鱈魚西京燒御膳+刺身+御飯 ($268)銀鱈魚需要啲時間預備，先食啲刺身，輕輕燒過嘅金目鯛皮脆肉有咬口感，鮮蝦滑又爽。銀鱈魚質地creamy，魚皮及魚邊烤得香脆，魚肉滑溜juicy，滿口油香豐盈，入口即溶，超級好味！南瓜布甸以為係好輕盈嘅布甸，點知係好杰，質感有啲似蛋糕多啲，南瓜味超濃郁但唔甜，好味！環

今日同太太落大坑食Omakase, 試新野, 舖頭仲試業中。天氣熱先叫啤酒降溫, 酒夠凍而杯亦雪過, 抵讚。佢地除左清酒之外, 有隻薑做清酒, 之前未見過我見幾有特色, 就叫一技黎試下, 飲落有濃濃嘅薑味, 特別。佢地做沙律, 酸汁, 醃菜都好好食, 味道恰如其分。刺身非常新鮮, 師傅每件魚都精刀細切。熱食炸牡丹蝦頭(香脆), 燒魚(甘香) 同煮螺湯(清甜)。壽司用料上乘, 拖羅手卷非常。最後一個柚子雪筢, 清甜令食完油而不膩。呢個價錢, 絶對超值。