壽司正 (已結業)

上星期三六七點鐘行完龐比度個展覽，見之前一直裝修既壽司正終於開張，又無乜人排隊，一於試下啦。bar位同其他迴轉一樣咁迫，但每個位枱面都有個弧型餐盤(有點多餘...)，上面有茶杯、筷子同埋兩隻豉油碟。坐好後侍應斟水，介紹兩種醬油：淡味既點白魚同貝類，濃味點紅肉魚。見迴轉帶上來來去去都係個幾樣野，攞份menu睇下... 好似都幾多選擇，有幾樣都比較少見，仲有要落鹽食既壽司。但當晚大部份食既都係另外order的，迴轉帶上見唔到。相既左上角係左口魚邊，係第間食過連海膽海藻既覺得好爽口，見到呢度有梗係要試下。起初驚會好腥，好彩無~ 味道清但非常爽口。左下角係炙燒帶子同松葉蟹足，炙燒香得黎無燶味，雖然無銅鑼灣長龍店咁驚喜，但帶子都算鮮甜爽口，蟹足都有少少鮮味，唔知平少少既長腳蟹足係咪真係會差d呢？右上角係大虎蝦，因為好似無牡丹蝦叫，本身形住灰黑色既蝦都係好難食，好彩都不致於好差，口感ok，唔係無鮮味，不過都係鐘意牡丹蝦多d，較特別係佢連埋炸蝦頭上，熱辣辣脆卜卜，蝦膏都香，應該係即叫即整的，怪不得要另外order。右下角係中吞拿魚腩，唔捨得食$35一件的上吞拿魚腩，諗住呢個都係無料到，丫~ 都好味喎

個晚好早出到去，見冇物人，但企響門口都足足30分鐘，入到去真係失望，一見到啲壽司都未食就知唔得，好想即刻走，但係排咗咁耐又唔抵，我平時都會捐入去睇睇先排隊，今次冇咁做就出事。壽司面啲魚生好細塊，帶子好似五毫子咁細，第二啲鋪頭，好似板前同一壽司，同價錢都會有五蚊銀咁大或大過五蚊銀。劍魚壽司呢，平個種啲劍魚就有“渣”，好啦，俾多幾蚊，攞碟貴嘅劍魚壽司，但個塊劍魚魚生就薄到透光。又試下軟腳蟹手卷，隻軟腳蟹就好似未發育，不過食飯飽囉，元氣壽司啲軟腳蟹手卷好好多，又平過佢。唔好以為我醃尖，坐我隔離個pair，埋單個陣首先發佢圍，好嚴肅咁同個waitress講，話“呢度啲嘢食又掂，service又唔得”，我一聽到就心都涼哂，果然有知音人，我埋單個陣就唔再俾意見，不過決定以後都唔再黎。但都食咗兩舊水又唔飽，後尾出去再食雞蛋仔。

政壽司, 壽司正, 搞到我有點亂! 想起兩者都源自日本, 諗起政壽司, 所以就去了這裡試試.但事實上, 真係唔係幾得, 看上去有點乾, 不似很新鮮那樣. 味道一般. 試了很多, 但真的沒有什麼特別, 我估這次是"一舖過".

知道park hotel新開了日本過江龍壽司店, 昨晚和占少兩人去試一試!叫了多款壽司:1. 蔥吞拿魚手卷: 不錯, 蔥吞拿魚夠多. 2. 穴子壽司: 很大條穴子, $40抵食, 都幾好味. 3. 近海海膽壽司: 尚算新鮮, 不過不夠海膽味. 4. 大toro壽司: 脂肪分布算均勻, 不錯5. 珍寶帶子壽司: 1件$30, 有點乾身, 麻麻地.6. 牡丹蝦壽司: $40二件, 不太出色7. 玉子壽司: 好失望8. 三文魚, 魷魚, 芥末八爪魚壽司: 不見突出9. 蝦天婦羅壽司: 都ok總括來說, 壽司飯做得不夠好, 材料尚算新鮮, 但不覺得特別出色, 兩個人吃了$400多元, 不太化算, 未必會再來.

睇到網上有人對呢間野讚口不絕, 又話d海膽幾好幾新鮮咁, 一心諗住黎試下。六點幾黎到, 唔算多人, 迴轉枱同order枱都有位, 因為唔想咁迫就選擇左坐order枱。睇睇個menu, 呢間野既食物種類唔多, 算啦, 咁就order拖羅, 海膽, 海膽蒸蛋, 蟹羔, 蟹腳壽司, 帶子等等試下..點知原來海膽, 帶子都賣哂, 咁連原本已經唔多野食既情況之下, 就更小選擇, 各位如果一心想試呢度既海膽既朋友, 可以一早問定有冇海膽至考慮食唔食。最後成餐食左咁多野:三文魚壽司: 都ok, 9蚊抵食蟹羔壽司: 蟹羔ok, 蟹腳無味蟹腳壽司: 蟹腳好凍又無味拖羅壽司: 呢樣幾好近海海膽壽司: 呢款野35蚊1件, 海膽ok新鮮, 不過真係貴唔抵食仲有食左甜蝦, 飛魚子軍艦, 池魚, Tuna魚腩, 墨魚魚子壽司, 炸軟殼蟹等等, 有d真係食左都唔係好記得, 因為質素真係好一般, 2個人食3百幾, 咁既價錢同質素, 下次未必會再黎。

係呢間鋪仲未開之前，每次坐車經過都有一份期待。好想試吓呢間本店係仙台嘅過江龍迴轉壽司鋪嘅水準..卒之都開la...因為時間尚早，人唔算多。店面積不大，都有D似日本迴轉壽司鋪嘅格局...一坐低，侍應就簡單介紹咗兩款醬油--- 昆布及鹽味，一淡一濃。係香港迴轉壽司鋪都算少見。再望吓D壽司，個心當堂打個突，D材料好似有D唔多新鮮，賣相絕對唔吸引，款式亦唔算太多，仲不斷見到三文魚出現，心漸漸往下沉..>.<既然都行咗入嚟，就既來之則安之la...穩陣D寫order紙叫D特別款式...女友想食uni，但竟然冇貨，覺得有D荒謬、無奈...於是開始求其叫嘢，因冇晒expectation ma..ha...食一口，覺得飯團做得不俗wor --- 不太散亦不太硬，軟度剛好，醋份量亦下得適中，加番分la...各類材料質素當然係普通，但卻比想像好，有時真係不能以貌取人嘅...總体嚟講當然唔算好la...比當初期望梗有一大段距離..

琴晚約左朋友聚舊, 因為大家都好鍾意食壽司, 所以就去新開張o既壽司正試下. 雖然舖頭唔算大, 但裝修好靚, 好有日本feel, 好好彩可以被安排坐壽司bar, 可以自己鍾意食咩就拎咩^0^ 一入座, 店員都好有耐性同客人介紹枱上面o既2款豉油, 一款係濃味少少, 另一款就係溝左昆布o既豉油, 經過一輪介紹後, 已經急不及待拎碟壽司試下先, 第一碟我拎左吞拿魚壽司, 色澤好靚, 入口有少少溶化感覺, 好新鮮, 而且飯質都搓得好好, 唔會好似其他壽司店咁, 一夾即散, 值得一讚!!! 我最鍾意食佢o既極上火炙吞拿魚壽司(有蒜片), 嘩, 真係好好食, 雖然$35 (單品), 但真係值得!!! 但值得雖要改善係手卷o既紫菜較林身, 如果可以脆d就真係ichiban!!! 另外店員都好有禮貌, 而且自動自覺替客人加茶呢n_n希望下次再o黎時唔駛排隊就更好, 不過好野自然多人排, 哈哈

呢個幾月成日搭車經過都仲係裝修緊，終於上個weekend經過見佢開o左就諗住去試試。食完出o黎先發覺佢而家係試業中，十月二十一號先至正式營業。點解做白老鼠冇discount o架? 又唔使填問卷o架?七點鬆D去到，唔使等位，不過冇晒迴轉枱要坐order枱，冇所謂啦。個舖位比較細，正式營業要排隊o既話都幾麻煩。其實service都算係咁，個manager都好有心機咁介紹o個兩隻豉油，食D咩類o既魚生/壽司用邊一隻，同埋是晚o既推介係牡丹蝦等等。但係D侍應生好明顯未熟個環境，成日走錯枱，但都幾主動同你落order，收o野，加水咁。唔知正式o個陣D service會點呢?講到食物都唔錯，D魚生幾新鮮，味道唔錯。可惜D飯少o左D同埋都幾易散。叫o左個蜆肉湯，味道o岩o岩好，唔會太鹹。Menu上推介o既帶子手卷就麻麻地，得一舊帶子，D紫菜又"霖"晒，價錢同帶子壽司一樣，但係帶子壽司有兩舊帶子喎!!佢有個牌會寫今日有D咩推介，見佢寫住活赤貝都係$35諗住叫一客啦，點知轉個頭個侍應話佢地未有赤貝。。。啤~~~~ 咁你就唔好大大隻字寫出o黎話推介啦。全晚最差o既就係個日式蒸蛋。本身D蛋冇咩問題，仲幾滑

下晝三點鐘都未食飯,經過見到呢到新裝又唔洗等位,咪試下law. 點知就出事.叫做迴轉壽司但係條迴轉帶淨係得wasabi 同薑走o黎走去... 型!TOTAL 叫o左七樣o野食, 一碟冇o黎到, 一碟o黎錯(仲唔認). 所以命中率得六成.食o左海胆蒸旦,只微溫,唔討好.劍魚腩壽司,魚肉大件,肥美.芥末八爪魚軍艦,紫菜不爽,一般.牛油果鰻魚卷,賣相不俗,但感受唔到有鰻魚.三文魚壽司,一般貨色,no comment.加州卷,好似雪o左好耐.價錢貴過元氣,冇咩質素,好難再o黎幫襯.

見佢新開鋪，裝修又幾靚,收工同個fd一齊去~~我地果時係tea time,冇乜人,我覺得同元綠果ｄ冇乜分別，可能唔識食啦，不過服務幾好,d野又幾好食,佢d豉油有兩種,有介紹,不過我地都係唔識分=.=我唔見佢menu上有拉面果d囉,係得壽司刺身果d...價錢算中上,最岩消遣黎食,靜靜地,有歌聽,d人又唔會過黎煩你...整體黎講都係滿意既~~

今日同女友經過就入去試下，其實真係無咩特別。鋪位唔算大，但係就坐得舒服。壽司價錢同元氣差不多，但係份量就差少少，比較細件。不過就勝在種類較多，除左壽司都仲有其他選擇。不過可能今日星期五夜晚比較多人，成日都漏單!!坐係度一陣已經不停聽到其他食客追order。但係所有店員都好有禮貌。