壽司正 (已結業)

Went there today with my girl friend,overall the price was a bit expensive but the sushi quality is good enough, especally the sashimi set for 90 dollars. at least better than genki sushi an the bill was 331 for two person...service is fine since the waiter will explain to you the different soy sause for different sushi, but the place was a little bit small.

壽司水準可說ok、可一般，但比其他大型連瑣迴轉店"峰壽司"或"板前壽司"還差多少。這裡價錢是偏貴，大約＄２5 ﹣５０碟，有些更＄３５﹣５０甚至只係得一件！服務不是很差，但去過兩、三次，都係有幾個waiter 一行埋嚟寫單、開口都嗅到一大陣"吸煙味"，很難頂，感覺唔好，話哂日本餐，影响衛生，暫時都唔會再去。

莫非人人以為佢係政壽司所以排大隊?夜媽媽到人潮已散不過依然墟冚仿效日本分開兩款豉油其實係咪有尐似生抽同老抽?可能香港人都慣左濃味豉油所以兩種味其實唔多分得到講到明新鮮日本貨當然先來最愛的蝦不過甜蝦同店長推介的牡丹蝦都完全無味(無味,並不是淡味)其他如帶子及三文魚等都唔新鮮無鮮味唯獨是劍魚腩比較清新吸引而且飯及魚生都十分細小兩個人食到十幾碟都唔飽起初安慰自己或者正宗日本野係咁?不過去完日本返黎發覺完全唔係咁架喎無論一百円店同貴價貨都無咁細碟歷來在香港食過最貴但又最唔飽的一餐壽司價錢拍得住歷來覺得最好食既加藤壽司(2006-01-03食評)今次是覺得最不值得的就算去日本唔駛這個價錢坐吧檯頂腳之餘服務亦是一般一定一定不會再試

上個月嚟過一次，已經覺得好good!!好有日本風味~~隔離兩檯都係日本人，證明佢d sushi貼近正宗日本味道...24/12再去食，依然好有水準~~最愛佢個tuna toro壽司，$40兩件入口即溶!!其實普通tuna sushi都好好味...油甘魚、劍魚腩同三文魚腩都好新鮮~~服務都OK, waitor好自動幫我地加茶...我地一定會再去食!!真係唔明點解有咁多人話呢間野唔得...我覺得好過元氣同元綠好多囉...

見咁多人俾個喊樣，卒之我同女朋友o係平安夜果晚去試下點左:特大虎蝦壽司、星鰻壽司、鮭魚腩壽司、池魚壽司、長腳蟹壽司、帶子壽司、油甘魚壽司同醋鯖魚壽司(有o的叫左兩碟...)魚生新鮮、飯o既軟硬、酸度適中虎蝦壽司仲特別燒熟個蝦頭，一碟就有兩種食法x祿、x氣果o的機壓貨色邊有得比?

一點都不＜正＞呀~下面的圖就是我對它的吃評~完全不想要浪費時間再打一次不得不提~當我努力地寫食評＆拍照的時候有一個熱心的員工來跟我們說:很謝謝你們的意見...因為我們剛開業~的確是很需要客人提供意見作出改善...所以...就看在她友善+誠意份上~服務給她打個80分啦至於食物嘛....fail！！！30分！！！

其實真係唔錯lor唔知點解d人咁唔鍾意le間..佢d長腳蟹棒壽司真係好正~真係壽司正!!

原本那天沒準備去吃壽司, 但行經附近, 心思思想試試!我們六時多到達, 雖然未見人龍, 但已沒有迴轉枱, 但又因趕時間, 唯有坐order 枱!待應會為你介紹兩種醬油的分別, 再看餐牌, 款式算相當多, 我們先點了劍魚腩, 三文魚腩, 魚翅, 活帶立壽司!壽司上枱時給我們第一個印象是很細「舊」,但不論魚或帶子都相當新鮮!劍魚腩及三文魚腩相當新鮮, 而且非常肥美, 活帶立吃得出鮮味, 相反價值$55的魚翅壽司卻非常失色, 魚翅細塊之餘賣相亦不討好, 口感是一般爽口的感覺, 但終究魚翅本身沒什麼味道, 純SELL GIMMICK!第二論我們叫了一個即場推介的海帶玉子, 另外亦叫了一個活赤貝, 一個特上海鰻, 另外叫了一個軟殼蟹手卷, 劍魚壽司等!海帶玉子感覺幾得意, 而活赤貝則比原本細「舊」的壽司更「的式」真的三件拼上一件還差不多, $35的價格著實有點誇張, 特上海鰻真的很大件, 是我過最大條的, 口感不錯, 而且很香口, 只是略嫌上枱時不夠熱, 食味打了折扣, $45的價格可以接受, 至於軟殼蟹則是一般貨色, 而劍魚壽司夠新鮮, 但食味略遜於劍魚腩, 不夠魚腩部份的甘香!店的裝修與一般

行行0下見到呢間壽司店, 就同男友仔入去試一試叫左約10款壽司:三文魚,星鰻,拖羅,八爪魚芥末,甜蝦,帶子,真鯛魚,玉子..etc 另外還叫了海鮮天婦羅和一個湯壽司價錢比一般是高少少,加上其壽司的size較一般的細,所以要多叫幾碟才夠,無形中就貴0左少少, 不過壽司的質素又的確是比元x高些, 所以還可以吧不過店舖實在太細,和男友二人坐order檯, 都唯恐侍應會碰到我們,種種因素加埋令我覺得此店是不過不失而已

無咩好講!!! 真係幾差，座係度大半個鐘，都好似得我同bf 雨個人自己食一樣，唔駛講，一定唔會再來。元綠都好過佢, 都係返元氣、板前好好多。

和朋友一行３人昨晚第一次去試食。星期三晚上７時３０分居然不用等位，心下不安。店內大約只有八九成人。坐下發覺迴轉帶上壽司的種類竟然少得可憐，大概只有七八種！所以一定要用點單。壽司水準可說一般，比其他連瑣迴轉店"壽司Ｘ"或"ＸＸ壽司"沒有出色之處。這裡又價錢偏貴，大約＄２０﹣５０碟，有時＄３５﹣５０甚至只係一件！服務一般，有時我真不明白為何香港大部份的日本食店的侍應都不會食物的日文原名？我問有無好普通的"IKURA"，侍應啞了！食西餐都要學英文名稱啦！何解日本食店在港大行其道，餐廳管理都不認真一點？３人共食了２８碟，無飲野，埋單總共＄９４０！嚇了一大跳！回想在東京生活，每次去最好食的迴轉店喪食（１人１２﹣１５碟）只是２０００日圓（ＨＫ＄１３０）以下。香港迴轉定價真太偏高！此等價錢可以去較好的壽司店，為何要食迴轉？

前日見呢間冇其他壽司店咁多人，等左約15分鐘就有位。第一次來試但感覺就唔開心，价錢貴，份量少，味道還可接受，但有個海膽蒸蛋同手卷漏單，吹咗幾次都冇人理，好勞氣。最後有個伙記埋嚟講啲無謂解釋....一肚氣。

我最鍾意食壽司, 大大小小壽司店都成日試, 前幾日就去了這裡試試. 服務都幾求其, 點菜加單時諗咗一陣, 唔知加乜好, 個伙記表現得好唔耐煩, 塊面好黑. 事實上, 已這個价錢, 真係可以好啲嘅, 有啲刺身唔係幾新鮮, 看上去有點乾, 味道一般. 但過得去, 試了很多款, 但真的不是什麼特別, 我估這次多數都"無回頭".

等咗好耐，終於裝修完既正壽司，期待咗好耐，幾個friend 也話麻麻地，但上星期行過見唔駛排隊, 咪一於試下囉，一座低感覺幾好，個女待應都幾有心機咁介紹個兩隻豉油，係香港壽司店中都算特出，見幾好就同文仔，阿聲叫左好多野食:三文魚壽司: 都ok，但細件啲 蟹羔壽司: 蟹羔ok，蟹腳麻麻地帶子壽司: ok蟹腳壽司: 蟹腳好凍，幾好拖羅壽司: 呢樣無乜味海膽壽司: 呢款海膽幾新鮮，唔錯，不過真係貴啲，唔抵食仲有甜蝦同蒸蛋都唔錯整体講到食物都唔錯(我要求都幾高)，魚生幾新鮮，味道唔錯，但D飯少咗D，同埋都好易散。但服務夜咗後就差啲，無乜侍應加茶，叫咗幾次都無乜人理，最離普是聽見嗰四眼manager，不停同幾個女待應商量收工後去邊度玩，不時細聲講，大聲笑，我諗唔係幾好囉。

食完峰壽司再食新開既壽司正，始終都會有比較既!!呢間冇其他壽司舖咁多人，等左都唔駛10分鐘就有位lu...食物方面都冇乜特別，不過比一般既貴。我反而鐘意佢有兩種豉油，一種個味淡d用黎點d白肉魚，而另一種個味濃d用黎點d紅味既魚....點左唔同既豉油反而可以帶得出唔同魚既鮮味之餘又唔會太咸!!不過d飯就散左d...