壹號漁船

營業中

休息中

今日（9/11/2023）路過，原本去另一間飲茶，見有一間新酒樓，便試下。中午十二點幾到，唔駛等位，直入。坐下，見有自助沖茶設施，侍應放下茶包就唔理，好似我哋識用沖茶設施，而落單係用QR CODE，搵咗一陣，後在沖茶設施見到。剛巧，隔離枱2位伯伯就唔識用沖茶設施及QR CODE落單，要搵侍應幫手，可能侍應不足，侍應有少許不耐煩。點了6個點心黑椒金錢肚，硬到咬唔開原蝦燒賣皇漁船蝦餃皇漁船特色煎薄撐，餡料有蕃茄仔，好似怪怪地，唔脆香煎蘿蔔糕，香口蜜味叉燒腸，好多芫茜

朋友帶我黎荷里活中心2樓壹號漁船打邊爐，我地叫左最貴既C餐。自助吧有六款小食比我地揀。我就拎左雞軟骨同埋手拍青瓜打底。食左個蠔皇鮑魚之後，海鮮拼盤就到啦😍。個拼盤有波士頓龍蝦🦞、鮑魚、海蝦、海斑片、小紅魷同生蠔😋夠曬豐富。打邊爐既黑和牛肩胛入口即溶，牛頸脊色味俱佳，牛板健質嫩爽口，墨魚滑同鯪魚滑鮮甜彈牙😙仲有小紅魷、帆立貝、沙白蜆同蠔。食完一大堆肉，要食返份新鮮皇帝菜同西洋菜補充下維他命C，咁樣食飽左先有氣力減肥😗😗😗去到甜品都有十幾款，我太飽啦，只係食左雪葩。最尾要棒住個肚先返到屋企。呢間好推介，約定下星期壹號漁船再見！

海鮮好新鮮，熟食都好味，套餐好抵d牛又靚，咁既價錢性價比高！已經食過幾次水準都一樣保持倒，湯底亦好味，坐位好坐，我地搞咗個30多人既生日會自成一角氣氛好好，服務亦好，足夠人手，成日過黎清理枱面。d蝦好生猛，最後先食都未死，蠔大隻到差不多成隻手掌咁長，舊肉都好大，煮完唔會縮到好細粒夠肥美。龍蝦好鮮甜，魚似彈牙，每款海鮮都唔覺雪藏味，唔知係咪改咗任食無咩人知，食過幾次都唔滿座，其實午市間中會去飲茶都坐唔滿但覺得食物質素唔錯，因為好坐所以鍾意黎呢度食。

好多朋友介紹號漁船 任飲任食放題 荷李活商業中心2樓近地鐵站好易搵。 職員安排我們坐卡位成人。 268 1位。成條彌敦道一覽無遺 地方非常闊落整潔。 頭盤鮑魚扣花菇非常唔錯。 海鮮盤豐富新鮮。 之後叫牛頸脊 肥牛 黑豚肉 羊肉片帆立貝 蠔 鴨血 小紅油雞件 肉眼 都好好味太多款式試唔曬 蔬菜和丸類都是自助。 飲品有30款左右。認真誇張。一定會encore

朋友介紹過嚟試吓呢間新開的海洋酒家，他們有阿拉斯加帝王蟹$188 斤做推廣，於是約friend 一齊試食。原本好有期望，但原來蟹size不是太大，所以如果多人食最好order 兩隻好些。其他小菜味道適中，亦算夠鑊氣。而份量亦不會太少。推介晚飯朋友聚會或慶祝生日都可以一試。

新開業第五天中午去幫襯，食物質素有水準，沒有張貨就價，值得稱讚！桌面清潔乾淨、食物上枱衞生觀感令人抵讚！職員服務態度甚好！ 有70分鐘完成桌上的食物！沒有浪費！ 好在沒追加食品！不然就吃太多了！會再會頭！