壹號漁船

味道一般的火鍋店，但價錢抵食。當月生日嘅人同埋有樂悠卡嘅人，只要出示身份證同樂悠卡就可以享有75折優惠🈹，優惠以每位計算。我哋係午市食🥘，揀咗A餐，因為其實A餐都夠食，有龍躉同同牛肩胛肉眼，另外佢自助區都有肉片（羊、牛、豬）🥩可以任拎。雖然肉類質素一般，但佢其他配菜尚算可以，小菜仲有鴨肉提供添，想開胃嘅話可以食佢個醃青瓜同木耳，醃得好入味。最後，呢間餐廳佢有個驚喜😳🤩畀到我哋，就係佢有心形嘅Dreyer's士多啤梨味雪條呀😆❣️…查看更多

自從佢由稻香裝修變做壹號漁船之後，每個星期都會同屋企人去飲一兩次早茶，有時仲會夜晚去打邊爐，但係呢間嘢啲職員態度真係每況愈下。今日見假期又去飲早茶，諗住打包啲嘢返去俾屋企人食，就放咗個食物盒喺枱面，落單嗰陣時職員見到個食物盒同我哋講特價嘢唔可以打包，大佬我有叫正價嘢㗎，你又知我一定係打包特價嘢？落完單等咗半個鐘，啲正價點心到晒，特價點心一件都冇到，問個職員佢先話唔記得落單，然後話已經過咗特價時段冇得落單。真係呢間嘢飲咗咁耐茶都未試過「咁唔好彩」兩張特價點心紙都「唔記得落單」，最後晨早起身出嚟飲茶，坐喺度浪費半個鐘，一件特價點心都食唔到，仲要俾人聲大夾惡話已經過咗特價時段冇得落單，好似講到我問題咁。再係呢班職員做嘢真係改幾多次名都冇用，啲點心再平啲職員又唔肯落單，明明自己漏單又話過咗鐘數唔肯幫人落返焗住人哋要硬食正價點心。食到一肚氣真係以後都唔會再幫襯。…查看更多

價錢$888四人餐，首先蝦球帶子伊麵，帶子係仿帶子，蝦球唔新鮮，成個淡茂茂美味，再嚟鹽焗雞半隻，又係淡茂茂，啲雞鞋颯颯，仲有個蜜薯牛柳，啲薯仔一啲都唔淋好硬，牛柳粒好似咬橡筋，一條所謂嘅蒸班，味道仲差過鯇魚唔新鮮，最後我影嘅係最差嗰樣，單點嘅一個價值$128嘅通菜炒牛肉，通菜炒到又黑又黃，啲牛肉竟然畀埋啲肥牛嘅碎，未試過咁差嘅酒樓質素，衰過啲茶餐廳…查看更多

星期日book左7點，燒肉+邊爐，b餐$268加一,坐位舒服唔迫。四種湯底揀咗蟲草湯底”無味”,醬料吧選擇多，邊爐配料少，見到人哋有蝦，姐姐話出面會加，但我冇見過加。燒肉好似好多野揀，但黎黎去去都係個啲，而且你唔會知自己夾左咩，因為佢無寫比你睇佢係咩！order嘅嘢谷埋一次過黎，等左over 30min, 隔離枱都催咗好多次。枱面啲吉碟要自己擺去車仔，無人會收。最後係，影晒比大家睇，d野岩食又有興趣就去啦，但我唔會再食…查看更多

朋友生日一行七人前往此酒家晚飯叫咗一個套餐半圍海鮮宴, 包酒水連加一, 非常抵食, 性價比超高, 避風塘炒蟹炒得乾身惹味, 黃金蝦球超多咸蛋, 最後酒家見我們有人生日, 所以將甜點改為壽包送給我們, 非常之貼心！另外當日酒家還推介長腳蟹做特價7佰幾便有一隻, 店員還幫手拆蟹, 抵讚！…查看更多

元朗新開，見佢光光猛猛，又有火鍋任食，見到啤酒都幾多款，一於試吓。有幾個價，我地叫左最平188試吓，熟食得好少，雞腳，牛肋蘿蔔，豉油雞，爭嘅就係都幾乾淨，啤酒就好多款，有燕京，喜力，1664玫瑰味玻璃瓶，好少有，可以打邊爐可以韓燒，講真食物質素就真係好一般，嗰啲丸真係唔得，嗰啲牛啊豬啊真係唔好食，啲雞肉，呀肉啊真係唔得囉，係啲菜OK，講真試過一次之後唔會有第二次。…查看更多

下午5:00到，話未開始，叫我地5:30分再去。之後 我地5:40分到場取飛羅位，成場有好多吉位都唔放人入場 😓 等到5:55分，話booking已經一早full，要booking 無到先可以俾我地，唔係就要等到7:30先可以入場打邊爐，叫我地轉食小菜🙈佢地小菜個邊冇咩人，我一早到就話定俾我聽啦，根本只係想叫啲人轉去食小菜…查看更多