壹粥品 (已結業)

週末下午時段客人不多, 只坐滿餐廳一半始終這位置近西環, 相信大部食客都是街坊居多所以價錢也較合理可是這天天氣濕熱, 餐廳內完全沒有冷氣…原來冷熱壞了, 靠風扇實在不夠, 噢, 後悔進入了一間沒有冷氣而大熱天時吃粥的地方…若非進入粥店一定不選擇吃粥, 邊吃粥邊汗流浹背感覺完全不好受皮蛋魚片粥 配齋腸粉 $26皮蛋普通貨色魚片沉底要立即趁粥仍熱騰騰便搞均脘魚片較失色, 總覺得魚片夠新鮮應該不要用生粉醃制, 只稍加入少許鹽便可粥底不算綿, 米的關係吧, 而且略嫌稀了些, 可稱之為 “稀飯”腸粉有驚喜, 入口似即拉出來的腸粉滑滑白腸粉最宜配粥吃, 少不免要點些甜醬吃炸醬撈麵配油菜 $26下午的份量只供想與朋友坐下閒談又吃少少麵這份量就最適宜, 這樣才不妨礙晚餐的食量油菜沒有聲明要少油, 但已經很少油份了油菜宜選季節性較鮮甜, 芥蘭雖然不是季節, 現時一年四季都可吃到菜芯及芥蘭套餐熱奶茶 $3一般奶茶

果日同女朋友行經西環,由於呢排食得重口味嘢多,所以就諗住清清地食粥,咁啱見到呢間嘢咁光猛就入去試下.開頭諗住求求其其食得落口就算,但誰不知意想不到咁好食.所以要上嚟寫食評.我哋點咗腸粉,魚皮,當然仲有出晒名嘅豬潤粥.腸粉-好滑好熱,又有米香.之後聽D姐姐講話D米漿係自家磨嘅,唔怪得之咁正啦!!!豬潤粥-D豬潤粥好新鮮,D粥又唔太稀又唔太杰,最好就係無味精,食完都唔會有口渴.最後飲埋杯豆漿兩個人加埋都係幾十蚊,真係抵!!!下次一定要再嚟試埋佢個雲吞麵同牛腩麵.

開業大概已有三個月, 幫襯了數回.大多是點它的豬潤粥.很難得在西環這個地段, 還有24小時經營的餐廳. (生活艱難?)總之除了24小時麥記外, 又多一個選擇了~剛開業兩個月時間左右, 店內的價格已偷偷地上升了.不過!! 如果質素與價錢成正比的話, 那問題也不大!是次與內子用膳, 小弟點了牛腩麵, 內子點了豬潤粥.牛腩麵, 尚可, 頗入味, 可惜湯底太濃, 有喧賓奪主之感... 份量也頗小.. 可能要再點小食.豬潤粥, 勁LIKE. 可說西環內冇人能敵. 非常新鮮的豬潤, 配生滾白粥. 好好食~

1朝早去試食新開無耐既1間粥店. 入去叫左個餐. 主角當然唔少得既就係粥啦.唔知係咪食開鳳城既雞粥. 覺得呢間既粥唔好食. 我叫左個艇仔粥同埋瘦肉粥食落去覺得d 粥唔夠綿. 水稀稀咁. 相反炒面同埋炸兩都好好味. 炒面唔會太油, 早餐食簡直1流. 炸兩新鮮咁整, 脆卜卜好有口感. 跟餐加2蚊有杯豆漿. 不過就唔太好飲. 地方算幾乾淨, 起碼不停咁見人拖地.