壹火鍋

營業中

休息中

天氣秋涼又勾起香港人對打邊爐的熱情。今晚放左工同老公去旺角打邊爐，今次去人氣火鍋店-壹火鍋。位於兆萬商場十六樓全層，地方好大又坐得舒服。我地六點九左右到，客人都開始多了。一坐低當然是點火鍋湯底，我地揀左椰子雞好多紅棗，陣陣椰子飄香，好正一開始當然是飲左啖湯先雞同湯是分開上的。之後便是選擇火鍋料的時候，種類繁多，有選擇困難的我都唔知應該食咩好火鍋放題又無咩理由唔食刺身，點都點左少少試下，真心唔錯好新鮮，全部入口即溶寫下寫下原來點左咁多美食，係一檯都係，好豐富好滿足特別推介的當然是海鮮船，一定一定要叫呀，海鮮種類多不勝數，包你無蝕底。飲品款式勁多，仲為客人提供室溫飲料，夠曬貼心。總結: 任食任飲火鍋來講性價比超高，尤其是海鮮，非常新鮮，有隻蝦生猛到飛左落地平平地已經可以食到咁豐富，值得再幫襯

Gathering又想滿足唔同人口味, 食放題就最好不過! 放題集中地第一時間諗起兆萬, 大家都喜歡打邊爐, 其中一間以火鍋命名, 似乎係招牌主打, 於是我地決定去呢間食返餐!7:30餐廳內尚有空位, 可以順利安排入座。餐廳內面積不大, 但地方整齊, 設自助混醬區,飲品方面以罐裝飲品為主湯底方面, 有普通湯底選擇外, 仲有特色雞煲選擇~我地揀左最邪惡既芝士雞煲, 雞煲本身已經預先整熟, 灑上芝士碎, 依據計時器再加熱焗8分鐘就食得!一打開蓋, 芝士味什濃, 聞到流哂口水!! 每件雞件原來已被炸過, 表面都有一層炸皮, 雖然已經唔脆, 但皮索左芝士汁, 肉質幾嫩, 超級正啊!!我地每人額外加左$59升級食埋海鮮船, 可以自選蒸/作火鍋配料我地就揀左蒸, 於是食完雞煲之後, 店員換上清湯底, 再將併得整齊既海鮮盤放於爐上, 蒸6分鐘就食得!海鮮併盤好豐富, 半邊龍蝦、海蝦、帶子、鮑魚、蟶子、螺、蠔、蜆、龍躉片同埋大量粉絲,部份海鮮加左蒜蓉吊味, 令鮮味更突出~ 原來每位另加HK$30, 可以任食埋刺身!! 價錢唔貴, 當然加埋試試!!馬刀貝非常爽口鮮甜, 三文魚雖然薄, 但質地唔係林pat

首先啲食物巳經冇話特別好, 啲丸上嘅時候仲有雪。咁我地叫左份蝦, 嚟到嘅時候有隻跌左落地下,位姐姐仲要話咁先係新鮮, 就拎走左隻蝦, 後尾翻嚟話洗完, 不過係用隻手拎住隻蝦。然後本來我地大概9點半到完, 大概9點last order, order完之後一直唔嚟,到問佢嘅時候竟然話翻我地轉頭,問點解咁遲夠鐘先問佢, 咁大佬我唔知你上菜時間係幾耐㗎嘛。後尾又過翻嚟好似豪多啲時間俾我地, 話俾多少少時間我地重新落單,咁啫係你同事收到我地張單之後唔見左啦, 豪多少少時間俾我地係咪要調轉頭多謝你？等嗰批嘢食嚟之後第二位又係咁催我地,大佬啊,熟都熟唔切點食？咁其實主要嚟講我覺得你miss我地單唔係問題,不過你態度咁就好有問題下, 你地餐廳嘅錯可以俾你講到好似啲客嘅錯真係厲害👍🏼

平時打邊爐都算多，有咁多新鮮海鮮嘅就真係少見！呢間火鍋店成日都好爆滿，唔提早訂位分分鐘冇得食，今次提早book位，唔使等位就有得食。今次入到去裏面已經有好多人啊！原來呢度除咗基本嘅火鍋之外，仲可以升級唔同美食，豐儉由人，因為今次想食好啲，就試吓升級啦！首先揀湯底可以食雞煲或者直接打邊爐，我哋重點想打邊爐所以就直接揀咗兩款湯底，包括沙嗲湯及芫荽皮蛋湯，沙嗲湯口味比較濃郁，芫荽皮蛋湯味道比較清新。任食刺身每位就需要加$30 ，不過刺身選擇都好多，包括成日都會見到嘅甜蝦、三文魚、希靈魚、赤貝等等，估唔到都幾新鮮！特別係啲甜蝦你會見到佢好晶凝通透，最少都有放題嘅質素！仲可以不停食添！因為我哋都好鍾意食海鮮，每位加$58就可以好豐富地升級海鮮，呢個海鮮原來要兩人起先可以叫，所以一個人打邊爐係唔可以升級！裏面有好多生猛海鮮，鮮蝦同埋鮑魚都仲識郁，其他例如龍蝦、青口、蜆肉、帶子、聖子、翡翠螺等等⋯見到都係非常新鮮同埋大隻！仲有一兜靚靚嘅牛肉，見到花紋分布適中，每一片size均等，牛味十足。食咗個超多嘢食嘅海鮮拼盤同埋任食刺身之後，個胃已經少咗好多空間，之後雖然都知道任食餐牌有好多選擇，還是隨意選了幾

位於旺角兆萬中心嘅火鍋店，有一間都幾出名：壹火鍋，之前啲朋友成日都講，今次就真係約咗朋友去試一試佢。本身單價貴，百幾蚊就可以任飲任食，火鍋配料選擇多多，而且嘢飲都比想像中有更多選擇。如果想升級嘅話亦都可以加錢，我哋就加咗兩款唔同嘅嘢1.加$30任食刺身，有大概10款左右刺身可以任點任食味道新鮮，最推介就係甜蝦，味道鮮甜，其他刺身都唔錯，有想像中的質素。2.加$59每位升級海鮮（兩份起) 我諗分分鐘仲平過出去買，有好多款唔同嘅海鮮包括鮑魚、生蠔、龍蝦、鮮蝦、帶子等，特別會見到佢嘅鮑魚同埋試吓仲係識郁，可見非常新鮮。湯底方面一開始可以選擇雞煲或者直接揀湯底，湯底仲可以雙拼，因為朋友唔係太鍾意食雞，所以就直接揀咗個雙拼湯底，沙嗲湯底拼皮蛋荽茜湯！味道兩邊都好香，如果鍾意濃味少少可以嘅沙嗲湯嗰邊，清新啲就另一邊。不停食升級嘅食物都已經飽咗一大半，配料仲可以任你揀。最後仲有甜品添！

一大班人真係唔知出去食咩好，我諗放題應該係最好嘅選擇。嚟咗呢間火鍋放題，本身都係諗住食普通打邊爐，不過原來呢度仲有其他湯底，見到有芝士雞煲即刻心心眼，原來食完第一次嘅芝士雞煲之後職員會加啲清湯落去俾我哋打邊爐。咁樣變咗一次有兩款湯底可以食。芝士雞煲都唔錯芝士味超濃，雞呢就應該係冰鮮雞唔係新鮮雞啦。另外佢哋唔記得咗加幾多錢可以轉做海鮮拼盤餐會每人有鮑魚啦聖子啦鮮蝦啦生蠔啦龍蝦等等咁我覺得都幾抵食嘅埋單一人大概$200總括來講我覺得都算幾平仲要係任食質素又有海鮮下次都想試吓佢哋嘅烤魚湯底

今天想食「兩味」又不要太多肉類，最後決定刺身加火鍋。 我們想起旺角兆萬找找吧！ 🤩看看單張，《壹蒸鍋》最為划算，特別是追加 HKD 59 後有龍蝦鮑魚海鮮船，正！ 首先點了一個較為清清地又可以下火的香茜皮蛋湯底（內有馬蹄）很多湯料。 味道調較剛好，不會太咸～ 適合一家大小隨後職員端上 海鮮船 內有各式各樣如 青口、鮑魚、石班、聖子、蜆、龍蝦，全都鮮甜、肉質厚、有彈性也易於咀嚼。其中蠔、螺可以做得更好 還未滿足，可以填任點火鍋紙，想吃的東西都有，難得家人最近健康報告顯示非常好，那今天破例就批準多吃一點啦😂 蝦、九肚魚、蟹子墨魚滑、鮮魚頭雲、田雞、黃鱔片、鮮紅色牛肉等等 的食物質素滿意，仲要重覆添加 😋 刺身如三文魚前後都吃了10片😁 整體價錢、食物新鮮程度、服務態度、環境、等候時間都很稱心滿意。

同一班朋友聚會嘅話一定會揀旺角，地點方便之餘價錢都相對平啲，特別係食放題之類，以前就好鍾意食燒肉放題近排轉左口味覺得雞煲或者火鍋放題都唔錯。通常喺旺角食火鍋或者雞煲放題大概$200樓下就搞掂所以我哋成日都會去食，依家求其出去食一餐都幾百蚊。今次嚟到兆萬呢一間，除咗火鍋任食之外佢哋嘅湯底比較特別，想食雞煲嘅可以揀雞煲雞煲都有幾款口味，唔想食嘅雞煲嘅話我哋就揀咗椰子雞湯，椰子味都幾重仲送咗半隻雞俾我哋。另外其實佢哋仲有烤魚湯底揀，就好似大陸探魚咁，食完烤魚可以叫餸打邊爐。既然係仼食都真係有好多野揀，叫咗無限咁多碟牛肉同埋豬肉，海鮮我哋就麻麻哋啦。另外佢哋好似唔知加幾多錢揀加刺身，不過呢喺火鍋店食刺身好似都唔會好食得去邊所以我哋都淨係叫咗火鍋放題咋。

中秋節就梗係要出去食嘢，不過到到都好full，有啲後悔去咗旺角搵嘢食。排隊排到好誇張7:00去差唔多8:30先入座。我哋就叫咗個麻辣湯底雙拼蕃茄湯，由於我唔食得辣所以唔知個麻辣湯底勁唔勁啦，不過近有都話辣得來都幾爽，蕃茄湯底都算幾濃嘅蕃茄湯味。本身冇諗住追加海鮮加$59，不過中秋就豪少少，好彩有加錢咋，原來都有幾多款海鮮可以食，有我最鍾意嘅生蠔，仲有大大隻嘅龍蝦不過每人半隻，然之後仲有其他大概五六款海鮮不過都係龍蝦同生蠔最正。放題邊路都算幾多款，牛肉任叫豚肉任叫仲有唔同蔬菜來買單$200都算OK刺身既話就正常，慳錢/唔鍾意刺身可以揀平果隻放題

喺旺角聚會梗係要去兆萬搵嘢食，笑萬有超多個嘢食，今日求其揀左一間火鍋，兆萬真係間間鋪頭都勁多人等，8:30去到都要等到九點先食到。入邊有大概10款湯底可以揀， 有啲特別嘅湯底好似酸菜烤魚，不過今日唔想食辣所以揀咗椰子雞煲。椰子雞煲味都唔錯比較清淡啲不過都食得出椰子嘅味道。我就幾鍾意食入邊嘅椰子肉啦，硬硬地咁樣，又有椰子嘅香氣。嘢食方面，都有好多款唔同嘅嘢食。有得任見到牛肉同埋豬肉，仲有啲特別嘅嘢食例如白鱔，另外佢哋有得加多$59追加海鮮拼盤呢個海鮮拼盤都有好多款海鮮例如有龍蝦啦鮑魚啦生蠔等等$59來講都算唔錯買單大概一個人$250

好快到中秋節，喺呢個咁重要嘅日子， 當然要同麻雀腳去食火鍋慶祝一下。有美食塔之稱嘅兆萬中心，呢間壹火鍋 會係我哋嘅選擇。 因為佢嘅模式係放題模式，食多多都唔怕一定夠飽。加少少錢叫點刺身都唔錯，魚生都幾新鮮幾好味，有水準。我哋叫鍋鍋底係，清湯蘿蔔牛腩湯底湯底都幾好味，又香又濃又好味。牛腩又大大嚿，越煲越淋越係入味越好味。加多少少錢都可以有海鮮拼盤，海鮮拼盤有多士頓龍蝦、鮑魚、翡翠螺、鮮蠔、青口、珊瑚蚌、帶子、蟶子、龍躉片、蜆、鮮蝦，全部都好新鮮，有一啲仲會喐緊嘅，新鮮就係好味。因為係放題食多肉都唔怕，打得邊爐一定會食牛肉啦， 雪花肥牛厚薄相稱，脂肪同肉比例好好，牛肉夠新鮮夠肉味，i like仲有一啲係我一定會叫嘅就啲丸丸、墨魚滑、蝦滑、鵝腸 等等，呢度啲丸丸好好味，十足手打貨。我覺得魚皮餃同埋福州魚丸最好味，鵝腸都認真好味。呢度都有好多種唔同嘅星加坡雪條，種種都好好味好特別。

兆萬通常都好多伏伏地嘅放題，今次竟然比我試到一間唔錯嘅火鍋！佢有雞煲同火鍋選擇，今次叫左任食火鍋，叫左沙嗲、昆布湯鴛鴦鍋。佢嘅沙嗲湯底好濃郁，就算加左水都唔會變淡。如果鐘意食刺身就可以加$30升級就可以任食刺身！火鍋配料選擇多，個人推介墨魚鬚，唔係平時出邊食個啲，好爽口加埋芝麻醬味道一流！是日海鮮係蜆，而值得一讚係蝦同蜆都非常新鮮，啲蝦新鮮到識郁！落單後佢會比一碟高級少少嘅牛比你，之後都係普通牛。菜肉餃同鮮蝦雲吞都有啲鹹，而其他配料都ok! 最後甜品就一定要試佢哋嘅黑糯米雪條，唔係好多地方都有呢隻雪條食，味道其實係同食緊紫米露糖水一樣，不過轉左做雪條，個人好鍾意食紫米露，所以食左2條😋甜品方面仲有榴槤雪條同朱古力雪條等！

今晚食同事生日飯，餐廳由佢選擇，佢話上網見呢度好似幾好所以就book咗✌🏻火鍋配料可以寫紙落單，飲品同雪糕就喺出面自取👍🏻飲品種類好多，多到眼花繚亂😍但雪條得3款，雪糕杯就只有2款選擇😅刺身每位+30蚊可以任食，但其實我哋只係叫咗兩轉，因為刺身質素麻麻唔係好新鮮😢唔推介加錢食😂任食嘅配料質素都幾好，必食雪花肥牛，好有驚喜，肉味濃入口唔會韌，唔似平時任食火鍋嗰啲好肥嘅肥牛，反而似要單碟叫嘅靚牛👍🏻不過坐位好迫坐得好唔舒服，5個人又坐唔落卡位，食完仲好大火鍋味😂

今晚朋友帶我黎呢度補足生日，黎到果刻記得兩年前黎過呢間食店，雖然呢度地方有少少窄，不過都可接受。呢度嘅食物種類算多，加$30仲可以任食刺身，刺身嘅質素都唔錯，其他嘅食物都有驚喜，我地叫左個椰子雞鍋，雞肉非常嫩滑，豬潤都新鮮，叫左嘅幾款丸都相當彈牙，非常滿意！朋友覺得飲品嘅種類唔多，不過對我冇咩影響，因為我淨係飲茶😂

由佢開張食到依家，中途都有試下其他雞煲，但最後覺得性價高最高都係壹火鍋💋。-價錢同其他雞煲火鍋放題差不多，我六點半後入座就$179，可以揀淨打邊爐或者食埋雞煲🍲，如果想食埋刺身就＄209，不過以兩個鐘頭就黎講食雞煲再加打邊爐已經好足夠，因為佢打邊爐啲料都唔差🥰。-湯底有十四款你揀，比較特別既湯底有咸酸菜烤魚湯、芝士滑雞湯、骨膠豚骨、椰子雞同泡菜湯；雞煲既話都有八種口味，除左經典既重慶辣雞之外，仲有蜂蜜辣雞、芝士辣雞、大蝦辣雞、花膠辣雞呢啲特色味道🤓，不過我就梗係揀返原味最穩陣😎！-今次仲有個計時器比埋你，唔使成日掀開個蓋睇下啲雞件熟未🤪，等八分鐘左右就食得啦！雖然係雞煲打邊爐放題，但都唔欺場架，啲花椒八角胡椒味好重，即使BB辣都好惹味🥳！最中意佢啲雞件啖啖肉，唔似其他雞煲鋪咁件件都係雞骨🤭，肉質又夠嫩滑，仲要入哂味，勁正💯！-食完雞煲就梗係落湯打邊爐啦，雖然都係啲大路野，但勝在夠新鮮🌊！必嗌既有：1. 雪花肥牛：牛味勁濃，唔會成片都係肥膏✨2. 牛脷片：爽口彈牙無腥味🐂3. 是日海鮮（多數都係蜆）：蜆肉大大粒，無沙，真心食到鮮甜味🌸4. 海蝦：睇相都知有幾大隻，仲要係爽口彈牙，嗌左幾碟