士林·便丼達人 (富欣花園) (已結業)

一間非常之有台灣風味嘅小食外賣店，食台灣嘢當然唔少得要試吓嘅就係招牌古早味肉操飯啦！本身我自己都好鍾意食肉燥飯，呢一度嘅肉操飯真係非常之大碗！而且肉醬好香！另外仲叫咗鹽酥雞同埋雞軟骨！兩份小食亦都係好出色，真係好有台灣嘅風味！鹽酥雞炸得好香脆…查看更多

而家無得出賣食，唯有叫外賣，第一次叫呢間，叫左滷肉肉燥烏冬，加芋圓仙草，滷蛋唔算好夠味，不過都可以接受，滷肉非常入味，味道都好好，肉燥都合格，乾身左少少，但蘿蔔有待改善，重脆口，煮得唔夠時間。到芋圓仙草，但送到嚟，仙草無曬，變左布甸，店員都好貼心咁係張單寫咗sorry，只有布甸，值得讚，因為好多無，都係求其比樣野你，唔會咁有交帶，芋圓好煙韌，幾好味，布甸都算合格，以呢個價錢同埋食物質素同份量，絕對值得推薦一試。…查看更多

疫情關係，呢兩年都冇過外遊，尤其是台灣，以往每兩三個月就會飛一轉過去，好彩依家香港乜都有得食，食物包裝唔錯，唔係用外面的快餐店使用嘅外賣發泡膠裝食物，用類似無印之紙皮做飲盒，睇得出入飯盒都個心思擺設嘅，鹽酥雞唔錯，滷水雜錦都夠淋不過略嫌唔夠味…查看更多

食飯時間樓下間間都排曬隊呢度都唔例外但5分鐘就大可以攞走搞到我有啲心動添呢個價錢嚟講算幾大碗男士應該都食得飽我叫左肉燥鹽酥雞扒撈烏冬味道都唔錯但就真係唔係台灣肉燥味係香香甜甜嘅肉碎咁啲汁都夠撈麵嘅成個粉都唔會乾個雞扒同樣問題我覺得炸得ok皮有啲硬同厚但肉質算嫩滑味道都係幾好架可惜只係普通炸雞味唔係台灣鹽酥雞味囉可以跟餐加錢轉樽仔咖啡個咖啡唔合我心意加左糖加左奶都可以咁酸一般理解酸味較多出現喺單品咖啡身上但呢種似乎唔太fruity而係尖酸所以奶夠滑成支嘢夠香甜但就係隻酸味大大影響口感…查看更多

今日去咗小西灣，去咗時間台灣野，舖頭對正馬路，舖位比較細，主要係做外賣，所以我都唔例外，叫咗個外賣自取🥸🍴Tea set A 輕量版🍴$32 (飯/拌麵)滷肉肉燥飯雖然係tea set ,但份量十足,滷肉有5嚿,啲肉入味又稔,入面嘅高麗菜唔係普通白烚,係浸過滷水汁嘅,肉燥多,撈飯一流👍🏻追加: +雞翼🐣$13 (普通滷水雞翼 正常發揮)+白蘿蔔$10 (入口即溶 有淡淡嘅滷水味 食到更多嘅係蘿蔔本身嘅甜味😍)🍴Tea set B 輕量版餐 🍴$54 (飯/拌麵 +小食 ->細鹽酥雞/shake shake地瓜條)手作烤焗雞鎚肉燥拌麵拌麵有得揀烏冬或米線, 今次揀咗烏冬, 份量比飯少,烏冬煙韌有咬口,本身已經撈咗滷水汁,唔撈肉燥就咁食都夠味,烤雞鎚雞皮脆🙂,有啲燶,啲肉未至於乾柴,都有少少肉汁🤩+細鹽酥雞 (量多 有十幾嚿 炸得好脆 略嫌炸粉厚咗少少)樽仔奶茶+10 (普通奶茶 偏甜)🍴小食🍴🍴醉雞卷🍴$42 5嚿,肉厚,有少少酸味,酒味都燶,第一啖食落去有少少藥材味 同一般醉雞唔一樣🍴紫薯芋餅🍴$28 2塊 都飽肚 好脆 入面食到一粒粒嘅紫薯 甜而不膩🍴大甲鮮芋貢丸🍴$20 3大粒,表面炸過,有胡椒味,入面係貢丸包住啲芋泥,食到彈牙嘅貢丸同時食到芋泥嘅甜味,好特別 推薦…查看更多

第一次咁嬲執錯單都算 冇心解決問題嗰下先嬲要求顧客自己聯繫速遞員相討 但速遞員有成功運送有關訂單 執錯單亦唔關速遞員事 佢冇責任幫店再核對訂單有冇錯 要求客户重新落單 但運費都要客户自己俾返仲要態度極惡劣 …查看更多

位於小西灣的台灣便當店，有各款台式滷物、炸物、滷肉飯及拌麵；主要外賣形式為主，店內有一排靠邊的座位可供堂食。夜市小吃：小巷地道甜不辣3大片魚糕，口感煙韌，咬下去不會太粉狀。秘製滷水系列：豬大腸豬大腸爽口，帶嚼勁，滷水味掩蓋及辟去豬腸本身的異味。台式便丼：手作惹味烤焗雞鎚古早味肉燥便丼一人份量的飯盒，配菜有肉燥、高麗菜、雞蛋及烤焗雞腿，秘製的滷肉連同肉汁，滲進白飯裡，相當下飯。主角烤雞腿一共有3只，焗得乾身，外皮脆香，雖然雞腿不大隻，但是肉蠻厚，而且保留著肉汁。乾拌系列：滷蛋豆腐古早味肉燥乾拌烏冬除了飯類，還有乾拌麵。麵條可選擇烏冬或米線。將肉燥跟烏冬拌勻，烏冬較堅挺硬身，拌起來不會那麼易斷開或爛掉。肉燥汁味道甜香，醬汁濃稠，無論用作拌麵拌飯也很適合。…查看更多

週末難得休息當然想懶懶閑咁過一日,難得放假當然又想去休息下偷懶唔煮飯.係小西灣約完朋友出街食飯後係返屋企途中見到呢間台式外賣專門店價錢同款式都好多就心思思入去買埋今晚既晚飯返去.手作惹味烤焗雞鎚古早味肉燥便丼烤雞鎚烤得剛剛好,唔會烤得過火而令雞肉變得過柴或過乾.雞腿肉仍然保持嫩滑而且仲帶有肉汁.雞鎚醃得香口,味帶鹹香又唔會過鹹膩而且內裏雞肉都滲入到香料既香味.香酥排骨古早肉燥便丼排骨份量夠晒巨量！差唔多佔晒成個外賣碗既size!!而且排骨亦好骨身,相當足料.排骨炸起後外皮炸得乾脆又唔會見到好多油停留係炸漿面上.入口內裏排骨同樣醃得夠入味而且帶有肉既嚼勁唔會被鬆肉粉醃到無晒肉蛋白既質感.肉燥鹹香得黎帶點微甜,內裏充滿粒粒碎肉保持肉香.樽仔檸檬冬瓜露冬瓜茶味道唔會過份甜膩,帶出冬瓜糖既味道,解渴消暑好適合夏天.加上檸檬後帶點微微檸檬清香既酸味,令味道更香又解膩.樽仔咖啡咖啡味濃香唔會被奶味掩蓋,奶及咖啡既平衡剛剛好.士林鹽酥雞以$40呢個價錢一份,份量相當豐盛.鹹酥雞炸得香脆唔會過份油膩而且炸漿又唔會過厚重.內裏雞肉嫩滑得黎仲鎖住肉汁.士林狂惹雞軟骨雞軟骨帶住香脆既軟骨,入口脆卜卜.外層帶點辣粉味道帶點香辣又惹味.整體佢地既外賣包裝得整齊又乾淨,尤其炸物既包裝充滿特色又精美.拎到返屋企既時候仲保持到微溫.…查看更多

士林·便丼達人 (富欣花園) 地址: 柴灣小西灣道9號富欣花園地下70號舖電話: 57013233==================台灣夜市中，往往令我想起的是鹽酥雞，突然又想食即去尋找，$28 大大包，鹹香惹味。$38 烤烘雞槌雞皮甚有蜜汁烤雞架滋味，又比炸健康，用手拎起食不亦樂乎。$14 魯肉是煮得軟腍的五花腩片，連脂肪都煮到淋，入口即溶開，醬汁甜得來同肉片好襯。$24四季豆也是魯的，淋肉不會過鹹，剛剛好呢，用竹纖拮起，一口菜接一口肉。人氣地瓜薯條（茶漬鮮脆紫菜粉）$28 中西合壁，比個紙袋同調味粉你，地瓜條甜遇上紫菜粉有意想不到化學作用。Master蒜脆杏鮑菇 $33，有似食肉呀😱好得意食過一次上癮呀！墨汁味台灣香腸 $15，黑猛猛但食落都是甜味主導的。台中特色樱花蝦餅 $36，口應似泰國魚餅，…查看更多

今次第二次食呢間外賣自取，第一次食嗰陣啱啱開好多人，而且覺得質素幾好，點知今次第二次食，叫咗個shake shake薯條,點知又比漏咗shake shake粉搞到要特登去攞返，而且啲薯條淋過毛巾，唔建議食。…查看更多

1.未食過甘大舊既“鹽酥雞” 感覺似普通炸雞2.麻辣雞煲配料好足好多但主角既雞數過大概得8舊仲要係雞背 雞胸 骨多過肉3.炸雞軟骨 講到好好食諗住試點知中伏好多粉 多到仲見到有d白色粉狀物體未炸開好後悔試呢間新開既台式野…查看更多

士林便丼達人，位於小西灣富欣花園，餐廳可以算是區內較少有的台式便丼餐廳，餐廳開業數個月，區內居民又多一個選擇。餐廳以台式料理為主，二人晚餐外賣，鹽酥雞肉燥便丼，鹽酥雞份量足味道正宗，脆卜卜亦能保持雞肉汁，肉燥都相當接近台灣味道，便丼加$10更可選擇樽仔咖啡及奶茶。小食方面必點雞軟骨，脆，台式味道。地瓜薯條口味如台灣正宗，略帶甜品，配上青森甘梅粉多添一種口味。餐廳最驚喜的應該算是滷水蘿蔔，滷肉等等，蘿蔔非常入味，入口即溶，帶有淡淡甜味。必點。…查看更多

放工返屋企見到呢間餐廳成日有人等外賣，睇下餐牌又唔算好貴，種類繁多，有台式便當、滷水乾拌、仲有雞煲，送埋加熱設備😲都幾貼心，所以決定試一試買埋比屋企人食返到屋企打開外賣就見到有呢個火油液，仲有使用教學，唔洗擔心會唔識用🤣二人台客荔芋炆燒雞煲 $120雖然話係外賣，但食物保溫做得好好，特別是呢個荔芋炆燒雞煲，不用加熱，都仲會有煙出，值得一讚👍🏻$120包左兩碗白飯同汽水兩罐，我就加左錢轉士林樽裝奶茶奶茶幾濃，唔會死甜，茶味比奶味重荔芋炆燒雞煲既芋頭經過燜煮夠哂粉同腍，但唔會一夾就散開，切成細細粒，一口size，雞肉大件夾滑嫩，稠密的芋泥醬汁味道香滑順口🤤呢個配搭好送飯香酥雞扒肉燥乾拌手工烏冬 $60雞扒下面有大量肉燥，拌烏冬夠哂味😍仲跟配高麗菜同雞蛋，絕對夠哂飽！雞扒大塊同埋好惹味，炸得唔會好乾，雖然炸皮有點厚，但味道不錯…查看更多

1/鋪頭外面買貼左張通告話收payme,alipay同wechat,落左單想用wechat比錢,點知個員工話同wechat要比手續費2/疫情下竟然d員工吾戴口罩3/今次第1次試，d野食比想像中差今人失望，吾會再有下次…查看更多

有朋友光臨過話食物好食但話service 一般 今次自己一於去試下先。外賣回家覺得個包裝幾專業 好堅固。冇倒瀉漏汁。雞扒便當$56超級大塊雞扒，好脆。外賣都keep到咁脆。加上肉燥同成粒蛋。cp值高。如果係附近返工就發達喇。二人份量雞煲 $118係一個驚喜。之前左煮右煮自己煮好麻煩。但次外賣回家，仲可以加熱慢慢食。香味倍大了傳出黎。 雞肉好滑。。。。。。奶茶 $10 x2香滑既奶茶。香腸 $14呢個係份量有d少。朋友話幾好味。…查看更多