增煇大排檔 & 增煇藝廚

營業中

休息中

今次第2次來,上次因人少,試食款式較少,今次人較多,試了很多款乳豬 -夠瘦,皮夠脆,保持水準(但係上次去問去拿黃介辣,今之問話無……食呢D野,無介辣係有D唔到味豉油雞 - 肥到非常呢普,有相為証,根本就係食肥膏無分別. 肯定隻雞打針到唔駛痕 (之前訂枱問我留唔留雞,唸住都係$200-300一隻, 又係出名,就訂了. 去到又找唔到隻雞幾錢, 點知埋單先知成$480隻, 真係太太太呢普). 味道只得個甜味,又唔覺好好食.鬼馬炸油條 - ok,上次有食過, 外脆,上面d墨魚肉好彈牙家鄉豆腐 - 麻麻地, 好咸. 家鄉魚腸- 好多魚腸, 好少蛋,面頭有油炸鬼,好脆, 但係太乾身.因為我喜歡多一些蛋,有油滑感會好d魷魚 -味道不錯,脆脆地,不過就細隻d竹苼上素 - 一般素菜花枝釀皮蛋 - 外面包咗墨魚肉, 裏面有隻皮蛋,來炸. 幾好食, 隻皮蛋有些糖心感覺, 外面又脆又爽口咸菜胡椒花甲湯 - 幾鮮味, 如咸菜胡椒多一些更好.燒鵝- 皮脆, 但係d肉無乜味海味雜菜煲 - 所謂海味,就只得幾粒好細既蝦米…..D菜前所未有咁多油……蒜茸炒白菜- 夠獲氣, 但係都係好多油, 而且份量真的太少………..

生日幾條友實在唔知去邊食好, 經朋友介紹去到深水埗增輝, 早2日前已經訂左位, 但可能好早去到, 唔駛等已經即刻有位.淨係叫左4樣餸:金銀蛋莧菜 - 因想食菜關係, 求奇叫左呢樣, 只可以話普普通通無咩特別.花甲胡椒豬肚湯 - 呢樣係這間店招牌菜式之一, 又確實唔錯, 夠晒胡椒味, 我最鐘意, 招牌頭抽雞 - 呢樣亦係這間店招牌菜式之一, 餐牌重要有"蔡欄"推介添, 但唔知係時辰關係, 餸黎到時係好香(香係因為佢有用秘製豉油浸住上), 滑既係個皮同個肉面, 但咬落去一D都唔嫰, 重有小小"鞋"添, 又唔入味, 我唸係蒸過龍.啫啫排骨煲 - 呢個夠晒啫啫味, 重有我喜歡的豬肝食添, 夠晒入味呀.因為叫4樣餸有2樣好味, 另外2樣只係普普通通, 所以我又唔覺得係必食之選既食肆....

特然好想食海鮮,友人介紹可去增輝一試話多選擇.一去到即時俾海鮮缸吸引,居然見到游水嘅牡丹蝦仲要係大大隻急凍嘅牡丹蝦大家都食過啦,游水嘅唔好話食吖,見都未見過啦.心諗係未好貴呢?答案係超抵幾十蚊隻咋同急凍價錢差不多,唔食就傻喇.上枱時重係咁跳,蝦身口感超爽甜,唔食蝦頭嘅我都覺蝦頭好甜,新鮮到冇人有.生奄螄蚶好鮮又爽,個殼白雪雪好乾淨,伙計話係自家奄成個月先食得,唔同其他食店由供應商交貨品質冇保証.燒鵝皮脆肉嫩,唔會過肥,好入味連D骨都好正,俾起中環某名店 X記好食好多價錢重要平成半喎!甜品炸榴槤外脆內軟夠香甜夠滑,但緊記襯熱食正好多.另叫咗兩個普通小菜,冇乜特別唔駛講喇.估唔到深水埗區都有咁多驚喜,下次想食海鮮我首選增輝囉,價錢唔貴,同埋佢地D海鮮Size係超大.

明知星期六增輝都會爆滿, 所以我同友人就6點多就來食個鳥早晚餐 2個人竟然叫左3餸一湯又一証明我有幾大食啦 叫左個蒜容蒸勝瓜; 鬼馬油條, 一隻椒鹽瀨尿蝦同埋粟米魚肚湯. 其實樣樣野都唔錯特別個鬼馬油條第一次食..真係幾特別入面釀d墨魚肉配埋個酸甜汁一流....用炸油條都明知會好吸油, 但用上個酸甜汁再炒, 又中和左油膩感 瀨尿蝦用椒鹽炒好香口, 外層蝦殼沾上椒鹽好惹味, 蝦肉又鮮又甜非常美味. 至於個蒸勝瓜都算唔錯, 粟米魚肚湯就好似無咩魚肚咁味道一般

月前因賭氣而搞的一餐Greyhound局，在面書上推出event，本來只是與西打哥伉儷踢館而已，誰不知越約越多人，最後，在這餐晚飯後，大家結成朋友，包括兩位馬來西亞女生，哈哈哈哈。短短個多月期間，大家在K房癲過，大家在李家辣過，大家在盛記滾過，大家在蘭桂坊飲過。。。。。好了，其中一位朋友JC小姐，將會回到馬來西亞生活，我們便為她安排一桌餞行飯局。她想吃一點比較本地化的菜，本來首選是珠江，思前想後，這裡的環境太過麻甩，恐怕她接受不來。經過一輪討論後，西打哥提議來到石硤尾街的增煇。年前增煇已經有小小的大牌檔，擴充成一間飯店，年前曾經到過，環境與一般酒家相若，光鮮企理，而且更可以用信用卡結帳！來到增煇當然吃小炒才對勁，不過頭盤還是吃得輕一點好，醬皇撈墨魚鬚很簡單，只是以醬油來撈白灼墨魚鬚，已經是很鮮味，簡單就是美。鬼馬已經成為小炒店，大牌檔常見之物，油條釀上墨魚膠，最怕吃到一些炸得硬如石頭的油條，像塗上印度神油一樣！！這個鬼馬質感鬆化可口，餡料非常彈牙，送酒佳品。充滿潮州風味的胡椒豬肚湯，加上花甲之後，本來惹味而刺激的湯身，因為花甲的加冕，令到這個湯的味道更為鮮甜。話須是港式大牌檔，其菜式亦

幾個月前為了驗證某家泰國餐是否正如大家所說的好吃而聚集了一群原本互不認識的朋友， 那次8人飯局相談甚歡， 就在那天起大家都會聚在FB一起討論哪時再一齊吃哪間餐廳， 挑戰甚麼樣的食物。每天花最多時間看的就是我們這群人的group chat。相逢恨晚的是JC辭了現有的工作準備回大馬，眼看剛成立不久的“為食兵團”少了一員， 實屬可惜～雖然我這個大馬人回去就能見到她， 但是JC和大家的farewell餐怎可以少了？ 在國外香港的大牌檔鼎鼎有名， 隨著社會變遷， 港島區因為地價高企，大牌檔實在難以生存， 住在港島的我幾乎忘了香港還有大牌檔的存在嗎？JC想在回大馬前吃一餐大牌檔， 這種任務當然交給美食界的西打哥和南瓜負責。於是，禮拜天的晚上約了在深水埗的增輝大牌檔。這天是歡送JC的餞別飯局， 當然是難得的全員到齊！眾多美食家之中，最喜歡的就是蔡瀾， 喜歡他自然不做作， 好吃就是好吃， 不好吃就說不好吃。最怕看到美食節目裡的主持人吃甚麼都說好好吃， 好味道。 我喜歡看的部落也一樣， 遇到不好吃就會說不好吃， 可以不用去吃， 用到不好用的可以叫大家不要浪費錢。 這才是好的“介紹者”啊～說回正題吧～看到

今次encore增輝, 試多左幾樣上次冇食過嘅餸 油炸鬼熱度適中, 墨魚膠爽口...雖然2樣嘢係風馬牛不相及, 但配埋不會太難受,而熱度又加左少少分, 因為如果呢道餸唔係熱辣辣咁送上嚟都幾大獲!! 個汁可點可唔點... 因為唔會因為咁而加分或減分 因為人數不多, 所以只係叫左半隻試...略嫌皮唔夠脆, 冇外間吹捧得咁出色...但可以一試嘅整檯餸被最快消滅的一味... 雖然外層同皮蛋有少少分離嘅感覺,但味道特別, 皮蛋味道沒有偏重, 剛好軟滑度中和了花枝嘅爽脆...這道燒鵝比起其他餸菜, 確確實實係比下去...沒有頭抽雞特別...還要比一般燒鵝遜色...!! 可以不試

夜媽媽喺深水埗區覓食... 發現到呢條街特別拍得多車... 終於發現原來有間小炒檔, 新舊2間鋪都坐立喺同一條街到喺鋪頭出面仲有2個街上廚房風味十足 花甲胡椒豬肚湯 十分足料...花甲冇沙, 豬肚乾淨 不過佢胡椒嘅濃烈程度並唔係太多人接受到... 焗魚腸表面脆卜卜, 內裡既熱辣辣又份量適中...因為街上有好多焗魚腸嘅分佈唔係太梳就係太多,而呢個焗魚腸既分佈十分成功,味道方面, 初初食頭半邊係好好味嘅, 但後尾嗰邊有啲苦澀味,其實並唔知道係焗魚腸自己本身嘅問題, 定係因為飲完碗湯辣辣地再食呢個所以變左咁嘅味 頭抽雞每日限賣10隻!!!! 賣完即止!!!甜甜地嘅頭抽襯托嘅新鮮雞塊... 流淚!!!正所謂汁甜雞嫩, 不得了!!雖然當日人少少只係柯打左半隻食, 但奉勸各位如有4人或以上同行,絕對係可以柯打1隻!!追酒飲就聽得多, 追雞食就真係未試過!!但増輝嘅頭抽雞... 絕對會令您追雞食....!!!

以為係大排檔點知非常有組織個個員工著晒制服而且好熟悉運作本想叫海鮮,因為0係魚缸度見到好生猛,但係時價問過阿姐,一隻瀨尿蝦要過百!係一隻,唔係一碟胡椒豬肚花甲湯 $108,有好多花甲!鮑汁豬水,有7隻炸蝦棒(類似係呢個名),約12條辣油煮花螺好好食,夠辣,但最少要叫10兩($10/兩), 約20粒bb乳豬因為有朋友生日特登叫師傅唔好切等個fd可以乳豬當蛋糕切!如果插埋枝蠟燭仲正!隻豬一早BOOK定個阿姐狂問我地隻豬幾時上我地答左幾廿次等多陣其實有D煩唔知佢係咪驚我地熬底唔要有好多款小菜STANDARD野,每碟都差唔多$100大排檔中算貴建議愈大班朋友去試得愈多款

同一大班中學死黨每年都有一、兩次大型飯局，因為人多勢眾，又想盡量就到人人都可出席，所以通常約嚟約去，要搞好耐至成事。故此，當中有幾個老死，又係同教會，情誼較深，所以幾個月就有一次小飯局，大家出嚟食餐飯、吹吹水，睇睇有無穿、有無爛。今回小飯局選返去大家讀書年代嘅紮根地－深水埗，食店揀咗「增輝」。最終飯局都係差咗晌深圳做嘢嘅P，佢咁啱工作纏身走唔甩，得番我哋4個人，感覺有啲遺憾，因為次次佢都係飯局發起人！仲係學生年代，都有晌楓樹街球場流過「血」「汗」，踢完波有時都會去幫襯增輝，雖然嗰時已經係大牌檔加個鋪位，但我哋都係揀坐馬路邊摺枱，夠地踎。時至今日，晌大牌檔對面就再加多間大鋪，樓高兩層，改名「增輝藝廚」，不過，今趟無揀馬路邊，選咗上閣樓，想涼冷氣丫嘛。閣樓空間比較細，啲枱拍得勁密，真係盡用每吋空間。是晚雖係閒日，但估唔到無乜客（可能同跑夜馬有關啩），坐咗成晚都係見得三枱客，難得環境靜靜局。由於原本打算有5個人，所以一早訂咗隻招牌頭抽雞（據聞每日限賣10隻）。既然得番4個，就叫一個湯、一個菜、一個荷葉飯都夠晒數。由大牌檔做到入鋪，有晒裝修成間中菜館咁款，連餐牌都做到圖文並茂，中英日文對照，仍

十月中旬‧晴這裡改了名N年，不過這裡的紀錄就最近才加，咁又寫一寫這裡的燒豬。人多此味差不多是必吃，烤好切成一片片排得靚靚上檯，賣相很不錯。皮脆，肉嫩，且夠味，不過肥脂就多了一點，豬殼的質素可以再好一點。蝦膠釀油條可吃，炸大腸當然不可錯過，不過不詳細寫了。

家人睇電視, 見曾志偉介紹, 好想嚟食一次, 上次八點才到, 沒有位, 今次六點已經到, 唔使等位, 立即有得食, 炭燒BB豬要預訂, 所以無得食, 叫了幾道菜, 胡椒豬肚浸花甲, 十分夠熱, 而且胡椒味十分重, 也十分咸, 好夠辣, 飲完也好口乾, 豬肚份量不算小，花甲比想像中小, 另外, 鬼馬炸油條 唔知係佢抄”妹記大排檔”, 還是”妹記抄佢呢? 外表十分條脆, 內裡幾軟, 做得比”妹記”的好, 送酒一流, 再來, 紅燒斑腩煲 斑塊是雪藏的品種, 尚好夠熱, 沒有很重雪味, 伴碟的豆腐也夠滑, 不過不失, 孜然豬寸骨, 燒得夠香口, 外層洒了類似蒙古香料的粉, 口味獨特,但肉質不算嫩, 水份不足, 可能放置太耐才燒, 比較乾了一些.

因為睇到報紙全版介紹, 所以早一個星期就book 定, 慕名而來!比book 時間早了15分鐘, 店舖門開了, 但裡面燈未開, 要係門口叫, 才有人出來招待! 眼見大部份檯都book 晒, 而且都有預訂食物, 我地一行6人就預訂咗話每日只賣10隻的鮑參雞! 全晚點了:半隻bb豬, 有點膻, 有點肥, 6個人一人食唔到2塊脆皮, 差不多200元, 太貴啦!花枝皮蛋, 有一半唔夠塘心, 味道都ok!炸油條, 油條包蝦膠, 趁熱食, OK!主角 - 鮑參雞, 鮑魚唔錯, 一人2隻, 海參就太散, 雞都ok, 話2斤多, 不過好似好細, 6百幾元有點貴!花甲胡椒豬肚湯, 原先味道OK, 但唔知點解越飲越鹹!WASHABI 魷魚圈, 嘩, 初頭好刺鼻, 過一陣就好D!薑汁炒芥蘭, OK!炆斑腩, 幾好, 斑腩無膻味, 豆腐幾滑!龍蝦湯泡飯, 全餐最差, 完全無龍蝦味! 而最餐最好係甜品 - 金玉滿堂, 番薯包苧頭, 炸得很香口, 不太甜, 細細粒, very good!!10味, 加4支汽水, 1個白飯, 埋單近1,800元! 從現場所見, 增輝已擁有2間地舖, 一般小抄仍是大

4人叫了半隻乳豬, 半隻是油雞, 鬼馬油炸鬼, 冰鎮鮑片, 西蘭花,炸皮蛋.隻豬仔238 半隻, 但其實好普通, 唔駛叫鮑片都係一般油炸鬼算幾得意, 但味道普通是油雞好味, 值得叫西蘭花.正常

路边大牌档小炒起家到今天增设烧烤炉做乳，亦兼卖海鲜酒家菜的老字号增辉大牌文件，菜式价钱实惠，推介大家胡椒大肉蟹煲，用两斤重的澳洲肉蟹，加上大量原粒白胡椒和香茅在砂锅烘焗，蟹肉鲜嫩肉汁丰盈，原粒白胡椒代替胡椒粉，味道更香醇惹味，是见识港式大牌档风味好地方。