堤岸越南餐廳 (已結業)

又要去佐敦食野啦 .. 今次決定去呢間 .. 原本諗住唔會好味得去邊 .. 不過都surprise喎我地3個人食 ..叫左一個生牛河豬排檬同蝦餅 ..+奶茶唔洗等好耐就黎啦 .. 豬排矇 真係好好味 .. 佢即煎嫁 .. +埋d 酸汁好好味 .. 蝦餅唔係出面食個d .. 係好似魚餅個d .. 都不錯 // total $100 都唔洗 .. 呢個dinner都幾抵 p.s. d待應都唔差 .. 仲介紹我地食咩

早幾晚師傅又係好遲先放監, 攪到成個人非常之肚餓, 直頭有少少虛脫嘅感覺, 於是就拿拿聲去搵野食, 忽然間一條友好想去食越南野, 於是醒起呢頭都有間食店, 橫掂都未食過, 師師決定去試一試啦!由於都幾夜, 所以入到去食店一個人都冇, 師傅求其搵個位坐底, 跟住就睇下有咩好食; 由於只得一個人, 所以師傅就簡簡單單柯打左碗生牛肉湯濛!其實師傅每次食越南菜, 例必要試個生牛肉湯河或濛粉, 而今次當然唔例外; 等左一陣熱辣辣嘅生牛肉湯濛就放左喺師傅面前, 先試下個湯底, 味道幾濃幾清甜, 好好味; 再試下d生牛肉, 生牛肉出到黎已經熟晒, 但係依然嫩滑無渣, 入口唔鞋, 都唔錯; 湯底有兩舊白蘿蔔, 入口勁甜勁腍, 超好味; 而濛粉都幾滑身, 口感唔錯!總括黎講生牛肉湯濛嘅質素唔錯, 服務都幾好, 環境就細d, 價錢都幾相宜, 廿六蚊一碗, 冇加一都幾抵食; 而呢間食店開到凌晨兩點, 真係令師傅非常意外, 所以下次有機會一定會再黎, 可以試下其他食物, 笑臉值得一比!

去吃了個午餐,待應服務極差,可以叫客人"唔好嘈住,等我.....埋先"環境都好迫下,等-->漏單--->落錯單--->再等--->追單--->漏單--->......X3次吧大約飯都幾大碟既,奶茶都幾好飲...不過服務態度令我真係唔會再幫襯LO!

評語:招呼唔差氣氛熱鬧價錢唔貴食物水準唔錯今日本來同個朋友想去吳虫街食泰菜, 但因為朋友話去過2次的關係, 就搵其他附近的食店.行到隔離街, 比我地發現一間越南菜的食店. D待應都唔錯, 反應幾快...而且我地叫左個大頭蝦套餐好快就黎到....大頭蝦比以往見過的大...而且D 膏好好食.因為我地比較大食的關係, 後來有人個WAITER 介紹個粉卷同牛粒生菜.當然我地知要點汁啦, 但個姐姐太好客了, 不斷叫我地點汁不過講開又講, 佢地介紹的呢幾樣食物真係好有越南風味...所以可以去多幾次...一向我會講, 一分錢一分貨, 呢度比想像還要好.

身處越南人同尼泊爾地頭的佐敦,如果想吃南亞菜又不是難事,但講到越南菜,意蘆一去,還有一早港化的老趙,這間堤岸,亦是其中之一員.個人吃越南菜,一定要先吃其生牛河,自從多年前在渣甸街強記吃過之後,一直愛上.去到近期遇上的"越旺"的牛河,才知道牛河真正面貌,原來如此.其生牛河賣相求其,除牛肉數片,亦有洋荵,荵粒等等,辣椒粒同青檸另上.如果有香草陣,一定加分,好可惜地,沒有.先喝一口湯,真係幾清.清到用來做清湯腩吧.沒有眾越南香草去襯托著,味道單一,乏味得很.河粉不修遍幅,似是我們吃魚蛋粉的相若.入口油淋淋.生牛肉反而不錯,嫩滑無渣.半生熟程度入口,充滿鮮味.蝦仁扎肉卷,用米紙包著生菜,內裏再包住牛肉,扎肉,蝦仁,中間有條長荵連貫著.米紙幾煙齦,但沒有米香,生菜有些位更是爛,蝦仁不算新鮮.牛肉扎肉加上蒜粒花生粒,點上魚露,也吃得下.兩年前意蘆臨別前,曾為班夜鬼在此安排過一局.當時有份列席的B兄,日前問我不如下次搞個越南菜飯局,我好鍾意食越南菜架.)問題係,還有甚麼更好的選擇?

9:15pm 搭巴士逃離西環現場, 好random 咁0係佐敦落了車搵dinner 食, 行緊去麥文記途中見到呢間未試過的越南餐廳好似幾企理, 又入0黎試試. 想叫雞絲春卷撈檬, 點知雞絲已售罄, 結果簡單要個春卷撈檬($30) 就算.見佢只售$30, 一心諗住份量大極有限, 點知serve 時係用隻巨型湯碗載住, 份量大得嚇人! 不過好在(1) 撈檬味道比湯檬「清新」, (2) 配料(青瓜絲, 芽菜, 蘿蔔絲, 蔥花, 蒜蓉) 多過檬粉, 食落sok sok 聲, and more importantly (3) 魚露夠甜又夠酸, 好開胃, 最後都食得晒; 春卷亦炸得熱辣辣, 又唔會太油, 幾好食.鋪內環境光猛, 乾淨企理又帶點家庭或作業feel, 而且阿叔們幾好人, 幾舒服.雖然呢碗檬粉味道唔係好得令人想返轉頭, 但只售$30 絕對平得很, 都食得過的.下次試試生牛河及其他小食.

同朋友慶祝生日味道都幾好呀!! 環境都ok. 不過唔知係咪星期一所以唔多人我地叫個套餐再加兩碟小食.埋單(請埋生日那位) 每人都只係八十三蚊咋. 真係抵到爛呀!!而且仲送個糖水. 係粟米椰汁糯米(好似係咁ge名啦)服務都幾好ga .

又再光顧另一間新嘅越南菜館...二十六大洋一個set lunch，有飯連飲品，唔算太貴嘞...大部份都係大路款式--- 咖喱雞、茄汁牛腩、雞翼...見有個叫做豬扒皮絲，頗特別，就叫嚟一試...皮絲原來係以切條肉絲伴上一D質感類似粉絲嘅東西。咬一下，係凍食嘅。有淡淡嘅麻油味，肉絲有點點肥肉，不錯，"粉絲"口感有D偏硬，幾特別...豬扒雖然係雪藏貨，但口感都不算太死硬，應該係略有鎚鬆過，但卻醃得冇嚟味道，大煞風景...最討厭嘅係碟飯又係加咗一大pat唔鹹唔淡嘅豉油同埋葱茸。實際上只要豬扒醃得夠味，香茅味夠足，再加上越式魚露，已經好好味。又何必整色整水，落埋D九唔搭八嘅汁料呢?共勉之....

本來想去另一間星馬店吃海南雞飯，但一場攔門雨，行不得遠，見這間店賣越南菜，也有一段時間沒吃了，就來幫襯。這裡舖面不太大，座位坐落也頗窄及難坐，檯面細細，叫多幾味菜也不夠地方擺。要了燒豬頸肉撈檬，檬粉夠份量，燒豬頸肉是炸的，也是雪藏貨，薄薄的又炸得油瀝瀝，乏善可陳。反而檬粉下足蔥花、乾蔥、芽菜等佐料，淋上酸汁，味道也是不錯；越式併盤是炸春卷、越式薰蹄、炸札肉及札肉的四併，份量十足，只賣48蚊，相當抵食。當中以炸札肉味道最好，香口之餘，裡面的原粒黑椒又夠冶味。另外炸春卷細細條，熱辣辣也夠香口；不知何解，也要了咖哩牛腩，呈橙色的咖哩汁，又稀稀的，看了心也涼了半截。不過吃起來，又比想像中要好。咖哩雖然不辣，帶點椰香，牛腩炆得夠腍，薯仔也入味，用來下飯，也真不錯；雖然有越南樽啤，但還要上班的日子，還是來兩杯熱滴漏咖啡吧！這裡的，不夠香，在香港喝過的，以北角華順的最合口味。店員很有禮貌，但眼見漏單，送錯菜的情況時有出現，服務可以更好。埋單124蚊，中規中距，一試無妨。

今日同老婆搵野食, 心思思想食越南牛河..上openrice見到呢間見人人都話好..咁就去試下啦.7點去到唔洗等, 叫左4樣野食..1.生牛河- 水準以上, 湯底唔錯! 不過又唔算好得好交關.2.豬扒湯檬- 唔掂！湯底咩味都冇...水咁淡3.滷水豬肉蛋- 勁唔掂！　得豬腩肉幾件，　兩隻滷水蛋仲係白色=.=　好明顯係即叫即滷．．．冇味！4.扎肉粉卷- 呢個熱辣辣，　唔錯！講真今次去有ｄ失望，　希望下次會有ｄ改善啦！

今日同阿媽中午去左呢間野度食,全部lunch set都係廿六蚊,送熱飲.但只有飯餐.亦有三款面餐,三十蚊送青檸冰.我地分別叫左豬扒扎肉飯同香茅豬肉飯.每碟都有少少葱蓉同青瓜伴碟,份量亦算大.另外,餐牌裏面有個叫做豬扒皮絲飯,經問完waiter得知皮絲原來係豬皮絲.幾特別,但我地都無要到.豬扒扎肉飯, 有兩塊豬扒同兩塊扎肉,熱辣辣的,餸的份量好多,幾抵~香茅豬肉飯, 做得幾好味,但係相對餸的份量就少一點總括而言, 廿六蚊個餐,算係咁啦~

廟街與吳松街之間小店隨處可見，要見識地道「聯合國」美食，在這裡走個轉會有不少新發現，早前路過見到小店打著越南菜旗號，反正已一段時間無吃過湯河，就找專兄來試試。一點左右到步，人客不多，套餐不外是炸豬扒、湯河、滷水等大路貨色，較特別的要數越式咖喱牛腩，先到的專兄已打點了豬頸肉飯及生牛河，霎時間也想不到有什麼想吃，簡單地來個滷豬肉飯。未來得及調較WB，燒豬頸肉飯已好端端的放在眼前，薄切的燒豬頸肉專兄說賣相ok，配些炸香茅粒及豬皮凍絲，豬頸肉是僅只於賣相ok，入口韌而乾得有點過分，為應付飯市而先燒翻炸的例子，見慣不怪。滷豬肉飯，廿多元一個客飯，不奢望見到五花腩，滷水浸著肥塊肥瘦比例為一比一的腩肉，已大喜，先蒸後滷，也不會吃到滿口是油，如專兄所言，肥肉充滿著油甘，不羶而肥美無比，料的質地也不錯，只嫌滷水味道淡而不香，笑說嚴格來說只是滷水豬肉而非滷肉。生牛河已是越南菜的指定動作，河粉為是魚蛋湯河之輩，倒是喜歡這裡的生牛肉，肉羶味感染下，連湯亦變得富性格起來，也吃到不少味精，見只收廿元一碗，也沒深究的必要。事後再看看食評，餐廳掛牌的招牌菜，幾位網友食評中亦有「提及」，後悔前來時無睇「食評」呢！

身為佐敦專家既我地見到呢間堤岸開門就想去試下，今次有機會了。我地叫左個豬肉餅檬同有個好似腸仔的東西乾檬（個字唔記得左點讀）。個臘腸幾好味喎，呢隻味比較少食囉，越南腸我都未聽過，同中國臘腸唔同，加埋撈汁仲好味。豬肉餅係扎肉，但唔太banal，港式食物，越南味道。呢間野其實真係幾好味，但唔知點解有ｄ野飛來飛去。新開張服務幾好，個男人成日叫我地食餐，但我地咁夜食又唔想咁飽呀嘛。

昨晚同d friends 一齊去佐敦搵O野食la, 見到有間白底綠字的餐廳, 行近d見到好多相, 覺得都幾突別就入去la, 叫左個餐, 一碗金邊粉同埋咖哩雞食, 個餐睇落唔係好多野, 但食落都幾飽. 佢個牛粒生菜突別好食, d牛粒好生鮮, 而且佢個餐會有個法包. d法包吸左牛粒生菜d汁來食, 食落甜甜地, 幾開胃...另外飲品方面, 佢個滴溜咖啡都幾好飲...可以一試

今日同女朋友O係佐敦搵食，經過呢間餐廳見佢都乾淨企理就入去試啦!我地叫左大頭蝦、生牛肉粉、金邊粉、牛柳粒同青檸梳打。原本仲想叫春卷，但真係已食唔落......樣樣都好好味，大頭蝦超大隻超好味，好多膏，牛柳粒同以前食O個D唔同，上檯時加左塊鮮牛油，等牛油溶左同牛柳粒撈埋一齊，入口時香到暈!!!!!10點零鐘去到，人唔多，所以可以同老闆傾下偈，老闆仲介紹好多越南野食既故事，感覺親切。