堅信號上海生煎皇 (將軍澳廣場)

營業中

休息中

今晚放工陪阿女去將軍澳交收物件，經過將軍澳廣場見到堅信號上海生煎皇 ，突然想食上海野，阿女即刻話佢都想食小籠包，咁今晚晚餐就係度解決啦！堅揪小籠包 (4隻)，即叫即做，皮薄餡鮮，餡料用左紫椰菜和雞髀肉，食得健康又好味！加埋薑絲和醋食，味道更佳。堅信號生煎包4隻，包底部份煎得十分香脆，一口咬落去就會有大量嘅肉汁彈出來，餡料好足料，豬肉汁精華味道好鮮味！上海排骨擔擔麵，擔擔麵肉碎份量都好多，湯底濃郁有花生香味，味道帶有微微辣，麵條掛上濃稠的湯底，十分美味！排骨厚身，肉質鮮嫩，味道似豬肉乾帶有甜味。秘製豬扒上海粗炒，上枱已經香氣四溢，炒得好有鑊氣不油膩，而且麵條粗身， 食落十分有質感，加入排骨炒，味道層次更為豐富。酸辣湯餃子，酸辣湯好足料，味道酸爽可口，餃子餡料係菜和肉，沾上湯汁酸酸辣辣甚惹味！柚子蜜梳打，柚子蜜的清香，加入冰凍的梳打水，味道清新開胃，相當醒神。蜂蜜茉香綠茶，啖啖花香甜潤，令人心曠神怡！

放工做完facial, 撞岩丫妹做完gym, 咁夜大家都未食dinner, 於是就係附近搵間餐廳醫肚。餐廳地方企理, 設有卡位。【堅揪小籠包】HK$38/4隻小籠包皮薄, 以雞髀肉、紫椰菜取締傳統小籠包餡料, 更為健康。內裡juicy, 有少少唱口感。【堅信號生煎包】HK$36/4隻生煎包底煎至金黃香脆, 包質軟熟, 雖然包比例厚咗d, 但一咬果然爆汁到彈到檯面都係…有淡淡豬肉香。【酸辣湯水餃】HK$44酸辣湯湯底滑偏杰, 有好多酸辣湯嘅材料, 例如木耳絲、肉絲、筍絲等等…酸辣平衡, 又有層次。水餃皮稍為厚咗D, 以菜肉做餡料。【秘製豬扒擔擔麵】HK$66豬扒同擔擔麵分開上, 秘製豬扒表面平均沾上薄薄甜汁, 肉質偏實, 口感同味道有如平時食嘅甜甜豬肉乾咁; 擔擔麵可選辣度, 正常辣度剛剛好, 肉碎份量多, 湯底有頗濃嘅花生味, 容易掛湯, 麵質索咗個湯底而偏林。【糖醋脆黃魚配菜飯】HK$68每件糖醋脆黃魚表面平均有糖醋汁包住, 甜多過酸, 炸皮脆口; 菜飯粒粒分明, 但菜味唔突出, 有如白飯一樣。【豆漿】HK$12甜度剛剛好, 唔會過甜過淡, 解辣必飲。

要叫多嘢食，人地先做得快你張單架，你叫小食，人地係會漏單啦，唔將你d嘢跟單number先後次序做架！無咁多人就唔好做咁多生意啦，你咁樣只會大大流失客人！以後都唔會再幫襯！

🔥Juicy生煎包🔥 之前路過將軍澳分店發現現在做緊單點外賣自取八五折優惠，早已聽聞呢間的生煎包好出名><所以見到優惠即刻買8隻生煎包同屋企人一齊分享，🥳  < 生煎包> $ 65（八五折） 賣相吸引，外皮脆卜卜，咬一啖啲肉汁四濺，真係一咬就爆汁🤣大家食既時候要小心啲😆有可能喺因為我外賣拎返屋企食，生煎包已經唔燙口，湯汁微溫，肉香多汁，再加上包頂既黑芝麻同香蔥增加香氣，整體味道不俗❤️推介👍🏻

放工買外賣回家吃，好又一餐，唔好又一餐呢間已經食過幾次叫個便當就係除左主食之外有時會想食生煎包，話晒都叫招牌野唔洗多，一個就夠份量係OＫ既可惜生煎包好似無之前咁好味，硬挖挖同埋便當個盒有少少唔開胃由其係上海粗炒，是但求其塞滿晒食完一格又一格雞扒菜飯就普普通通，肉燥都算好味員工服務就唔期望架啦，不過CASHIER 果位好鬼忙又要幫堂食既顧客埋單，門口又另一條隊叫外賣，仲要安排埋顧客入座攪到想叫外賣都等好耐希望店內分流可以做好D

🥟堅信號生煎包 (4個) $36皮太厚太硬，底燶左D🥹餡料多汁，但係肉質太柴🤦🏻‍♀️同上海食既生煎包實在爭太遠…🐟雪菜黃魚濃湯拉麵 $69份量取勝，有兩大塊黃魚+超多麵😂雪菜好淡，魚粉漿太厚😟整體黎講有D失望，以為專門店應該會好正宗🥲值得讚既係姐姐服務幾好，有主動提供裝口罩既袋，仲會幫你用水浸住餐具☺️

一坐下來沒注意，桌子都是髒的，手臂即刻粘得油膩膩的，像是生煎包裡面的肉醬。服務員來擦的時候也極其敷衍，直接擦到了我褲子上⋯⋯再說食物：點了三道都是十大龍虎榜上的推薦，吃後感完全是驚嚇⋯⋯1、生煎包：生煎包催了4次才上菜，每次問服務員都說不知道——哪怕是同一個服務員。肉質不好，腥味重，應該不是什麼好肉。2、雪菜濃湯黃魚拉麵：極腥，黃魚超級不新鮮，看一眼我拍的圖就一目了然。3、胡麻醬五彩冷面：尚可，無功無過。肚餓時候也覺得難吃至極，不會再來。不推薦任何朋友來試。

“堅信號生煎包”($20/2隻)“灌湯小籠包”($18/2隻)“上海排骨擔擔麵”($62)“秘製豬扒菜飯”($62)一路都好鍾意食生煎包🤤去開將軍澳見到呢間堅信號一於入去食吓😆呢道提供平價上海菜😋除咗生煎包,仲有小籠包,粗炒,擔擔麵等菜式掃qrcode就可以落單夠哂方便叫咗生煎包,小籠包同2個主食生煎包熱辣辣,外層香脆,一咬落去爆哂汁😍小籠包都充滿湯汁😚略嫌個皮厚咗少少🤏🏻主食就要咗上海排骨擔擔麵同秘製豬扒菜飯🐷擔擔麵花生味香濃🥜湯底偏甜如果辣返啲會好食啲🌶個排骨炸到金黃酥脆😋唔錯☺️豬扒菜飯夠哂大碟😆豬扒食落帶甜,肉質腍滑完全唔韌☺️食完好飽好滿足🤣

太耐無食佢最出名嘅生煎包了,剛碰到下午茶時間,見舖內又唔多,來一個担担麵加兩隻生煎包同熱豆漿醫醫個肚先😁下午茶餐都有7至8款揀,由小食同飯都提供,唔怕你揀唔到！！掃完個QR code 無耐就有嘢食到！先來熱豆漿同生煎包,豆漿正常唔甜,個生煎包真係無得頂,包底煎到脆,但包面一D都唔硬同乾,入面仲有滿滿嘅湯,好彩阿姐話定個包好熱,唔好一大啖食,如果唔係就會燙親咀,阿姐真係無講錯嘅！担担麵叫咗中辣,但一D都唔都唔辣,反而個湯底好重花生味,麵嘅份量亦不少...食完哂成餐連晚飯都可以唔使食了🤣🤣個餐包担担麵$38, 加$2轉豆漿,加$13兩隻生煎包,埋單$53...中位價,值嘅！

早幾日經過見到呢間下午茶好抵～～聽聞佢地既生煎包好好味，而我同屋企人又未試過，於是買左外賣返去食😋😋-🥟招牌生煎包(2隻) + 灌湯小籠包(4隻) $46✨我另外再加($12)加多兩隻生煎包～～生煎包脹卜卜，賣相十分吸引🤤🤤底部煎得好香脆，內裡餡料鮮甜多汁，口感豐富❤️❤️小籠包都唔錯，一啖咬落去已爆哂汁！！而且皮薄適中，湯汁夠香濃！擺左一陣都仲暖暖地好好味👍🏻👍🏻套餐包一杯飲品🥤，整體幾抵食🥳🥳

👀被門口的抵食套餐海報吸引入嚟, 坐低後才知道原來星期六,日及公眾假期是沒有套餐供應的！有點失望😌還好店內服務貼心, 現在疫情下,入座後, 便放上紙袋給客人放口罩, 然後遞上已放入整套餐具的大杯熱水, 唔使擔心餐具唔夠乾淨感覺良好👍沒有“辣度“選擇的酸辣湯 $25湯底口感唔會太傑身漿口😋酸辣味道適中, 唔會太酸又唔會太辣🌶️🍆京汁茄子 $28這款是涼菜帶麻香及少少辣味🥬鮑汁菜心 $27“鮑汁“應該是蠔油及鮑魚汁的混合醬料菜心尚算鮮嫩脆口🥟上海菜肉水餃（8隻）$40雞湯味道,水餃餡料豐富但略嫌餃皮比較厚身😉檯面上还貼有吃生煎包教學三部曲🥢爆湯生煎包（2隻/4隻）選擇外皮厚薄適中,底部煎得好脆口包皮面洒上的黑白芝麻好香內裏豬肉餡料好有口感混和肉汁及濃味湯汁一啖咬落去真係爆曬汁😋不愧為招牌菜式👍

如外買自取記得要點齊食物先好離開因為客人回到家先發現該店舖漏俾食物，再致電該分店要求去就近分店(新都城分店)取回食店漏俾嘅食品，點知去到客人指定嘅分店時，職員全不知情

放工返到將軍澳好鬼死肚餓 好多鋪頭都排長龍買外賣 喺呢度唔使等 冇人排隊 就貪快試下 怪自己攞咗外賣冇檢查 就返咗屋企 點知真係中伏呢盒睇落好似醫院餐嘅飯盒 盛惠70蚊首先一打開見到已經唔開胃 本人食嘢冇乜要求 食得飽就算 都可以激鬼氣到開個account嚟畀評語我明明要糖醋排骨 畀錯咗一盒唔知乜嘢魚都算啦返咗屋企費事煩 一餐半餐冇所謂啦點知一入口 啲魚食落一陣腥味 食咗兩啖放棄個生煎包硬過石頭 啲肉鞋颯颯中伏首選 唔會再嚟 想試下伏味就去啦

今日學識咗咩人唔可以相信？堅信號嘅人唔可以相信…今日去咗堅信號度食下午茶，睇餐牌都好似幾抵食，所以揀佢嚟食，我揀咗個A1下午茶餐$43 (招牌生煎包兩隻+灌湯小籠包四隻）然後加咗$2轉飲凍豆漿，再加$16追加一碟雞絲粉皮。招牌生煎包 - 話得係招牌都唔會差，爆汁有，底部脆。味道OK，不過有時就嫌佢太大個好似有啲飽😅 灌湯小籠包 - 我唔鍾意食，因為佢好似有浸怪味，我本身好鍾意食小籠包，唯獨是今次我覺得唔好食，同埋有一個行為好戇居，佢擺咗一執薑絲係中間，但係佢又唔比隻碟我，唔通佢叫我將啲醋直接落啲小籠包度？！唔係好明佢想點？！問啲服務員，先至識得拎隻碗俾我，真係唔該晒。凍豆漿 - 我叫嘅係凍豆漿，所以一大啖就飲落去，點知係熱豆漿！ 我同服務員講我頭先係咪落單嘅時候係唔係落凍豆漿，佢答我係，我話但係呢杯熱㗎熱死我，跟住佢幫我換過杯凍豆漿，無論係凍豆漿定熱豆漿，原來都係用同一款杯…😑雞絲粉皮 - 首先佢用嘅係和風芝麻醬，呢隻芝麻醬基本上你點咩都好食，同埋佢用咗呢種醬係咪應該改名叫和風雞絲粉皮呢？因為我覺得似食緊和風沙律！

第一，出面show出黎餐牌有套餐，點知入到去無得叫，問完先知公眾假期無得叫，ok!就當我無睇清楚第二，出餐好慢….，員工就多，但企哂係度，因為無餐出，廚房好似無人做野咁係坐低叫做有杯熱水放係枱洗筷子同放低d碗仔比你無下次！！！！