堅信號上海生煎皇 (形點 II)

營業中

休息中

放工黎行下yoho shopping，行經有間食生煎包嘅小餐廳就黎試下。餐廳係yoho 2期入面，地方都好大下坐得好乾淨舒服。一入坐店員就奉上紙袋仔放口罩同即棄餐具，好衛生。另外仲有張QR code單仔可以網上落order，好方便快捷。餐廳主要賣上海食物為主，主打生煎包，粗炒同湯面類。Scan左成個meun，最后order左推薦嘅生煎包同粗炒。堅信号上海生煎包 (4個)生煎包即叫即煎，上到黎枱好熱辣辣。一咬落去要小心d，因為佢會噴汁！入面個猪肉餡有兵兵波甘大，鎖住晒d肉汁味道濃厚，唔講真係以為食緊灌湯包。因為係即煎，所以個包底煎得好脆口，有陣焦香。包皮唔算太厚，有本身嘅面粉甜味。生煎包真係好值得一試！堅信号秘製厚切豬扒粗炒粗炒味道惹味，份量十足，一個女仔會食唔晒。厚切豬扒腌得好入味，入口鬆化唔係死實實嘅豬扒，主食黎講算係唔錯！

星期五放工經過元朗站落車，係yoho mall簡咗一間令我有意外驚喜既上海菜嚟食，就是堅信號上海生煎皇啦！呢度地理位置方便就腳，環境又令人覺得好舒適啊！嚟到呢度緊係要試下佢最出面既生煎包啦！賣相都唔錯。打開睇下，皮薄陷靚，爆多汁，熱辣辣，外脆內軟啊!生煎包配豆漿，正!晚餐都有優惠套餐，而且免加一，可以試多好多嘢!呢個麻辣青瓜小食真係好正，勁爽口，比到我意外驚喜，估唔到食上海菜都有咁正既川菜小食~呢碗酸菜魚就係另一個驚喜啦！雞排柔嫩多汁，配埋個菜飯，好豐富!

「堅信號」上海生煎皇為慶祝櫻桃小丸子動畫30周年，推出一系列飲食慶典， 所以小丸子嘅粉絲有福啦！等到夜晚放工去食飯， 喺堅信號門口見到爆多人，睇嚟應該唔錯，就決定試下啦！我哋叫咗套餐， 蜜椒雞扒菜飯，加麻辣青瓜，堅信號上海生煎包兩個 ，再配一杯熱豆漿 ，69蚊！兩個生煎包勁得意 ，皮脆肉嫩， 個皮煎得好香，脆卜卜，入面係勁爆多汁， 一咬開差啲淥熟自己條脷！為咗避免發生意外，所以將個包拆開拎嚿肉出嚟攤凍啲啲先食，實在太正！ 成口都係汁！蜜椒雞扒菜飯雞扒份量好大片，兩個人食都夠，味道唔錯！值得推介！麻辣青瓜實在太驚喜！ 菜譜香辣， 脆卜卜，我可以再食多三碟！我最愛嘅豆漿！豆味香濃 ！我再額外叫多咗一杯！芝麻醬五彩冷麵份量好大盤， 同朋友兩個食都食唔曬 ，呢個面通常好少令人失望，佢嘅配菜都好好味，有蘿蔔絲，青瓜絲，火腿絲同埋雞肉絲 ，非常唔錯！

平時都鍾意食上海菜, 特別係小籠包, 生煎包, 擔擔麵。早排入元朗探朋友, 經過呢間堅信號, 望到有小丸子同學嘅POSTER 做生招牌, 覺得好有趣就走入去試下。我點咗午市套餐: 糖醋排骨菜飯配生煎包+熱綠茶雖然生煎包係招牌, 但係我覺得味道唔係特別出色, 的確生煎包內有好多汁, 直程爆汁, 但係肉汁味道不過不失, 坊間有另一間專門整生煎包的食店比呢間堅信號更好。反而糖醋排骨菜飯有驚喜, 排骨有部份是軟骨, 多重口感, 糖醋汁送飯係無得輸‧

外賣叫左2個生煎包 一個雞絲粉皮 豬扒菜飯返到去睇都知中伏 食完伏上伏雞絲粉皮系俾d好稀既胡麻醬 完全不是麻醬食左幾啖完全吾想食。👎🏻👎🏻👎🏻👎🏻豬扒菜飯 個飯真系好難食又硬又唔香 食過好食都知菜飯系點啦 👎🏻👎🏻👎🏻👎🏻豬扒味道ok既 但口感似叉燒多d 出真正既豬扒菜飯差好遠囉👎🏻👎🏻👎🏻👎🏻生煎包都算ok 真系有爆汁 但肉胡椒味太重 最合格算系依個

堅信號上海生煎皇已經開左幾間分店，次次路過都見到好多人排隊。今日行開yoho，又係見到差唔多滿座，但又未至於要等位，即刻唔輸蝕入去食先！時間早早6點幾都已經坐左好多人！近排有抗疫晚市套餐，65折勁抵食！今次我就叫左個堅信號秘製厚切豬扒菜飯、招牌生煎包同豆漿。豬扒菜飯，食得上海野點可以少左菜飯，豬扒係煎既，面頭有啲蜜汁味，食落咸咸甜甜，唔錯。豬扒雖然唔係好肥，反而好多都係瘦肉，但都好軟身，唔會因為無乜肥膏就好硬，而且煎完又唔會好多油，食完唔會見到成隻碟都係油。招牌生煎包，好香蔥油味，食既時候要小心熱，入面既湯汁好多，豬肉亦好淋，啖啖都係湯汁，重豬肉味又唔會太咸，生煎包底都煎到脆一脆，正呀！上海野配豆漿都好常見，呢到亦唔例外，經典！食完埋單走個時，出面已經水洩不通，聽日到有拎飛問要等幾耐，原來已經要等半個鐘！好彩早左入，想食既朋友記得早啲到啦。

自從疫情開始真係減少咗好多出街食飯而家疫情穩定多D又可以出去食吓晚飯😊yoho Mall近半年都開咗新餐廳今日真係第一次食主打上海菜式款式都好多同埋價錢真係大眾化所以都好多人幫襯同埋買外賣😂今次揀咗兩款餐廳最新嘅菜式就係杏仁茶和酸菜魚米線杏仁茶係我嘅至愛😆杏仁茶都好夠熱，同埋甜度適中👍🏻另外酸菜魚米線，比我想像中辣得多😅魚片唔腥，好多配菜，整體都惹味！生煎包係餐廳嘅招牌菜式多汁，但係如果皮身再薄少少會更好味！😁反而好鍾意京汁茄子，係凍食非常fresh ，會中和翻上海菜，冇咁油膩😆比較特別，餐廳原來有菜式真係適合食素嘅人，多啲選擇👍🏻今日就試咗個菠蘿咕嚕素肉球都幾酸，幾惹味，脆皮面漿如果比較薄一啲就更正！侍應服務非常殷勤，好鍾意個帶位姐姐，勁有禮貌及親切😆

生煎包：多汁 底夠脆，但食一個就夠喇手撕雞粉皮：芝麻醬份量足夠，但除了芝麻醬嘅味道，就再冇其他味外婆紅燒肉菜飯：味道同份量都唔錯，五花腩炆得幾焾同入味蒜泥白肉：一食落口有好多味道，香、酸、蒜、豬肉味，食落有啲奇怪，唔知係咪上海嘅蒜泥白肉係咁嘅味呢，我鍾意食譚仔嘅蒜泥白肉，就唔太接受呢度嘅蒜泥白肉酸菜魚薯粉：好味，揀左小辣，酸未比辣味多，但我本身中意食酸野，所以覺得味道不錯。薯粉煮得夠焾，但仍有口感。魚嘅份量都多，唔會太老。最後，侍應們嘅服務態度都好好，好有禮貌，又主動，加分加分！整體來講，價錢同質素合理，可以一試。

夜晚嚟呢度食都要等一陣位先有枱入到去店員服務幾好要自己寫單都幾多款式揀叫咗最鍾意食嘅生煎包試一試煎得幾香入邊啲肉汁好多一咬爆曬出嚟辣親個口 哈哈幾香口又夠脆唔錯另外酸菜魚係推介 新嘅都叫咗試下個人認為真係好酸又好辦就唔係好啱我嘅口味啦不過啲魚嘅份量都幾多算係幾滑薯粉亦都幾好食但係要我自己食晒真係好難飲品方面叫咗個紅豆豆漿聽落幾得意就好似紅豆冰咁可以自己不啲紅豆但係就認為太甜啦如果可以落少啲糖就會更加好飲到豆漿嘅味唔會被紅豆琴過咗

星期五同男朋友都想happy Friday 食飯睇戲，買咗戲飛8點幾就睇，就決定快快手係yoho mall食個quick dinner就算，之前見到開咗間生煎包，都幾多人排隊食下，就決定今晚去試試先七點左右去到，都已經有十幾人排緊隊等位😮😮 好彩啲枱都算轉得快，等咗15分鐘左右就有得入座我地叫咗份晚餐A, 貪佢咩都可以試下，再加多咗一份紅油抄手同新出嘅酸菜魚首先嚟到嘅就係生煎包，size唔算好大，大概係手掌心左右，開頭以為唔係好熱，點知一咬落去入邊啲汁真係會辣親條脷😛 底部煎到卜卜脆，但又唔係燶到硬哂，每啖都係充滿肉汁，我諗每人兩個先啱啱好😝😝四川擔擔麵都係有驚喜，唔止花生麻醬味，似乎仲加咗少少四川麻辣嘅花椒係入邊，味道獨特得嚟又唔會變咗另一樣嘢，真係幾surprise㗎跟餐仲有個無骨鳳爪，份量都唔少，但如果可以再入味啲就好喇紅油抄手都係意料之中，唔算太驚喜，但細細粒幾方便最後就係酸菜魚，見佢新推出就試下啦，開頭食覺得一般段，唔夠酸唔夠辣，但食食下撈勻咗就愈食愈酸辣😂 同埋本身跟咗薯粉，大家夠食嘅就唔洗好似我咁矇盛盛加多咗個白飯食😂始終呢度都係食上海菜，都推薦大家先試哂啲上海嘢食，有q

呢排鍾意周圍搵一啲特色嘅小食食，咁啱行開元朗YOHO MALL，就搵吓附近有冇一啲好食嘅上海小食，咁就搵到一間都幾多人排隊嘅堅信號上海生煎皇，一於就試吓啦。平日夜晚食嘅話，都好多人喺度等緊位，都等咗差唔多15分鐘先有位，可能因為而家抗疫晚餐有套餐，低至六五折，所以吸引咗好多人嚟食。今次就叫咗A餐食，有四川擔擔麵加麻辣無骨鳳爪再加招牌生煎包兩個，另外再叫多咗一個麻辣酸菜魚試吓同埋叫多咗一個紅油抄手。首先一定要講吓個生煎包，果然係皮薄餡靚，外皮又炸得好趣，裏面啲肉汁加埋小籠包成個嘅熱力，真係好令人食過返尋味，我覺得呢一個小籠包係真係呢一間舖頭必食嘅一道菜。跟住到個四川擔擔麵，呢一個都好好食，有四川麻辣嘅風味之餘仲有好濃郁嘅花生醬風味，麵質適中，辣到剛好，就算唔係好食得辣嘅人我覺得都可以試吓，呢個都會係一個推介嘅食物。小食有呢一個紅油抄手，啲辣醬好好食，抄手嘅皮都好簿啲肉都好多，都係一個唔錯嘅小食㗎。但係最失望嘅係竟然係呢一個佢哋好推介嘅酸菜魚，味道講真麻麻哋，因為出面好食嘅酸菜魚實在太多，所以嚟上海野嘅舖頭都係食返小籠包或者生煎包比較好啲。正常食上海嘢都梗係一定要飲豆漿啦，咁豆漿都係正常嘅

紅日lunch 落黎食三個人叫左兩碟小食，一個酸菜魚，一個黃花魚面，一碟菜，再加兩粒生煎包人均約$120~~ 因為紅日所以唔會有set鳳爪依度係食左兩舊既相，大約$2x 有4-5 舊鳳爪，份量尚算接受，鳳爪唔算好入味，但都有咬口青瓜就相對份量少d, 同埋都係唔入味份量最少一定係生煎包，好細粒，真係一口一粒都得但熱辣辣，外脆內軟，入面陣肉蘇味又無乜，係唔錯，果然係皇牌估唔到依度都有酸菜魚，證明依排酸菜同水煮真係好熱門魚質唔算特別滑，正常，有少少魚味湯底夠酸但唔夠辣，個底都有薯粉架煎黃花魚煎到金黃香脆，唔錯，面底就正常但d 魚就放係面上面，會浸淋哂，所以我地即刻分番開d 黃花魚落其他碟度叫左個菜心係唔好食，老身又苦，不建議甘多樣野睇落好多，但其實每樣份量都算偏少，三個人係岩岩夠飽但食左兩次，食左大部分佢既野食其實最好食都係得生煎包

好耐冇同媽子行街，去到新元朗中心己經差不多晏晝兩點鐘，唞一陣，食下嘢先😚食店整潔舒適，還有永澤同學同佢嘅朋友仔 一齊陪食添😊 唔怪得現場有一家大細嚟食啦🤗食物種類幾多， 兩點鐘已經有下午茶食，加配小食有優惠👍生煎包熱辣辣，個皮做得幾薄， 爆汁👍食個陣最好咬咗一小啖啜曬啲汁先，防漏呀😆肉少少胡椒味😋 個底係煎到幾脆，但唔夠薄身😏上海菜肉雲吞細細粒，容易食，味道👌小食紅油抄手~ 醬汁微辣鹹香👌酸辣湯~夠熱同多料😋

今日同女友黎左元朗行街, 發現yoho已經將幾個商場打通晒變成左一個城寨仔咁.. 變得好方便好好行， 我地行到有d攰就去左揾野食.. 就發現呢間堅信號呢期出左d類似小丸子卡通咁既公仔既食物， 實在太可愛，咁女友就二話不說拉左我入去試啦~.. 我地入到去就叫左個永澤同學包餐，跟杯熱豆漿，一碟上海生煎包，一個回鍋肉，一個上海粗炒麵，一個蟲草花雲吞雞同一個酸辣湯. 我想講個永澤同學包好得意,食落都好好味，d函好濃郁, 飲啖豆漿食個包既感覺真係一絕, 之後食返d喊野就係個生煎包, 佢多汁到我唔洗咬就咁一夾已經必汁, 味道都唔錯好鮮, 之後飲埋個酸辣湯辣味剛好同好香, 女友人亦好滿意個雲吞雞湯同上海粗炒佢話好夠火候好入味同足料, 我就一個人食晒成碟回鍋肉。超飽.. 整體黎講呢間堅信做得幾好..

今期堅信號同永澤同學玩crossover，以永澤同學做賣相整左得意造既包，一於同屋企人去食。午市已經人山人海，所以想食就早d，唔駛排隊。叫左午市套餐堅信號秘製厚切豬扒湯麵($48)，配堅信號上海生煎包2個($15)，凍豆漿(加$2)，迷利蟲草花雲吞雞盅(加$18)，永澤同學套餐($32)。湯麵軟硬適中，仲有生菜伴碟。主角豬扒一大塊，真心厚切，而且件件都係啖啖肉，冇骨，醃得入味。套餐必需A及B各選一款，所以小食揀左招牌生煎包2個。生煎包外層沾有芝麻、蔥，外皮底部煎到脆。先撕開少少皮，吸d肉汁，再大啖咬，非常juicy。內餡既肉大大舊，香口。可惜當日冇小籠包提供，但生煎包真心唔錯，係必食。雖然係迷利盅湯，但一d都唔馬虎。一盅有一件雞，2粒雲吞。雞肉軟滑唔鞋口，雲吞大大粒肉質包滿。雞湯清甜唔油膩，一啖接一啖。永澤同學套戲有2款蒸包，配凍/熱豆漿。每款包既餡料多，而且幼滑，唔會過甜。抹茶豆沙包既豆沙餡好有驚喜，紅豆味濃郁，仲食到好似有棗/山楂味/陳皮味(?)，可能食錯，不過同紅豆味好夾。奶皇包有香濃既蛋黃味，食落口甜味帶出。整體，生煎包脆口多汁，必食。侍應服務有禮，一入座亦為客人提供紙袋及餐具