堅信號上海生煎皇 (淘大商場2期)

營業中

休息中

朋友食過間上海餐館，服務態度親切，效率快速，最適合香港地節奏急速生活步伐。向我推介。剛巧，今日有點時間，便同朋友嚟試吓。點知有驚喜囉。午餐有套餐可叫，價錢公道，包主餐，小食，同飲品。以為呢個價錢，僅係細細碟啦，點知，嚟餐時，致發現，又唔細喎，其實，叫兩個套餐，3個女生應該都夠食。呢個要俾個讚!👍要我介紹的話，我一定要介紹招牌菜，一口爆汁生煎包。我本來無特別冀望，點知嚟到細細粒，唔會好大個，又唔厚皮，而且入面充滿肉汁，好Juicy呀！配合脆脆煎底，一個字"正"。真心講"正"。仲有，價錢算平，又可以叫兩個，咁就可以留番個肚，食其他野啦！但我提醒不要太熱食，免辣親個口呀！雞絲粉皮，我覺得都唔錯，我最怕太厚粉皮，但佢d粉皮薄，又卷曲，包更多醬汁，食落更美味。菜飯，都唔錯，我唔知各位有無留意，現在好多連鎖店d飯都唔好食，可能錢問題，都是細細粒碎米飯。對於注重食飯嘅人嚟講，呢個係會唔會返去間餐廳食野關鍵。呢個菜飯粒粒米飽滿，有口感，算唔錯。另外有個肴肉都好味。肉顏色粉紅，好搶眼。食落好味。做得唔好，會有好肥膩感覺。但呢個無，我覺得以呢個價錢嚟講，性價比算高，可試。醉雞翼都唔錯，連套餐點，感覺超筍。

好耐都冇出街食過飯，今日好想試吓呢間改咗名嘅堅信號生煎皇，因為以前都食過都算係fans嚟㗎！我喺呢個勁鍾意食辣嘅人見到舖頭出咗一系列麻辣食品我勁開心！我即刻要食呢個麻辣酸菜魚！雖然佢唔係話好大碗因為講明係一人份量，但係我覺得其實都算有少少驚喜。其實佢配料好豐富啦，首先有主角魚啦有好多酸菜啦亦有芽菜，仲有豆腐同埋有我最鍾意食煙煙韌韌嘅紅薯粉，我覺得不斷食不斷掘入去就有不同驚喜。其實一人食都幾夠同埋我覺得越食越有驚喜幾滿足，而主角魚呢我覺得應該係用舖頭另一個套餐糖醋黃魚嘅黃魚，黃魚食落去呢肉味比較重同埋肉身比較粗糙，不過冇咁配合酸菜魚，如果轉鯇魚或者其他魚唔知會唔會好啲呢？哈哈之後繼續展開一系列麻辣之旅：我叫咗蒜泥白肉呢個又係我一直好鍾意食嘅菜式小食，一片片厚薄適中嘅蒜泥白肉配上香濃蒜蓉加酸汁非常惹味令人食指大動一想再食！仲有麻辣萵筍同牛柏葉。萵筍唔係好多餐廳有得食，同埋價錢都偏貴。我覺得呢度性價比算係唔錯，萵筍好爽配上少少麻辣更加覺得可以令萵筍嘅平凡變得不平凡，而牛柏葉呢都好耐冇食出邊都貴，佢個牛柏葉我覺得做得幾好，好爽身同埋好多湯汁加埋麻辣係非常之配合滿足我呢個麻辣腔！咁呢仲有京蔥牛肉

呢間生煎包其實聽過好多次，今日終於約到朋友去食晚餐，原來而家有好特惠嘅晚市套餐，而且仲有好多麻辣系列嘅小食我揀咗個厚切豬扒菜飯，每個餐都會送兩個小籠包。豬扒菜飯嘅份量好足夠一個人食，豬扒啖啖肉，調味適宜，再加上菜飯可以平衡食似嘅感覺，值得一試而小籠包真係好多汁，皮薄餡靚，熱騰騰食一流只要加$10仲可以有一個小食，揀咗麻辣豬耳，鍾意食辣嘅朋友一定要試，豬耳好爽脆，配上麻辣味好夾再加咗幾蚊揀咗酸辣湯，裏邊有一點木耳、冬菇等嘅材料，感覺比較厚身，酸味較重另外叫咗兩個小食，一個係鎮江肴肉，肉質比較散，凍食較特別仲有孜然雞翼，香料味夠，幾好食。鮑汁菜心味道正常朋友就試左杯桂圓紅棗茶，茶味清清地幾好飲，比較養生，甜度適中餐廳環境坐得幾舒服，夠闊落，而且職員嘅招呼好好，上菜嘅速度超級快，價錢就絕對超值，就算有明星效應都冇定價太貴，抵讚！

喺淘大花園閒逛後，行入二期商場嘅“堅信號生煎皇”食晚飯，店內簡潔明亮，牆上一大幅卡通公仔構圖與卡位之隔板係同一款，好有心思，顔色鮮艷，令人感覺開心。 兩個人點咗一個特惠晚餐及上海粗炒。晚餐贈送兩個灌湯小籠包，係即叫即蒸，端上來熱辣辣，趁熱品嚐發覺皮薄餡靚，好多汁爆出來，美味非常 。主角當然係糖醋黃魚，每件魚塊都炸得啱啱好，香脆鮮味，甜酸汁味道適中，惹味開胃，令人食慾大增，配埋菜飯 一流。加十蚊仲叫咗個紅油拌水餃，有三隻，辣辣地好味道。上海粗炒炒得有鑊氣，醬汁甜甜地，令各種材料及麵都吸收晒啲精華，令人再三回味。歎埋一杯夠滑溜，又有豆香嘅豆漿，真係完美嘅配搭喇！

一直都是堅信號的粉絲，難得牛年到，想不到店家竟然有牛年好運菜🤭，一於點點富貴瑤柱水餃👍🏼富貴瑤柱水餃見到有絲絲瑤柱絲，配上肉碎和其他有咬口的蔬菜粒，吃上來有口感！而水餃也配上生菜🥬健康！生煎包這裡最出名的是生煎包，是老闆專誠到國內所學的，果然皮薄餡靚，肉餡量多，咬下時也有不少肉汁。建議用匙羹會比較好，方便盛載。雞絲粉皮雞絲粉皮淋滿芝麻醬，很惹味😋加上青瓜絲，絲絲脆口👍🏼上海菜肉水餃湯麵水餃湯麵的份量也不少，而且還要配搭生菜，個人最欣賞是店家的豆瓣醬，也很不錯。生煎包生煎皇果然不錯，包面有黑白芝麻和蔥粒點綴，一咬開時，有肉汁，而且肉肉的調味也不錯❤️桂圓紅棗水女士當然要飲一些紅棗水來補補身吧！這裏的桂圓紅棗水甜度夠，而且還有粒粒桂圓，值得一點。

平時好少食上海野，但見lunch time成日都好多人，好奇心發作就入去食下，我同同事各自叫左個麵再加個小食我叫左秘製厚切豬扒擔擔麵 印象中既上海野食都好油，但Ｅ到既厚切豬扒又無，而且同個名一樣真係厚，仲好大塊，應該同大快Ｘ個阿活焗豬一樣咁大，係豐富既蛋白質來源！！雖然我係健康人士，既然入得黎，都遇左試佢個生煎包食完個生煎包終於都明點解咁多人啦。。。因為一啖咬落去，成個口都係餡，仲要個底係趣既！口感無得輸！必試！肥都係咁話，不過女仔食一個好啦😂 同事食個牛肉都唔錯，配清湯好夾，不過我中意食擔擔麵多Ｄ因為唔係成日有得食 ，Ｅ到既擔擔麵唔辣既，唔食得辣既朋友都可以叫嫁依到啲staff幾好人，我落單改左幾次都無錯，不過疫情關係，得兩個人一枱，唔係既話會帶埋屋企人黎食依家唯有外賣，希望買到番去個生煎包仲係脆既

清假唔想咁逼，早左少少落街食lunch，未試過呢間，見個lunch set好似幾抵食所以試下 星期一12:30唔駛等位😌 好好彩，一坐低就有口罩套，好貼心 lunch set 有一個主食，一個小食同飲品，我同同事分別叫左京蔥牛肉湯麵，秘製厚切豬扒擔擔麵同雞絲粉皮 京蔥牛肉湯麵 牛肉唔係肥牛，係牛肉片👍🏼 好夠味，仲有超多蔥湯麵係清湯加上海麵配京蔥牛肉一流，因為京蔥牛肉偏油，用清湯送可以平衡返秘製厚切豬扒擔擔麵成隻手掌咁大塊嘅豬扒，真係厚切，咬落去好得意甜甜地，中間啲肉比較嫩，側邊會餅乾身少少 因為lunch set無呢個揀，所以佢係散叫既！雞絲粉皮 望落去細細碟好似好少，點知食食吓都幾多，可能粉皮好幼，雞絲都多，好多醬😍

講到幾用心硏究，咁就去試下，點知所謂豬扒係毫毛質感，鎮江肉垃圾，個水餃又係，又多味精，其實同出面d街邊話自己係上海野無分別. 我自己係家鄉上海人加香港人完全食不出有何特別，又無上海味.

臨近新年，都會同好友聚下。今天公司早放的關係，就約了朋友去九龍灣吃下午茶。走到淘大花園，開了生煎包店，而他們的下午茶很平宜 (大約$30)，所以決定試下。蒜泥白肉蒜泥白肉對我來說是有一種獨特的魅力，讓明明不愛吃肥肉的我都會忍不住不段吃。每口吃下去一點都不像是在吃肥肉，而且每一口都是彈牙的膠質感，還可以品嘗到肉的鮮甜及蒜香。皮蛋豆腐豆腐白滑嫩口，而皮蛋則剪碎放在豆腐上面，將豆腐的香與皮蛋的脆做結合，滋味無比。販愛吃皮蛋的我，個人覺得皮蛋份量可以再多一點。生煎包冬天氣溫低，食生煎包就最適合不過，熱辡辡香噴噴，皮薄餡靚，肉質嬾滑而且充滿肉汁，一咬下去有爆汁的效果，非常juicy，如果SIZE大隻一點會更有滿足感。孜然雞亦雞亦永遠是我的最愛，當然要點這裡的孜然雞亦。雞亦很飽滿，煎至外皮微黃的色澤，賣相非常吸引。孜然粉跟雞亦非常配合，很入味，雞肉亦很嬾滑，十分推介。鮑汁菜心我習慣每餐一定要吃點蔬菜，所以點了這裡的鮑汁生菜。生菜很新鮮翠綠，吃下去十分清甜，不過鮑汁的味道就不是很突出，但不失為一道很好的蔬菜。

星期五下午茶時段都可以無人serve,好多侍應好多吉枱，但個門口位係無人招呼你入去。之後隔離個阿叔細細聲話究竟有無人，個男經理就彈出嚟話，我哋忙緊。服務態度真係好。。。係得一個姐姐叫做有禮貌啲，放低碟嘢會叫你睇熱。不過感覺似係brand standard。食物中規中矩無乜特別。食咗個擔擔麵生煎飽加杯豆漿。擔擔麵足料，下午茶黎講都算大份，個生煎飽係有爆湯係有脆底，但就真係好細粒，成10蚊粒我會選擇食祥興記。

疫情關係，很多原本晚上的朋友聚會也取消。 趁著這幾天不太忙碌，特別請了中午的假，相約媽媽一起吃過午膳，好好享受這悠閒的半天。餐廳位於九龍灣淘大花園的商場，地鐵站出發不用10分鐘便到，地點方便就腳。疫情關係，餐廳易安排入座時量度體溫，而且有洗手液洗手，抗疫工作十分足夠。 我們一行二人叫了兩個午餐，另外加配了小吃。雞絲粉皮(⭐⭐⭐⭐💢)清新開胃的前菜，爽口的粉皮和青瓜絲配上微微酸的麻醬，十分醒胃。鎮江肴肉(⭐⭐⭐⭐💢)鎮江肴肉一份有五至六小粒，膠質豐富，充滿彈性，吃起來冰涼可口，令人食慾大增。堅信號上海生煎包 (⭐⭐⭐⭐⭐)這個生煎包是餐廳的名菜，果然名不虛傳。表皮煎得香脆可口，軟硬度適中。咬開便是澎湃的肉質，熱辣辣，冬天吃一流。餡料也十分豐富， 而且不算太鹹。一份四件兩個人分享剛剛好。京蔥牛肉菜飯 (⭐⭐⭐⭐⭐)京蔥牛肉是媽媽的最愛，一場嚟到當然要一試。牛肉份量十分多，配上味濃的醬汁，拌飯一流。而且菜飯也值得一讚，用料十足，吃起來質感較乾身。 豬扒菜湯麵 (⭐⭐⭐⭐⭐)我選的這個豬扒湯麵也不錯。豬扒大大塊，而且十分厚身。烹調時配上蜜糖，吃起來十分惹味。而且湯麵份量也十分足夠，大吃的男生也

第一次試佢嘅外賣自取，因為裝修都几靚，嘢食都好多款式，等候時間都可接受。叫左招牌嘅生煎包，出名爆汁脆皮。好細好細個，仲要係好圓滑嘅形狀，好似肚臍餅咁，食落去個皮係脆，但係厚身冇味；係爆汁，但係唔覺得個包飽滿。即係皮同肉同汁係嘅口感係不能合埋一齊。亦叫左推介嘅黃魚雪菜麵，感覺一般，黃魚係炸咗但係冇乜味，湯麵亦都一般總之食唔出煮嘅心機同技巧雞扒菜飯，個汁係甜嘅，ok, 但係雞扒冇醃過，汁同肉又係分離最正常係杯豆漿，有啲豆味所以總括黎講，如果喺淘大食飯可以揀其他。

同朋友興起想食生煎包，上海野，就搵到附近有呢間堅信號，喺門口探完熱同埋消毒完雙手之後好快就有得入座仲有口罩袋提供俾你暫時袋住個口罩，好細心晚市有套餐可以選擇，仲要係有折扣優惠，可以平得來又試到多啲嘢，十分推介！今次嘅主打生煎包，一份有四個，外層皮唔會太厚太乾身，上枱時個溫度都夠晒熱，唔會凍咗覺得唔好食。入邊舊肉夠大小適中，唔會細細粒，而且味道都好有肉味，唔係得陣粉味，而且好多湯，果然係一個好嘅生煎包！ 套餐嘅蠔油生菜，蠔油唔會太多太鹹，生菜夠新鮮，最緊要冇青味，夠晒營養均衡，唔會剩係得肉同埋澱粉！京蔥牛肉菜飯，京蔥牛肉好有驚喜，每舊牛肉都好多汁好入味，用黎送飯一流，菜飯亦都好入味，唔會覺得菜同飯係分開，兩者好夾。

一直都很想試這一間 — 堅信號上海生煎皇今天剛好約了朋友來到九龍灣於是便提議午餐一起來這裡吃上海菜午市的時候已經高朋滿座等了一會兒才有位置 相當受歡迎午市有抵吃午市套餐 亦可單點選擇也不少 樣樣都很想試生煎包熱辣辣上碟生煎包 肉汁滿滿 鎖在包內外皮香脆 一咬落去 肉汁滲滿口腔 必點呀蒜泥白肉白肉切成薄薄的一片 上面加上香口惹味的蒜泥 配上自家醬汁 份外美味 味道亦挺特別京蔥牛肉菜飯京蔥爆得十分香 牛肉嫩滑一啖牛肉一啖菜飯 夠惹味 不錯不錯酸辣湯麵比想像中算是味道較淡的一款湯麵彈牙好咬口 湯底喝下去酸酸的挺開胃和以上菜式一起吃很夾抗疫期間也有限定的午市套餐買返屋企就又抵又好味也是不錯的選擇

今天中午到九龍灣工作，天氣寒冷，實在想念熱呼呼的餸菜，之前在旺角吃過堅信號，知道淘大有分店，今天再來堅信號😋個人認為套餐價錢相當經濟實惠， 60多元便有菜、餸麵和一杯紅豆豆漿，絕對會再來。糖醋排骨上海麵糖醋排骨醃得入味，有不少軟骨，是滿滿的骨膠原呢！而上海麵的麵質彈牙，配上糖醋排骨來吃， 合適。紅豆豆漿最令我驚喜的是這杯紅豆豆漿呢！紅豆經調味和烹煮後，軟綿綿的，充滿了紅豆香。配上暖暖的豆漿後，非常暖胃飽肚。鮑汁生菜套餐配生菜的性價比真高，又健康，而且加上鮑汁後，令生菜的味道更豐富。酸辣湯水餃酸辣湯的材料很豐富，有筍、冬菇絲和肉絲等等，而且酸醋味適中，最喜歡就是伴着水餃一齊吃，水餃是滿滿的菜肉餃。很開胃。