堅信號上海生煎皇 (淘大商場2期)

營業中

休息中

之前經過 #堅信號上海生煎皇 已經想試，今日見到有下午茶就試下。我點咗佢出名嘅 #生煎包 套餐，另加小籠包同酸辣湯。枱上仲有教點食熱辣辣嘅生煎包，先唔會把湯汁射到週圍都係😂。生煎包外層鬆軟，包底仲好脆。一咬開湯汁會爆開，真係要慢慢咁食先得，加埋豬肉餡料，味道同口感都很好。灌湯小籠包 同樣充滿湯汁，皮夠薄，所以夾起要好細力。濃郁豬肉餡加埋惹味湯汁，食落都唔錯👍酸辣湯 🥣材料豐富，有木耳，冬菇，豆腐，旬等等。酸酸辣辣夠開胃，唔算好酸不過我都係覺得辣😅最後飲埋 #茉香綠茶 🍵，有好香茉莉花味，只係聞都好正😆。生煎包同小籠包果然係皇牌，下次要再食啊😋

一位女士進店堂食，男經理帶位比2個選擇，另一男客對面，或斜對面。現在抗疫為何是2人座對面坐，而店中有其他吉枱？如單人堂食就安排男女同枱？香港餐廳為何有如此安排？認為單人食飯會想搭訕？性別岐視？點餐後刻意將單放客用餐位置，在客低頭吃時伸手到客頭下面收碟。叫左3樣嘢食1個飲品。食物水準一般，就價位而言不能要求太多，但服務真如入去堂食就欠左佢地咁。加點後再次將單放客用餐位置，好像怕客點餐時沒看價錢，會想走數既態度。到食完攞單出去比錢，個男經理攞起張單竟然大聲問張單嗰枱客去左邊，要客就站他面前，佢解釋以為客係想點外賣？？？！可能都淨係想做外賣。總之無下次！

一蚊一分但好快到期，有450分襯到期前一日，諗住換6個生煎包，點知一定要有任何買野先換到，比其他餐廳麻煩，唔係完全免費要付外賣盒錢兩個盒共4元，疑似部長人士比平日買野態度差左，可能今日星期六較繁忙。下次唔玩儲分啦，生煎包反正做特價，費事煩

原來堅信號有好多間分店 但我第一次食咋而生煎包真係好好食!! 招牌果然無呃人呀😂😂生煎包入面係豬肉餡，而且充滿濃濃湯汁而最欣賞係個包底硬硬脆脆 口感十分好😋真係出色既👍咬落去之前真係小心辣咀同埋小心噴到人😆 枱面上都擺左張圖表教大家點樣食最好😂 上海粗炒又係不錯 未算太油 有冬菇片同肉絲 夠哂入味 岩哂重口味既朋友仔😆而且椰菜夠爽甜 麵質又彈牙 真心不錯😋😋下午茶份量都算大碟 夠哂飽肚👍加埋生煎包小食 成件事好圓滿😋😋

晚飯套餐好抵食 $70 秘製醬汁豬扒菜飯 配紅油炒手 配飲品 加$13有兩個生煎包仔豬扒口感似叉燒 我覺得好好食 又有菜飯選擇 3隻炒手 已經好飽 好抵食 加埋生煎包 太滿足下次會再黎試埋其他套餐

15/7/2022 負責收錢的男店員，問用八達通定現金，屋企人打算 用支付宝有優惠，給店員scran 後發现沒有任何優惠。該店員 即回答(你沒有出示個code ,所以不能享有優惠。)這已不是一次用同一理由，不給客人使用支付宝優惠 😤😤😤如不願意客人使 用支付宝優惠，請不要放個promotion stand 在cashier count 。而食物方便一 般，豬扒太硬.下次不會再光顧此分店。

相信堅信號嘅生煎包街知巷聞，大家都有食過，除咗生煎包之外仲有其他特別嘅菜式今日嚟到淘大商場嘅其中一間分店介紹下，生煎包分別可以揀兩件或者四件，佢嘅水準仍然都係咁高，裏面嘅餡料豐富，肉汁超多，皮薄餡靚真係抗拒唔到，真係可以一個人食晒四件🤤🤤🤤，唸起都已經流晒口水，明明先食完🙊🙊除咗生煎包外，我哋都嗌咗灌湯小籠包，呢款小食都係必叫，小籠包都可以做到皮薄餡靚，肉汁夠晒豐富，如果鍾意生煎包同小籠包嘅你一定要黎試吓，因為呢兩款絕對係堅信號嘅鎮店之品👍🏻👍🏻👍🏻我哋仲嗌咗回鍋肉上海粗炒，出面嘅上海粗炒多的是，但係回鍋肉就比較少，回鍋肉肥瘦均勻，每一片都係咁平均，上海粗炒嘅顏色色澤均勻，超級入味，麵嘅軟硬度都剛剛好，再加上大蔥，紅椒，同菜嘅配搭真係冇得頂😋😋而令一款就係韭菜豬肉水餃，除咗韭菜另外都有白菜同酸辣湯等，有辣有唔辣有素食，選擇都幾多，湯底都係清湯為主，水餃皮薄，餡料又多，韭菜又夠香，大細又平均，都係唔錯既選擇🫶🏼🫶🏼而最後嘅小食就係孜然雞翼，佢都係有三件同五件揀，雞翼嘅皮夠脆，炸得好均勻，但又唔會乾，肉汁鎖住喺裏面，超級惹味，飲品方面我哋就嗌咗豆漿，佢都有分凍同熱，豆漿味都夠濃郁，唔會好甜

近排晚上經常外出食飯🥢， 有時諗食乜嘢都係一個煩惱🤔。 放工揸車到淘大商場， 見到有堅信號， 之前聽朋友講這裏的生煎包幾好食， 昨晚終於一試😆。 點兩個晚餐套餐🍱 ～ 四川擔擔麵+涼菜雙拼+灌湯小籠包+酸辣湯+洛神花茶$89、 秘製豬扒菜飯+ 紅油韮菜餃+ 堅信號生煎包+ 熱豆漿$85。 🔸四川擔擔麵🍜 ～ 濃香微辣的湯底，麵條帶點柔韌，惹味好吃。 🔸涼菜雙拼🥒 ～ 涼菜酸酸甜甜， 帶點爽口。 🔸灌湯小籠包🫓 ～ 熱辣辣一口爆汁， 皮薄汁多。 🔸酸辣湯🥣 ～ 有冬菇、木耳、豬紅、豆腐和肉絲， 口感豐富，酸酸辣辣，越飲越開胃。 🔸秘製豬扒菜飯🍛 ～ 豬扒厚切， 肉質軟腍， 味道不錯。 🔸紅油韮菜餃🥟 ～ 一碟有三隻， 辣辣的。 🔸堅信號生煎包🫓 ～ 爆汁餡料， 肉汁十足， 加上皮薄而挺😋，油膩感不高， 整體香脆可口👍🏻。 🔸洛神花茶🥤 ～ 微酸的，帶有絲絲甜味。 🔸熱豆漿🥛 ～ 有香濃的豆味， 真材實料。 整體味道不錯， 價錢相宜， 店員們的服務非常親切有禮， 值得一讚👍🏻。

之前食過佢嘅生煎包，都幾好食，所以今次就試下新菜式川味口水雞湯麵套餐：湯麵唔錯，口水雞個辣椒都唔錯，但個雞唔凍，口水雞嘅雞唔凍。。。而且雞嘅味都差左少少，簡稱唔好食茉香綠茶(凍)：雖然話凍，但其實都無冰，而且無糖，都幾健康😅果然生煎包店只適合食生煎包

老闆係上海工作時愛上生煎包決定在當地跟老師傅學藝 再回港開業 就係現在既 堅信號上海生煎皇由傳統上海菜館先有得食 到現在 大眾化 上海連鎖生煎包專門店堅信號生煎包 $20/2隻堅信號 做到 正宗靚既生煎包要求👍皮薄多汁💦加上每個都係新鮮熱辣出爐🔥一咬落去 就 感覺到師傅用心製作❤️灌湯小籠包 $32/4隻除左皮薄多汁💦 仲要有薑絲既醋🧂 先品嘗到 正宗 上海既味道好少餐廳會比有薑絲既醋❤️雞絲粉皮 $32夏天凍食❄️涼拌之一凍粉皮 上面放上 雞絲 芝麻醬撈埋 芝麻 同 青瓜絲 係中間 口感好fresh另外食完感覺冰涼🧊 幾舒服蒜泥白肉 $38份量都幾多 白肉面 加上 蒜泥辣醬都唔會太辣 三樣既夾埋好惹味✨堅信號上海生煎皇九龍灣牛頭角道77號淘大商場2期地下G187-188號舖#九龍灣美食 #tg31eat九龍灣

《大眾化生煎包專門店》#堅信號上海生煎皇 老闆在上海工作時愛上生煎包決定在上海跟老師傅學藝 再回港開業堅信號生煎包 $20/2隻正宗靚既生煎包一定係皮薄多汁#堅信號 做到 加上每個都係新鮮熱辣出爐🤤一咬落去 就 感覺到師傅用心製作灌湯小籠包 $32/4隻皮薄多汁 配埋有薑絲既醋 先食到正宗上海既味道😋出面好少提供有薑絲既醋雞絲粉皮 $32雞絲 粉皮 加埋 芝麻醬夏天凍食 感覺冰涼 幾舒服加上芝麻 同 青瓜絲 口感好fresh蒜泥白肉 $38份量都幾多 辣醬都唔會太辣加埋蒜泥 好惹味堅信號上海生煎皇九龍灣牛頭角道77號淘大商場2期地下G187-188號舖

是甘的，小編屋企人好鐘意食堅信號😋，所以小編喺度介紹俾大家。🏷 堅信號生煎包（$36）生煎包好好食，肉汁好多，皮好香🤤。🏷 灌湯小籠包（$32）小籠包都好Juice，小朋友👶🏻都好喜歡食。🏷 秘製豬扒（$62）秘製豬扒睇個樣好似無咩特別，但屋企人試完覺得超級入味，值得一試😋👍🏻！🏷 椒鹽脆黃魚+湯麵（$68）椒鹽脆黃魚口感爽脆，係熱氣啲🙊😛，份量多啲會更好🤣。*午餐*免加一服務費

今日早放工，又可以午餐及下午茶合併，不想吸收太多澱粉質，所以就去位於淘大商場內的【堅信號上海生煎皇】。原本名字是【正宗上海生煎皇】，由前歌手 Oscar 建立。由於娛樂圈發展一般，放下身段跑去國內學整生煎包，這份勇氣真難得。幸運地做得不錯，比做藝人發展更加好。沿用了近十年的招牌，但突然改名做【堅信號上海生煎皇】。原來翠華集團在2018年收購了，現時已有11間分店。用QR Code 自己落單，首先睇下十大龍虎榜。每款都吸引，來到這裏，當然要試一下最出名的生煎包！下午茶餐有8款，包括飲品又可以追加小食。【生煎包 2只 + 灌湯小籠包 4只 +豆漿 $43】比平時散叫抵吃多！首先食生煎包。跟店方推薦的品嚐方法：先聞一下、再品嚐肉汁、然後咬下去。生煎包呈上時熱騰騰，外皮十分香脆可口，質感油而不膩。小心先咬一細口，沒有期待的爆汁效果；其實筆者又怕爆汁會弄髒衣服，十分芧盾。內裡免治豬肉餡大小適中，雖然肉汁沒有想像中多，但有豬肉香味、又有少許油潤。底部可以煎得更加香脆。整體感覺 ok，都算幾好味。灌湯小籠包：小籠包皮薄身，口感煙韌，免治豬肉餡肉質柔軟，味道不錯。小籠包內的湯汁惹味，略嫌不夠多及未夠香

本身淘大間野啲質素都唔差.唔知係咪疫情嚴重影響到啲味度都唔同晒。或者一開返堂食人手唔夠太忙？之前新開張啲肉起碼唔差因為分店一多質素就差呢個係十間有九間餐廳都改變唔到既事實。但唔會係硬加鞋囉😅而加又鞋又硬。唔知以為擺左擦子膠入口紅燒肉個汁完全變晒。但完全符合晒外婆既味道（酸叔味）外賣又送漏野。雞絲粉皮最緊要係個汁竟然冇汁。 姐係等於飲杯冇汔既可樂一樣。最後一句。唔係想踩佢係想幫佢希望佢快啲變返以前既味道。

假日外賣回家，用open rice叫係平過即場叫，但外賣盒逐個收費就多左啲。分別叫左生煎包，2個套餐菜飯，酸辣湯，生煎包有水準既，攤凍左啲，都仲有趣口，裏面好似小籠包咁啖啖湯既👍。肉燥雞扒菜飯，味道偏甜，，飯係珍珠米，軟硬適中，仲有酸青瓜做配菜。仲買左個豬扒菜飯，冇乜特別。酸辣湯，酸辣適中，個人覺得好飲過上海姥姥，唔會過份傑。