坤叔茶座

營業中

休息中

大嶼山自駕遊，跟Google 入面嘅「前人」揸過嚟～深屈，真係又「深」又「屈」，真係山旮旯嘅一個角落頭，但竟然又有幾個茶座，事彈選一間～坤叔茶座。求其揀啲嘢醫肚～肉丁公仔麵，同燒賣，中有二枝，洛神花茶，有白，有紅色，各一支。公仔麵同燒賣我就唔浪費時間講，但係二枝洛神花茶就真係足料好飲,大家如果有機會嚟呢度，一定要試。要讚嘅係，呢度咁山旮旯，如果真係肚餓起上嚟，無得揀，你點都要食，呢度得一個人做嘢，真係熱情款待，而且價錢合理。唔會因為個地理環境同生意唔多就「亂嚟」！埋單$135雖然食啲唔係好特別嘅嘢,但成個氛圍同環境真係值呢個價以上，由其喺果二支「洛神花茶」。順便講啲菜係自己種。

假日同朋友行東澳古道由東涌地鐵站行到大澳大概仲剩一個鐘左右路程途中會經過茶座唔少行山客都會喺度食野休息一下見到唔少人點炒飯同豆腐花所以我地都點咗豆腐花﹑燒賣同蠔餅.蠔餅 - 半份本來以為會好似潮洲蠔餅咁咬落去好脆然後要沾醬食結果咬落去係軟嫩嘅蛋同粉漿比例啱啱好雖然蠔仔份量唔算多但係唔洗沾醬都好夠味味道有驚喜如果經過一定要試下！.另外點咗豆腐花同燒賣記得要試燒賣嘅辣醬都幾出色

年初四，和家人由大澳行去東涌，中途在坤叔茶座休息一下。村裏的人態度友善，坤記茶座隔離都有間食店，初時我們誤會了，以為全部座位都是坤叔茶座，坐咗喺隔離食店，後來發現，我哋轉返去坤叔茶座，但該食店員工完全不介意，態度十分友善，不會搶生意！他們和睦共處的態度真是值得一讚！坤叔茶座服務一流，態度親切，食物質素有水準，特別推介煎豪餅！😋

豆腐花結實得來好滑，不是水溜溜，推👍🏻地點在紅樹林側，依山旁水，滑豆腐舆大自然融合。侍應親切，冇迫人叫菜。蠔餅外脆內軟，D蠔仔都新鮮，一份三丶四個女仔都夠吃！價錢合理！