地茂館粥麵燒臘茶餐廳 (已搬遷)

地茂館可算是一老牌子食肆，第一次來幫襯都超過二十年。剛巧今天去到九龍城，特來重溫少時味道。這個裝修已不是我上次來的樣子，很光猛亦舒服。作為茶餐廳，它供應的款式可謂十分之多，有粥粉麵飯丶小菜及三文治，各適其適。我們只有2個人，叫了荔灣艇仔粥（$ 41）丶肉絲炒麵（$ 57）及炸鮮鯪魚球（$ 60）。艇仔粥粥底靚，煲得又滑又綿，仍隠約睇到煲腍了的米，而非由磨碎米做的速成製品。由於有很多料：肉絲丶豬皮丶魚片丶魷魚丶柴魚丶花生⋯等，口感豐富兼好味。😋😋😋肉絲炒麵好大碟，麵炒得金黃脆口，好味。麵上面鋪滿好多餸，包括有肉絲丶芽菜丶冬菇絲丶紅蘿蔔絲，同埋韭黃，獻汁亦足夠。喜歡齋食麵又得，點完汁，麵身有少少腍又得，絕對是食唔停口。👍🏻👍🏻👍🏻鮮炸鯪魚球未上枱時，侍仔會把蜆芥汁放上枱，我已聞到好香的海鮮味。鯪魚球好大粒，外皮炸得香，魚肉彈牙，點醬食又得，唔點醬都好好味。😍😍😍地茂館絕對是高CP值的食肆，值得再次幫襯。…查看更多

如果一間茶餐廳煮好食，我覺得通常睇個亁炒牛河，最近地茂館開多間係獅子石道，近我屋企就嘗試下，我覺得佢粉得唔會太油，d 粉又唔會散開，d 牛又足料，好好味其實佢地d 燒味都好食，個日叫左半肥瘦义燒燒䳘雙拼，义燒好味，燒鵝一般，有d 乾希望新開張keep 住團火*堂食太凍，唔知係咪因為新冷氣 ,所以鍾意叫外賣，但外賣又成日落溜單😥…查看更多

終於約齊一班好友聚會，揀左九龍城出名嘅茶餐廳食晚飯，早幾日訂好檯，最重要係事前同侍應訂定特定嘅海鮮，因為老闆係當日去街市入貨，所以每次去地茂館都唔會令人失望。叉燒真係冇得輸，又軟又入味，肥瘦啱啱好，每次必點，叉燒通常好早賣曬，好彩我地事前有預留，唔係冇得食。酥炸斑球，粉漿炸得又薄好脆，條魚又夠新鮮，啖啖肉。豉椒炒花甲，呢味係我最愛之一，花甲冇砂，肉肥又甜，夠鑊氣，差d自己一個食左半碟。一上檯完全冇人記得影相......粉絲蒜蓉蒸聖子王，聖子夠曬大隻肥美爽甜，一人一隻真係唔夠喉。避風塘炒蟹，夠香夠鑊氣，連蟹殼都炒到爆開，蒜咸香入曬蟹肉，好食。冬瓜蛊都係預訂架，好清甜，唔會太咸，好足料，每啖都飲到湯料同小元貝肉。最後一定要留肚食糖水，我食左芝麻糊同榴櫣班㦸，芝麻糊係傳統嘅味道，唔會太甜夠曬滑。班戟皮包住大啖果肉，冇欺場，飽到捧住個肚走。地茂館糖水舖喺同一條街隔幾個舖位，可以喺正舖食又得，或者送過去茶餐廳果邊都得。大家今日都食得好開心，各位侍應叔叔嬸嬸服務又快又nice, 所以每次約食中式小菜海鮮一定第一時間諗起地茂館。…查看更多

九龍城區一間又抵食又高質既茶記！真係變成我其中一個飯堂！呢度既煲仔飯同小菜都好多元化同好正！先叫個生炒骨！酸酸甜甜，十分脆口！幾乎全部都係淨肉冇骨。海鮮粉絲煲 清清地幾好食！粉絲軟硬適中，而且份量都幾多架！椒鹽魷魚 炸蒜十分香口，送飯一流！魷魚爽口，炸粉鬆脆。帶子蒸豆腐 豆豉味香濃，豆腐幼滑。青菜兩條感覺健康！黃鱔煲仔飯 黃鱔好新鮮爽口，記得唔好咁早開蓋，咁就有好香好脆既飯焦啦～呢度既飯焦好易食上癮，一食就食唔停。…查看更多

耐唔耐就想食燒味飯，黎開九龍城買手切肥牛，一於試呢間啦。之前食過呢間野就一般茶餐廳咁，唔太特別好食唔好食今日試左燒鵝义燒飯，$60，好好彩有隻脾食，如果指定要脾係$98既。推介燒味，個人覺得义燒咸左少少，但接受到，燒鵝好得，連骨位啲肉都好入味，會再黎食，但就唔會再叫飯喇，因為個飯比較硬，如果轉食瀨粉就應該perfect ！…查看更多

去九龍城排長龍買牛肉，要搵D好味野慰勞自己一下。諗起地茂館的燒味想回味一番今日想食D香囗野，無叫平時鐘意食的油雞轉食叉鵝，依舊好味。燒鵝皮脆，夠入味，由皮至肉都充滿滷香味。叉燒雖然瘦但唔會硬掘掘，正而家有水準的燒味飯店所剩無幾，希望佢可以keep 到，令人繼續食到真正的廣東燒味…查看更多

晚上七點幾，同成班朋友又黎亂入試新野。上幾個星期我地都一齊食過泰國菜，今日就食中菜啦！地茂館老字號黎架！估唔到真係咁好食！行入黎時閒到陣陣藥材味，應該係藥膳煲啦～我地亦都見到好多人嗌羊腩煲、煲仔飯咁！一於就嗌兩個煲仔飯啦～呀姐話要早D落單因為要等呀！再嗌多個兩個小菜先！五分鐘後魚香茄子煲就上檯啦！茄子完全去皮，走過油黎，軟硬適中。加上大量豆辦醬，十分開胃！即刻加個飯先！跟住就上雲耳勝瓜又係完全去皮，唔會煮得太熟，保持鮮甜。加上湯煮，令雲耳同勝瓜都添上味道。等左二十分鐘，終於到啦！不過職員話要焗多陣先～好細心咁比塊濕毛巾我地！開蓋～黃膳煲仔飯～味道好，黃膳冇想像中爽，不過都保持硬身。個飯較乾身，所以有飯焦！！！北菇滑雞，北菇就普普通通，雞就幾好食。個飯較濕，搵飯焦就有少少難度啦～我地六個人食，剛剛好夠，(實質係唔夠時間再嗌），每人只係五十蚊！真係抵呀！…查看更多

從前在九龍城工作，每星期必定到地茂館吃燒味飯。這幾個月轉了新環境，沒有吃地茂的燒味飯了。今天是我的生日，晚上會跟Honey吃晚飯慶祝。午飯呢？特意乘車到九龍城，到地茂館吃肥叉燒味飯。地茂館的燒味，確實出色。肥叉燒肥瘦剛好，味濃而蜜甜，肉質稔鬆。燒肉也岀色！一層肉一層肥，外皮脆卡卡！Honey喜歡豉椒炒河。已叫了少排骨，仍然好多排骨。肉太多，吃不完。炒得多鑊氣！不太油膩。其他料頭，青紅椒和洋蔥，爽甜。生日嘛…吃粥！這裡的白粥是有味的粥底，很綿。…查看更多

Lunch和一班同事一行十多人到地茂茶記食，對飯沒什麼興趣的我見餐牌有鮮茄濃湯餐粉麵雖然只能選一款送跟一隻蛋，但圖片OK吸引所以最後選了豬潤米。來到後發現整碗米粉只有兩塊豬潤，46元食水真的深了點。再吃真點，原來不是蕃茄湯，是比平時在西餐廳的羅送湯更淡味道的湯底，完全稱不上濃，更沒有鮮茄味。失望的我唯有把希望寄托於這杯奶茶上，幸好這杯奶茶夠濃夠滑，而且不用加錢，不然我會忍不住給予一個差評希望餐廳會有進步，因為客人不會因一杯免費奶茶而幫親…查看更多

一班同事約好了這天不帶飯 一齊到附近食lunch 本來想吃的是另一家越南菜 可惜人太多 沒有位置 只見這家有空位 大概等了五分鐘方可入坐 我見餐牌沒有什麼特別 所以隨便叫了個蕃茄湯底的米粉 配料是火腿絲和鮑魚絲 一送來樣子很差 湯底比較像羅宋湯 有薯仔沒蕃茄 很奇怪 米粉太碎 湯底很胡後來我也叫了一杯奶茶 奶茶茶味很重 奶味剛剛好 我覺得奶茶絕對值十分 至於環境 很差 如圖所見不停有一隻大烏蠅在我們附近 而且店內冷氣很差 吃個米粉已至大汗淋漓 汗出如漿 十分辛苦 下次應該不會再光顧…查看更多

下午茶時間，店子的食物款式相當多，座位空間又夠，可以舒適地歇息一下。白灼魚皮- 夠爽滑豉油王炒麵 - 都好味扒芝士三文魚三文治 - 三文魚略嫌少了點三層西多士有花生醬果占 - 夠份量奶茶少奶 - 但奶的份量好像沒有少，茶味略嫌不夠凍檸茶夠大杯整體來說， 食物嘅質量還算可以的。…查看更多

我在九龍城工作多年了，地茂館，簡直是我的｢飯堂｣！即使地茂館比區內其他茶餐廳稍貴，但，仍其門如市。因為，其食物質素較一般茶餐廳岀色！無論粥品(夠綿、材料新鮮)、炒粉麵(夠鑊氣)、小炒(鑊氣十足)…尤其燒味飯，好味！我要轉工了。所以， 臨別依依，一定要到地茂飯，向我的至愛｢肥叉飯｣告別！肥叉燒肉飯，燒肉外皮很脆，燒腩肉，肥瘦相間，肉甘而鹹香！肥叉呢？我至愛…帶少少透明肥肉，也帶少少焦燶，肉鬆化而蜜甜，非常｢送飯｣！Honey喜歡炒粉麵夠鑊氣，他點豉椒炒河粉。雖然今天師傅炒得油了一點，但，很夠鑊氣！青椒和洋蔥剛剛熟，新鮮的甜。地茂館的燒味、小炒、粥品和炒粉麵…都岀色。比其他茶餐廳稍貴，也是物有所值的。地茂館，我會在週末來｢探望｣肥叉飯的。…查看更多

九龍城地茂出名左好多年，甘多年飯市仲要排隊，今日亦唔例外唔想等唯有叫外賣，雲吞麵~四粉大大粒，蝦同肉既比例剛剛好，真係好鮮味爽口，啖湯亦有濃濃的蝦皮大地魚湯味，麵係好爽既麵！菜心太淋了，但油好濃味！…查看更多

寫了那麼多篇九龍城的食記, 仍未寫到地茂館?  唔係阿化?  sorry-sorry 因為我慢, 因為我懶 地茂館, 九龍城老牌茶記相信都無人不識, 卡位好坐, 人多又有大圓枱, 店大人流暢旺, 容易搵位, 算是九龍城的方便之選之一.   是日年初九, 家中無飯開, Honey 提議地茂, 簡簡單單, OK, Good, Let's Go, go go go~時間尚早, 七點正, 晚市未爆場, 阿姐阿叔笑笑口卡位任坐, 正!  坐低先奉上熱茶, 唔該晒!  睇睇今晚食咩先?  牆上寫晒推介嘢亦有時令嘢/當日海鮮, 食肉獸的我, 新年出街食飯點了好幾次生炒骨, 我唔悶啫我唔想Honey食怕咗, 就一就佢今晚點份西檸雞, 佢就當然係那種出街食飯必要點個菜的人 (其實呢...我真係好想用個quota叫埋肉...我係嗰種可以叫生炒骨之後再叫多個椒鹽骨或沙拉骨或中式牛柳的人), 他選了皮蛋咸蛋波菜, ok, 我會幫手食的~落單阿姐問要唔要飯, 出餐至出兩個飯好唔好?  當然好, 等了一會, 食物來了, 熱辣辣香噴噴, 碟頭唔小, 夠飽!  老店果然手到拿來, 兩碟上枱都靚好吸引, 西檸雞一共十一/二件, 沒炸到乾爭爭, 個汁又開胃, 唔錯!  雙蛋波菜, 很好, 菜不老, 全部食晒!  價錢方面, 二人晚餐: HK$63 + $73 + $10x2, 埋單無加一, 盛惠$156, 即每位$78.  如果唔似我唔係"大餸王"啖啖餸的, 其實個份量係可以兩個餸叫三碗飯三個人Share, 咁個cost即刻下調至每位$55.  出街食飯咁嘅價錢都算好價.  當然因為我地無叫飲品, 飲熱茶.  氣氛方面: 一啲都唔'地踎'又乾淨企理又唔會嘈, 四周見客路都幾斯文.招呼方面: 入門口到埋單阿姐阿叔都好好!  又主動添了兩次茶, Thank you!  "新正頭"要勤力啲寫番篇文推一下!  Good Job, We'll be back~…查看更多

係九龍城同朋友傾計聚下舊咁又唔想食泰式野就上網搵有咩好食之前食過地茂館甜品分店今次就試埋地茂館講下裝修個D 其實唔似得地茂館甜品咁懷舊算係普通茶餐廳咁 但光猛好多其實鋪頭都算大 但間隔好逼一入去就有張大枱頂住左 唔舒服佢招呼左我地幾個去左卡位坐本身我諗住叫麵食既但難得泥到地茂館伙記又話佢D叉燒今日好正所以忍唔住叫左碟燒味飯等左差唔多10分鐘 碟飯就泥伙記即刻話唔好意思 多人太忙 所以出唔切單其實又真係幾多人 我都係出面等左陣先入到泥到我坐左咁耐都係仲係全場滿座講番碟飯先D肉好多汁 燒得岩岩好而且份量仲好多 完全唔輸蝕比深井個D個飯色水好夠 D汁比起其他燒味鋪食到既叉燒汁更香更吸引份量又多 味道又夠雖然有少少貴 但唔緊要都值既…查看更多