地茂館甜品

營業中

休息中

【地道港式糖水鋪——芒果甜品～🥭】雖然呢間鋪頭主打中式經典糖水 有合桃露、杏仁糊、芝麻糊、桑寄生蛋茶⋯⋯但係我想介紹既係呢間既芒果甜品😂鋪頭係港風裝修 環境幾舒適 吸引左勁多遊客去打卡🙈🙈不過甜品質素唔差 價錢唔貴 可以一試！【芒果西米小丸子】 $33呢個係最合我口味既一款！🙈呢三樣嘢做配搭冇可能唔夾啦✨芒果味好甜 唔假 亦都冇我最怕既香精味！小丸子煙煙韌韌 推薦～✨【芒果豆腐花小丸子】 $33呢款會用外賣碗裝著 感覺望上去大兜啲🤣來自朋友的食評：係預想中既好味🤣🤣份量幾足 味道方面唔會唔夾 芒果醬同豆腐花融合到 唔會只係糖漿配搭豆腐花 豆腐花都幾滑 鍾意食芒果甜品的可以試試！【芒果杏仁茶小丸子】 $33因為本人唔鍾意食杏仁🙈所以就唔作多評價了🙈🙈不過友人話呢款芒果味會重啲 杏仁茶既味道反而冇咁出 唔重味〰️但係好味✨溫馨提示🔔：如果想打卡 最好攪勻左再影🙈【軟滑糖不甩】 $21相比之下普通左啲 有花生碎配搭 但我會偏愛煙煙韌韌既口感 呢款明顯煮得淋左 食落冇嚼口🙈所以覺得唔特別推薦啦～🌟呢間鋪頭我次次去都唔洗點排隊 甜品都ok 可以一試！🥰😋：8/10性價比：8/10回頭指數：8.5

今日幫襯堂食桑寄生蓮子茶同埋外賣芒果杏仁茶小丸子，明明餐牌上寫明只有凍食，同我講熱食好食d，咁就熱食啦。返到屋企，一打開無芒果嘅，個阿姐應該同我落錯杏仁茶+小丸子囉！仲要比有芒果嘅貴一蚊個陣我仲以為外賣加一啊……

✨糖不甩湯丸軟糯有咬口，軟硬啱啱好唔會痴牙，將湯圓沾滿花生和芝麻糖粉，配搭一流~✨楊枝金露 招牌之一，入面落足西米，食落清涼，椰香味重🥥✨桃膠蛋白杏仁茶原盅燉的杏仁茶杏仁味香濃， 味道唔會太甜，桃膠燉至十分軟滑，蛋白份量十足，啱晒女仔養生又美顏👧🏻

今日嗌咗四個桃膠蛋白杏仁茶，啲蛋白仲碎過啲煙花，因為我係嗌外賣嘅，所以我可以望住個廚房點樣整，我望住整糖水個阿姐，佢好似唔識整夾硬嚟咁！不斷回頭望好似搵人咁，唔知係咪個師傅去咗廁所，阿姐為咗出貨唔識整都走去整呢？應該經過今次之後，以後都唔敢再去呢間嘢度食囉！個口感真係好難形容好似食緊鼻涕，之前食過都冇咁難食🤮🤮🤮🤮🤮食到我個仔想嘔呀。👎👎👎👎👎 十分之失望，一碗嘢$38都唔平㗎有咁細碗

呢间甜品铺喺香港都好出名，夜晚要早啲嚟不然排长龙，8:30前可以Walk in✨芒果豆腐花小丸子有超多芒果，豆腐花好友豆味，小丸子好韧，冰冰凉凉，一啖舒服晒～✨芒果紫米西米露呢款会冇咁甜，紫米口感好好，搭配椰汁，清凉解暑～

九龍塘 - 地茂館眾所周知九龍塘出名食泰國嘢，但係食完咸嘢就想食甜嘢。當日係假日，所以門口已經堆滿好多等緊位嘅人，店內坐位擁擠，背貼背，瓷磚牆身，讓人有一種古色古香嘅感覺。糖不甩 （🌟89.65/100）💲21軟糯Q滑，外面花生和芝麻嘅份量俾得好足夠，絕對能將每粒都能沾滿花生和芝麻腐竹薏米白果 凍/熱 （🌟86.65/100）💲25薏米味香濃，薏米白果份量比得好足，啖啖都食到料合桃露 （🌟84.65/100）💲 27一端出來就聞到好香，口感滑溜而家新式嘅糖水舖越開越多，但小編鍾意舊式糖水多啲，都想將傳統嘅味道保留，唔好令後人遺忘🥹

位於九龍城福佬村道自從有左宋皇臺站之後都算方便唔洗轉小巴或巴士 鐵路直達🚶都有一定歴史 因爲翻新過唔會好舊 內裡光線明亮 設計簡潔 細窄既卡位係幾傳統糖水舖既設計 懷舊感滿滿😌 約40席 幾受街坊歡迎 常常滿座需要排隊等位🥹🥹有一樣野值得一提 冷氣好勁🌬️即使夏天入黎食熱糖水都無問題👍🏻今次食左熱腐竹薏米白果好足料 勁多薏米 每一啖都有算滑 中等甜度 再多啲腐竹就更好🤏🏻熱芝麻杏仁茶呢度既手磨杏仁茶係招牌甜品杏仁味香甜 濃郁順滑 芝麻糊份量較多 兩種味道融為一體 好滋味👌🏻方便指數: 3.5/5 環境指數: 3.5/5美味指數: 4/5回頭指數: 3.5/5地址: 九龍城福佬村道47號地舖

飯後甜品必食！超足料芒果丸呢日同朋友嚟九龍城食完泰國菜，行完街就想嚟食一食個飯後甜品滿足下第二個胃！一睇menu，選擇多到眼花撩亂😂，樣樣都想食！我就想試一啲比較fresh嘅，就揀咗芒果豆腐花小丸子！芒果醬好濃郁😳，芒果好甜好新鮮，食落啖啖肉🤤！丸子份量都算多，而且夠煙韌！配埋軟滑嘅豆腐花，口感層次更加豐富😋！真係好正！食多碗都得🤭🤣🤣

🌟整體評分: 7.5/10🌟❤️味道：8/10🧡環境：8/10🩵服務：6/10💚性價比：8/10💗小朋友喜愛度：8/10地茂館好多間分店，呢間相信係趕客指數最高，因為趕住做生意…好彩甜品水準穩定搭救返。必食推介一定係蛋白杏仁茶，蛋白唔會太熟，而且杏仁味非常濃郁。另外鮮奶燉蛋白都好好味，識食一定食熱嘅，因為比凍嘅更加香滑，奶味更加濃郁。最後驚喜推介竟然係楊枝甘露，芒果汁底夠香濃，而且係正宗加西米冇加爆珠架。

係九龍城食完正餐後，緊係要搵間糖水鋪食啦！今次試佢嘅軟滑糖不甩同芒西小丸子，軟滑糖不甩賣相都幾唔錯，一碟有8粒，食落口口感軟軟的，又唔會好黐牙！椰絲花生碎唔會好甜，撈埋一齊食，都幾好食！另外，芒西小丸子方面，啲材料好夠份量，芒果同西米都好多，令到成個口感好豐富！小丸子唔會好軟身，而且口感煙靭，同埋芒果都好清甜，整體嚟講都唔錯！

今天在九龍城吃完下午茶，便過去地茂館吃甜品🤤💥桃膠蛋白杏仁茶 $39👉👉是原盅上，熱騰騰，每一口都是桃膠與蛋白，很是滿足，唯一是略嫌杏仁味不夠濃。😂整體上CP值高👍

九龍城尼間座位非常迫要其他食客起身才行到位置，一坐低就嚟落單，糖水好快送到嚟，腐竹糖水完全冇腐竹味，超多薏米白果得三粒。紫米露完全冇味。蛋白杏仁茶普普通通叫正常。一食完放喺匙羹即刻有人收走你啲碗，諗住攞張紙巾抹下個嘴，就已經有個男人走來叫你埋單走，忍唔住望一望時間其實15分鐘未夠。如果我哋由坐低半個鐘你叫我哋埋單，我覺得OK ，但係一食完即刻收碗，即刻叫你埋單忍唔住即刻睇個鐘都未夠15分鐘。咁不如你唔好開座位食啦，整立食咪得囉😡又見你門口寫張告示食完要即走。反而屯門嗰間服務態度好好，而且糖水又好味，都唔明點解同一間可以差咁遠。

呢間係連達人白種元老師都有去食既糖水其實佢未去個陣，我哋已經都有去食啦～每次都會叫佢個芒果紫米露小丸子食，真係好足料好新鮮好食😋另外我都有試佢個雷沙湯丸，好彈牙好有口感

九龍城老字號傳統糖水店位置座位上會較擠逼，通常都會叫芝麻糊＆薑汁湯水（加湯圓）喜歡湯圓嘅狀態就係湯圓皮軟糯，有流心芝麻餡，油份夠再配一碗熱辣辣薑汁糖水或芝麻糊，到天氣凍時，食到一碗熱騰騰糖水真係暖在心頭，冬至快樂！

-依間糖水舖係九龍城都幾出名，之前見到好多遊客會推薦去食🤩-芒果涼粉小丸子😝（$32）同樣芒果好甜，而小丸子口感煙韌， 煮得剛剛好，仲有涼粉可以食，一次食到不同材料，不錯👍-芒西小丸子（$32）材料十足，芒果和西米都好多，口感豐富🥰而且芒果香甜，好快就食晒成碗糖水😚-軟滑糖不甩🍡 ($21)一碟有8粒☺️口感軟糯，配埋椰絲和花生碎一齊食岩岩好，好鍾意食😘-芒果班戟 🥭（$35）個人覺得cream偏膩，最後都無食曬cream，淨係食左芒果，外皮好薄😉-Name🏠:地茂館甜品Tei Mou Koon DessertLocation📌:九龍城福佬村道47號地舖（港鐵宋皇臺站B3出口, 步行約4分鐘）價錢💰:芒果班戟 （$35），軟滑糖不甩 ($21)，芒果涼粉小丸子（$32），芒西小丸子（$32）