地茂館甜品

營業中

休息中

九龍城尼間座位非常迫要其他食客起身才行到位置，一坐低就嚟落單，糖水好快送到嚟，腐竹糖水完全冇腐竹味，超多薏米白果得三粒。紫米露完全冇味。蛋白杏仁茶普普通通叫正常。一食完放喺匙羹即刻有人收走你啲碗，諗住攞張紙巾抹下個嘴，就已經有個男人走來叫你埋單走，忍唔住望一望時間其實15分鐘未夠。如果我哋由坐低半個鐘你叫我哋埋單，我覺得OK ，但係一食完即刻收碗，即刻叫你埋單忍唔住即刻睇個鐘都未夠15分鐘。咁不如你唔好開座位食啦，整立食咪得囉😡又見你門口寫張告示食完要即走。反而屯門嗰間服務態度好好，而且糖水又好味，都唔明點解同一間可以差咁遠。

呢間係連達人白種元老師都有去食既糖水其實佢未去個陣，我哋已經都有去食啦～每次都會叫佢個芒果紫米露小丸子食，真係好足料好新鮮好食😋另外我都有試佢個雷沙湯丸，好彈牙好有口感

九龍城老字號傳統糖水店位置座位上會較擠逼，通常都會叫芝麻糊＆薑汁湯水（加湯圓）喜歡湯圓嘅狀態就係湯圓皮軟糯，有流心芝麻餡，油份夠再配一碗熱辣辣薑汁糖水或芝麻糊，到天氣凍時，食到一碗熱騰騰糖水真係暖在心頭，冬至快樂！

-依間糖水舖係九龍城都幾出名，之前見到好多遊客會推薦去食🤩-芒果涼粉小丸子😝（$32）同樣芒果好甜，而小丸子口感煙韌， 煮得剛剛好，仲有涼粉可以食，一次食到不同材料，不錯👍-芒西小丸子（$32）材料十足，芒果和西米都好多，口感豐富🥰而且芒果香甜，好快就食晒成碗糖水😚-軟滑糖不甩🍡 ($21)一碟有8粒☺️口感軟糯，配埋椰絲和花生碎一齊食岩岩好，好鍾意食😘-芒果班戟 🥭（$35）個人覺得cream偏膩，最後都無食曬cream，淨係食左芒果，外皮好薄😉-Name🏠:地茂館甜品Tei Mou Koon DessertLocation📌:九龍城福佬村道47號地舖（港鐵宋皇臺站B3出口, 步行約4分鐘）價錢💰:芒果班戟 （$35），軟滑糖不甩 ($21)，芒果涼粉小丸子（$32），芒西小丸子（$32）

┈┈┈┈┈┈┈┈┈┈┈┈┈┈┈┈┈┈┈┈❰特色雪糕配小丸子系列 芒果仙草小丸子配椰子雪糕❱幾粒甜既芒果, 配上芒果汁, 加埋煙煙韌韌既小丸子已經好滿足, 誰不知濃厚椰子雪糕更為個甜品錦上添花, 令人回想起越南既椰子雪糕既甜品. 出色出色.❰香滑芝麻糊 加配 芝麻湯丸(兩粒)❱芝麻糊夠濃唔淡亦唔水, 每啖有濃濃既芝麻香味. 另外加配既芝麻湯丸都有好濃郁既芝麻香, 皮薄饀靚, 食落唔甜.┈┈┈┈┈┈┈┈┈┈┈┈┈┈┈┈┈┈┈┈地茂館甜品❰特色雪糕配小丸子系列 芒果仙草小丸子配椰子雪糕❱ $39❰香滑芝麻糊 加配 芝麻湯丸(兩粒)❱ $34┈┈┈┈┈┈┈┈┈┈┈┈┈┈┈┈┈┈┈┈性價比: ①②③④⑤⑥⑦⑧➈好味: ①②③④⑤⑥➆➇➈回頭: ✓┈┈┈┈┈┈┈┈┈┈┈┈┈┈┈┈┈┈┈┈📍地址: 九龍城福佬村道47號用餐時段: 飯後甜品用餐方式: 堂食┈┈┈┈┈┈┈┈┈┈┈┈┈┈┈┈┈┈┈┈

係九龍城食完泰菜梗要食埋甜品先算完整既一餐啦~地茂館甜品係呢一帶好出名既懷舊老字號傳統甜品舖咁啱平日lunch冇人排隊就去試下叫左兩款甜品1.    美人桃膠蛋白茶 $36好香杏仁味味道唔會太甜配埋桃膠食感覺又可以食甜野又可以養生美顏同埋佢桃膠都處理得好乾淨 唔會好多黑色點點呢款甜品有機會我一定會番啅2.    雪糕芒草紫米小丸子 $39成碗糖水都好足料有好多芒果粒、芒果蓉同小丸子芒果都好甜唔會酸小丸子口感煙韌 軟硬程度適當好處紫米亦都煲得好綿唔怕un胃椰子雪糕好香撈埋落啲紫米度食好滿足整體兩款甜品都好出色

同朋友食完泰國菜～就行過黎食下甜品兩個甜品都非常抵食，每個先32蚊，仲要幾大份。芒果椰汁西米入面嘅芒果好甜，除此之外，入面仲加入左芒果汁，所以可以同時食到椰汁嘅香味同埋芒果嘅甜味。

地茂館都有名氣 最近都開左好多店今次黎到九龍城食飯 食完見到門口冇乜人排隊就試下✿ 芒果西米小丸子 $32 ✿自從冇左許留山之後都冇食過咁好食既芒西小丸子🥹小丸子好煙韌 配上毫不吝嗇既芒果芒果當造唔算太酸🥭✿ 蛋白燉鮮奶 (熱) $28 ✿識食一定係食熱既！好嫩滑 奶味好香濃🥛🐮舊鋪只有幾卡位同大圓枱可搭枱兼坐得迫食完就好快收碗 要速食不過始終係食懷舊既味道整體都係實多於華 比起新式甜品鋪性價比高見到隔離枱嗌糊類睇落好稠好濃咁下次都想試埋😛

👨🏻‍🍳地茂館甜品 (九龍城)📍九龍城福佬村道47號地舖 「酸到面容扭曲的芒果小丸子西米露🤮」 成日聽地茂館甜品，仰名左好耐，終於食到，雖然吾系親身去食，系外賣平台🙈🤣但系都不想再去食了😿 🍽️芒果小丸子西米露小丸子好味，西米露正常，甜度還好，但系一食芒果就出事🤮食完第一句 : 「好那酸阿😭🤮😭🤮😭」點解可以酸到咁🥲吾甜都算，好酸😭😭😭可一不可再👋🏻 #地茂館甜品 #arigato不了

九龍城甜品吃過幾次。甜品款式都有很多。又可以自由配搭，大大碗。雪糕配小丸子.榴連.芒果.涼粉. 湯丸。吃的人比較多。座位比較迫夾。所以有時買外賣返屋企食. //推荐：班戟。厚身．多料。滑。新鲜。外卖：最好短时间内吃。不要放太长时间。

對上一次嚟食，明明好舊式，同埋好味好多，今次嗌個腐竹蛋糖水勁差好似冇豆味甜豆漿雞蛋糖水咁🥲🥲完全唔覺得有腐竹嘅存在… 我知道腐竹係會煮難嘅，但係佢完全冇呢個跡象，99%似豆漿唔通真係玩咗鋪？同埋粒雞蛋完全冇蛋香嘅😭😭😭仲充滿期待咁大個朋友嚟食嘩好出名。但係朋友都覺得麻麻地環境同埋服務就好好嘅，有卡位坐另外加咗涼粉，但係涼粉本身都有甜味，通常糖水舖啲涼粉應該係天然啲，冇加糖朋友嗰個都普普通通，小丸子偏硬，芒果就給鮮甜🥭椰子雪糕味道普通，豆腐好味好多！上次喺沙田食嗰間好味好多好多波

去開九龍城食完晚飯，搵吓附近糖水店，原來都無乜選擇🙈記得呢間傳統糖水店都有啲名氣，早排都見過人哋介紹，就試試佢🥭 芒西小丸子 ($32)小丸子口感煙韌唔會太軟身、芒果同西米底都係正常發揮🍡 軟滑糖不甩 ($21)呢個招牌糖不甩賣相幾好，一碟有8粒，🍡口感都軟糯，好在椰絲花生碎唔會太甜，無咩特別驚喜，勝在唔貴👀平日晚上9點零鐘去，唔洗排隊，眼見入面有好幾張吉枱，但阿姐都安排啲人卡位搭枱，兩個兩個單邊坐🙈，明明現場仲有吉嘅卡位，門口仲要無人等緊堅持同阿姐講既然有位唔想搭枱住，阿姐話：一陣有人你點都要搭，我就話：一陣有人咪搭枱唔緊要明白阿姐為左方便多人個陣入坐順暢啲，但係問題而家有空間又無人等點解要逼住坐😂，最後食晒離場都無爆場，唔需要搭枱🙈

細細個住向九龍城時已經好鐘意去地茂館食糖水，無論係放學同三五知己定晚飯後同家人黎食，我都會點我既至愛腐竹蛋糖水。地茂館既腐竹蛋糖水係我食過咁多間糖水鋪至愛既一間，佢既味道完全唔係其他糖水鋪可比。近排因為某d原因要經常返九龍城，今次我就專登去尋找兒時既味道。店內裝飾以至枱櫈都仲係兒時既模樣，充滿住中式糖水鋪既味道。時代既改變，除左傳統既中式甜品，店舖亦引入左新既甜品，例如：燒仙草，芒果小丸子系列...........今次我就選擇左試一試新既芒果豆花小丸子以及我另一至愛～糖不甩。芒果粒非常鮮甜再配上滑滑既豆腐花，加上軟綿綿既小丸子，真係好好味，非常消暑😋另一至愛糖不甩亦不容多讓，非常煙韌，加上砂糖以及花生碎.........真係食完肥多幾磅都抵🤣🤣🤣

見到社交媒體網站同open晒有好多人推介一直都好想試吓，於是星期五晚食完晚飯就喺附近search OpenRice見到有一間去到門口已經有好多人排隊啦，都係叫外賣好彩堂食條隊唔多人等咗5分鐘就有得入去，仲要可以坐到卡位舖頭有中西式甜品，啱晒老少咸宜叫咗個杏仁蛋白，鮮奶燉蛋同埋芒果小丸子杏仁蛋白熱辣辣好新鮮蛋白好挺身好滑好飽鮮奶燉蛋都好滑，好正芒果小丸子仲有得揀雪糕揀咗豆腐味雪糕，喺出面真係好少見呢度嘅豆腐味雪糕好滑好重豆味推介！上菜很快排隊都唔使點等推介大家食完晚飯過嚟食

係九龍城食完泰國野，又黎到地茂館食甜品，貪佢就腳質素唔差我地今日叫左1️⃣芒果西米露小丸子💰32西米露煮到粒粒分明，但有啲焾，加埋煙韌小丸子同埋香甜芒果，口感豐富。呢個個底係椰汁底，椰味香濃唔會太甜，唔錯😋2️⃣芒果🥭豆花小丸子💰32呢個之前想叫，但無曬，所以試下，個底係芒果汁，配豆花食唔違和，豆腐花同出面一樣，無話特別驚喜，芒果香甜，不過不失👌🏻消費價錢：2人💰64，人均💰32結論：（5個⭐️為滿分）味道：⭐️⭐️⭐️性價比：⭐️⭐️⭐️⭐️⭐️回頭指數：⭐️⭐️⭐️⭐️餐廳名稱：地茂館甜品餐廳地址：九龍城福佬村道47號地舖