同事介紹黎free cafe食，開頭聽個名以為係西餐廳，點知原來係食日本野，有少少西式甜品咁。個中文店名同英文店名好似完全無關？！真係百思不得其解…午市都幾多野揀，有就咁碟飯，有定食，有一人火鍋，幾乎你諗到嘅日式食品都有。叫左吉列豬扒咖哩飯，有麵豉湯送。豬扒炸得幾鬆軟，炸粉唔厚，好大塊。但咖哩汁完全係咖哩磚個隻味，仲要超傑身好似食緊啫喱咁。飯不夠熱，無飯味。牛仔骨定食，有三樣配菜，中華沙律，玉子豆腐，淹黄瓜。中華沙律無特別唔難食，玉子豆腐嫩滑同帶少少鹹味嘅汁幾好味，淹黄瓜好味精。牛仔骨調得好好味，甜甜鹹鹹咁，但有啲韌難咬開，份量好多。飯同上，落左少少黑芝麻賣相靚左，呢碗比較熱好食左。麵豉湯，有海帶，豆腐，蜆肉等，都幾好飲。魚生飯，好大碗，魚生都好多，好大片，唔係出面啲切埋啲頭頭尾尾。幾鮮味，有魚香，好肥味，唔錯。隔離枱唔小心打瀉左碗麵豉湯，侍應係零反應，無拎野黎抹，又無執番個碗，企左係度發呆。落單又係，講左三次都係零反應，企係度揸住本簿，眼神空洞，唔知佢諗緊乜………查看更多
芝士焗壕 **** (五星為滿分）係呢五種小食中最好食嘅一碟，佢d芝士係一粒粒(1mm咁大粒)，唔係一舊溶咗咁，應該係上碟後先放落去，等佢慢慢溶。加上d芝士粒入面有其他調味料，有d蒜香味，好好食！一碟得三隻壕，不過都幾大隻同幾鮮甜(半隻男人手掌咁上下)。六十幾蚊一碟，平均二十幾蚊一隻。不過我嫌有d地方焗得太焦，但整體都好食。一口芝士 ***（ 五星為滿分）一碟得六至七粒，體積唔及一件麥樂雞嘅一半（話明係一口嘛）
我以為佢真係芝士，但其實係炸的，入面唔係我expect嘅芝士，味道同口感都似有芝士嘅馬介休！韓式年糕 ** (五星為滿分）三隻字：一d都唔韓囉！
