土炮食堂 (已結業)

港式茶記一向sell快靚正！😆😆呢間食堂岩岩新開時睇過佢地既報道，知道係幾個麻甩舊同事一齊夾份做🤣🤣勇字行頭！有夢想有目標的確好✊🏻當日中午十二點令去到，有三四枱客人，糾結左陣食咩好😂😂最後叫左～👉🏻土炮黯然銷魂飯$46 少飯少汁同港式燒味店既有少少唔同，呢到賣相有啲日式感覺唔知點解🤣我要求要瘦叉😌但唔知係咪瘦得滯，有啲硬有啲韌🤧🤧佢地講明係慢煮，所以邊位無焦香，食落少左份油香感。煎左隻靚靚荷包蛋🍳篤爆蛋黃，治癒流心😎另外少有既焦糖洋蔥幾爽口！我食唔出落左咩汁醬🤣淨係覺得好鬼甜，甜到想搵下白飯去餸，但又好多飯都有汁，想搵啖無被「污染」既白飯食下都唔易😌😌🤔🤔或者係我一早已經設定好叉燒飯應該係點，所以呢碗飯我就覺得還好成個感覺就係！日式！偏甜！叉燒飯！🤪

喺新蒲崗打滾咗大大話話都有7-8年，大有街新科技廣場樓下嘅餐廳出咗名難食（除咗輝記雲吞麵啲雲吞好食之外）其他真心一般般， 今日落大雨，又怕㩒外賣apps等好耐先送到嚟office, 所以我就選擇用返果個外賣apps嚟落order (因為外賣自取全單7折）。今日突然間好想食港式意粉，所以點咗「免冶肉醬配煎蛋意粉」，勁抵，只係HK$37.8，仲可以免費配「隔夜羅宋湯」or 熱飲，我就揀咗羅宋湯，飲第一啖覺得有啲酸，唔知係唔係因為呢啖湯係我今日刷完牙後嘅第一餐，但飲多幾啖之後覺得好好飲，唔似平時出面飲嘅油淋淋，同埋有勁多蔬菜，特別係西芹，蕃茄味十足，但又唔似落茄膏，成件事好健康，一啲都唔油膩，由於我太肚餓，所以個湯係無影到相😅😅好啦，入正題啦，講個意粉之前，不如望下佢個樣先。一打開個外賣碗果刻我係有擔心過個意粉會唔會已經淋Pat Pat, 但竟然無喎，係有少少淋咗，但可接受啦。個煎蛋好好食，睇個樣都知，唔洗我多講，啊～仲要有少少herbs灑喺上面，肉醬唔似平時嘅港式肉醬意粉咁，一凍咗成個肉醬啲油會”擎”晒喺面，同埋唔太咸，感覺唔止健康而且好爽，其實有啲似自己喺屋企整嘅，但我好喜歡呢個感覺～下

在新蒲崗吃個茶記都要$50，無意中經過大有街，發現依度不論環境，食物同價錢都好值得encore葱油雞扒煎蛋飯: 本身驚有點油膩，但食落就知比個名呃左！雞扒大大件，仲要皮脆肉嫩，d飯係用日本米，茶記來說真係估佢唔到，用葱油撈飯真係不得了暴龍多: 多士配爆多阿華田粉同煉奶，兩樣都鐘意，必點，但唔係成日有，可能邪惡得濟太受歡迎。另外，同大有街其他餐廳比較，覺得依度d人好爽快同有禮貌d，可能都係後生仔，唔會粗聲粗氣，講野仲大聲過d食客，整體來講坐得舒服食得開心，依個價錢，抵encore啦！

在網上面睇過，幾個年青好手足，為咗理想埋班開檔，先從門面睇起一絲不苟，更顯本土情懷。今天到新蒲崗工作，一個遲來的午飯時間和同事來試一試。相信食堂牌關係，門口冇掛上大招牌，特色嘅裝修A字餐牌，店主都唔會放過，應該係自行加工貼上特色嘅磁磚仔， 不過睇佢手工佢冇做裝修揀做飲食，應該冇揀錯，大家要搵應該唔難搵得到。就係畀佢門口啲快A字牌吸引住。（唔係佢手字只係佢個牌）老香港嘅髮型屋旋轉燈管， 加上食店喺工廠區裏面 放上一啲迷你貨櫃設計嘅收銀檯，茶記裝修都落足心機。 要讚👍收銀員見我喺度影相即刻送低唔想上鏡🤣彩色繽紛嘅店舖，雖然睇得出，店主並非用些高級用料嘅裝修，但有畀人未食已經心情開朗感覺，呢啲就係全面嘅用餐體驗。 蔥油雞扒蛋飯- 雞扒明顯先煎完再焗過，並唔係一些茶記就咁放落個炸爐炸起就算數，雞扒外皮輕微焦香，可算外香脆內juicy，size亦算大塊，太陽蛋用蛋架扒爐煎至底微脆且香而圓，還流心的蛋黃再加上煮過嘅蔥油豉油汁，送飯一絕，更是我至愛。紅豆冰- 紅豆煮得比較蓉嗰隻，飲起上嚟口感雖然沒有了咬口，但反令紅豆味非常出。班蘭鮮油多- 個同事死話好肚餓，要叫多件多士share, 本來我覺得我係冇

轉左手 經過見到佢裝修幾靚個邪惡多士值得一試岩哂鍾意食甜野既人多士夠厚又脆😻個蕃茄湯面勁足料😹咩事 同老闆吹左少少水佢地都好nice😼岩哂附近番工既人 價錢合理係每日午餐既好選擇

好好食呀個邪惡暴龍多 同特濃通心粉，我下次一定要帶朋友黎🥰😍😋😋😋將呢間餐廳發揚光大。呢間餐廳員工又體貼 又好傾 仲好風趣，食得開心又愉快😃希望佢地客似雲來，生意興隆。🎈🎈

今日經過新蒲崗 食個下午茶求其搵左間 發現有驚喜 超抵食！！原來係新開無耐 所以裝修特別之餘又新正😍茶餐廳黎講真係算出色邪惡暴龍多必試 常餐份量足^_^價錢又抵平時番工都會買早餐同晏就cp值好高