圓華薈廚

依日好想食西餐..但天氣咁凍又想食韓國石鍋飯問問另一半..佢記得早排我同佢講過之前係汀蘭居食過既"圓華薈廚"~因為業主收返..年尾結業lu佢話襯結業前..去埋最後一次~下午book定訂~6點半去到餐廳見好多檯都reserved~餐廳雖然無華麗佈置..但環境算清幽食客都以斯文為主..細聲交談~所以場地唔會感覺好嘈呢下午食左tea~其實都唔太肚餓加上之前多數揀食set~今次揀散點食物送啤酒份量無set咁多又可以慢慢食~"德國麥啤"x2($65/bottle)"德國脆豬手"($288)份量無係栢麗灣&諾士佛臺食過既咁巨但味道都好唔錯~皮層乾身中帶鬆脆..夠鹹香薯條粗長..外脆內粉糯~薯香味十足另外..伴上燒番茄及酸椰菜~中和肉膩感"炸魚柳薯條"($198)魚柳肉質鮮嫩~外層炸得好鬆脆伴上他他醬及蔬菜~整體食物依然有水準..服務同樣有禮貌…查看更多

過左隔離利舞台THE SKY BAR食個飯~~叫左小小野 因為都9點 女仔唔可以食禁多架麻!!!第一個叫左酥皮焗法式黑松露忌廉海鮮批個海鮮批好足料～ 個酥皮 好鬆散 食落口 好CREAMY 再有淡淡既黑松露 加上唔同既海鮮正！不過個批都好濟下~食左1/4 都已經好有飽肚感~ 之後，風乾雜肉伴芝士～雜肉有很多款！切到一片片，小食一流旁邊個芝士 好香奶味～MIX埋個雜肉 咸咸地又有芝士味 好有層次 最尾個十安士肉眼扒 好厚好大塊 眼前一亮食落口，塊肉眼好JUICY～～ 我叫7成熟 岩岩好! 同男朋友食到飽晒 就走LU~~…查看更多

今日是我們偉大的相識記念日啊，友人下午發了一個很瞹眛的訊息給我：我正在思考今晚的安排．耶~弄得我心如小鹿亂咁撞．佢再補一句：不如吃西餐? 吓…原來今晚餐飯都未想好，鬼馬啦你，咁surprise…友人穿著王子般的裝束 (我相信王子平時在家應該是這樣穿的) ，說帶我去一個新地方吃飯．在公路上一轉彎，就入到去一個住宅停車場..…原來那是一間酒店... … …穿過酒店大堂…我們不是去酒店呀，是在圓華薈廚的酒吧坐下．還有15分鐘才到交臺時間．明明就是人不多，為什麼要等? 友人說，因為他訂了窗邊的臺啊，他是十分有準備的啊…啊…得啦, 給你一個like吧.晚上其實坐不坐窗邊都沒所謂，窗子的水氣都沒有人抹．友人之後滔滔不絕地說，下午如何花時間在openrice 找到圓華薈廚，還給我看openrice 的照片，這裡的日景很美．友人本來想點套餐，但其實套餐價錢不太化算，只是免費了一杯檸茶左右，套餐食物，湯和甜點都限定了，所以還是散點吧．再加了一杯house white wine 和有氣礦泉水．友人點了蟹肉南瓜湯，$75. 他好像很喜歡南瓜湯．他津津有味的樣子，我就應為很淡口．我點了龍蝦湯, $95. 龍蝦味不突出，只是有鹹味，友人卻說是他試過最好的龍蝦湯，所以味道真是因人而異. 主菜點了脆皮鹹豬手，$288．價錢略貴．豬手皮脆肉嫩夠肉汁，味道不差，不會死鹹．另外是烤法國鴨胸拼鵝肝配藍莓汁，$228. 法國味不濃，鵝肝反而有渣．甜品點了軟心朱古力”些牙” ．朱古力一定太緊張了，出哂汗．但我很喜歡這個甜點，甜度剛好，不會覺得很漏．在我旁邊的玻璃窗，有隻指甲大小的蝸牛一直在外爬行．友人問我是不是有種美容的東西叫蝸牛面膜．我說是的，就是拿這上些玻璃窗上的鼻剃做成….其實，他忘了那個蝸牛帖是我發出的……查看更多

汀蘭居跟麗城花園看似近在咫尺,只是烈日當空的中午就不宜安步當車,在這時刻還是打的較舒適及方便,在不用跳錶的距離下轉眼已到汀九服務式住宅--汀蘭居的大門前。像住宅大堂左手邊就是圓華薈廚,玻璃天窗及落地大玻璃窗雙管齊下,整家餐廳在明媚日光下顯得光猛而視野極開揚,加上空氣中瀰漫淡淡香薰芳香,有著驅除炎夏的悶熱感的作用,令人更感舒泰。月巴客人被安排臨窗位置,雖然溫度會稍高但可飽覽青衣遠景及汀九橋的海景真的甚為寫意,客人不算多的餐廳裡柔和地播放外語歌曲及輕音樂,近日有點自閉的月巴人用來自閉就太合適了。餐牌中包一杯香檳的全日早餐真的蠻吸引,只是那天反而想試那款比全日早餐取價更高的午餐。頭盤可選蘋果沙律或餐湯,要是兩者也有真的更好!侍應送上餐牌時細心告知今天是煙肉椰菜花湯,當麵包怪知道餐湯有麵包作伴之後,不用多想即時選了餐湯。灑上一撮香草的煙肉椰菜花湯相當夠熱,煙肉及椰菜花已打成細茸,湯裡完全沒有丁點食材原來樣子,要不是侍應早已告知,自問就嚐不出其材料來;湯底相當細滑也有淡淡煙肉香,稠度剛好也算可口的熱湯可以稍稍滿足空洞的胃胃。麵包如高級西餐般以厚餐巾保溫,像打開禮物後才知道是燕麥包。小圓包本已烘得熱熱的,表面脆脆而內裡鬆軟,已達好吃麵包的基本要求,燕麥片密麻麻的散落在麵包表面,有點咀嚼勁的也更為健康。軟軟牛油唧成花朵狀煞是美觀,香滑中帶有牛油香的牛油輕輕一抹已完全融入熱暖麵包裡,好吃。香煎龍脷柳配香草蕃茄汁($198)蠻有造型,加了一點橄欖油讓魚肉更顯光澤及香氣,碟子也是熱熱的讓食物保持溫度,細心度加分。三片煎魚剛剛煎好,那陣仍帶熱力的油香仍在,蠻有厚度的魚肉煎成表面金黃微脆,雪白魚肉細滑柔嫩,以少量鹽巴調味過的魚肉不會過淡,配以鮮茄煮成茄汁同吃更為鮮美,只因蕃茄汁酸比甜重和一點香草香,簡單的美味。配菜是香煎茄子、青瓜及薯仔,煎茄子有點釀三寶的香軟食感,青瓜煎過後仍有清新爽口感覺,當中以煎薯仔最好吃,脆脆中粉糯的口感比焗薯更香口,這道午餐沒有配飯或意粉也很飽肚耶。隨餐甜品本來是芒果慕絲蛋糕,也許當天銷量太好,送來時已變成另一款同是自製的豆腐慕絲蛋糕,侍應為此向月巴客人連連道歉,小事一宗吧。素白蛋糕以草莓汁及鮮草莓作簡單裝飾,紅白顏色加上一株翠綠薄荷葉,視覺效果上已夠奪目。豆腐慕絲食味清淡,沒有如Rondavy般香濃,需要細味才啖出一點豆香,慕絲做得輕軟柔滑,加點草莓汁更為香甜,個人最喜歡其香脆牛油餅底,很久未吃過這種還脆的餅底了,脆脆餅底和柔軟蛋糕如天作之合,最後以那株新鮮薄荷葉當口香糖,Perfect!!至於那天剛好沒有的芒果慕絲蛋糕則在另一次晚飯中有幸嚐試過,有著香香芒果味的慕絲同樣輕柔滑溜,當中還加有不少甜美芒果粒,蛋糕表面以魚膠做出一層晶瑩果凍,外觀比純樸豆腐慕絲多點特別。餐飲熱咖啡熱得冒煙,燙口的咖啡只有薄薄咖啡脂,嗅覺上或味覺上也沒有感到太多香氣,苦苦的要加點糖才好飲一點,加入已打成奶泡的熱牛奶後也可口得多。呆呆地靜靜的看海二小時,看到不遠處的食客正享用其香檳,在這悶悶下午不如來杯House Wine舒緩一下。白酒凍凍微甜的可口,淡淡酒香讓這個下午更如度假般懶洋洋。上次的用餐經驗極好,另一個同是陽光燦爛的週末也不多想的再次到訪,今次的目標就是包括香檳的全日早餐($168)。除了香檳外還可選橙汁或香檳加橙汁,似乎後者比香檳更吸引耶!看似普通鮮橙汁的有酒精飲品,在甜甜鮮橙汁混和香檳後變成沒有那麼重酒味,可是還保留香檳的氣泡及酒香,橙汁加香檳原來是超好飲的!這盤全日早餐看頭不及以前吃過的吸引,尤其兩片方包多士將整體感覺變得平民化,幸而多士烘得香脆熱暖,抹上花花牛油後也是好吃的;小小一杯茄汁豆稍稍加熱,如一般罐頭茄汁豆的味道永恒不變,沒有了她就像沒有了炒蛋的不完美;沒有沙律只有一堆炒鮮磨菇作為菜蔬,以不多油的情況下炒成很有菇香又爽口的磨菇,食味真的不錯;層次分明的煙肉很有煙燻香,瘦比肥多的煙肉煎得香軟,唯一缺點是味道稍鹹;兩條香草豬肉腸腸衣脆脆的,不會太難吃;三角炸薯餅像麥當當的出品,粒粒薯餅少油香脆比麥當當好吃好多,雖配有茄汁但覺得原味更好。視為主菜的炒蛋看來有點糊糊其實嫩滑,相信炒蛋時有加入鮮奶,吃來很有奶香也令炒蛋更香滑,有水準。侍應收拾餐具時順道問要不要點甜品??難道他能看到客人的心思??在餐牌裡有限的甜品選擇中選了較需時間的蘋果金寶,如果有心太軟當然更好。 製作需點時間的甜品熱呼呼的送到,焗得香脆有著香香牛油味的金寶下是加入玉桂煮的蘋果,有著玉桂香的蘋果粒煮成爽中有軟,不是軟綿綿的蘋果蓉,至於杯底的一層提子乾為甜品加添了另一種果甜,只是我還是不會吃的。純白香草雪糕並沒有香草籽在內,明顯不是我喜歡的品牌雪糕了,雪糕滑滑的夠牛奶味也不太黏喉,完成這道冰火感十足的甜品後真的好滿足。吃了雪糕還是點杯熱檸檬茶洗洗口腔會舒適一點,配套齊全的熱飲已不是以前那款杯壺合一的茶具,有趣程度是減半。紅茶用上早餐茶,清香的紅茶味本已清怡可喜,加入鮮檸檬後更為醒胃,加熱水後又多2杯紅茶及繼續自閉多一會了。這家地點偏遠的餐廳服務真不錯,上菜時會介紹菜式及一句"請慢用",幾位侍應態度也很有禮,只會適時出現而不作打擾,前後三次到訪都一樣的好服務,這也是少有的不會在客人面前說出將會送上生日蛋糕這個掃興動作,只會跟訂位客人悄聲的說出將會"送上甜品",因而完全達到讓壽星驚喜的效果,讚!!女洗手間雅致地置有綠意植物及乾花裝飾,還有英國品牌的潤手霜及薰衣草香薰供女客使用,相當體貼細心。…查看更多

看了網評， 懷著有點期待的心情來， 但卻有點失望的心情走。 餐廳的位置很偏僻， 交通不方便，如果不是有車而來， 那就更失望了。 餐廳面對美麗的海景， 但餐廳本身一點也不美麗， 裝修可以用殘舊了形容，但走的價位確是高級餐廳的價位。 可能是以餐廳的人數來定價的吧。餐廳的環境， 用餐的器皿都要扣分。 還好，餐廳的食物做得還算出色， 不然專程而來， 完全失望而回了。 叫了兩個餐廳推薦的湯， 南瓜湯不過不失。但龍蝦湯就要批評一下， 湯中放了些蝦肉， 但確是連著蝦的腸子的， 這小小的細節已經打敗了廚師。 反而主菜要讚美一下， 第一份量足，比一般的西餐廳份量多30%， 讓人吃得很飽足； 第二， 味道很不錯， 特別是咖喱羊味道很香很可口， 令人回味。 三文魚天使面只能算中上水平， 沒有令人有特別難忘的記憶。 甜品， 焦糖燉蛋白可以一試。 香港好的餐廳太多， 人均消費超過三百多的消費， 絕對會有更令人感到難忘的選擇。 餐廳有得天獨厚的環境， 也沒有好好利用， 很多細節方面做好些， 能與時具進，就可以成為很出色的餐廳。…查看更多

傻仔敏今天不太餓，所以點了湯和沙律，而豬頭人則選了DINNER SET。傻仔敏的是牛肝菌忌廉湯，非常CREAMY，充滿菌香，讚~~沙律是CAESER SALAD，配上數片火雞，很清新。豬頭人的餐湯是洋蔥清湯，很可口，主菜是煎鴨胸配鵝肝，鵝肝豐潤，鴨胸嫩滑，一點都不肥膩。甜品是小小的TART，賣相普通，但味道不錯。…查看更多

一間好好既餐廳,環境好之餘, 食物質素都好令人滿意!!哩個沙律好好味,食完好想再食~好足料,黑醋份量剛好!豬手都值得一試, 佢會太咸,味道岩岩好~我地兩個人食就覺得多左少少 佢隔離果個炸薯....好普通,唔需要再食~哈穩穩陣陣既芝士蛋糕!果個燉蛋有小驚喜,唔會太甜, 一定要試下~!…查看更多

有年生日去過..汀蘭居既"圓華薈廚"當慶祝食店環境+服務都好好~而整體食物又有水準果次之後..久唔久另一半都會話想再去~原本上星期去既不過咁岩我唔舒服~所以決定改係今個星期去encore^^Set Dinner有12款選擇~另跟"餐湯/沙律"~再有甜品及餐飲Set Dinner..我揀"番茄鮮魷魚沙律配柚子汁"食材非常新鮮~醬汁以少量蒜茸配上柚子汁味道帶甘甜蒜辣~都幾開胃!!Set Dinner..另一半跟餐湯"甘筍煙肉碎湯"一下子唔記得提佢轉"龍蝦湯"..因為依間既"龍蝦湯"好正依個有原味甘筍清甜+好輕淡煙肉味~口感幼滑..都好唔錯呢送上新鮮微熱餐包~外脆內軟..d牛油好香滑主菜.."烤美國黑安格斯肉眼扒配黑松露燒汁"五成熟..表層烤得焦香~入面半熟帶肉汁主菜..我揀"香烤大蝦配咖喱薯蓉及炒蘑菇"大蝦烤得剛好..肉質有彈性咖喱薯蓉..整到好似finger fish外層金黃脆口~內層薯蓉軟糯..咖喱味突出已烤軟既番茄..配上炒蘑菇~清淡中有菇味又帶茄酸味餐飲..另一半點"即磨咖啡" (跟上熱奶)咖啡味好香濃~輕嚐一口..有回魂感覺最欣賞餐廳既細心度..跟上熱奶而唔係凍奶餐飲..我點"熱檸茶"茶底清澈..純茶味無苦澀感甜品.."焦糖蛋白布甸"薄薄一層脆焦糖~蛋白布甸好香雲喱拿味口感滑滑唔會好甜伴上心思果醬畫花~味道仲非常原果味..好香甜整體食物依舊有水準~服務都一樣..而女經理仲好好笑容…查看更多

雨田先生知道了我開始有寫食評的習慣，便帶我到這間位於他家附近的餐廳。位置於服務式住宅lobby旁，環境寧靜！晚上七時已有兩三枱客，有BB的關係，當晚比較嘈吵，破壞了寧靜的環境。服務員遞上menu，亦盡心介紹所有乎合我們要求的菜式！觀看四周，環境確實不錯；夜晚的海景真的太攝人！閒談之間，食物也來了！先來的是，小點拼盤（芒果配魚子醬，芒果蟹肉，熏三文魚，芝士及黑松露）$98各款都不錯，唯獨多士是凍的，好像一早整好似的主菜陸續上場，烤焗脆皮豬手$268豬手皮脆肉嫩，但皮連肥膏較多，兩件已感覺很膩不想吃；肉就只有幾件另一款是印度咖喱羊肉配白飯$168羊肉軟身入味，咖哩有點辣，不好辣的勿選綜合，食物不錯，環境比較浪漫，情侶拍拖首選！當然要好似雨田先生一樣，預約的時候要求window sit，因當晚近窗的位置已經full了！贊♥…查看更多

心血來潮，揸車去新界想揾间环境好的地方食个 LUNCH, 見此歺厅離荃湾不遠，又见食評不錯，决定一試。有GPS指引，过咗丽城花园，沿海边经过汀九，順利到达汀蘭居（一间服务式酒店，歺厅設於 LOBBY 旁边)，踏入歺廳，已是十二點半了，但見歺厅空無一人，已感疑惑，幸好歺厅侍應服务甚佳，他很有礼貌地带引我们到靠露台的座位坐下，那疑惑感觉也被放下了。向外望，四週环境优美，对山面海，食欲大振，馬上叫了兩份 SET Lunch：先来了份例湯 : 大蒜薯溶湯(加上兩个很普通的麵包) :味道真係一般，太咸再來两份主菜（1） 醬汁太多，味道又濃又咸，雞肉好難吃，茶歺厅不如，差mad:（2） 賣相还可以，一食就難食到痺，有陣怪味，只吃一口，即棄。差差差自家製甜品/咖啡真係未食過咁差嘅蛋糕(美X蛋糕都好過佢，仲話自家製添），只試了一小口，不能再食下去。咖啡味道極差只飮得兩啖，算比面了食到点半钟，都冇个客人再入嚟，可能嚟試过嘅，都冇再回头，（連樓上住客都冇）！食個Lunch連加一要成兩百蚊一位，食啲咁嘅嘢，唉l早知去翠X食個㗎喱雞飯，又平又正。唯有自我安慰，放低心情去欣赏一下外面的景色，和感受一下包場的気氛。出門口取車時，遇到一對情侶剛泊好車行出嚟，真係好想告知，但見他倆沉醉於浪漫中，作罷算了。希望浪漫能將他们的味蕾和要求降到最低吧。…查看更多

小妹當日一行四人再去位於汀蘭居的西餐廳。其實個度環境好好，但居然唔記得影境呀！（哈，因為掛住食囉！） 好滿足既一餐，個度環境特別適合慶祝生日或者節日～渣車既，個度其實冇得泊車…查看更多

上網做下資料搜集,搵間有海景價錢又唔太貴的餐廳當然係度寫得食評就梗係揀左圓華薈廚原因有三:1) 有海景2) 食物唔太貴3) 食評冇CRYING FACE我地係荃灣搭96M去到汀蘭居落車入到去真係好靜, 中午得幾枱客餐廳安排左我地坐落地玻璃旁都有啲曬,所以落半簾叫左個SET LUNCH (鴨胸配藍莓汁), 豬手, 柚子什菜沙律, 一支香檳SET LUNCH有湯或沙律, 主菜, 咖啡或茶, 甜品(芝士蛋糕)首先講下個lunch set先, lunch set係鴨胸配藍莓汁同外面一般餐廳食的鴨胸唔同, 呢度肉汁較多, 配埋個藍莓汁甜甜地食, 又幾好味 (不過第一口咬落去時覺得鴨胸有陣酥味)豬手唔係餐, 散叫的, 賣相不俗, 味道不錯, 但同king ludwig比, 我又覺得king ludwig的豬手好味啲整體食物質素不俗, 配合埋個環境, 同服務, 真係好啱情侶一邊傾偈一邊品嚐美食唔夜晚去的原因係夜晚出去影相冇咁靚…查看更多

我們二人分別order了一個set dinner，又安排了窗邊桌給我，環境清幽舒適。當日餐湯是白洋葱湯，因為我不喜歡洋葱，所以沒有要湯，要了一個salad。salad dressing is good，菜新鮮。餐包有點熱，一塗牛油，牛油就溶，而且不是平時在茶餐廳吃的普通餐包。不錯！main course分別是海鮮飯和煙鴨胸鵝肝！海鮮飯不錯，汁夠芝士味，濃稀適中。鵝肝很香，鵝肝油滲埋入下埋塊面包，好好食，但鴨胸不夠煙燻味。甜品是chocolate cake。有朱古力味，甜味適中。book枱時落order在甜品上寫字就OK，不一定叫set才可在甜品碟上寫字，只要吃的東西中有甜品就可以。甜品奉上後，waiter更醒目地問洗唔洗幫我地影相。女厠內更有body lotion 和 Lavender Toilette，有點意外呢！駕車的會免費泊車，時數我不太清楚，因為最後我沒有開車去。…查看更多

呀媽生日出去食飯又唔想去得遠呢間餐廳又近屋企又聽講幾好食所以就黎左呢間野食喇都係叫d set dinner價錢都唔平架酒店價咁不過室內氣氛唔錯d 侍應又幾好service唔知係咪因為人少呢?靜靜地我幾鍾意~野食喇人人都叫個唔同o既餐影就無影哂不過好記得隻豬手超正鵝乾就第一次食, 我唔太鍾意咁塊扒就好香好林, 但係就有好大條筋咁囉普普通通o既寬條麵反而有驚喜而鴨胸... 我就唔鍾意喇...不得不提佢set 有個dessert 係cake 黎可以打電話book 檯果陣講埋幫你係隻碟上面寫字都幾靚架~~overall, 呢間野黎做d celebration 聚會真係一個唔錯o既choice…查看更多

朋友由外國返黎放暑假,緊係要同佢搵好野食啦!無意中o係openrice見到呢到,好多好評,咁我地又係住青衣,一於黎試啦,首先我地係由荃灣mtr轉小巴入黎既,我地揀左18:00黎,係因為諗住日景同夜景都睇哂.哈哈好貪心添,好彩訂左位,星期六都好full,,因為要訂window seat嘛,開頭諗緊卜幾點嫁,朋友話不如黃昏睇日落,點知我打電話去問佢話佢地餐廳個位o岩o岩睇唔到日落,因為係另一邊,咁唔緊要啦,望住汀九橋同青衣既景,對於住青衣既我地有好大意義呀!個花園幾靚,先o係出面影左陣相之後坐低,個waiter好好人 ,話幫我地影相,結果背光呢!講下野食啦,佢sale兩杯餐前飲品,橙色既有少少酒,粉紅色既冇酒,係荔枝黎,話好多女士喜歡,的確幾香幾好飲!到左叫野食啦!頭盤分別有湯同沙律,個湯麻麻地,個沙律就幾好食,主菜呢,朋友叫左牛扒,我就叫左魚,個魚係佢推介既,咁個牛就有d un ,幾難切,味道冇乜特別,個魚就幾好味,但係d配菜薯仔好難食,點解薯仔可以咁難食,又硬又有d怪汁味.之後叫左個鵝肝做小食,都還可以既,叫餐仲有咖啡雪糕送.呢到個景真係好靚,d服務又好好,可惜食物唔係太吸引,我諗未必會黎下次,因為都幾貴,不過呢到帶左個美好既回憶比我地=]…查看更多